NLG: వ్యాయామ ఉపాధ్యాయనీయులకు, జాతీయ ఫుట్బాల్ క్రీడాకారిణులకు సన్మానం

 
 
  
  
నల్లగొండ: అంతర్జాతీయ మహిళా దినోత్సవం సందర్భంగా చత్రపతి శివాజీ స్పోర్ట్స్ క్లబ్ ఆధ్వర్యంలో, పట్టణంలోని మేకల అభినవ్ స్టేడియంలో ప్రభుత్వ వ్యాయామ ఉపాధ్యాయునీలు దగ్గుపాటి విమల, నారాయణ కవిత, కందుకూరి శైలజ లను మరియు జాతీయస్థాయి ఫుట్బాల్ పోటీల్లో పాల్గొన్న మద్ది కీర్తన, అప్పల సోని, మద్ది అమూల్య లను ఘనంగా సన్మానించారు.
  ఈ కార్యక్రమంలో తెలంగాణ ఫుట్బాల్ అసోసియేషన్ రాష్ట్ర సభ్యులు బొమ్మపాల గిరిబాబు, ఫుట్బాల్ కోచ్ కరుణాకర్, ఖో ఖో కోచ్ మధు, సైదులు, గణేష్, తదితరులు  పాల్గొన్నారు.
  
 

YDD: అంతర్జాతీయ మహిళా దినోత్సవం సాక్షిగా బెల్టు షాపులను నివారించేందుకు ప్రతిజ్ఞ చేసిన  వెన్ రెడ్డి రాజు
యాదాద్రి జిల్లా, చౌటుప్పల్:
అంతర్జాతీయ మహిళా దినోత్సవం సాక్షిగా బెల్టు షాపులను నివారించేవరకు విశ్రమించ వద్దని తెలంగాణ మున్సిపల్ ఛాంబర్స్ చైర్మన్  వెన్ రెడ్డి రాజు కోరారు. 
 చౌటుప్పల్ మున్సిపల్ కేంద్రంలో అంతర్జాతీయ మహిళా దినోత్సవ వేడుకలు శుక్రవారం ఘనంగా నిర్వహించారు. ఈ సందర్భంగా మహిళలు ప్ల కార్డులు పట్టుకొని బెల్టు షాపులను నివారిస్తామని నినదించి, ప్రతిజ్ఞ చేశారు. 
దిక్కులు పిక్కటిల్లేలా బెల్టు షాపులను నివారిద్దాం- కుటుంబాలను కాపాడుకుందాం అని పెద్ద ఎత్తున నినాదం చేశారు. బెల్టు షాపుల దిష్టిబొమ్మను దగ్దం చేశారు. 
ఈ సందర్బంగా వెన్ రెడ్డి రాజు మాట్లాడుతూ.. తెలంగాణ భవిష్యత్తు ఆశాకిరణం కోమటిరెడ్డి రాజగోపాల్ రెడ్డి ఇచ్చిన పిలుపుతో, మునుగోడు గడ్డ బెల్టు షాపులు నివారిస్తూ పునీతం అవుతుందన్నారు. ఒక్క రాజగోపాల్ రెడ్డి పిలుపుతో బెల్టు షాపు నిర్వాహకులు తట్ట బుట్ట సదురుకొని చిత్తగించారని, ఇది మహిళాల విజయమని ఆయన పేర్కొన్నారు. ఆర్థిక స్వావలంబనతో మహిళలు అన్నీ రంగాలలో ముందుకు వెళ్లాలని, మహిళలు తలుచుకుంటే సాదించలేనిది ఏది లేదన్నారు. అన్నీ రంగాలకు సంబందించిన మహిళలను ఘనంగా సత్కరించారు. 
ఈ కార్యక్రమములో ఉప వైద్య అధికారి డా. యశోదా, మూన్సిపల్ కమీషనర్ యన్. వేంకటేశ్వర నాయక్,  తహశీల్దార్ యస్. హరి కృష్ణ, కౌన్సిలర్లు కసర్ల మంజుల, 
శ్రీనివాస్ రెడ్డి, కామిశెట్టి శైలజ భాస్కర్, సందగల్ల విజయ సతీష్,  బాత్తుల రాజ్యలక్ష్మి స్వామి,  కొయ్యడ సైదులు, పోలోజు శ్రీదర్ బాబు, విద్యా సంస్థల చైర్మెన్ ఉజ్జిని మంజుల, తంగడపల్లి ప్రదానోపాద్యాయులు భార్గవి, వివిద రంగాల అధికారులు కవిత, శోభారాణి, ఆర్పీలు, అంగన్వాడీ సిబ్బంది మరియు ఆశ వర్కర్ల తో పాటు భారీ ఎత్తున మహిళలు పాల్గొన్నారు.

NLG: పచ్చల సోమేశ్వర ఆలయంలో ప్రత్యేక పూజలు నిర్వహించిన మంత్రి కోమటిరెడ్డి 
నల్లగొండ: రాష్ట్ర ప్రజలందరూ సుఖ సంతోషాలతో ఉండేలా మహేశ్వరుడు దీవించాలని రాష్ట్ర రోడ్లు భవనాలు, సినిమాటోగ్రఫీ శాఖ మంత్రి కోమటిరెడ్డి వెంకటరెడ్డి అన్నారు. మహాశివరాత్రి పర్వదినాన్ని పురస్కరించుకొని జిల్లా ప్రజలకు, రాష్ట్ర ప్రజలకు ఆయన శుభాకాంక్షలు తెలిపారు. పట్టణంలోని పానగల్ పచ్చల సోమేశ్వరాలయం లో మంత్రి అభిషేకం తో ప్రత్యేక పూజలు నిర్వహించారు. మంత్రికి ఆలయ చైర్మన్, ప్రధాన అర్చకులు పూర్ణకుంభం తో స్వాగతం పలికారు. అనంతరం అర్చకులు మంత్రికి వేద ఆశీర్వచనం అందజేశారు. 
ఈ సందర్భంగా మంత్రి మాట్లాడుతూ.. భారతదేశంలోనే ఆధ్యాత్మికపరంగా, ఆర్కియాలజీ పరంగా ప్రత్యేకమైన దేవాలయం నల్గొండలోని పచ్చల సోమేశ్వరాలయం, చాయా సోమేశ్వరాలయాలు విలసిల్లుతున్నాయన్నారు. ఛాయా సోమేశ్వరాలయాన్ని దేశవ్యాప్తంగా, ప్రపంచవ్యాప్తంగా ఎంతోమంది ఆర్కేయాలజీ నిపుణులు వచ్చి పరిశీలించారన్నారు.
ఇంతటి మహత్యం కలిగిన ఈ ఆలయాలలో పూజలు జరపడం చాలా సంతోషంగా ఉందన్నారు.
వచ్చే సంవత్సరం శివరాత్రి నాటికి ఈ ఆలయాలన్ని మరింత అభివృద్ధి చేస్తామని, శివరాత్రి పర్వదినం రోజునే అంతర్జాతీయ మహిళా దినోత్సవం సైతం రావడం చాలా సంతోషమని తెలిపారు. సమాజంలోని మహిళలు అన్ని రంగాలలో ముందుకు వచ్చి అభివృద్ధి చెందాలని, తమది మహిళల సంక్షేమ ప్రభుత్వమని, ఆర్టీసీ బస్సులలో మహిళలు ఉచితంగా ప్రయాణించే సౌకర్యాన్ని కల్పించామని, మహిళలు ఉచిత బస్సులో ప్రయాణించి ఆలయాలను సందర్శించుకోవడం చాలా సంతోషం కలిగిస్తున్నదని అన్నారు.
ఇప్పటికే మహిళలకు రూ. 500 లకే గ్యాస్ సిలిండర్, 200 యూనిట్ల వరకు ఉచిత విద్యుత్ ఇస్తున్నామని తెలిపారు. త్వరలోనే భద్రాద్రి రామయ్య పాదాల దగ్గర మహిళల పేరు మీద ఇందిరమ్మ ఇండ్లు మంజూరు చేయబోతున్నామని, ప్రతి మహిళకు, మహిళా సంఘాలకు ఆర్థిక పరిపుష్టి కల్పించడమే తమ ప్రభుత్వ ధ్యేయమన్నారు.

ఈ కార్యక్రమంలో మున్సిపల్ చైర్మన్ బుర్రి శ్రీనివాస్ రెడ్డి, మున్సిపల్ వైస్ చైర్మన్ అబ్బగోని రమేష్ గౌడ్, ఆలయ చైర్మన్ సూర మహేష్, స్థానిక కౌన్సిలర్ ఆలకుంట్ల రాజేశ్వరి మోహన్ బాబు, పలువురు కౌన్సిలర్లు, స్థానిక ప్రజలు, నాయకులు పాల్గొన్నారు.

NLG: ఎన్జీ  కళాశాలలో ఘనంగా మహిళా దినోత్సవం
నల్లగొండ: జిల్లా కేంద్రంలోని నాగార్జున ప్రభుత్వ కళాశాల లో అంతర్జాతీయ మహిళా దినోత్సవ వేడుకలు ఘనంగా జరిగాయి. కళాశాల లోని మహిళా సాధికారత విభాగం ఈ కార్యక్రమాన్ని నిర్వహించడం జరిగింది. ఈ కార్యక్రమానికి అధ్యక్షులుగా కళాశాల ప్రిన్సిపల్ డాక్టర్ సమూద్రాల ఉపేందర్, కన్వీనర్ గా డాక్టర్ గంజి భాగ్యలక్ష్మి వ్వహరించగా ముఖ్య అతిధిగా ప్రముఖ నటి,ఇండిఫేమ్ సిఇఒ దాస్యం గీతా భాస్కర్, గౌరవ అతిధి గా జిల్లా ఎస్పీ చందనా దీప్తి హాజరయి విద్యార్థులకు దిశానిర్దేశం చేసారు.


గీతా భాస్కర్ మాట్లాడుతూ.. ఆడ, మగ మద్య ఉండాల్సింది హక్కుల కోసం పోరాటం కాదు అవగాహన తో కూడిన ప్రోత్సాహకం అని, స్త్రీలు పరిస్థితులకు భయపడకుండా జీవితాన్ని ఒక లక్ష్యం తో తీర్చిదిద్దుకోవాలని సూచించారు.


ఎస్ పి చందనా దీప్తి మాట్లాడుతూ.. ఆడవారు ఆర్థికంగా స్వతంత్రత కలిగి ఉండాలని, ఇటు కుటుంబ పాలన అటు కెరియర్ రెండింటిని సమర్థవంతంగా నిర్వర్తించడంలో ఆడవారికి మాత్రమే మనోధైర్యం ఎక్కువ అని అభివర్ణించారు.
కళాశాల ప్రిన్సిపాల్ డాక్టర్ సముద్రాల ఉపేందర్ మాట్లాడుతూ.. ఆడపిల్లలు అన్ని రంగాలలో దూసుకుని పోవాలని పేర్కొన్నారు.

విద్యార్థుల ఆట పాటలతో కార్యక్రమమంతా చాలా ఆహ్లాదకరంగా సాగింది. ఆ తర్వాత ఆటల పోటీలు ఇతర కల్చరల్ పోటీలలో గెలుపొందిన వారికి ముఖ్య అతిథి మరియు ప్రిన్సిపాల్ చేతుల మీదుగా బహుమతి ప్రదానం జరిగింది. ఈ కార్యక్రమంలో లైబ్రరీ అసిస్టెంట్ ప్రొఫెసర్ డాక్టర్ దుర్గాప్రసాద్, ఫిజికల్ డైరెక్టర్ మల్లేశం, డాక్డర్ దీపిక, సి.శివరాణి, శిరీష, సావిత్రి, సరిత, మహేశ్వరి, సంద్యా, శ్వేత, కవిత, రజని, ఆష్రఫ్, యాదగిరి రెడ్డి, సుధాకర్, వేణు తదితర అధ్యాపకులు, విద్యార్థులు పాల్గొన్నారు.

NLG: నేటి బాలికలే  రేపటి ఉత్తమ మహిళలుగా అభివృద్ధి చెందాలి: డాక్టర్ బొమ్మరబోయిన కేశవులు
నల్గొండ: అంతర్జాతీయ మహిళ  దినోత్సవం సందర్భంగా,  బి సి బాలికల  పాఠశాలలో  జరిగిన కార్యక్రమానికి  కత్తుల శంకర్ అధ్యక్షతన, జరిగిన సమావేశానికి డాక్టర్ బొమ్మరబోయిన కేశవులు సమాచార హక్కు పరిరక్షణ సమితి  మరియు ఎలక్షన్ వాచ్ కమిటీ జాతీయ చైర్మన్ పాల్గొని మాట్లాడుతూ.. నేటి బాలికలే  రేపటి ఉత్తమ మహిళలుగా అభివృద్ధి చెందాలని ఆకాంక్షించారు. అనంతరం పాఠశాల డిప్యూటీ  వార్డెన్ అశోకారాణి ని సన్మానించారు. 
ఈ సమావేశం అనంతరం బాలికలు సాంస్కృతిక ప్రదర్శన ఇచ్చారు. ఈ కార్యక్రమాలలో పాఠశాల సిబ్బంది, తదితరులు పాల్గొన్నారు.

NHM స్కీం ANM, ఉద్యోగుల పెండింగ్ వేతనాలు వెంటనే చెల్లించాలి
NHM స్కీం ANM, ఉద్యోగుల పెండింగ్ వేతనాలు వెంటనే చెల్లించాలి

AITUC ఆధ్వర్యంలో నల్లగొండ DMHO కార్యాలయం ముందు ధర్నా
నల్లగొండ: నేషనల్ హెల్త్ మిషన్ పథకంలో పనిచేస్తున్న2వ ANM మరియు ఇతర ఉద్యోగులందరిని ఎలాంటి షరతులు లేకుండా రెగ్యులర్ చేయాలని అలాగే పెండింగులో ఉన్న 3నెలల వేతనాలు వెంటనే చెల్లించాలని లేనిపక్షంలో నిరవధిక సమ్మెలోకి వెళ్తామని AITUC జిల్లా ప్రధాన కార్యదర్శి పల్లా దేవేందర్ రెడ్డి అన్నారు. మూడు నెలలుగా వేతనాలు ఇవ్వకుంటే ఏ విధంగా బ్రతకాలో ప్రభుత్వ ఆలోచన చేయాలని కేంద్ర, రాష్ట్ర ప్రభుత్వాలు ఒకరి మీద ఒకరు నెట్టుకుంటూ కాలం వెళ్ళబుస్తున్నారు తప్ప ఏఎన్ఎంల గురించి పట్టించుకోవడంలేదని అన్నారు.సుప్రీంకోర్టు కోర్ట్ తీర్పు ప్రకారం సమాన పనికి సమాన వేతనం చెల్లించాలని అన్నారు,గురువారం రోజున నల్లగొండ జిల్లా DMHO కార్యాలయం ముందు AITUC ఆధ్వర్యంలో లో నేషనల్ హెల్త్ మిషన్ (ఎన్ హెచ్ ఎం )స్కీమ్ ఉద్యోగుల ధర్నా కార్యక్రమం నిర్వహించడం జరిగింది.అనంతరం DMHO కొండల్ రావు కు వినతిపత్రం ఇవ్వడం జరిగింది. 
ఈ సందర్భంగా దేవెందర్ రెడ్డి మాట్లాడుతూ.. గత 20 సంవత్సరాల నుంచి చాలీచాలని వేతనాలు తీసుకుంటూ పేద బడుగు బలహీన వర్గాల ప్రజలకు సేవ అందించడంలో NHM స్కీం లో పనిచేస్తున్న ఉద్యోగులు అత్యంత కీలకపాత్ర పోషిస్తున్నారు,ప్రభుత్వం వీరిని శ్రమదోపిడికి గురిచేస్తుందని అన్నారు,ముఖ్యంగా కరోనా సమయంలో తమ ప్రాణాలను సైతం లెక్కచేయకుండా పని చేశారని గుర్తు చేశారు,కేంద్ర ప్రభుత్వం వెంటనే నిధులు కేటాయించి పెండింగ్లో ఉన్న జీతాలు చెల్లించాలని లేనిపక్షంలో నిరవధిక సమ్మెలోకి వెళ్తామని హెచ్చరించారు,అలాగే 7 నెల ఏరియర్స్ బకాయిలు వెంటనే ఇవ్వాలని అన్నారు. ప్రతి నెల ప్రభుత్వ ఉద్యోగుల మాదిరిగా కాంట్రాక్ట్ ఔట్సోర్సింగ్ ఉద్యోగులకు కూడా ఒకటవ తేదీన వేతనాలు చెల్లించే విధంగా ప్రభుత్వం చర్యలు తీసుకోవాలని డిమాండ్ చేశారు,ముఖ్యంగా 2వ ANMలు గతంలో సమ్మె చేసినప్పుడు రాష్ట్ర ప్రభుత్వం కమిటీ వేసి సమస్యలు పరిష్కారం చేస్తామని హామీ ఇచ్చింది. కాని నేటివరకు హామీని అమలు చేయడం లేదని అన్నారు.
ఈ కార్యక్రమంలో రెండవ ANM NHM యూనియన్ నాయకులు కత్తుల రవికుమార్ , గీతా రాణి అన్నపూర్ణ సరిత హైమావతి సుజాత, అండాలు,విజయలక్ష్మి, మల్లేశ్వరి,ఉపేంద్ర,కల్పన,అనిత,తదితరులు పాల్గొన్నారు

TS: తెలంగాణలో తగ్గిన చిరుత పులుల సంఖ్య
తెలంగాణ రాష్ట్రంలో చిరుత పులుల సంఖ్య తగ్గిందని నేషనల్ టైగర్‌ కన్జర్వేషన్‌ అథారిటీ (ఎన్‌టీసీఏ) వెల్లడించింది. 2018 నాటికి తెలంగాణలో 334 చిరుత పులులు ఉండగా.. 2022లో వాటి సంఖ్య 297కు తగ్గిందని పేర్కొన్నారు.
ఇదే సమయంలో ఏపీలో చిరుతల సంఖ్య 492 నుంచి 569కి పెరిగిందని తెలిపింది.

NLG: శక్తి, ప్రేమ, త్యాగం, ధైర్యానికి.. స్త్రీ నిలువెత్తు నిదర్శనం: ఎంపీపీ 
పెడ్డవూర: ప్రస్తుత కాలంలో మహిళలు అన్నీ రంగాలలో రానిస్తున్నారని ఎంపీపి చెన్ను అనురాధ సుందర్ రెడ్డి అన్నారు. బుధవారం మండల కేంద్రం లోని గ్రామపంచాయతీ కార్యాలయం లో అంతర్జాతీయ మహిళా దినోత్సవం ఘనంగా నిర్వహించారు. ఎంపిపి మాట్లాడుతూ.. మహిళలు తమ పనిలో, గృహ జీవితాన్ని సమతుల్యం చేసుకోవడానికి చాలా కష్టపడుతున్నారని అన్నారు. శక్తి, ప్రేమ, త్యాగం, ధైర్యానికి స్త్రీ నిలువెత్తు నిదర్శనమన్నారు.
క్రీడలు, రాజకీయాలు, ఉద్యోగం,విద్యావేత్తలు, సైన్స్‌ ఇలా ప్రతి రంగంలో, మహిళలు అపారమైన విజయాలు సాధిస్తున్నారని తెలిపారు. అంతర్జాతీయ మహిళా దినోత్సవ వేడుకలను పురస్కరించుకుని మహిళా ఉద్యోగులను ఘన సన్మానం చేశారు. 
ఈ కార్యక్రమంలో సీడీపీఓ పద్మావతి, ఏసిడీపీఓ సువర్ణ, ప్రాథమిక పాఠశాల హెచ్ఎం పార్వతి, కస్తూరిభా గాంధీ పాఠశాల ఉపాధ్యాయులు, అంగన్వాడీ టీచర్లు పాల్గొన్నారు.

NLG: విద్యార్థులు చదువుతోపాటు అన్ని రంగాలలో రాణించాలి
నల్లగొండ: ప్రభుత్వ మహిళా డిగ్రీ కళాశాలలో, అంతర్జాతీయ మహిళా దినోత్సవం పురస్కరించుకొని, మహిళా యూత్ కాంగ్రెస్ శక్తి సూపర్ షి కాలేజ్ ఉమెన్ ఎంపవర్మెంట్ సెల్ తో కలిసి మంగళవారం మెహందీ, రంగోలి పోటీలు నిర్వహించారు. 
ఈ పోటీలలో విద్యార్థినీలు చాలా ఉత్సాహంతో పాల్గొన్నారు. ఈ కార్యక్రమంలో కళాశాల వైస్ ప్రిన్సిపాల్ దేవవాణి, ఉమెన్ ఎంపవర్మెంట్ సెల్ కళాశాల ఇంచార్జ్ డాక్టర్ అపర్ణ చతుర్వేది , శక్తి సూపర్ షి జిల్లా కో ఆర్డినేటర్ నాంపల్లి భాగ్యలక్ష్మి, కో కో ఆర్డినేటర్ సంఘం కీర్తి, వడ్డేపల్లి ఎల్లోరా, వడ్డేపల్లి శ్రీ మహాలక్ష్మి పాల్గొన్నారు.
ఈ పోటీలలో గెలుపొందిన విద్యార్థునులకు ప్రథమ, ద్వితీయ మరియు తృతీయ బహుమతులను బహుకరించారు. ఈ సందర్బంగా విద్యార్థులు చదువుతోపాటు అన్ని రంగాలలో రాణించాలని శక్తి సూపర్ షి నాయకురాల్లు అన్నారు.

NLG: లబ్ధిదారుల దరఖాస్తు లలో సవరణలను జాగ్రత్తగా చేయాలి: జిల్లా కలెక్టర్ హరిచందన
       
ప్రజా పాలన సేవా కేంద్రాలలో లబ్ధిదారుల దరఖాస్తులలో సవరణలను జాగ్రత్తగా చేయాలని, జిల్లా కలెక్టర్ హరిచందన అన్నారు. తిప్పర్తి మండల కేంద్రంలోని ఎంపీడీవో కార్యాలయంలో ఏర్పాటు చేసిన ప్రజాపాలన సేవా కేంద్రాన్ని కలెక్టర్ ఆకస్మికంగా తనిఖీ చేశారు. 
గృహజ్యోతి పథకం కింద జీరో విద్యుత్తు బిల్లు, ఎల్పిజి కనెక్షన్ కింద రూ.500/- లకు సిలిండర్ పొందేందుకు సేవా కేంద్రానికి వచ్చిన లబ్ధిదారుల తో కలెక్టర్ నేరుగా మాట్లాడారు. ముందుగా జొన్నగడ్డల గూడెం గ్రామానికి చెందిన ఎం. కోటయ్యతో మాట్లాడుతూ.. దేనికోసం ఎంపీడీవో కార్యాలయం వచ్చారని అడిగారు. 
గృహ జ్యోతి కింద జీరో బిల్లు కోసం, అలాగే 500 రూపాయల ఎల్పీజీ కనెక్షన్ కోసం వచ్చానని కోటయ్య జిల్లా కలెక్టర్ కు తెలుపగా, సేవా కేంద్రంలో ఆ రెండింటికి సంబంధించిన సవరణలను జిల్లా కలెక్టర్ ప్రత్యక్షంగా పరిశీలించి జీరో విద్యుత్ బిల్లు రసీదు ను కోటయ్య కు అందజేశారు.మరికొందరు లబ్ధిదారులతో కలెక్టర్ నేరుగా మాట్లాడారు. 

500 రూపాయలకే ఎల్ పి జి సిలిండర్ పొందేందుకు ప్రజాపాలన దరఖాస్తులో వినియోగదారు నంబర్ల సవరణ లు పరిశీలించారు. రెవిన్యూ అదనపు కలెక్టర్ జే. శ్రీనివాస్, ఎంపీడీవో వెంకటేశ్వర్ రెడ్డి ,తహసిల్దార్ స్వప్న, తదితరులు ఉన్నారు.