కెసిఆర్ పాలనలో శాంతి భద్రతలకు డొకలేదు: ఎమ్మెల్సీ కవిత


ప్రభుత్వానికి ప్రజలకు మద్య కులసంఘాలు వారధిగా ఉండాలని ఎమ్మెల్సీ కవిత అన్నారు. మంగళవారం నిజామాబాద్ పట్టణంలోని పులాంగ్ ప్రాంతంలో గల విజయలక్ష్మి గార్డెన్లో పద్మశాలి ఆత్మీయ సమ్మేళన కార్యక్రమానికి ఎమ్మెల్సీ కవిత,అర్బన్ ఎమ్మెల్యే గణేష్ బిగాల, నగర మేయర్ దండు నీతూ కిరణ్ ముఖ్య అతిదులుగా హాజరయ్యారు.

పద్మశాలీలు ఎమ్మెల్సీ కవితకు ఘనంగా స్వాగతం పలికారు. ఎమ్మెల్సీ కవిత మార్కండేయని చిత్రపటానికి ప్రత్యేక పూజలు చేసి కార్యక్రమాన్ని ప్రారంభించారు.

ఈ సందర్భంగా ఎమ్మెల్సీ కవిత మాట్లాడుతూ, బీఆర్ఎస్ పాలనలో శాంతిభద్రతలకు డోకా లేదన్నారు. గతంలో గ్రామాల్లో ఉన్న పద్మశాలీలు నిరుపేదలుగా ఉండడం దురదృష్టకరం అన్నారు. పద్మశాలీల కులవృత్తులు అంతరించి పోయాయి. వ్యవసాయ భూములు లేక చాలామంది విద్య వైపు వెళ్లి ఉన్నత స్థాయిలో నిలిచారనీ పద్మశాలీల సంక్షేమమే ధ్యేయంగా రాష్ట్ర ప్రభుత్వం ప్రత్యేక కృషి చేస్తుందన్నారు. బిగాల గణేష్ మూడవసారి శాసనసభ్యుడిగా పోటీ చేసేందుకు బిఆర్ఎస్ ప్రభు త్వం అభ్యర్థిగా ప్రకటించిందని రాబోయే ఎన్నికల్లో గణేష్ గుప్తకు అండగా ఉండి ఆశీర్వదించండనీ, భారీ మెజార్టీతో గెలిపించుకోవాలనీ కోరారు. 

మార్కండేయ వారసు లైన పద్మశాలీలు ధర్మరాజుకు సందేహం వస్తే మార్కండేయని అడిగి పరిస్థితి ఉండేదని అలాంటి పద్మశాలీల అభ్యు న్నతే దేయంగా కృషి చేస్తున్నా మన్నారు. వ్యాపారం చేసుకునే వారికి శాంతిభద్రత ఎంత ముఖ్యమో మీ అందరికీ తెలుసు 60 ఏళ్లలో చూస్తే ఏదో గొడవ జరుగు తూ ఉండేదని, ఈ 9 ఏళ్లలో ఎలాంటి గొడవలు కొట్లాటలు లేకుండా లాండ్ ఆర్డర్ని శాంతియుతంగా నడిపించిన ప్రభుత్వం బిఆర్ఎస్ ప్రభుత్వం అని తెలిపారు....

ఓటమి భయంతోనే సీఎం కేసీఆర్ మద్యం దుకాణాల వేలం పాటలు


రాష్ట్ర ముఖ్యమంత్రి కల్వకుంట్ల చంద్రశేఖర రావు ఓడిపోతానన్న భయంతోనే ఆరు నెలల ముందు వైన్ షాపులకు వేలంపాటలు నిర్వహించి కోట్ల రూపాయలు రాబట్టాడని విద్యార్థుల ఇవ్వాల్సిన ఫీజు రియంబర్స్మెంట్ లో నిర్లక్ష్యాన్ని ఎందుకు చూపుతున్నారో విద్యార్థి లోకానికి బహిరంగంగా  తెలియజేయాలని,ఆల్ ఇండియా ఫార్వర్డ్ బ్లాక్ రాష్ట్ర ఉపాధ్యక్షులు అంబటి జోజి రెడ్డి సవాల్ విసిరారు.

మంగళవారం కరీంనగర్ పట్టణంలోని ఆల్ ఇండియా ఫార్వర్డ్ బ్లాక్ కార్యాలయంలో మీడియా సమావేశాన్ని ఏర్పాటు చేశారు.ఈ సందర్భంగా ఆయన మాట్లాడుతూ తెలంగాణ రాష్ట్రం ఏర్పడితే బతుకులు బాగుపడతాయి అనుకున్న ప్రజల ఆశల మీద కేసీఆర్ నీళ్లు చల్లారని గుర్తు చేశారు.

ఎస్సీ ఎస్టీ బీసీ మైనార్టీ విద్యార్థులకు రావలసిన ఫీజు రియంబర్స్మెంట్ ఇప్పటివరకు విద్యార్థులకు మంజూరు చేయకపోవడంలో కెసిఆర్ యావత్ విద్యార్థి లోకాన్ని అవమాన పరిచినట్టేనని ఉన్నత చదువుల కోసం ఆరాటపడుతున్న విద్యార్థుల బతుకుల్లో దుమ్ముపోసారని విద్యార్థులు లేకపోతే తెలంగాణ ఉద్యమమే లేదని ముఖ్యమంత్రి ఆ సీట్లో ఉన్నాడంటే దానికి ప్రధాన కారణం విద్యార్థులేనని గుర్తు చేశారు

ఉన్నత విద్యను అభ్యసించడం కోసం విదేశాలకు వెళ్లే విద్యార్థులు సర్టిఫికెట్లు కావాలని కాలేజీల చుట్టూ తిరుగుతూ ప్రభుత్వం నుండి ఫీజు రియంబర్స్మెంట్ ఇంకా రాలేదు కాబట్టి సర్టిఫికెట్లు ఇవ్వమని కాలేజీలు మొండికేడంతో విద్యార్థులు అవస్థలు పడుతున్నారని అంబటి జోజి రెడ్డి  ఆవేదన వ్యక్తం చేశారు.

విద్యార్థులు ఇటు చదువు పట్ల అటు తల్లిదండ్రుల పరిస్థితుల పట్ల ఆలోచించి విద్యా శక్తిని కోల్పోయే పరిస్థితి ఏర్పడుతుందని అన్నారు అభివృద్ధి సంక్షేమాన్ని మర్చిపోయిన సీఎం కేసీఆర్ భూములు అమ్ముకుంటూ మద్యం మళ్లీ ఏరుల పారించేందుకు వేలం పాటలు వేస్తూ డబ్బులు పోగు చేసుకునే ఆలోచనలో ఉన్నట్లు తెలుస్తుందన్నారు విద్యార్థుల ఫీజు రియంబర్స్మెంట్ లో నిర్లక్ష్యం చేస్తే రానున్న రోజుల్లో ప్రభుత్వాన్ని గద్దె దింపుతామని హెచ్చరించారు.

ఈ విలేకరుల సమావేశంలో ఆల్ ఇండియా ఫార్వర్డ్ బ్లాక్ చొప్పదండి నియోజకవర్గం ఎమ్మెల్యే అభ్యర్థి ముత్యాల విజయ్ కుమార్ ఆల్ ఇండియా ఫార్వర్డ్ బ్లాక్ చొప్పదండి నియోజకవర్గం కన్వీనర్ పెద్దెల్లి శేఖర్ తదితరులు పాల్గొన్నారు.

LPG cylinder: ఎల్పీజీ వినియోగదారులకు గుడ్‌న్యూస్‌.. సిలిండర్‌పై రూ.200 తగ్గింపు
వంట గ్యాస్‌ వినియోగదారులకు కేంద్రం గుడ్‌న్యూస్‌ చెప్పింది. గృహోపయోగ ఎల్‌పీజీ సిలిండర్‌పై (LPG cylinder) రూ.200 చొప్పున తగ్గించింది.

ప్రధాని మోదీ నేతృత్వంలో జరిగిన కేంద్ర కేబినెట్‌లో ఈ నిర్ణయం తీసుకున్నారు. తగ్గించిన ధరలు తక్షణమే అమల్లోకి వస్తాయని కేంద్రమంత్రి అనురాగ్‌ ఠాకూర్‌ వెల్లడించారు. రక్షాబంధన్‌ను పురస్కరించుకుని ఈ రాయితీ ఇవ్వాలని నిర్ణయించినట్లు తెలిపారు.

ఇంట్లో వినియోగించే వంట గ్యాస్‌ సిలిండర్‌ ధర ప్రస్తుతం దేశ రాజధాని దిల్లీలో రూ.1103గా ఉంది. తగ్గించిన తర్వాత రూ.903కి తగ్గనుంది. ఉజ్వల పథకం కింద వంట గ్యాస్‌ పొందిన వారికి సబ్సిడీ కింద రూ.200 ఇస్తుండగా.. తగ్గింపుతో వారికి రూ.400 మేర ప్రయోజనం చేకూరనుంది. అంటే వారికి గ్యాస్‌ సిలిండర్ రూ.703కే లభించనుంది. అలాగే, ఉజ్వల పథకం కింద కొత్తగా మరో 75 లక్షల కొత్త వంట గ్యాస్‌ కనెక్షన్లు ఇవ్వనున్నట్లు మంత్రి ఈ సందర్భంగా తెలిపారు. 2016లో ప్రధాన మంత్రి ఉజ్వల యోజన పథకాన్ని ప్రధాని నరేంద్రమోదీ ప్రారంభించారు. కొత్తగా ఇవ్వనున్న కనెక్షన్లతో కలిపితే ఈ లబ్ధిదారుల సంఖ్య 10.35 కోట్లకు చేరనుంది..

కమర్షియల్‌ గ్యాస్‌ సిలిండర్‌ ధరలను పలుమార్లు సవరించిన ఆయిల్‌ కంపెనీలు.. గృహ అవసరాలకు వినియోగించే సిలిండర్‌ ధరను మాత్రం స్థిరంగా ఉంచాయి. చివరిసారిగా ఈ ఏడాది మార్చిలో ఒక్కో సిలిండర్‌పై రూ.50 చొప్పున ఆయిల్‌ కంపెనీలు పెంచాయి. మరికొన్ని నెలల్లో ఐదు రాష్ట్రాల ఎన్నికలు జరగనున్నాయి. తెలంగాణ, మధ్యప్రదేశ్‌, రాజస్థాన్‌, ఛత్తీస్‌గఢ్‌, మిజోరం రాష్ట్రాల అసెంబ్లీలకు త్వరలో ఎన్నికలు జరగనున్న వేళ ఈ నిర్ణయం తీసుకోవడం గమనార్హం..

Pawan Kalyan: అలాంటి వారి నుంచి భాషా వికాసాన్ని ఆశించలేం: పవన్‌


అమరావతి: తెలుగు భాషను కాపాడుకోవడం ప్రతి ఒక్కరి బాధ్యతని జనసేన అధినేత పవన్‌కల్యాణ్ అన్నారు. మన మాతృభాషను దూరం చేసేవిధంగా ఉన్న పాలకుల తీరు వల్ల కలిగే అనర్థాలను ప్రజలకు అర్థమయ్యేలా వివరించాల్సిన అవసరముందని ఆయన అభిప్రాయపడ్డారు..

తెలుగు భాషాభివృద్ధికి విశేష కృషి చేసిన గిడుగు రామ్మూర్తి జయంతి సందర్భంగా పవన్‌ ఓ ప్రకటన విడుదల చేశారు. మాట్లాడే భాష, రాసే భాష ఒకటి కావాలని తపించి.. ఆ దిశగా వ్యావహారిక భాషోద్యమాన్ని నడిపిన గొప్ప వ్యక్తి గిడుగు రామ్మూర్తి అని పవన్‌ కొనియాడారు. తెలుగు భాషా దినోత్సవం సందర్భంగా ఆయనకు అంజలి ఘటిస్తున్నట్లు పేర్కొన్నారు. తెలుగుజాతి ఎన్నడూ గిడుగు రామ్మూర్తి సేవలను మరువకూడదని పవన్‌ పేర్కొన్నారు.

తెలుగు భాష అభివృద్ధి కోసం ఏర్పాటైన ప్రభుత్వ విభాగాల పనితీరు గురించి ఎంత తక్కువ మాట్లాడితే అంత మంచిదని పవన్‌ అన్నారు. ప్రభుత్వం విడుదల చేసే ప్రకటనలు.. విద్యాశాఖ నుంచి వచ్చే ప్రకటనల్లో ఎన్ని అక్షరదోషాలు ఉంటున్నాయో తెలుస్తోందని చెప్పారు. అలాంటి వారి నుంచి భాషా వికాసాన్ని ఆశించలేమన్నారు. చిన్నారులు ఓనమాలు నేర్చుకునే దశ నుంచే మన మాతృభాషను దూరం చేసేలా పాలకుల తీరు ఉందని ఆవేదన వ్యక్తం చేశారు. వ్యావహారిక భాషోద్యమానికి మూల పురుషుడైన గిడుగు రామ్మూర్తి స్ఫూర్తిని తెలుగు భాషాభిమానులు, అధ్యాపకులు, సాహితీవేత్తలు అందిపుచ్చుకోవాలని పవన్‌ కోరారు..

GPS: జీపీఎస్‌పై మంత్రుల కమిటీ సమావేశాన్ని బహిష్కరించిన ఉపాధ్యాయ సంఘాలు


అమరావతి: గ్యారెంటీడ్‌ పెన్షన్‌ స్కీమ్‌(GPS)పై సచివాలయం రెండో బ్లాక్‌లో మంత్రుల కమిటీ సమావేశం ప్రారంభమైంది. మంత్రులు బొత్స సత్యనారాయణ, బుగ్గన రాజేంద్రనాథ్‌రెడ్డి, సీఎస్‌ జవహర్‌రెడ్డి, సజ్జల రామకృష్ణారెడ్డి, ఆర్థికశాఖ అధికారులు సమావేశానికి హాజరయ్యారు..

జీపీఎస్‌పై లిఖిత పూర్వక ప్రతిపాదనలు ఇచ్చేందుకు జాయింట్‌ స్టాఫ్ కౌన్సిల్‌లోని ఉద్యోగ సంఘాల నేతలు బొప్పరాజు వెంకటేశ్వర్లు, ఆస్కార్‌రావు తదితరులు హాజరయ్యారు.

 సీపీఎస్‌ ఉద్యోగ సంఘాల నేతలు సమావేశం వెలుపల వేచి చూస్తున్నారు. ఉపాధ్యాయ సంఘాలు ఈ సమావేశాన్ని బహిష్కరించాయి. జీపీఎస్‌ ఆర్డినెన్స్‌లోని అంశాలు బయటకు చెప్పకుండా చర్చలేమిటని సీపీఎస్‌ ఉద్యోగులు ఆగ్రహం వ్యక్తం చేస్తున్నారు..

Vikarabad: కరెంటు బిల్లుపై వివాదం.. తండ్రిని చంపిన కుమారుడు


వికారాబాద్‌: వికారాబాద్‌ జిల్లాలోని అత్తెల్లి గ్రామంలో దారుణం చోటుచేసుకుంది. ఇంటి కరెంట్ బిల్లు విషయంలో తండ్రీకొడుకుల మధ్య జరిగిన వాగ్వాదం ఒక ప్రాణాన్ని బలిగొంది..

వివరాల్లోకి వెళ్తే.. అత్తెల్లి గ్రామానికి చెందిన తండ్రీకొడుకులు ఒకే ఇంట్లో ఉంటున్నారు. వారు నివాసం ఉంటున్న ఇంటి కరెంటు బిల్లు విషయంలో ఇద్దరి మధ్య వాగ్వాదం జరిగింది. బిల్లును నువ్వు కట్టు అంటే.. నువ్వు కట్టు.. అంటూ పరస్పరం గొడవకు దిగారు.

ఈ గొడవ తారస్థాయికి చేరింది. దీంతో ఈ తండ్రీకొడుకుల మధ్య ఘర్షణ గ్రామ పెద్దల వరకు వెళ్లింది. గ్రామ పెద్దలు మాట్లాడుతుండగానే తండ్రి రామచంద్రయ్యపై కుమారుడు యాదయ్య రాడ్డుతో దాడి చేశాడు. దీంతో రామచంద్రయ్య అక్కడికక్కడే ప్రాణాలు కోల్పోయాడు. వెంటనే పంచాయతీ పెద్దలు పోలీసులకు సమాచారం అందించారు. సంఘటనా స్థలానికి చేరుకున్న పోలీసులు.. యాదయ్యను అదుపులోకి తీసుకున్నారు. కేసు నమోదు చేసి దర్యాప్తు చేస్తున్నట్లు వికారాబాద్‌ పోలీసులు తెలిపారు..

దర్శకుడు సెల్వమణి కి అరెస్ట్ వారెంట్
ఏపీ మంత్రి, సినీ నటి రోజా భర్త తమిళ సినీ దర్శకుడు అద్వే సెల్వమణికి చెన్నై జార్జిటవున్ కోర్టు అరెస్టు వారెంటు జారీ చేసింది.

2016లో దర్శకుడు ఆర్కే సెల్వమణి, కాంగ్రెస్ పార్టీకి చెందిన మాజీ ఎమ్మెల్యే అరుణ్ అన్నరసుతో కలిసి ఒక టీవీ ఛానెల్‌‌కు ఇంటర్వ్యూ ఇచ్చారు. 

అందులో తన పరువు ప్రతిష్టలను కించపరిచేలా సెల్వమణి వ్యాఖ్యలు చేశారని పేర్కొంటూ ప్రముఖ సినీ ఫైనాన్షియర్ ముకుంద్ చంద్ బోత్రా జార్జిటౌన్ కోర్టులో దావా వేశారు.

ఈ కేసు విచారణకు సెల్వమణి, ఆయన తరపు న్యాయవాది గైర్హాజరయ్యారు. దీంతో కోర్టు సెల్వ మణికి ఆరెస్టు వారెంట్ జారీ చేసింది........

గంగుల క్యాంప్ ఆఫీస్‌ ముట్టడి: మోహరించిన పోలీసులు


తెలంగాణ రాష్ట్ర వ్యాప్తంగా పెండింగ్‌లో ఉన్న 5,300 కోట్ల ఫీజు రీయింబర్స్మెంట్ వెంటనే విడుదల చేయాలని, యూనివర్సిటీ లో ఖాళీగా ఉన్న టీచింగ్ నాన్ టీచింగ్ పోస్టులను భర్తీ చేయాలి. సాంఘిక సంక్షేమ హాస్టళ్లకు పక్కా భవనాలు నిర్మించి మౌలిక వసతులు కల్పించాలనే ప్రధాన డిమాండ్లతో కరీంనగర్ ఏబీవీపీ నాయకులు, విద్యార్థులు మంగళవారం మంత్రి గంగుల కమలాకర్ క్యాంప్ ఆఫీస్ ను ముట్టడించారు.

విద్యార్థులు పెద్ద సంఖ్యలో మంత్రి క్యాంపు కార్యాలయానికి చేరుకోవడంతో పోలీసులు పెద్ద ఎత్తున మోహరించి విద్యార్థులను అడ్డుకున్నారు. దీంతో విద్యార్థి నాయకులకు, పోలీసులకు మధ్య తోపులాట జరిగి కొద్ది సేపు తీవ్ర గందరగోళ పరిస్థితి నెలకొంది.

పోలీసులు విద్యార్థి నాయకులను చెదరగొట్టి అరెస్ట్ చేసి స్థానిక పోలీస్ స్టేషన్ కు తరలించారు. ఈ క్రమంలో పలువురు విద్యార్థులకు, ఏబీవీపీ నాయకులకు గాయలయ్యాయి..

కాంగ్రెస్‌ పార్టీ డిక్లరేషన్   ఆచరణ లో సాధ్యం కాని హామీలు: మంత్రి తలసాని
కాంగ్రెస్  పార్టీ ఇచ్చే హామీలన్నీ ఆచరణ సాధ్యం కానివేనని మంత్రి తలసాని శ్రీనివాస్ యాదవ్  అన్నారు. అది ఏమన్నా కొత్త పార్టీయా అని ప్రశ్నించారు. వారి చరిత్ర ఎవరికి తెలయదని, ఆ పార్టీని తెలంగాణలోని కానీ, దేశంలో కానీ ఎవరూ నమ్మే స్థితిలో లేరని విమర్శించారు.

హైదరాబాద్‌ గోషామహల్‌లో బీసీ కులవృత్తిదారులకు ఆర్ధిక సహాయం పంపిణీ కార్యక్రమంలో మంగళవారం మంత్రి పాల్గొన్నారు. ఓట్లు దండుకోవడం తప్ప ఏరోజూ ప్రజల గురించి కాంగ్రెస్‌ ఆలోచించలేదన్నారు. 50 ఏండ్లపాటు రాష్ట్రాన్ని పరిపాలించారని, అప్పుడు పేదలకు పెన్షన్లు ఇవ్వాలనే ఆలోచన రాలేదా అని నిలదీశారు.

గృహలక్ష్మి పథకంలో భాగంగా ఇండ్ల నిర్మాణానికి ముఖ్యమంత్రి కేసీఆర్‌ రూ.3 లక్షలు ఇస్తుంటే.. వాళ్లు రూ.6 లక్షలు ఇస్తామని చెప్పడం ఎంతవరకు సబబన్నారు. ఆ పార్టీ నాయకులు కనీస పరిజ్ఞానం లేకుండా మాట్లాడుతున్నారని ఆగ్రహం వ్యక్తంచేశారు.

అధికారం కోసం ఊకదంపుడు ఉపన్యాసాలు, అలవికాని హామీస్తున్నారని విమర్శించారు. కర్ణాటక ఎన్నికల్లో కూడా ఇలాంటి హామీలే ఇచ్చారని, తీరా అధికారంలోకి వచ్చిన తర్వాత చేతులెత్తేశారని చెప్పారు. ఆ పార్టీ ప్రకటించే డిక్లరేషన్లు కనీసం మూతి తూడ్చుకోవడానికి కూడా పనికిరావని ఎద్దేవా చేశారు. అన్నివర్గాల అభివృద్ధికి ముఖ్యమంత్రి కేసీఆర్‌ కృషిచేస్తున్నారని చెప్పారు. వచ్చే నెల 2న 12 వేల డబుల్‌బెడ్‌ రూం ఇండ్లు పంపిణీ చేస్తామని వెల్లడించారు...

Hyderabad: స్పా ముసుగులో వ్యభిచారం.. ఐదుగురు విటుల అరెస్ట్‌


హైదరాబాద్‌: స్పా ముసుగులో వ్యభిచారం నిర్వహిస్తున్న రెండు సెంటర్లపై బంజారాహిల్స్‌ పోలీసులు కేసు నమోదు చేశారు. స్పా సెంటర్లలో యువతులతో వ్యభిచారం నిర్వహిస్తున్నారనే సమాచారంతో ఎస్సై కరుణాకర్‌రెడ్డి ఆధ్వర్యంలో పోలీసులు దాడులు నిర్వహించారు..

మెహిదీపట్నం ప్రాంతానికి చెందిన ఓ మహిళ.. ఇతర ప్రాంతాల నుంచి యువతులను తీసుకొచ్చి వ్యభిచారం చేయిస్తున్నట్లు గుర్తించారు. నిర్వాహకులపై కేసులు నమోదు చేసి వారిని అదుపులోకి తీసుకున్నారు.

 14 మంది యువతులను రెస్క్యూ హోమ్‌కు తరలించారు. ఐదుగురు విటులను పోలీసులు అరెస్ట్‌ చేసి రిమాండ్‌కు తరలించారు. ఒక్కో యువతికి వారానికి రూ.15వేలు ఇస్తూ వారితో వ్యభిచారం చేయిస్తున్నట్లు నిర్వాహకులు అంగీకరించారు..