రైతు తెలివి మామూలుగా లేదుగా..
సోషల్ మీడియాలో ఓ వీడియో తెగ వైరల్ అవుతోంది. చాలా మంది రైతులు తమ పంట పొలాలను జంతువుల బారి నుంచి రక్షించుకునేందుకు లక్షలు ఖర్చు చేస్తుంటారు. అయితే కొందరు రైతులు మాత్రం రూపాయి ఖర్చు చేయకుండా అందుబాటులో ఉన్న వస్తువులతోనే వినూత్న ప్రయోగాలు చేస్తుంటారు.

అడవి జంతువుల కారణంగా పంట సాగు చేసే రైతులు కొన్నిసార్లు తీవ్రంగా నష్టపోతుంటారు. తీరా పంట చేతికొచ్చే సమయంలో ఏ మూల నుంచి ఏ పందులో, ఏనుగులో వచ్చి నాశనం చేస్తుంటాయి. దీంతో వారు తీవ్రంగా నష్టపోవాల్సిన పరిస్థితి వస్తుంటుంది. దీంతో చాలా మంది అడవి జంతువులు తమ పొలాల్లోకి రాకుండా ఉండేందుకు ఏవేవో ప్రత్యామ్నాయ ఏర్పాట్లు చేసుకుంటుంటారు. ఈ క్రమంలో అయితే కొందరు రైతులు తెలివితేటలు చూసినప్పుడు ఆశ్చర్యం కలుగుతుంటుంది. ప్రస్తుతం సోషల్ మీడియా అందుబాటులో ఉండడంతో ఇందుకు సంబంధించిన వీడియోలు తెగ వైరల్ అవుతుంటాయి. తాజాగా, ఇలాంటి వీడియో ఒకటి నెట్టింట చక్కర్లు కొడుతోంది. ఓ రైతు తన పంట పొలాన్ని జంతువుల బారి నుంచి రక్షించుకునేందుకు చేసిన ఏర్పాట్లు చూసి అంతా అవాక్కవుతున్నారు.

సోషల్ మీడియాలో ఓ వీడియో (Viral Video) తెగ వైరల్ అవుతోంది. చాలా మంది రైతులు (Farmers) తమ పంట పొలాలను జంతువుల బారి నుంచి రక్షించుకునేందుకు లక్షలు ఖర్చు చేస్తుంటారు. అయితే కొందరు రైతులు మాత్రం రూపాయి ఖర్చు చేయకుండా అందుబాటులో ఉన్న వస్తువులతోనే వినూత్న ప్రయోగాలు చేస్తుంటారు. తద్వారా తమ పంటకు రక్షణ కల్పిస్తుంటారు.

తాజాగా, ఓ రైతు చేసిన ఏర్పాట్లు చూసి అంతా అవాక్కవుతున్నారు. అతను తన పంట పొలంలోకి జంతువులు రాకుండా ఉండేందుకు పెద్ద పెద్ద శబ్ధాలు వచ్చేలా చేశాడు. ఇందుకోసం మనుషుల అవసరం లేకుండా.. తన తెలివిని ఉపయోగించి అద్భుతమైన ఏర్పాట్లు చేశాడు. ముందుగా రెండు వైపులా పొడవాటి కర్రలను పాతాడు. దానికి మధ్యలో ఇనుప రేకును ఉంచాడు. అలాగే దానికి పైన ఓ కర్రను కట్టి, అది పైకి కిందకు కదిలేలా చివర్లో ఓ ప్లాస్టిక్ డబ్బాను కట్టి ఉంచాడు. అందులో నీళ్లు పడగానే కర్ర పైకి, కిందకు కదులుతూ రేకును తాకుతుంది.

దీనివల్ల పెద్ద పెద్ద శబ్ధాలు వస్తున్నాయి. దీంతో చుట్టుపక్కల ఉన్న అడవి జంతువులు భయంతో పారిపోతున్నాయి. ఇలా రూపాయి ఖర్చు చేయకుండా తన తెలివితేటలతో ఈ రైతు చేసిన ఏర్పాట్లు చూసి అంతా షాక్ అవుతున్నారు. కాగా, ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. ‘‘ఈ రైతు ఆలోచన మామూలుగా లేదుగా’’.. అంటూ కొందరు, ‘‘ఐడియా బాగానే ఉంది కానీ.. ఇలా చేయడం వల్ల నీళ్లన్నీ వృథా అయిపోతాయిగా’’.. అంటూ మరికొందరు, వివిధ రకాల ఎమోజీలతో ఇంకొందరు కామెంట్లు చేస్తున్నారు. ఈ వీడియో ప్రస్తుతం 70 వేలకు పైగా లైక్‌లు, 7.1 మిలియన్‌కు పైగా వ్యూస్‌ను సొంతం చేసుకుంది.

మరో 17 రైళ్లు రద్దు
ఒడిశా తీరప్రాంతంలో ‘దానా’ తుఫాన్‌ కారణంగా దక్షిణమధ్య రైల్వే(South Central Railway) పలు మార్గాల్లో రైళ్లను రద్దు చేసింది. మంగళవారం 41 రైళ్లను రద్దు చేయగా.. తాజాగా మరో 17 రైళ్లను రద్దు చేసినట్లు ప్రకటించింది. కొత్తగా రద్దయిన రైళ్లు గురువారం నుంచి ఈనెల 29 వరకు నిలిపివేస్తున్నట్లు సీపీఆర్‌ఓ శ్రీధర్‌(CPRO Sridhar) తెలిపారు.

ఒడిశా తీరప్రాంతంలో ‘దానా’ తుఫాన్‌ కారణంగా దక్షిణమధ్య రైల్వే(South Central Railway) పలు మార్గాల్లో రైళ్లను రద్దు చేసింది. మంగళవారం 41 రైళ్లను రద్దు చేయగా.. తాజాగా మరో 17 రైళ్లను రద్దు చేసినట్లు ప్రకటించింది. కొత్తగా రద్దయిన రైళ్లు గురువారం నుంచి ఈనెల 29 వరకు నిలిపివేస్తున్నట్లు సీపీఆర్‌ఓ శ్రీధర్‌(CPRO Sridhar) తెలిపారు.

రద్దయిన రైళ్ల సమాచారం కోసం దక్షిణమధ్యరైల్వే(South Central Railway) పరిధిలోని 17 ముఖ్యమైన స్టేషన్లలో సహాయక కేంద్రాలను ఏర్పాటు చేసినట్లు పేర్కొన్నారు.

హైదరాబాద్‌, సికింద్రాబాద్‌, ఖాజీపేట్‌, ఖమ్మం(Hyderabad, Secunderabad, Khajipet, Khammam), సామర్లకోట, వరంగల్‌, నెల్లూరు, విజయవాడ, రాజమండ్రి, అనకాపల్లి, ఏలూరు, గూడూరు, నిడదవోలు, ఒంగోలు, తిరుపతి, రేణిగుంట, డోన్‌ స్టేషన్ల(Guduru, Nidadavolu, Ongolu, Tirupati, Renigunta, Don stations)లోని హెల్ప్‌లైన్‌ సెంటర్లు 24 గంటలపాటు ప్రయాణికులకు అవసరమైన సమాచారాన్ని అందిస్తాయని వెల్లడించారు.

ప్రజా పాలన కాదూ.. ప్రజా నిర్భంద పాలన
డ్రై పోర్ట్ పరిశ్రమ పేరుతో భూమి సేకరించి సిమెంట్ ఫ్యాక్టరీ పెడతామంటే సహించేది లేదు

సిమెంట్ పరిశ్రమ వల్ల రామన్నపేట మండల పరిధిలోని 12 గ్రామాలు కాలుష్యం వల్ల ఆగమౌతాయీ

నేత, గీత వంటి కుల వృత్తులు కనుమరుగై పోతది

BRS పార్టీ పరిశ్రమలకు వ్యతిరేకం కాదూ.. ఆ నెపంతో పచ్చని పొలాలను ఆగం చేస్తే ఊరుకోం

తెలంగాణ వనరులను దోచుకునేందుకు అదానీకి రేవంత్ సహకారాన్ని అందించారు

అదానీ గ్రూపు వారు ప్రభుత్వానికి 100 కోట్లు ఇచ్చారని... దీనికి ఫలితంగానే ఈ చీకటి ఒప్పందం

ప్రజా పాలనలో పోలీసు పాలన సాగిస్తున్నారు

రామన్నపేట మండలంలో వ్యవసాయ రంగంతో పాటు చేనేత, ఇతర రంగాల అభివృద్ధిని కేసీఆర్ చేస్తే.. జిల్లా మంత్రులు ఆగం చేస్తున్నారు

నల్గొండ పార్లమెంట్ సభ్యులు ఎక్కడకిపోయారో ఎవరికీ తెలియదు

ప్రజాభీష్టానికి మమ్మల్ని రానివ్వరా..

జాగ్రత్త !! మీరు కూడా సైబర్ మోసం బారిన పడకుండా ఉండాలంటే, దాన్ని ఎలా నివారించాలో తెలుసుకోండి
గత కొన్ని సంవత్సరాలుగా సైబర్ మోసాలు వేగంగా పెరుగుతున్నాయి, అందువల్ల స్కామర్లు ప్రజలను ట్రాప్ చేయడానికి కొత్త మార్గాలను రూపొందిస్తున్నారు. ఈ మోసంలో, స్కామర్‌లు మిమ్మల్ని ట్రాప్ చేయడం ద్వారా వ్యక్తిగత సమాచారం మరియు ఆర్థిక వివరాలను దొంగిలించడానికి ప్రయత్నిస్తారు. మే 2024లో 7,000 సైబర్ నేరాలు నమోదయ్యాయని ఇండియన్ సైబర్ క్రైమ్ కోఆర్డినేషన్ సెంటర్ (I4C) నివేదించింది. సైబర్ నేరాల పెరుగుదల గురించి మనం మాట్లాడినట్లయితే, 2021 మరియు 2023 మధ్య, సైబర్ నేరాల కేసులు 113.7 శాతం పెరిగాయి.

సైబర్ నేరాలు పెరగడానికి మన అజాగ్రత్తే ప్రధాన కారణం. మనం అప్రమత్తంగా ఉంటే, ఎలాంటి అవాంఛనీయ సంఘటనలను సులభంగా నివారించవచ్చు. అటువంటి మోసాలను మీరు ఎలా నివారించవచ్చో ఇక్కడ మేము మీకు తెలియజేస్తాము:-
1. TRAI ఫోన్ స్కామ్: మీ మొబైల్ నంబర్ చట్టవిరుద్ధమైన కార్యకలాపాలకు లింక్ చేయబడిందని మరియు సేవలు నిలిపివేయబడతాయని TRAI నుండి క్లెయిమ్ చేసే మోసగాళ్ళు చెప్పారు.
- వాస్తవం: TRAI సేవలను నిలిపివేయదు; టెలికాం కంపెనీలు చేస్తాయి.
2. కస్టమ్స్ వద్ద పార్శిల్ చిక్కుకుపోవడం: స్కామర్లు నిషిద్ధ వస్తువులు ఉన్న పార్శిల్‌ను అడ్డగించబడిందని మరియు చెల్లింపును డిమాండ్ చేశారని పేర్కొన్నారు.
- చర్య: డిస్‌కనెక్ట్ చేసి, నంబర్‌ను నివేదించండి.
3. డిజిటల్ అరెస్ట్: నకిలీ పోలీసు అధికారులు డిజిటల్ అరెస్ట్ లేదా ఆన్‌లైన్ విచారణను బెదిరిస్తారు.
- వాస్తవం: పోలీసులు డిజిటల్ అరెస్టులు లేదా ఆన్‌లైన్ విచారణ చేయరు.
4. కుటుంబ సభ్యుడు అరెస్ట్: స్కామర్లు బంధువును అరెస్టు చేస్తారని మరియు చెల్లింపును డిమాండ్ చేస్తారని పేర్కొన్నారు.
- చర్య: చర్య తీసుకునే ముందు కుటుంబ సభ్యులతో నిర్ధారించండి.
5. రిచ్ క్విక్ ట్రేడింగ్: సోషల్ మీడియా ప్రకటనలు స్టాక్ పెట్టుబడులపై అధిక రాబడిని ఇస్తాయి.
 - వాస్తవికత: అధిక రాబడి పథకాలు సంభావ్య స్కామ్‌లు.
6. చిన్న పనులకు పెద్ద ఆఫర్‌లు: స్కామర్‌లు సాధారణ పనులకు అధిక మొత్తాలను అందిస్తారు, ఆపై పెట్టుబడుల కోసం అడుగుతారు.
- వాస్తవికత: ఈజీ మనీ పథకాలు స్కామ్‌లు.
7. మీ పేరుతో జారీ చేయబడిన క్రెడిట్ కార్డ్‌లు: నకిలీ అధికారులు నకిలీ క్రెడిట్ కార్డ్‌లపై పెద్ద లావాదేవీలను ధృవీకరిస్తారు.
 - చర్య: మీ బ్యాంకుతో తనిఖీ చేయండి.
8. తప్పుడు డబ్బు బదిలీ: స్కామర్‌లు తప్పుడు లావాదేవీలను క్లెయిమ్ చేస్తారు మరియు వాపసు కోసం అడుగుతారు.
- చర్య: మీ బ్యాంక్‌తో లావాదేవీని ధృవీకరించండి.
9. KYC గడువు ముగిసింది: స్కామర్‌లు లింక్ ద్వారా KYC అప్‌డేట్ కోసం అడుగుతారు.
- వాస్తవికత: బ్యాంకులకు వ్యక్తిగత KYC నవీకరణలు అవసరం.
10. ఉదారంగా పన్ను రీఫండ్‌లు: మోసగాళ్లు పన్ను అధికారులుగా వ్యవహరిస్తారు మరియు బ్యాంకు వివరాలను అడుగుతారు.
- వాస్తవికత: పన్ను శాఖ ఇప్పటికే బ్యాంకు వివరాలను కలిగి ఉంది మరియు వారు నేరుగా కమ్యూనికేట్ చేస్తారు.

సురక్షితంగా ఉండడం ఎలా:
1. చర్య తీసుకునే ముందు సమాచారాన్ని ధృవీకరించండి.
2. అనుమానాస్పద లింక్‌లపై క్లిక్ చేయవద్దు.
3. బ్యాంకులతో లావాదేవీలను నిర్ధారించండి.
4. అనుమానాస్పద కాల్‌లు/నంబర్‌లను నివేదించండి.
5. అధిక రాబడి పథకాల పట్ల జాగ్రత్త వహించండి.
6. KYCని వ్యక్తిగతంగా అప్‌డేట్ చేయండి.
7. వ్యక్తిగత/బ్యాంక్ వివరాలను పంచుకోవద్దు.

స్కామ్‌లను ఇక్కడ నివేదించండి:
1. నేషనల్ కన్స్యూమర్ హెల్ప్‌లైన్ (1800-11-4000)
2. సైబర్ క్రైమ్ రిపోర్టింగ్ పోర్టల్ (cybercrime.gov.in)
3. స్థానిక పోలీస్ స్టేషన్

స్టీల్ ప్లాంట్ పై ఢిల్లీ కీలక నిర్ణయం
విశాఖ స్టీల్ ప్లాంట్ లో కీలక పరిణామాలు చోటు చేసుకుంటున్నాయి. ఒక వైపు కేంద్రం స్టీల్ ప్లాంట్ ప్రయివేటీకరణ కాకుండా సహకరిస్తామని చెబుతోంది. కొంత మేర నిధులను విడుదల చేసింది. కానీ, ఆ నిధుల వినియోగానికి షరుతులు విధించింది. ఇటు ఉద్యోగుల విషయంలో మాత్రం నిర్ణయాలు అందుకు భిన్నంగా ఉన్నాయి. సెయిల్ లో స్టీల్ ప్లాంట్ విలీన ప్రతిపాదన ఉండగానే .. తాజాగా ఉద్యోగుల వీఆర్ఎస్ పై యాజమాన్యం సర్క్యులర్ జారీ చేయటం వివాదంగా మారుతోంది.

విశాఖ స్టీల్ ప్లాంట్ ప్రయివేటీకరణ దిశగానే కేంద్రం అడుగులు వేస్తున్నట్లు స్పష్టం అవుతోంది. తాజాగా ప్లాంట్ ఉద్యోగుల వీఆర్ఎస్ కోసం నిర్ణయం తీసుకుంది. ఉద్యోగుల సంఖ్యను తగ్గించే లక్ష్యంతో ప్లాంట్ లోని హెచ్ఆర్ విభాగం కీలక సర్క్యులర్ జారీ చేసింది. ప్లాంట్ ప్రయివేటీకరణ ప్రతిపాదనకు వ్యతిరేకంగా తాము ఆందోళన చేస్తున్న సమయంలో ఈ రకంగా సర్క్యులర్ జారీ చేయటం పైన ఉద్యోగ సంఘాల నేతలు ఆగ్రహం వ్యక్తం చేస్తున్నారు. సర్క్యులర్‌లో సర్వే నిర్వహిస్తున్నట్లు పేర్కొన్నప్పటికీ కార్మికులు, ఉద్యోగుల్లో అనేక రకాలైన అనుమానాలు వ్యక్తమవుతున్నాయి.

ఉద్యోగుల పోర్టల్‌ సపోర్ట్‌ సిస్టమ్‌లో 'సర్వే ఫర్‌ విఆర్‌ఎస్‌' పేరుతో ఒక మాడ్యుల్‌ను రూపొందించి నట్లు సర్క్యులర్‌లో యాజమాన్యం పేర్కొంది. భాగస్వాములు అయ్యే వారి అభిప్రాయాలను తీసుకునేందుకు సర్వేలను నిర్వహించారు. సర్వేల్లో అవును, కాదు అని సమాధానం వచ్చేలా ప్రశ్నలు ఉంటాయి. అయితే, ఉక్కు యాజమాన్యం జారీ చేసిన సర్క్యులర్‌లో దీనికి భిన్నంగా అర్హులైన ఉద్యోగులు విఆర్‌ఎస్‌కు ఈ మాడ్యుల్‌ ద్వారా 'అంగీకారం (విల్లింగ్‌నెస్‌) తెలపాలని పేర్కొనడం కలకలం రేపుతోంది. అయితే, సర్వేలో పాల్గొన్న వారు 'అంగీకారం' తెలిపినంత మాత్రాన దానికి విఆర్‌ఎస్‌కు దరఖాస్తుగా పరిగణించబోమని సర్కులర్‌లో పేర్కొనటం అధికారులు ప్రత్యేకంగా ప్రస్తావిస్తున్నారు.

అయితే, తాజాగా జారీ చేసిన సర్క్యులర్ లో ఆర్‌ఐఎన్‌ఎల్‌ ఉద్యోగులు, ఎగ్జిక్యూటివ్‌లకు ఈ పథకాన్ని వర్తింపచేస్తున్నట్లు పేర్కొంది. ఎవరైనా విఆర్‌ఎస్‌ తీసుకోవాలని భావిస్తే యాజమాన్యం ఆ సౌకర్యం కల్పిస్తుందని, ఆ దిశలో ఆలోచించే వారు ముందుకు రావాలని ఆ సర్క్యులర్‌లో స్పష్టం చేసారు. రెగ్యులర్‌ ఉద్యోగులు (ఎగ్జిక్యూటివ్‌లు, నాన్‌ ఎగ్జిక్యూటివ్‌లు )లకు ఈ విఆర్‌ఎస్‌ వర్తిస్తుందని క్లారిటీ ఇచ్చారు. 2024 సెప్టెంబర్‌ 30 నాటికి 45 ఏళ్లు నిండిన వారు (15 ఏళ్లు సర్వీసు పూర్తిచేసుకుని ఉంటే) విఆర్‌ఎస్‌కు అర్హులని పేర్కొంది. ఉద్యోగులు ఈ నెల 29లోగా తమ ఇష్టాన్ని వెల్లడించాలని డెడ్‌లైన్‌ విధించింది. దీంతో, ఈ పరిణామాల పైన రాష్ట్రంలో అధికారంలో ఉన్న కూటమి నేతలు ఎలా స్పందిస్తారనేది చూడాలి.

చుక్కల్లో అమరావతి
అంబరాన అద్భుతం ఆవిష్కృతమైంది. రాజధాని అమరావతి నగరం సాక్షాత్కారమైంది. అమరావతి పేరు వినగానే ఠక్కున గుర్తుకు వచ్చే గౌతమబుద్ధుడి విగ్రహం ఆకాశంలో ప్రత్యక్షం కావడం చూపరులను సంభ్రమాశ్చర్యాలకు గురి చేసింది. డ్రోన్లు సృష్టించిన మాయాజాలం ఇది.

ఏపీ ప్రభుత్వం నిర్వహించిన మెగా డ్రోన్ సమ్మిట్ సందర్భంగా విజయవాడ పున్నమి ఘాట్ వద్ద మంగళవారం రాత్రి డ్రోన్ లైట్ షో, మ్యూజిక్, డాన్స్ కార్యక్రం ఏర్పాటయింది. ఏపీ డ్రోన్ కార్పొరేషన్, ఢిల్లీకి చెందిన బోట్ ల్యాబ్స్ సంస్థ సంయుక్తంగా దీన్ని నిర్వహించాయి. ఈ షో కోసం మొత్తం 5,500 డ్రోన్లను వినియోగించాయి.

ముఖ్యమంత్రి చంద్రబాబు నాయుడు, కేంద్ర పౌర విమానయాన శాఖ మంత్రి కింజరాపు రామ్మోహన్ నాయుడు, పలువురు రాష్ట్రమంత్రులు, ప్రభుత్వ ప్రధాన కార్యదర్శి నీరభ్ కుమార్ ప్రసాద్ ఇందులో పాల్గొన్నారు. ఈ కార్యక్రమానికి ఒకేసారి అయిదు గిన్నిస్ బుక్ రికార్డులు దక్కడం ప్రాధాన్యతను సంతరించుకుంది.

1911లో దేశంలో ఏర్పాటైన పౌర విమానయానం, త్రివర్ణ పతాకం, అంతర్జాతీయ పౌర విమానయాన లోగో, రాజధాని అమరావతిలో కొలువుదీరిన గౌతమ బుద్ధుడి ఆకృతులను ఈ డ్రోన్లతో సృష్టించారు. అన్ మ్యాన్డ్ ఏరియల్ వెహికల్స్‌ను వ్యవసాయ అవసరాల కోసం ఎలా వినియోగించుకోవచ్చనే విషయాన్నీ ఇందులో చూపించారు.

పున్నమి ఘాట్ చుట్టుపక్కల ఏడు కిలోమీటర్ల పరిధి వరకూ ఈ డ్రోన్ షో కనిపించింది. చిన్న చిన్న నక్షత్రాల్లా తళుకులీనుతూ, మెరుపుల్లా మెరుస్తూ కనువిందు చేశాయి. క్షణక్షణానికీ తమ రూపాన్ని సంతరించుకుంటూ కొత్త వాటిని ఆవిష్కరిస్తూ ఆహూతులను కట్టిపడేశాయి.

ప్రత్యేకించి- అమరావతి ల్యాండ్ మార్క్‌గా చెప్పుకొనే గౌతముడి విగ్రహం, జాతీయ జెండా ఆకృతులు ఆవిష్కృతమైనప్పుడు వీక్షకులు గట్టిగా చప్పట్లు కొడుతూ హర్షం వ్యక్తం చేశారు. విజయవాడ వాసులు చాలామంది ఇళ్లు, అపార్ట్‌మెంట్లపైకి ఎక్కి ఈ షోను తమ సెల్ ఫోన్లల్లో బంధించడం కనిపించింది.

ఈ డ్రోన్ లైట్ షోనకు అయిదు గిన్నిస్ బుక్ రికార్డులు లభించాయి. వివిధ కేటగిరీలో ఈ అవార్డులు వరించాయి. దీనికి సంబంధించన సర్టిఫికెట్లను గిన్నిస్ బుక్ ప్రతినిధులు చంద్రబాబు, రామ్మోహన్ నాయుడులకు అందజేశారు. రాజధాని అమరావతిని ఫ్యూచర్ సిటీగా అభివర్ణించారు.

సీఆర్‌పీఎఫ్ పాఠశాలలకు బాంబు బెదిరింపులు
పాఠశాలల గదుల్లో పేలుడు పదార్ధాలు ఉంచామని, మంగళవారం ఉదయం 11 గంటలలోపు స్కూళ్లను ఖాళీ చేయాలని దుండగలు ఈ-మెయిల్స్‌లో హెచ్చరించినట్టు చెబుతున్నారు.

బెదిరింపులకు పాల్పడే వారిపై కఠిన చర్యలకు చట్టాల్లో మార్పులు తెస్తామని కేంద్రం హెచ్చరిస్తున్నా బాంబు బెదిరింపు కాల్స్ (Bomb threat calls) ఆగడం లేదు. ఢిల్లీలోని సీఆర్‌పీఎఫ్ పాఠశాల సమీపంలో గత ఆదివారం జరిగిన పేలుడు సంఘటన మరువక ముందే దేశవ్యాప్తంగా పలు సీఆర్‌పీఎఫ్ పాఠశాలలకు (CRPF schools) బాంబు బెదిరింపులు వచ్చాయి. వీటిలో రెండు సీఆర్‌పీఎఫ్ స్కూళ్లు ఢిల్లీలో ఉండగా, ఒకటి హైదరాబాద్‌లో ఉన్నట్టు చెబుతున్నారు. సోమవారం రాత్రి ఈ బాంబు బెదిరింపు ఈ-మెయిల్స్ వచ్చాయి.

ముందు జాగ్రత్త చర్యలుగా ఢిల్లీ పోలీసులు సీఆర్‌పీఎఫ్ పాఠశాలల వెలువల భద్రతను పెంచారు. తమిళనాడులోని సీఆర్‌పీఎఫ్ పాఠశాలకు కూడా బాంబు బెదిరింపు మెయిల్ రావడంతో ఆయా పాఠశాలలను సీఆర్‌పీఎఫ్ అప్రమత్తం చేసింది. పాఠశాలల గదుల్లో పేలుడు పదార్ధాలు ఉంచామని, మంగళవారం ఉదయం 11 గంటలలోపు స్కూళ్లను ఖాళీ చేయాలని దుండగలు ఈ-మెయిల్స్‌లో హెచ్చరించినట్టు చెబుతున్నారు. డీఎంకే మాజీ నేత జాఫర్ సిద్ధిఖ్‌ని ఎన్‌సీబీ, ఆ తర్వాత ఈడీ అరెస్టు చేయడాన్ని మెయిల్ పంపిన వ్యక్తి ప్రస్తావించినట్టు కూడా తెలుస్తోంది. అయితే ఈ మెయిల్‌తో ఢిల్లీలోని రోహిణి ఏరియాలో జరిగిన పేలుడుకు ఎలాంటి సంబంధం లేదని చెబుతున్నారు. పోలీసుల తనిఖీలలో ఎలాంటి పేలుడు పదార్ధాలు లేకపోవడంతో అవన్నీ ఉత్తుత్తి బెదిరింపులేనని తేలింది.

మరోవైపు, ఆదివారం ఉదయం ఢిల్లీలోని రోహిణి ప్రాంతంలోని సీఆర్‌పీఎఫ్ పాఠశాల సమీపంలో జరిగిన పేలుడు ఘటనపై విచారణ ముమ్మరం చేశారు. ఘటనా స్థలంలో ముమ్మరంగా తనిఖీలు సాగించడంతో పాటు సీసీటీవీ కెమెరాలతో నిఘా, ఎ‌న్ఎస్‌జీ రోబోలను మోహరించారు. అక్టోబర్ నెలలో పలు విద్యా సంస్థలకు బాంబు బెదిరింపులు రావడాన్ని కూడా సీరియస్‌గా పరిగణిస్తున్నారు. అక్టోబర్ 4న బెంగళూరులోని మూడు ఇంజనీరింగ్ కాలేజీలకు బాంబు బెదిరింపు ఈ-మెయిల్స్ వచ్చాయి. దానికి ముందు తొమ్మిది విద్యాసంస్థలకు బాంబులు పెట్టామంటూ ఈ-మెయిల్స్ వచ్చాయి. పోలీసుల తనిఖీల్లో ఇవి ఉత్తుత్తి బెదిరింపులే అని తేలాయి.

కజాన్‌లో రష్యా-ఉక్రెయిన్ యుద్ధంపై ప్రధాని మోదీ మాట్లాడుతూ 'ప్రతి సమస్యను శాంతి ద్వారా పరిష్కరించుకోవాలి'
16వ బ్రిక్స్ సదస్సులో పాల్గొనేందుకు భారత ప్రధాని నరేంద్ర మోదీ మంగళవారం రష్యా చేరుకున్నారు. కజాన్ చేరుకున్న భారత ప్రధాని నరేంద్ర మోదీకి రష్యా అధ్యక్షుడు వ్లాదిమిర్ పుతిన్ లాంఛనంగా స్వాగతం పలికారు. ఈ సందర్భంగా అధ్యక్షుడు పుతిన్ ప్రధాని మోదీతో మాట్లాడుతూ మా సంబంధాలు చాలా పాతవని అన్నారు. భారత్, రష్యాలను బ్రిక్స్‌లో అసలైన సభ్యదేశాలుగా అభివర్ణించారు.

రష్యా అధ్యక్షుడు వ్లాదిమిర్ పుతిన్‌తో సమావేశమైన సందర్భంగా ప్రధాని మోదీ పుతిన్‌కు స్వాగతం పలికినందుకు ధన్యవాదాలు తెలిపారు. మీ స్నేహానికి (పుతిన్) నా కృతజ్ఞతలు మరియు సాదర స్వాగతం పలికినందుకు ప్రధాని మోదీ అన్నారు. ఈ నగరంతో భారతదేశానికి లోతైన మరియు చారిత్రక సంబంధాలున్నాయి. కజాన్‌లో భారత కొత్త కాన్సులేట్‌ను ప్రారంభించడంతో ఈ సంబంధాలు మరింత బలపడతాయి. గత 3 నెలల్లో రెండుసార్లు రష్యాలో నా పర్యటన మా సన్నిహిత సమన్వయం మరియు లోతైన స్నేహాన్ని ప్రతిబింబిస్తుంది.

రష్యా-ఉక్రెయిన్ వివాదం శాంతియుతంగా పరిష్కరించుకోవాలి: ప్రధాని మోదీ
ఉక్రెయిన్ యుద్ధాన్ని కూడా మోదీ పుతిన్ వద్ద ప్రస్తావించారు. రష్యా, ఉక్రెయిన్‌ల మధ్య కొనసాగుతున్న వివాదంపై నేను మీతో నిరంతరం టచ్‌లో ఉన్నాను అని ప్రధాని మోదీ అన్నారు. నేను ఇంతకు ముందు చెప్పినట్లుగా, సమస్యలు శాంతియుతంగా పరిష్కరించబడాలని మేము నమ్ముతున్నాము. శాంతి మరియు స్థిరత్వం యొక్క ముందస్తు స్థాపనకు మేము పూర్తిగా మద్దతు ఇస్తున్నాము. మన ప్రయత్నాలన్నింటిలో మానవత్వానికి ప్రాధాన్యత ఇవ్వబడుతుంది. రాబోయే కాలంలో అన్ని విధాలా సహకారం అందించేందుకు భారత్ సిద్ధంగా ఉంది.

పుతిన్ ఏమి చెప్పాడు
అంతకుముందు, రష్యా అధ్యక్షుడు వ్లాదిమిర్ పుతిన్ మాట్లాడుతూ, మేము జూలైలో కలుసుకున్నామని నాకు గుర్తుందని, మేము చాలా విషయాలపై చాలా బాగా చర్చించాము. మేము కూడా చాలాసార్లు ఫోన్‌లో మాట్లాడుకున్నాం. కజాన్‌ను సందర్శించడానికి ఆహ్వానాన్ని అంగీకరించినందుకు నేను మీకు చాలా కృతజ్ఞుడను. ఈరోజు మనం బ్రిక్స్ సదస్సు ప్రారంభోత్సవానికి హాజరవుతాము, అనంతరం విందులో పాల్గొంటాము.

ఈరోజు జరగనున్న బ్రిక్స్ సదస్సు సందర్భంగా ఇతర నేతలతో కలిసి కొన్ని ముఖ్యమైన నిర్ణయాలు తీసుకోవాలని ఆయన అన్నారు. డిసెంబరు 12న న్యూఢిల్లీలో ఇంటర్‌గవర్నమెంటల్‌ కమిషన్‌ తదుపరి సమావేశం జరగనుందని ఆయన చెప్పారు. మా ప్రాజెక్టులు నిరంతరం అభివృద్ధి చెందుతున్నాయి. మీరు కజాన్‌లో భారతీయ కాన్సులేట్‌ను తెరవాలని నిర్ణయించుకున్నారు. మేము దానిని స్వాగతిస్తున్నాము. భారతదేశ విధానాలు మన సహకారానికి మేలు చేస్తాయి. రష్యాలో మిమ్మల్ని మరియు మీ ప్రతినిధి బృందాన్ని చూసినందుకు మేము చాలా సంతోషిస్తున్నాము.

ప్రభుత్వాలు మారిన మారని విద్యార్థుల తలరాతలు తీరని విద్యార్థుల బాధలు 
 
బీసీ విద్యార్థి సంఘం జిల్లా అధ్యక్షుడు అయితగోని జనార్దన్ గౌడ్ 

పెండింగ్లో ఉన్న ఫీజు రియంబర్స్మెంట్ స్కాలర్షిప్లని తక్షణమే విడుదల చేయాలని అదేవిధంగా పెరిగిన ధరలకు అనుగుణంగా మేస్చార్జిలని పెంచాలని బిసి విద్యార్థి సంఘం ఆధ్వర్యంలో జిల్లా కలెక్టరేట్ ముట్టడి భారీ ర్యాలీ ధర్నా ముట్టడి అరెస్ట చేయడం జరిగింది ఈ సందర్భంగా బీసీ విద్యార్థి సంఘం జిల్లా అధ్యక్షుడు అయితగోని జనార్దన్ గౌడ్ మాట్లాడుతూ ప్రభుత్వాలు మారిన విద్యార్థుల తలరాతలు మారట్లేదు విద్యార్థి బాధలు తీరట్లేదు 

గత ఐదు సంవత్సరాలుగా పెండింగ్లో ఉన్నటువంటి ఫీజు రియంబర్స్మెంట్ లని స్కాలర్షిప్లని తక్షణమే విడుదల చేసి విద్యార్థుల భవిష్యత్తుని కాపాడాలని రాష్ట్ర ప్రభుత్వాన్ని కోరుతున్నాం.SC/ST/BC/EBC మైనారిటీ విద్యార్థుల గత రెండు సం. ఫీజుల బకాయిలు 3 వేల కోట్లు వెంటనే చెల్లించాలి.

 ఇంజనీరింగ్ పి.జి. డిగ్రీ- ఇంటర్ తదితర కాలేజి కోర్సులు చదివే BC/EBC విద్యార్థులు పూర్తి ఫీజులు మంజూరు చేయాలి. ఈ స్కీమును 2008 పెట్టినట్లుగా యదాతథంగా అమలు చేయాలి.
 కాలేజి ద్యార్థులకు సంవత్సరం కు 20 వేల స్కాలర్ షిప్ ప్రతి విద్యార్ధికి నుంజూరుచేయాలి.

ఇంటర్ మీడియట్ కోర్సులు చదివే విద్యార్థుల ఫీజు రియంబర్స్ మెంట్ రేటు రూ.1800 నుండి రూ.15 వేలకు పెంచాలి. మొత్తం ప్రభుత్వమే మంజూరు చేయాలి SC/ST/BC కాలేజీ హాస్టల్ విద్యార్థుల మెస్ ఛార్జీలను నెలకు రూ.1500 నుండి 3 వేలకు, పాఠశాల SC/ST/BC హాస్టల్ విద్యార్థుల మెస్ ఛార్జీలను నెలకు రూ.1100 నుంచి 2 వేలకు పెంచాలి బి.సిలకు జనాభా ప్రకారం అదనంగా మరో 120 బి.సి గురుకుల పాఠశాలలు మంజూరు చేయాలి. 

ఇటీజుల ముఖ్యమంత్రి గారు బి.సిలకు 33 గురుకుల పాఠశాలలు, 15 బి.సి గురుకుల డిగ్రీ కాలేజిలు మంజూరు చేశారు. బి.సి సంక్షేమ సంఘం అధ్యక్షులు ఆర్. కృష్ణన్న నాయకత్వంలో 120 బి.సి గురుకుల పాటశాలలు, 50 డిగ్రీ కాలేజిలు మంజూరు చేయాలని పోరాడుతున్నాము. పూర్తి డిమాండ్లు పరిష్కరించే వరకు ఉద్యమిస్తాం SC/ST/BC విద్యార్థులకు 300 కాలేజీ హాస్టళ్ళు కొత్తగా ప్రారంబించాలి దరఖాస్తు చేసిన విదేశీ విద్యార్థులందరికి 20 లక్షల పై ఫండు" మంజూరు చేయాలి బి.సి. కాలేజి హాస్టళ్లకు, గురుకుల పాటశాలలకు స్వంత భవనాలు నిర్మించాలి. లేనియెడల బీసీ విద్యార్థి సంఘం ఆధ్వర్యంలో రాష్ట్రవ్యాప్తంగా ఆందోళన కార్యక్రమాలు చేపడతామని హెచ్చరిస్తున్నాం
 ఈ కార్యక్రమంలో బిసి సంక్షేమ సంఘం రాష్ట్ర వర్కింగ్ ప్రెసిడెంట్  పోలగోని వెంకటేష్ గౌడ్, బీసీ రాజ్యాధికార సమితి జిల్లా అధ్యక్షుడు కర్నాటి యాదగిరి బీసీ విద్యార్థి సంఘం రాష్ట్ర వర్కింగ్ ప్రెసిడెంట్ పగిడి జీడయ్య యాదవ్ ,జక్క నాగేశ్వరరావు విద్యార్థి సంఘం నాయకులు పొగాకు రవికుమార్ ,బచ్చనబోయిన సాయికుమార్ యాదవ్, చింతల విజయకుమార్ ,బచ్చనబోయిన రాజు యాదవ్, తరుణ్ కుమార్ యాదవ్ ,మహేష్, మణికంఠ, స్వామి, శ్రీకాంత్ ,,మహేందర్ ,అని కుమార్ ,ఫణి కుమార్ గణేష్ ,పృధ్విరాజ్ తదితరులు పాల్గొన్నారు

పవన్ ‌కల్యాణ్‌ను ఏకిపారేసిన యాంకర్ శ్యామల
ఏపీలో మహిళలపై జరుగుతున్న దాడులపై వైసీపీ అధికార ప్రతినిధి, యాంకర్ శ్యామల స్పందించారు. మంగళవారం మీడియా సమావేశంలో శ్యామల మాట్లాడుతూ.. కూటమి పాలనలో మహిళలకు రక్షణ లేకుండా పోయిందని ఆమె వ్యాఖ్యానించారు. ఏపీ డిప్యూటీ సీఎం పవన్ కల్యాణ్ టార్గెట్‌గా ఆమె ప్రశ్నలు వర్షం కురిపించారు.పవన్ కళ్యాణ్ ప్రాతినిధ్యం వహిస్తున్న పిఠాపురం నియోజకవర్గంలో 16 ఏళ్ల బాలికపై లైంగికదాడి జరిగితే ఆయన ఎందుకు పరామర్శించలేదని యాంకర్ శ్యామల ప్రశ్నించారు. బాధిత కుటుబాన్ని పరామర్శించే బాధ్యత మన డిప్యూటీ సీఎంకు లేదా అంటూ పవన్ కల్యాణ్‌ను శ్యామల నిలదీశారు. దళిత వర్గానికి చెందిన అమ్మాయి అని చిన్న చూపు చూస్తున్నారా అంటూ ప్రభుత్వాన్ని ఆమె ప్రశ్నించారు.

ఎన్నికల ప్రచారంలో భాగంగా పవన్ కల్యాణ్ 30 వేల మంది అమ్మాయిలు మిస్ అయ్యారని జగన్‌పై ఆరోపణలు చేశారు. కానీ ఇప్పుడు కూటమి ప్రభుత్వం అధికారంలోకి వచ్చిన తర్వాత లెక్కలేనన్ని అఘాయిత్యాలు జరిగియాని , వీటిపై డిప్యూటీ సీఎం ఎందుకు స్పందించడం లేదని శ్యామల పవన్ కల్యాణ్‌ను ప్రశ్నించారు. జగన్ ప్రభుత్వంలో చిన్నవాటిని భూతద్దంలో చూపించిన నాయకులు, ఇప్పుడు ఎందుకు నోరు మెదపడం లేదని శ్యామల ప్రశ్నించారు.. ఈ రాష్ట్రంలో బాలికలపైన, ఆడపిల్లలపైన మహిళలపైన హత్యలు,అత్యాచారాలు జరుగుతుండడం దురదృష్టకరమని , ఇవన్నీ కూడా చంద్రబాబు ప్రభుత్వం చేతకానితనం వల్లే జరుగుతున్నాయని శ్యామల ఆగ్రహం వ్యక్తం చేశారు.

కాలేజ్‌కు వెళ్లే యువతలను తీసుకువెళ్లి తగలబెట్టి చంపుతున్నారు.ఈ ఘటనలతో అసలు రాష్ట్రంలో ప్రభుత్వం పాలన సాగుతుందా లేదా అన్న అనుమానం కలుగుతుందని శ్యామల వ్యాఖ్యానించారు. 

చిన్నపిల్లలు పెద్దవారు అత్తా కోడలు అని వరస లేకుండా మతిస్థిమితం లేని వారిని కూడా చూడకుండా ఎవ్వరిని వదల పెట్టకుండా నేరస్తులు ఎలా అఘాయిత్యాలు చేస్తున్నారో మనం కల్లారా చూస్తున్నామని శ్యామల తెలిపారు. ఈ రాష్ట్ర చరిత్రలో ఈ నాలుగు నెలలోనే జరిగినన్నీ దారుణాలు ఎప్పుడు కూడా జరగలేదని ఆవేదన వ్యక్తం చేశారు.