Oct 31 2023, 09:42

CM KCR : ఇవాళ మూడు బహిరంగ సభల్లో పాల్గొననున్న సీఎం కేసీఆర్..
CM KCR will participate in three public meetings today

ఉమ్మడి నల్గొండ జిల్లాలలో జరగనున్న ప్రజా ఆశీర్వాద సభలో సీఎం కేసీఆర్ పాల్గొంటారు. ముందుగా హుజూర్నగర్, మిర్యాలగూడ, దేవరకొండ సభలకు హాజరుకానున్నారు. ఈ తరుణంలో మూడు నియోజకవర్గాలలో సభా ఏర్పాట్లు పూర్తి అయ్యాయి..

  

ఎమ్మెల్యేలు శానంపూడి సైదిరెడ్డి, నల్లమోతు భాస్కరరావు, రమావత్ రవీంద్ర కుమార్, దగ్గరుండి ఏర్పాట్లను పర్యవేక్షించారు. అన్ని సభలలో 70 నుంచి లక్ష మంది వరకు వచ్చేలా ప్లాన్ చేస్తున్నారు నాయకులు..

Oct 31 2023, 09:41

దేశంలో కేజీ ఉల్లి సగటు ధర రూ.50
దిల్లీ: దేశంలో ఉల్లిపాయల అధిక ధరలు కొనసాగుతున్నాయి. రాజధాని దిల్లీలో కేజీ ఉల్లి చిల్లర ధర రూ.78 పలుకుతుండగా, దేశవ్యాప్తంగా సగటు కనిష్ఠ ధర రూ.50.35గా ఉంది..

గరిష్ఠంగా రూ.83 ఉంది. ఈ క్రమంలో విదేశాలకు ఎగుమతి చేసే ఉల్లిపై టన్నుకు కనీస ఎగుమతి ధర 800 డాలర్లను విధించాలని కేంద్రం నిర్ణయించింది. డిసెంబరు 31వరకు ఈ విధానాన్ని అమలు చేయనుంది..

  

ఎగుమతులను నిరుత్సాహపరిచి దేశీయ మార్కెట్‌లో తగినంత సరుకును అందుబాటులో ఉంచేందుకు ఈ చర్యలు తీసుకున్నట్లు కేంద్ర ఆహారం, వినియోగదారుల వ్యవహారాలశాఖ ఒక ప్రకటనలో తెలిపింది..

Oct 31 2023, 09:40

ఏపీ స్కిల్ కేసులో నేడు కీలకం.. చంద్రబాబుకి మధ్యంతర బెయిల్ వస్తుందా?
అమరావతి: 50 రోజులుగా ఆయన జైలులోనే గడుపుతున్నారు..

ఆయన తరపు లాయర్లు ఏపీ హైకోర్టులో మధ్యంతర బెయిల్ కోసం అప్లై చేశారు..

  

దానిపై ఆల్రెడీ వాదనలు ముగిశాయి. తీర్పును హైకోర్టు రిజర్వు చేసింది..

ఇవాళ ఈ తీర్పును వెల్లడిస్తామని న్యాయమూర్తి తెలిపారు..

అందువల్ల ఇవాళ మధ్యంతర బెయిల్ వస్తుందా రాదా అనేది చర్చగా మారింది..

Oct 31 2023, 09:39

విశాఖ రాజధానిపై నేడు సీఎం జగన్‌ సమీక్ష
గుంటూరు: విశాఖపట్నం రాజధానికి సంబంధించి ముఖ్యమంత్రి వైఎస్‌ జగన్‌మోహన్‌రెడ్డి నేడు సమీక్ష సమావేశం నిర్వహించనున్నారు. మంగళవారం తాడేపల్లిలో సీఎం క్యాంప్‌ కార్యాలయంలో ఈ సమీక్ష జరగనుంది..

ఏపీకి అతిత్వరలో పాలనా రాజధాని కానుంది వైజాగ్‌. ఇప్పటికే సీఎం క్యాంప్‌ కార్యాలయానికి సంబంధించిన పనులు పూర్తి కావొచ్చాయి. అలాగే.. అక్కడ ఉన్నతాధికారులకు తాత్కాలిక వసతి కేటాయింపులపై అధికారులతో సీఎం జగన్‌ ఇవాళ్టి సమీక్షలో చర్చించనున్నారు. ఇందుకు సంబంధించిన పూర్తి వివరాలను త్రీమెన్‌ కమిటీ, ఆయనకు సమర్పించనుంది..

Oct 31 2023, 09:39

నేడు తెలంగాణకు రాహుల్ గాంధీ ప్రియాంక గాంధీ రాక?
తెలంగాణలో ఇప్పటికే బీఆర్ఎస్ అధినేత కేసీఆర్.. విస్తృత  పర్యటన చేస్తూ  రోజుకు రెండు మూడు బహిరంగ సభల్లో పాల్గొంటున్నారు.

ఇక కాంగ్రెస్ పార్టీ కూడా బహిరంగ సభలు, రాహుల్, ఖర్గేలతో కార్నర్ మీటింగ్‌లో సభలు ఏర్పాటు చేస్తున్నారు. ఇవాళ ప్రియాంకగాంధీ తెలంగాణలో ఎన్నికల ప్రచారం నిర్వహించనున్నారు.

  

ఇక బీజేపీ కూడా ఇటీవల కేంద్ర అమిత్ షాతో సూర్యాపేటలో సభ నిర్విహించింది. పూర్తి స్థాయి అభ్యర్థుల ప్రకటన తర్వాత అగ్రనేతలు, కేంద్ర మంత్రులతో సభలకు ప్లాన్ చేస్తుంది.

ఇక ఎన్నికలకు సరిగ్గా నెల రోజులు మాత్రమే సమయం ఉండటంతో కరీంనగర్ ఎంపీ, బీజేపీ జాతీయ ప్రధాన కార్యదర్శి బండి సంజయ్ సేవలను విస్తృతంగా వినియోగించుకోవాలని చూస్తుంది. అందులో భాగంగా ఆయనకు పార్టీ తరపున హెలికాప్టర్‌ను కేటాయించినట్లు తెలిసింది

బీజేపీ తెలంగాణ స్టార్ క్యాంపెయినర్‌ హోదాలో ఆయనకు ఈ అవకాశం కల్పించినట్లు తెలిసింది. రాష్ట్రవ్యాప్తంగా బండి సంజయ్‌కి ఉన్న ఫాలోయింగ్‌ను పార్టీకి ఉపయోగపడేలా అధిష్టానం ప్రణాళిక రచించినట్లు అర్థమవుతోంది.

రాష్ట్ర అధ్యక్షుడి హోదాలో జీహెచ్‌ఎంసీతో పాటు దుబ్బాక, హుజూర్‌నగర్ ఉప ఎన్నికల్లో విజయాలు సాధించిన క్రెడిట్ సంజయ్‌కి ఉంది. కార్యకర్తల్లోనూ ఆయన మాస్ ఇమేజ్ ఉంది. ఈ నేపథ్యంలో రాష్ట్రవ్యాప్తంగా నిర్వహించే పలు బహిరంగ సభల్లో బండి సంజయ్ పాల్గొనేందుకు త్వరగా సభలకు చేరుకునేందుకు ఆయనకు హెలికాప్టర్ కేటాయించింది.

సంజయ్‌తో పాటు బీజేపీ రాష్ట్ర అధ్యక్షుడు కిషన్ రెడ్డి, ఎన్నికల నిర్వహణ కమిటీ చైర్మన్ ఈటల రాజేందర్‌తో పాటు మరొకరికి కూడా హెలికాప్టర్లు కేటాయించినట్లు సమాచారం.

Oct 31 2023, 09:37

తిరుపతిలో సర్వసాధారణంగా భక్తుల రద్దీ
తిరుమల లో నేడు భక్తుల రద్దీ సర్వ సాదారణంగా ఉంది. మంగళవారం శ్రీవారి దర్శనం కోసం వచ్చిన భక్తులు నాలుగు కంపార్ట్‌మెంట్లలో వేచి ఉన్నారు.

టోకెన్లు లేని భక్తులకు స్వామివారి సర్వదర్శనానికి 8 గంటల సమయం పడుతుందని ఆలయ అధికారులు వెల్లడించారు.

  

టైమ్ స్లాట్ దర్శనానికి 4 గంటల సమయం, రూ.300 ప్రత్యేక దర్వనానికి 3 గంటల సమయం పడుతోందని తెలిపారు.

కాగా, సోమవారం 69,654 శ్రీవారిని  మంది భక్తులు దర్శించుకుని మొక్కులు చెల్లించుకున్నారు. తిరుమలలో నిన్న 23,978 మంది భక్తులు నిన్న శ్రీవారికి తలనీలాలు సమర్పించారు.

నిన్న శ్రీవారి హుండీ ఆదాయం రూ.3.34కోట్లు వచ్చిందని టిటిడి అధికారులు వెల్లడించారు....

Oct 23 2023, 10:12

Indrakeeladri: నేడు రెండు రూపాల్లో దుర్గమ్మ దర్శనం
విజయవాడ ఇంద్రకీలాద్రిపై సోమవారంతో దసరా శరన్నవరాత్రి ఉత్సవాలు ముగియనున్నాయి.

ఆదివారం దుర్గాదేవి రూపంలో దర్శనమిచ్చిన అమ్మవారిని తెల్లవారుజాము నుంచే భారీగా తరలివచ్చిన భక్తులు దర్శించుకున్నారు..

  

ఉత్సవాల చివరి రోజైన సోమవారం దుర్గమ్మ రెండు రూపాల్లో భక్తులకు దర్శనమివ్వనున్నారు.

 ఉదయం మహిషాసురమర్దనిగా.. మధ్యాహ్నం నుంచి రాజరాజేశ్వరీదేవి రూపంలో దర్శనమివ్వనున్నారు.

చివరి రోజు కృష్ణా నదిలో దుర్గామల్లేశ్వరుల తెప్పోత్సవాన్ని ఘనంగా నిర్వహించనున్నారు. అందుకు అన్ని ఏర్పాట్లు చేశారు.

 దసరా ఉత్సవాలు ముగుస్తుండడంతో ఇంద్రకీలాద్రికి భవానీ భక్తుల రాక పెరిగింది. దసరా ముగిసిన తర్వాత కూడా రెండు రోజుల పాటు భవానీలు తరలిరానున్నారు..

Oct 15 2023, 23:24

ఆటనై వస్తా పాటని వస్తా  పల్లె పల్లెకు ప్రజా గద్దరై వస్తా  పాట ఆవిష్కరణ
ఓయూ తెలుగు శాఖ అధ్యక్షులు ప్రొఫెసర్ చింతకింది కాశీం.
హైదరాబాద్, ఓయూ : 
తెలంగాణ విద్యార్థి ఉద్యమకారుడు వేముల గోపీనాథ్, ప్రజాయుద్ధ నౌక గద్దర్ పై రాసిన ఆటనై వస్తా.. పాటనై వస్తా... పాటను ఉస్మానియా యూనివర్సిటీ ఆర్ట్స్ కళాశాల ముందు తెలుగు శాఖ విభాగం అధ్యక్షులు  ప్రొఫెసర్   చింతకింది కాశీం 
 ఆవిష్కరించారు.
ఈ సందర్భంగా ప్రొ. కాశీం  మాట్లాడుతూ 
పల్లె పల్లెకు ప్రజా యుద్ధమై గద్దర్  వచ్చాడని ,తెలుగు సాహిత్యాన్ని దిగంతాలకు వ్యాపింపజేసి పాటను హిమాలయ శిఖరమంత ఎత్తుకు ఎలుగెత్తి పాడాడని, తెలుగు సాహిత్యాన్ని, కవిత్వాన్ని ఈ 50 ఏళ్లలో గద్దర్ శాసించాడాన్నారు.

గద్దరన్న ఆగస్టు 6 2023న అమరుడయ్యాడు. గద్దరన్న భౌతికంగా మనకు దూరమయ్యారు కానీ గద్దరన్న పాట, "మరణించిన ఒక తార రాలిపోయి రాజు మరణించిన ఒక తార గగనం ఎక్కి రాజు జీవించే రాతి విగ్రహములందు సుఖవి జీవించే ప్రజల నాలుకల యందు" అని గుర్రం జాషువా రాసినట్లు గద్దరన్న ప్రజల నాలుకల్లో జీవిస్తూ ఉన్నాడు .

  

ఆయన అమరుడు.  ఆయనకు మరణము లేదు. ఆయన ఆటకు, పాటకు మరణం లేదు. అందుకే గద్దరన్న అమరుడైన తర్వాత ఇప్పటికీ తెలుగు సాహిత్యంలో ప్రముఖ విమర్శకులు రచయితలు రాసిన ప్రత్యేక సంచికలు  వందలాది పేజీలతో ఒక అరడజన్  ప్రత్యేక సంచికలు వచ్చాయి.

అదేవిధంగా గద్దరన్న తెలుగు నేలమీద ఒక వారసత్వాన్ని కొనసాగించాడు. ఒక ఆచరణని స్థిరపరిచారు. తెలంగాణ రైతాంగ సాయుధ పోరాటంలో సుద్దాల హన్మంతు, బండి యాదగిరి నెలకొల్పిన వారసత్వాన్ని 1970లో గద్దరన్న కొనసాగించాడు. ఆ ఆచరణ స్థిరపరచడం వలన ఇప్పుడు గోసి కట్టుకొని గొంగడేసుకుని చేతిలో ఎర్రజెండా పట్టుకొని విప్లవ గానం చేసే ఒక పద్ధతిని తెలుగు నేల మీద  గద్దర్  వేదికై  వస్తున్నాడు.

అంటే ఒక కళాఖండం వస్తున్నది. ప్రజలందరూ ప్రేక్షకులందరూ అనుకునేటట్లు ఒక పద్ధతిని రూపొందించారు. అల్లసాని పెద్దనని ఒక 50 నుండి 100 మంది అనుసరించారు. గద్దరన్నను వేలాదిమంది అనుసరించారు, అనుసరిస్తూ ఉన్నారు. అందుకే గద్దరన్న మరణం కావటాన్ని జీర్ణించుకోలేని కళాకారులు ఆయన లాగా పాడాలని, ఆడాలని భావించిన కళాకారులు ఈ తెలుగు నేలమీద వేలాది ఘంటాలుగా వికసిస్తున్నారు.

కనుక ఆయన మీద ఇప్పటి వరకు కొన్ని వందల పాటలు వచ్చాయి. ఇవాళ తెలంగాణ విద్యార్థి ఉద్యమంలో తెలంగాణ విద్యార్థి వేదికలో కార్యకర్తగా, నాయకత్వం స్థాయిలో పనిచేసి విశ్వవిద్యాలయ స్థాయిలో  చదువుకున్నటువంటి గోపీనాథ్ గద్దర్  మీద  పాట రాయడం , ఒక విద్యార్థి నాయకుడు మాత్రమే కాదని కళాకారుడు. నల్లగొండ జిల్లాలో మాదిగ కుటుంబంలో పుట్టి పెరిగిన కళాకారుడు ఏ కళ అయితే వారికి అందించిందో ఆ కళారూపాన్ని అందుకొని గోపినాథ్ తన సోదరుడు అందీప్  ఇద్దరు కలిసి పాడిన పాట ఇది.

ఆటనై వస్తా  పాటనై వస్తా పాట ఎంత ముఖ్యమో పాటకి సంగీతం అంతే ముఖ్యం కనుక అరుణోదయ కళాకారుడిగా అరుణోదయ కార్యకర్తగా నాయకుడిగా ఉన్నా వెంకట్ ఒక అద్భుతమైన మంచి శ్రావ్యమైన సంగీతాన్ని అందించాడు. దీనికంటే ఈ పాట ప్రముఖంగా గద్దరన్న ఆలోచన విధానాన్ని ప్రజల మార్పు కోసం విప్లవం కోసం ఏదైతే గద్దరన్న కోరుకున్నాడో ఈ పాటలో ఉన్నది.

ఈ కార్యక్రమంలో ఎస్సీ కార్పొరేషన్ మాజీ చైర్మన్ పిడమర్తి రవి, కాంగ్రెస్ పార్టీ ప్రచార కమిటీ సభ్యులు కోట శ్రీనివాస్, ఎం,ఎస్ ఎఫ్ జాతీయ అధ్యక్షులు సోమశేఖర్ , టిపిసిసి మేనిఫెస్టో కమిటీ సభ్యులు డాక్టర్ లింగం యాదవ్, న్యాయవాదులు లక్ష్మీ దేవి, ఆంజనేయులు,  తెలంగాణ విద్యార్థి ఉద్యమకారులు పోటు నారాయణ, శ్రీమాన్ , పగిళ్ల సందీప్, రాజేంద్రప్రసాద్, పేరాల గోపి,చందు ,భాస్కర్,  గ్యారా శ్రీనివాస్, సంపతి సోమయ్య, శ్రీనివాస్, వెంకటేష్,వినోద్, మహేష్  ,సూర్యుడు,పీటర్, చరణ్, తదితరులు పాల్గొన్నారు.

Oct 15 2023, 12:32

Vijayawada: ఇంద్రకీలాద్రిలో బాలత్రిపురసుందరీ దేవిగా దుర్గమ్మ దర్శనం..
విజయవాడ:దుర్గగుడిలో అంబరాన్నంటే దసరా సంబరాలు (Dussehra celebrations) ఆరంభమయ్యాయి. బెజవాడ దుర్గమ్మ ఈ రోజు బాలత్రిపురసుందరీదేవి (Balatripurasundari Devi) అలంకరణలో భక్తులకు దర్శనమిచ్చారు..
ఇంద్రకీలాద్రిపై (Indrakiladri) ఈ నెల 23 వరకు శరన్నవరాత్రి ఉత్సవాలు జరగనున్నాయి..

దుర్గమ్మ ఈ ఏడాది తొమ్మిది రోజుల్లోనే పది అవతారాల్లో దర్శనమివ్వనుంది.

  

మొదటి రోజు ఆదివారం శ్రీబాలాత్రిపుర సుందరీదేవిగా, 
రెండో రోజు సోమవారం గాయత్రీదేవి, 
మూడో రోజు అన్నపూర్ణాదేవి,

నాలుగో రోజు మహాలక్ష్మీదేవి, 
ఐదో రోజు శ్రీమహాచండీదేవి, 
ఆరో రోజు అమ్మవారి జన్మనక్షత్రమైన మూలానక్షత్రం సందర్భంగా సరస్వతీదేవి రూపంలో దర్శనమివ్వనున్నారు.

ఏడో రోజు లలితా త్రిపుర సుందరీదేవి, 
ఎనిమిదో రోజు దుర్గాదేవి, 
తొమ్మిదో రోజు ఉదయం 4 గంటల నుంచి మధ్యాహ్నం 12 వరకు మహిషాసుర మర్దినిదేవి,

మధ్యాహ్నం ఒంటి గంట నుంచి రాత్రి 11 వరకు రాజరాజేశ్వరీదేవి రూపంలో
 దుర్గమ్మ భక్తులకు అభయం ఇవ్వనున్నారు..

Oct 15 2023, 12:28

తెలంగాణ కాంగ్రెస్ తొలి గెలుపు గుర్రాల జాబితా
చర్చోపచర్చలు, కులసంఘాలతో భేటీలు. ఆశావహులతో సమావేశాల అనంతరం ఎట్టకేలకు కాంగ్రెస్‌ ఎన్నికల అభ్యర్థుల తొలి జాబితా విడుదలైంది. 55 మంది పేర్లతో జాబితాను విడుదల చేసింది.
కులసమీకరణాలు, గెలుపు అవకాశాలు, స్థానిక పరిస్థితులకు అనుగుణంగా రూపొందించిన కాంగ్రెస్‌ తొలిజాబితాలో చోటు దక్కిన అభ్యర్థులు హర్షం ప్రకటిస్తున్నారు. తొలిజాబితాలో చోటు దక్కని వారు రెండో జాబితా కోసం ఉత్కంఠగా ఎదురుచూస్తున్నారు.

మరోవైపు సీపీఐతో పొత్తులపై క్లారిటీ ఇచ్చింది. చెన్నూరు, కొత్తగూడెం అసెంబ్లీ సీట్లు కేటాయిస్తూ ఇప్పటికే సమాచారం ఇచ్చింది.

  

ప్రకటించిన కాంగ్రెస్ అభ్యర్థులు వీరే..
బెల్లంపల్లి – గడ్డం వినోద్
మంచిర్యాల – ప్రేమ్ సాగర్
నిర్మల్ – శ్రీహరి రావు
ఆర్మూర్ – వినయ్ కుమార్ రెడ్డి
బోధన్ – సుదర్శన్ రెడ్డి
బాల్కొండ – సునీల్ కుమార్ ముత్యాల
జగిత్యాల – జీవన్‌రెడ్డి
ధర్మపురి -అడ్లూరి లక్ష్మణ్ కుమార్

రామగుండం – రాజ్ ఠాకూర్
మంథని – శ్రీధర్ బాబు
పెద్దపల్లి – విజయ రమణారావు
వేములవాడ – ఆది శ్రీనివాస్
మానకొండూరు – కవ్వంపల్లి సత్యనారాయణ
మెదక్ – మైనంపల్లి రోహిత్

ఆందోల్ – దామోదర రాజనర్సింహ్మ
జహీరాబాద్ – ఏ చంద్రశేఖర్
సంగారెడ్డి – జగ్గారెడ్డి
మేడ్చల్ – తోటకూర వజ్రీస్ యాదవ్
మల్కాజ్ గిరి – మైనంపల్లి హన్మంతరావు
గజ్వేల్ – నర్సారెడ్డి
కుత్బుల్లాపూర్ – హన్మంత్ రెడ్డి

ఉప్పల్ – పరమేశ్వర్ రెడ్డి
చేవేళ్ల – భీమ్ భరత్
పరిగి – రాంమోహన్ రెడ్డి
వికారాబాద్ – గడ్డప్రసాద్
ముషీరాబాద్ – అంజన్ కుమార్ యాదవ్
మలక్ పేట – షేక్ అక్బర్
సనత్ నగర్ – నీలిమా
నాంపల్లి – ఫిరోజ్ ఖాన్
కార్వాన్ – మహ్మమద్ అల్ హజ్రీ

గోషామహల్ – మోగిలి సునీత
చంద్రాయణగుట్ట – బోయ నగేశ్
యాకత్ పుర – రవి రాజు
బహదూర్ పూర్ – రాజేశ్ కుమార్
సికింద్రాబాద్ – సంతోష్ కుమార్
కొడంగల్ – రేవంత్ రెడ్డి
గద్వాల్ – సురితా తిరుపతయ్య
అలంపూర్ – సంపత్ కుమార్
నాగర్ కర్నూల్ – కూచుకుళ్ల రాజేశ్ రెడ్డి

అచ్చంపేట – వంశీకృష్ణ
కల్వకుర్తి – కసిరెడ్డి నారాయణరెడ్డి
షాద్ నగర్ – శంకరయ్య
కొల్లాపూర్ – జూపల్లి కృష్ణారావు
నాగార్జున సాగర్ – జయవీర్ రెడ్డి
హుజుర్ నగర్ – ఉత్తమ్ కుమార్ రెడ్డి
కోదాడ – ఉత్తమ్ పద్మావతి రెడ్డి

నల్గొండ – కోమటిరెడ్డి వెంకట్ రెడ్డి
నకిరేకల్ – వేముల వీరేశం
ఆలేరు – బీర్ల ఐలయ్య
ఘన్ పూర్ – సింగాపురం ఇందిరా
నర్సంపేట – దొంతి మాధవరెడ్డి
భూపాలపల్లి – గండ్ర సత్యనారాయణ
ములుగు – సీతక్క
మధిర – భట్టి విక్రమార్క
భద్రాచలం – పొదెం వీరయ్య
చెన్నూరు(సీపీఐ)