హైదరాబాద్ మెట్రోలో సాంకేతిక లోపం
సాంకేతిక సమస్య కారణంగా హైదరాబాద్ మెట్రో సేవలకు అంతరాయం కలిగింది. దీంతో మెట్రో సేవలు ఎక్కడిక్కడ నిలిచిపోయాయి. ఎల్బీనగర్- మియాపూర్, నాగోల్- రాయదుర్గం కారిడార్‌లో దాదాపు 30 నిమిషాలుగా మెట్రో సేవలకు అంతరాయం ఏర్పడింది. దీంతో ప్రయాణికులు తీవ్ర ఇబ్బందులు ఎదుర్కొంటున్నారు.

  


హైదరాబాద్ మెట్రో ట్రైన్లలో సాంకేతికలోపం తలెత్తింది. దీంతో ట్రైన్లు ఎక్కడికక్కడ నిలిచిపోయాయి. నాగోల్ -రాయదుర్గం, ఎల్బీ నగర్ - మియాపూర్ కారిడార్లలో ట్రైన్లు నిలిచిపోయాయి. దాదాపుగా 30 నిమిషాలకు పైగా మెట్రో సేవలకు అంతరాయం ఏర్పడింది. ఉద్యోగులు ఆఫీసుకు, విద్యార్థులు కాలేజీలకు వెళ్లే సమయం కావటంతో మెట్రో ప్రయాణికులు తీవ్ర ఇబ్బందులు ఎదుర్కొంటున్నారు. అన్ని మెట్రో స్టేషన్లలోనూ ప్రయాణికుల రద్దీ విపరీతంగా పెరిగింది.

ట్రైన్లు సకాలంలో రాకపోవటంతో మెట్రో ప్లాట్‌ఫాంపై ప్రయాణికులు భారీగా చేరుకుంటున్నారు. అమీర్‌పేట్ మెట్రో స్టేషన్‌లో అయితే ఇసుకేస్తే రాలనంతగా ప్రయాణికులు ప్లాట్‌ఫాంపై నిరీక్షిస్తున్నారు. ట్రైన్లలో ఉన్నవారు ట్రైన్లలో.. స్టేషన్లలో ఉన్నవారు స్టేషన్లలోనే ఉండిపోయారు. అయితే ఈ అంతరాయంపై హైదరాబాద్ మెట్రో అధికారులు ఇప్పటి వరకు ఎటువంటి ప్రకటన చేయలేదు.

  

హైదరాబాద్‌ నగరవాసులు ఎప్పుడెప్పుడా అని ఎదురుచూస్తున్న మెట్రో సెకండ్ ఫేజ్ నిర్మాణ పనులు చేపట్టేందుకు రేవంత్ సర్కార్ సిద్ధమైంది. ఇందుకోసం రెండ్రోజుల క్రితం ప్రభుత్వం పరిపాలనా అనుమతులు జారీ చేసింది. సెకండ్ ఫేజ్‌లో మెుత్తం 76.4 కిలోమీటర్ల మేర మెట్రో నిర్మాణం చేపట్టనుండగా.. అందుకు అనుమతి లభించింది. కేంద్ర, రాష్ట్ర ప్రభుత్వాల ఉమ్మడి భాగస్వామ్యంతో రెండో దశ ప్రాజెక్టు నిర్మాణాన్ని చేపట్టనున్నారు.

మొత్తం మెట్రో ప్రాజెక్టు వ్యయం రూ.24,269 కోట్లు కాగా.. అందులో తెలంగాణ ప్రభుత్వ వాటారూ.7,313 కోట్లు ప్రస్తుతం నగరంలో మూడు కారిడార్లలో మెట్రో పరుగులు పెడుతుండగా.. కొత్తగా 5 మార్గాల్లో మెట్రో రెండో దశ విస్తరించనున్నారు. నాగోలు- శంషాబాద్ విమానాశ్రయం వరకు 36.8 కిలో మీటర్లు, రాయదుర్గ- కోకాపేట వరకు 11.6 కిలో మీటర్లు, ఎంజీబీఎస్ నుంచి చాంద్రయాణగుట్ట వరకు 7.5 కిలో మీటర్లు, మియాపూర్ నుంచి పటాన్ చెరువు వరకు 13.4 కిలో మీటర్లు, ఎల్బీనగర్ నుంచి హయత్ నగర్ వరకు 7.1 కిలో మీటర్లు మెట్రోను విస్తరించనున్నారు. ఈ మేరకు ప్రభుత్వం పరిపాలనా అనుమతులు జారీ చేసింది.

కేంద్రం కొత్త వరాలు
కేంద్ర ప్రభుత్వం కీలక నిర్ణయాలు అమలు చేస్తోంది. దేశ వ్యాప్తంగా మౌలిక సదుపాయాల పెంపు పైన ప్రత్యేకంగా ఫోకస్ చేసింది. పలు రాష్ట్రాల్లో రోడ్డు, రైలు, పోర్టు కనెక్టివిటీ పెంపుకు నిర్ణయం తీసుకుంది. దాదాపు 60 వేల కిలో మీటర్ల మేర నిర్మాణాలకు ప్రణాళికలు సిద్దం చేసింది. విజన్ - 2047 అమల్లో భాగంగా చేపట్టిన ఈ ప్రాజెక్టులో ఏపీతో పాటుగా తెలంగాణకు ప్రాధాన్యత దక్కింది. పలు నూతన ప్రాజెక్టులను ప్రకటించారు.

  


కేంద్రం తాజాగా ఖరారు చేసిన హైస్పీడ్ కారిడార్లలో ఏపీ - తెలంగాణ మీదుగా పలు ప్రాజెక్టుల కు చోటు కల్పించారు. రెండు తెలుగు రాష్ట్రాలను అనుసంధానం చేసేలా ప్రణాళికలు సిద్దం అయ్యాయి. రెండు రాష్ట్రాల్లోని పలు ప్రాంతాల్లో రోడ్ల ను వైడెనింగ్ చేయటం తో పాటుగ అంతర్గత రోడ్ల అనుసంధానం కు నిధులు కేటాయించారు. కేంద్రం ఖరారు చేసిన హైస్పీడ్ కారిడార్లలో ఏపీకి 9, తెలంగాణకు 6 ప్రాజెక్టులు దక్కాయి. వచ్చే మంత్రివర్గ సమావేశంలో ఈ ప్రతిపాదనలకు అధికారికంగా ఆమోద ముద్ర వేయనున్నారు. వీటిని రెండు దశల్లో పూర్తి చేయాలని కేంద్రం ప్రణాళికలు సిద్దం చేస్తోంది.

ఇప్పటికే ఈ ప్రాజెక్టులకు సంబంధించిన అంచనాల పైన కసరత్తు పూర్తి చేసారు. అయితే, అధికారికంగా ఈ ప్రాజెక్టుల రూట్ మ్యాప్ తో పాటుగా భూ సేకరణ పైన నిర్ణయం తీసుకోనున్నారు. తాజా ప్రాజెక్టులకు సంబంధించి రెండు సంస్థల నుంచి కేంద్రం నివేదికలు సేకరించింది. మొత్తం గా దాదాపు 60 వేల కిలో మీటర్ల రోడ్ల నిర్మాణం కు అనుగుణంగా బడ్జెట్ ప్రతిపాదనలు సిద్దం చేస్తున్నారు. ప్రస్తుత అవసరాలతో పాటుగా భవిష్యత్ రద్దీకి అనుగుణంగా ప్రణాళికల పైన కసరత్తు కొనసాగుతోంది. 2047 లోగా వీటి నిర్మాణం పూర్తి చేయాలనేది కేంద్రం లక్ష్యంగా ఉంది. తెలంగాణ లో హైదరాబాద్ నుంచి రాయపూర్ వరకు హైస్పీడ్ కారిడార్ రానుంది. అదే విధంగా నాగపూర్ - హైదరాబాద్ ప్రతిపాదన మరొకటి. హైదరాబాద్‌- విశాఖపట్నం వరకు మరో ప్రతిపాదన సిద్దం చేసారు.

  

ఏపీకి ఈ ప్రాజెక్టుల్లో ప్రాధాన్యత ఇచ్చారు. అందులో హైదరాబాద్‌- బెంగళూరు వరకు ప్రతి పాదించిన మార్గం ఏపీలో 261 కి.మీ వరకు ఉండనుంది. ఖరగ్‌పూర్‌- కటక్‌- విశాఖపట్నం మార్గం ఒడిశా మీదకు ఏపీ వరకు కొనసాగనుంది. చౌటుప్పల్‌ ఎన్‌హెచ్‌-65 నుంచి విజయవాడ మీదుగా మచిలీపట్నం వరకు మరో ప్రతిపాదన సిద్దమైంది.

ఏపీ పరిధిలో 335 కిలో మీటర్ల మేర అతి పెద్ద హై స్పీడ్ కారిడార్ వైజాగ్‌- కాకినాడ- రామేశ్వరం- విజయవాడ- గుంటూరు- ఒంగోలు వరకు ఏర్పాటు దిశగా ప్రతిపాదనలు సిద్దమయ్యాయి. కాకినాడ పోర్టు నుంచి ఉప్పాడ బీచ్‌, అదే విధంగా నెల్లూరు సిటీ నుంచి కృష్ణపట్నం పోర్టు, గంగవరం పోర్టు నుంచి తంగలం, సూళ్లూరు పేట- మోమిడి వరకు రోడ్ల ఏర్పాటుకు ఆమోదం దక్కనుంది.

నిమ్స్‌లో అరుదైన శస్త్ర చికిత్స
చిన్నతనం నుంచే గుండె సంబంధిత వ్యాధితో బాధపడుతున్న యువకుడికి నిమ్స్‌ వైద్యులు(Nims doctors) అరుదైన శస్త్ర చికిత్స చేశారు. మహబూబాబాద్‌(Mahbubabad) జిల్లా కుర్వి మండలం నారాయణపురం తండాకు చెందిన బానోత్‌ అశోక్‌ (20) చిన్నతనం నుంచే ఆరోగ్య సమస్యతో ఇబ్బంది పడుతుండడంతో అతని తల్లిదండ్రులు వైద్యులకు చూపించగా హృద్రోగ సమస్య ఉందని గుర్తించారు.

  


చిన్నతనం నుంచే గుండె సంబంధిత వ్యాధితో బాధపడుతున్న యువకుడికి నిమ్స్‌ వైద్యులు(Nims doctors) అరుదైన శస్త్ర చికిత్స చేశారు. మహబూబాబాద్‌(Mahbubabad) జిల్లా కుర్వి మండలం నారాయణపురం తండాకు చెందిన బానోత్‌ అశోక్‌ (20) చిన్నతనం నుంచే ఆరోగ్య సమస్యతో ఇబ్బంది పడుతుండడంతో అతని తల్లిదండ్రులు వైద్యులకు చూపించగా హృద్రోగ సమస్య ఉందని గుర్తించారు. ఐదేళ్ల వయసులో ప్రైవేట్‌ ఆస్పత్రిలో శస్త్రచికిత్స చేయగా కోలుకున్న అతను నాలుగేళ్లుగా ఆయాసం, గుండెదడతో బాధపడుతున్నాడు.

పరీక్షించిన వైద్యులు అతడి పల్మనరీ వాల్‌ లీక్‌ అవుతుందని గ్రహించారు. వెంటనే శస్త్ర చికిత్స చేయించాలని, అందుకు రూ. 25లక్షల నుంచి 35 లక్షల వరకు ఖర్చవుతుందని తెలిపారు. దాంతో అతడిని నిమ్స్‌కు తరలించగా కార్డియాలజీ విభాగంలో సీనియర్‌ ప్రొఫెసర్‌ డాక్టర్‌ సాయి సతీష్‌(Senior Professor Dr. Sai Satish) ఆధ్వర్యంలో ఆధునిక పరీక్షలు నిర్వహించారు. రిపోర్టులు పరిశీలించి రక్తనాళాల ద్వారా కృత్రిమ పల్మనరీ వాల్వ్‌ను అమర్చేందుకు నిర్ణయించారు.

  

సీఎం రిలీఫ్‌ ఫండ్‌ సహకారంతో డాక్టర్‌ సాయి సతీష్‌ నేతృత్వంలో వైద్యులు హేమంత్‌, శైలేష్‌ భాటియా, రాజశేఖర్‌, అమర్నాథ్‌, త్యాగి, అనస్తీషియా వైద్యులు డాక్టర్‌ అద్నాన్‌, తదతరులతో కూడిన వైద్యబృందం అక్టోబరు 25న శస్త్ర చికిత్సను నిర్వహించింది. రోగికి 35 మిల్లీమీటర్ల సైజు మై వాల్‌ కృత్రిమ పల్మనరీ కవాటాన్ని అమర్చారు. ఈ రకం పల్మనరీ కృత్రిమ కవాటం అమర్చడం భారతదేశంలో ఇప్పటివరకు ఇదే అతిపెద్దదని నిమ్స్‌ కార్డియాలజీ వైద్యులు సతీష్‌ తెలిపారు.

చంద్రబాబు.. ప్రజా ముఖ్యమంత్రి
సీఎం చంద్రబాబు నాయుడు శ్రీకాకుళం జిల్లా పర్యటనపై కేంద్ర పౌర విమానయాన శాఖ మంత్రి కె. రామ్మోహన్ నాయుడు స్పందించారు. చంద్రబాబు పర్యటన చాలా సాదా సీదాగా జరిగిందన్నారు. జిల్లాలో సమస్యలపై ఓ సీఎం ఇలా సమీక్ష చేయడం ప్రపంచంలో గతంలో ఎక్కడ జరగలేదని కేంద్ర మంత్రి స్పష్టం చేశారు. ఈ సందర్భంగా చంద్రబాబు ప్రజా ముఖ్యమంత్రి అని అభివర్ణించారు.

  


టీడీపీ అధినేత నారా చంద్రబాబు నాయుడు ప్రజా ముఖ్యమంత్రి అని కేంద్ర పౌర విమానాయాన శాఖ మంత్రి కె. రామ్మోహన్ నాయుడు అభివర్ణించారు. శ్రీకాకుళంలో ముఖ్యమంత్రి నారా చంద్రబాబు నాయుడు పర్యటన చాలా నిరాడంబరంగా జరిగిందని ఆయన తెలిపారు. అదే గత ముఖ్యమంత్రి వైఎస్ జగన్ జిల్లాల పర్యటన సందర్భంగా ప్రజలు తీవ్ర ఇబ్బందులు ఎదుర్కొనే వారని ఈ సందర్బంగా కేంద్ర మంత్రి కె. రామ్మోహన్ నాయుడు గుర్తు చేశారు.

సీఎం చంద్రబాబు శుక్రవారం ఉమ్మడి శ్రీకాకుళం జిల్లాలో పర్యటించారు. ఆయన పర్యటన విజయవంతమైంది. ఈ నేపథ్యంలో కేంద్ర మంత్రి రామ్మోహన్ నాయుడు ఆదివారం శ్రీకాకుళంలో స్పందించారు. ముఖ్యమంత్రి చంద్రబాబు పర్యటన దిగ్విజయం అయిందన్నారు. సీఎం పర్యటన సందర్భంగా ఎక్కడ ఎలాంటి ఆంక్షలు లేవన్నారు. రాష్ట్ర ప్రజలు మార్పు కోరుకున్నారని తెలిపారు. అందుకే తెలుగుదేశం పార్టీకి ప్రజలు అఖండ విజయాన్ని అందించారని చెప్పారు.

  

ఒక ముఖ్యమంత్రి.. జిల్లా స్థాయి సమీక్షలు నిర్వహించటం గత చరిత్రలో ఎప్పుడు, ఎక్కడా లేదన్నారు. ఈ సమీక్ష సమావేశంలో జిల్లాలోని ప్రధాన సమస్యలను ముఖ్యమంత్రి దృష్టికి తీసుకు వెళ్లామని ఆయన వివరించారు. ఈ సందర్బంగా జిల్లా సమస్యలపై సీఎం చంద్రబాబు చాలా సానుకూలంగా స్పందించారని చెప్పారు. ఈ జిల్లాలో గత ఐదేళ్లలో నీటి పారుదల వ్యవస్థను జగన్ ప్రభుత్వం గాలికి వదిలేసిందంటూ కేంద్రమంత్రి మండిపడ్డారు.

జిల్లాలోని వంశధార పేజ్-2 ద్వారా 90 టీఎంసీ నీటిని అందుబాటులోకి తేవటానికి చర్యలు చేపడతామని ఆయన స్పష్టం చేశారు. జిల్లాలోని నదులను అనుసంధానం చేయటానికి గతంలోనే ఓ ప్రయత్నం చేశామన్నారు. అయితే నదులు అనుసంధాన ప్రాజెక్ట్‌లో భాగంగా అసంపూర్తిగా ఉన్న పనులు సకాలంలో పూర్తి చేయాలని జిల్లా ఉన్నతాధికారులను సీఎం చంద్రబాబు ఈ సమావేశంలో ఆదేశించారని ఆయన తెలిపారు.

ఆఫ్ షోర్ ప్రాజెక్ట్ కొత్త డిపిఆర్ తీసుకుని వాటి పనులు చేపట్టడానికి సీఎం అంగీకరించారన్నారు. అలాగే ఉమ్మడి శ్రీకాకుళం జిల్లాలో వలసలు నివారణకు చర్యలు తీసుకుంటామని తెలిపారు. అందుకోసం మూలపేట పోర్టు పనులను త్వరితగతిన పూర్తి చేసి అందుబాటులోకి తీసుకు వస్తామని స్పష్టం చేశారు. ఇక మూలపేట పోర్టుకు అనుసంధానంగా పారిశ్రామికాభివృద్ధి సైతం చేపట్టాలని తమ ప్రభుత్వం నిర్ణయించిందని వివరించారు. అందుకోసం మూలపేట సమీపంలో ఎయిర్‌పోర్టు ఏర్పాటు చేయనున్నట్లు ఆయన తెలిపారు.

ఉమ్మడి శ్రీకాకుళం జిల్లాలోని ప్రముఖ పుణ్య క్షేత్రమైన అరసవెల్లి అభివృద్ధికి సైతం చర్యలు చేపడతామని ఆయన ప్రకటించారు. గ్లోబల్ స్టాండర్డ్స్ స్థాయిలో ఈ దేవాలయం అభివృద్ధి పరుస్తామని చెప్పారు. ఈ ఆలయాభివృద్ధిని కేంద్ర ప్రభుత్వ ప్రసాదం స్కీమ్‌లో భాగంగా చేపడతామని వివరించారు. ఇక జిల్లాలో వెయిట్ లిఫ్టింగ్ అకాడమీ ఏర్పాటుకు చర్యలు సైతం తీసుకుంటామని ఆయన జిల్లా ప్రజలకు హామీ ఇచ్చారు.

జిల్లాలో విస్తృతమైన ల్యాండ్ బ్యాంక్స్ ఉన్నాయని ఈ సందర్భంగా ఆయన గుర్తు చేశారు. చిన్న, మధ్య తరగతి పరిశ్రమలు ఏర్పాటుకు ఔత్సాహిక పారిశ్రామికవేత్తలను సైతం జిల్లాకు ఆహ్వానిస్తున్నట్లు కేంద్ర మంత్రి కె. రామ్మోహన్ నాయుడు తెలిపారు.

ఆంధ్రప్రదేశ్ అసెంబ్లీతోపాటు సార్వత్రిక ఎన్నికలు ఒకే సారి జరిగాయి. ఈ ఎన్నికల్లో తమ పార్టీని అధికారంలోకి వస్తే.. ఉచిత సిలిండర్‌తోపాటు మరో ఐదు పథకాలు అమలు చేస్తామంటూ తెలుగుదేశం పార్టీ అధినేత చంద్రబాబు ప్రకటించారు. ఈ మేరకు పార్టీ మ్యానిఫెస్టోలో ‘సూపర్ సిక్స్’ పేరిట ఈ పథకాలను ఆ పార్టీ పొందు పరిచింది. ఈ ఎన్నికల్లో టీడీపీ, జనసేన, బీజేపీ కూటమి ఘన విజయం సాధించింది. దీంతో దీపావళి సందర్భంగా సీఎం చంద్రబాబు ఉచిత గ్యాస్ సిలిండర్ పథకాన్ని ప్రారంభించారు. ఈ పథకాన్ని శుక్రవారం ఉమ్మడి శ్రీకాకుళం జిల్లా ఇచ్ఛాపురం మండలం ఈదుపురంలో లబ్దిదారులకు సీఎం చంద్రబాబు స్వయంగా అందజేశారు.

అనంతరం లబ్దిదారుడి నివాసంలో సీఎం చంద్రబాబు టీ పెట్టారు. అనంతరం ఈ టీని అందరు తాగారు. ఈ కార్యక్రమంలో రాష్ట్ర మంత్రులు నాదెండ్ల మనోహర్‌, అచ్చెన్నాయుడితోపాటు కేంద్ర మంత్రి కె. రామ్మోహన్ నాయుడు తదితరులు పాల్గొన్నారు. ఈ కార్యక్రమం దిగ్విజయం కావడం పట్ల.. కేంద్ర మంత్రి రామ్మోహన్ నాయుడు సోమవారం పైవిధంగా స్పందించారు.

సముద్ర గర్భంలోకి
భూగోళం మూడొంతులు నీళ్లతో నిండి ఉంది. ఈ సముద్రాల్లో ఉన్న జీవరాశుల్ని లెక్కించడం తలకు మించిన భారమే. ఇప్పటిదాకా రెండున్నర లక్షల జాతుల జీవుల్ని గుర్తించారు. మనకు తెలియని ఈ ప్రపంచాన్ని దగ్గర నుంచి చూసే అవకాశాన్ని కలిగిస్తోంది ‘ఓషన్‌ ఒడిస్సీ

  


భూగోళం మూడొంతులు నీళ్లతో నిండి ఉంది. ఈ సముద్రాల్లో ఉన్న జీవరాశుల్ని లెక్కించడం తలకు మించిన భారమే. ఇప్పటిదాకా రెండున్నర లక్షల జాతుల జీవుల్ని గుర్తించారు. మనకు తెలియని ఈ ప్రపంచాన్ని దగ్గర నుంచి చూసే అవకాశాన్ని కలిగిస్తోంది ‘ఓషన్‌ ఒడిస్సీ’.

అందరూ పూర్తిగా లీనమయ్యే ఎగ్జిబిషన్‌ ఇది. సముద్రాల్లో జీవరాశుల జీవన వీడియోలను ఇక్కడ ప్రదర్శిస్తున్నారు.

  

వీటిని క్యాప్చర్‌ చేసింది ప్రసిద్ధ ‘నేషనల్‌ జియోగ్రాఫిక్‌’ ఫొటోగ్రాఫర్‌ బ్రియన్‌ స్కెర్రీ. పది వేలకు పైగా గంటలను వివిధ సముద్రాల్లో గడిపి ఎన్నో అరుదైన దృశ్యాలను ఆయన చిత్రీకరించారు.

ఆ వీడియోలను వివిధ నగరాలలో ‘ఓషన్‌ ఒడిస్సీ’ పేరుతో ప్రదర్శిస్తున్నారు. ప్రస్తుతం జర్మనీలోని డార్ట్‌మండ్‌ నగరంలో ఈ ఎగ్జిబిషన్‌ జరుగుతోంది. ఆడియో వీడియో ప్రెజెంటేషన్‌ చూసి సందర్శకులు మంత్రముగ్ధులవుతున్నారు.

బంగ్లాదేశ్‌లో 3 నెలల్లో హిందూ మైనారిటీలపై 2000 కంటే ఎక్కువ దాడులు,, వీధుల్లోకి హిందువులు
భారతదేశ పొరుగు దేశం బంగ్లాదేశ్‌లోని హిందూ మైనారిటీలు ప్రభుత్వం నుండి రక్షణ కల్పించాలని డిమాండ్ చేస్తూ ర్యాలీ నిర్వహించారు.

  


ముస్లింలు మెజారిటీగా ఉన్న బంగ్లాదేశ్‌లోని మధ్యంతర ప్రభుత్వం దాడులు, వేధింపుల నుండి తమను రక్షించాలని, హిందూ సమాజ నాయకులపై దేశద్రోహం కేసులను ఎత్తివేయాలని డిమాండ్ చేయడానికి హిందూ సమాజానికి చెందిన దాదాపు 300 మంది శనివారం ఢాకాలో సమావేశమయ్యారు.

ఆగస్టు నెలలో బంగ్లాదేశ్‌లో తిరుగుబాటు జరిగినప్పటి నుంచి హిందూ సమాజంపై వేలాది దాడులు జరిగాయని హిందూ సంఘాల ర్యాలీ పేర్కొంది.

  

హిందువులపై దాడులకు సంబంధించి, దేశంలోని మైనారిటీ గ్రూప్ బంగ్లాదేశ్ హిందూ బౌద్ధ క్రైస్తవ ఐక్యత కౌన్సిల్ ఆగస్టు 4 నుండి హిందువులపై 2,000 కంటే ఎక్కువ దాడులు జరిగాయని, ఎందుకంటే తాత్కాలిక ప్రభుత్వం శాంతిభద్రతలను పునరుద్ధరించడానికి కష్టపడుతోంది. ర్యాలీ సందర్భంగా హిందూ సమాజానికి తగిన భద్రత కల్పించలేదని హిందూ సంఘాలు కూడా ఆరోపించాయి.

మన దగ్గరే ఉంది ఓ అందమైన గ్రామం
సరదాగా ఫ్రెండ్స్ లేదా కుటుంబ సభ్యులతో కలిసి టూర్లకు వెళ్లాలనుకునేవారికి శీతాకాలం చాలా అనువుగా ఉంటుంది. వర్షకాలం లేదా వేసవి మాదిరిగా ప్రయాణంలో ఎలాంటి ఇబ్బందులు ఎదురుకావు. అంతేకాదు ప్రకృతి అందాలు ఆస్వాదించేందుకు చలికాలం అద్భుతంగా ఉంటుంది. మరి మన తెలుగు రాష్ట్రంలోనే ఉన్న ఈ అందమైన గ్రామం గురించి తెలిస్తే ఆశ్చర్యపోతారేమో..

  


సరదాగా ఫ్రెండ్స్ లేదా కుటుంబ సభ్యులతో కలిసి టూర్లకు వెళ్లాలనుకునేవారికి శీతాకాలం చాలా అనువుగా ఉంటుంది. ఎందుకంటే వర్షకాలం లేదా వేసవి మాదిరిగా ప్రయాణంలో ఎలాంటి ఇబ్బందులు ఎదురుకావు. అంతేకాదు ప్రకృతి అందాలు ఆస్వాదించేందుకు ఈ సీజన్ అద్భుతంగా ఉంటుంది. ఈ ఏడాది శీతకాలం వచ్చేసింది. మరి మంచుతో కూడిన సుందర దృశ్యాలను వీక్షించాలనుకునే తెలుగు ఔత్సాహిక టూరిస్టులు ఎక్కడికో దూరంగా వెళ్లాల్సిన అవసరం లేదు. ‘ఆంధ్రప్రదేశ్ కాశ్మీర్’గా పిలుచుకునే ‘లంబసింగి’ని సందర్శించి మంచు అందాలను తనివితీరా ఆస్వాదించవచ్చు. పొగమంచుతో కప్పి ఉండే ఈ గ్రామాన్ని సందర్శించాలనుకునే హైదరాబాదీలు విమానం ఎక్కి నేరుగా విశాఖపట్నం వెళ్లిపోవచ్చు. అక్కడి నుంచి సులువుగా లంబసింగి చేరుకోవచ్చు.

దక్షిణ భారతదేశంలో అరుదైన వాతావరణం, పొగమంచుతో కప్పి ఉండే ఏకైక హిల్ స్టేషన్ ఇదే కావడం గమనార్హం. ఇక్కడ ఉష్ణోగ్రతలు మంచు కురిసేంత తక్కువగా ఉంటాయి. ఇక్కడ అరుదైన వాతావరణం నెలకొని ఉంటుంది. అతిశీతలంగా, సుందరమైన లోయలు, ప్రకృతి అందాలు అబ్బురపరుస్తాయి. ఈ హిల్ స్టేషన్ సముద్ర మట్టానికి దాదాపుగా 1,000 మీటర్లు (3,280 అడుగులు) ఎత్తులో ఉంది. దక్షిణ భారతదేశంలో శీతాకాలం కురిసే మంచు దృశ్యాలను వీక్షించగలిగే ఏకైక ప్రదేశం లంబసింగి కావడం విశేషం. ఏడాదంతా ఇక్కడ హిమపాతం సంభవిస్తున్నప్పటికీ శీతకాలంలో ఇంకా ప్రత్యేకంగా కనిపిస్తుంది.

  

ఇక్కడ ఉండే గడ్డకట్టే చలి వాతావరణం కారణంగా కొన్నిసార్లు ఉదయం పూట మంచు స్ఫటికాలుగా మారి గ్రామాన్ని తెల్లటి పొర కప్పేసి ఉంటుంది. స్థానికులు లంబసింగిని ‘కొర్ర బయలు’ అని కూడా పిలుస్తుంటారు. ‘ఎవరైనా రాత్రిపూట బహిరంగ ప్రదేశంలో ఉంటే కర్రలా స్తంభించిపోతారు’ అని ఈ పదానికి అర్థం. ఎముకలు కొరికే చలి వాతావరణం ఇలా పిలుచుకోవడానికి కారణమైంది. చలి తీవ్రంగా ఉండే డిసెంబర్- జనవరి నెలల్లో ఇక్కడి ఉష్ణోగ్రతలు 0 నుంచి -2 ° సెంటిగ్రేడ్ స్థాయికి పడిపోతుంటాయి. ఇతర సీజన్లలో కూడా గ్రామం చాలా చల్లగా, పొగమంచు పడుతూ ఉంటుంది. చాలా రోజుల్లో ఉదయం 10 గంటల తర్వాత మాత్రమే సూర్య కిరణాలు పడతాయి.



లంబసింగిలో కనిపించే సుందరమైన లోయలు, దట్టమైన అడవులు, పర్వతాలు చాలా ఆహ్లాదకరంగా కనువిందు చేస్తాయి. కాఫీ తోటలు, యాపిల్ తోటలు, మిరియాల సాగు కనిపిస్తాయి. అంతేకాదు స్థానికంగా ఉండే గిరిజనులతో మాట్లాడడం కూడా కొత్త అనుభూతిని ఇస్తుంది. లంబసింగి గ్రామీణ జీవనశైలిని తెలుసుకోవచ్చు. గ్రామం అవతలి అందాలను చూడాలనుకునేవారికి కూడా సమీపంలోని కొన్ని సుందర ప్రదేశాలు ఉన్నాయి.

కొత్తపల్లి జలపాతం, సుసాన్ ఫ్లవర్ ఫీల్డ్స్, తాజంగి రిజర్వాయర్, కాఫీ తోటలు, యాపిల్ తోటలు, స్ట్రాబెర్రీ సాగు ఇలా దగ్గరలోనే కొన్ని సుందరమైన పర్యాటక ప్రదేశాలు ఉన్నాయి.

లంబసింగికి నేరుగా రైళ్లు లేవు. సమీపంలో చింతపల్లి రైల్వే స్టేషన్ ఉంది. ఇక్కడి నుంచి లంబసింగి 20 కిలోమీటర్ల దూరంలో ఉంటుంది. సుదూర ప్రాంతాల నుంచి వెళ్లేవారు కాకినాడ, విశాఖపట్నం రైల్వే స్టేషన్లకు కూడా చేరుకోవచ్చు. బస విషయానికి వస్తే లంబసింగిలో అంతగా సౌకర్యాలు లేవు. ఈ మధ్య హోమ్‌ స్టేలు ప్రారంభమయ్యాయి. సమీపంలో ఉన్న పెద్ద పట్టణం అయిన నర్సీపట్నంలో ఉన్న హోటళ్లు, గెస్ట్ హౌస్‌లలో బస చేయవచ్చు.

రెండు రోజులు యూపీఐ సేవలు బంద్
నవంబర్‌లో రెండు రోజుల పాటు ఓ బ్యాంక్ కస్టమర్‌లు UPI సేవలను ఉపయోగించలేరు. బ్యాంకు వ్యవస్థలో నిర్వహణ పనుల కారణంగా ఆయా ఖాతాదారులు అసౌకర్యానికి గురవుతారని ప్రకటించారు. అయితే ఈ సేవలు ఏ సమయంలో, ఎప్పుడు బంద్ చేస్తారనే విషయాలను ఇక్కడ తెలుసుకుందాం.

  


భారతదేశంలో ప్రతిరోజూ వేల కోట్ల రూపాయల విలువైన UPI లావాదేవీలు జరుగుతున్నాయి. దీన్ని బట్టి దేశంలో యూపీఐ ఏ స్థాయిలో ఉపయోగిస్తున్నారో అర్థం చేసుకోవచ్చు. UPI వాడకం ద్వారా నగదును తీసుకువెళ్లే అవసరమే లేకుండా లావాదేవీలను సులభంగా చేసుకోవచ్చు. ఈ నవంబర్ నెలలో రెండు రోజులు మాత్రం UPI పనిచేయదు. దీనిని ఉపయోగించలేరు. కానీ అందరికీ మాత్రం కాదు. అయితే ఇది ఎవరికి పనిచేయదు, ఎన్ని రోజులు పనిచేయకుండా ఉంటుందనే విషయాలను ఇక్కడ తెలుసుకుందాం.

నవంబర్‌లో రెండు రోజుల పాటు UPI సేవలను ఉపయోగించుకోలేరని HDFC బ్యాంక్ తన ఖాతాదారులకు తెలిపింది. బ్యాంక్ వెబ్‌సైట్ నుంచి వచ్చిన సమాచారం ప్రకారం కొన్ని ముఖ్యమైన సిస్టమ్ మెయింటెనెన్స్ సెట్టింగ్స్ కారణంగా HDFC బ్యాంక్ ఈ UPI సేవలను నిలిపివేస్తున్నట్లు చెప్పింది. HDFC బ్యాంక్ UPI సేవను ఉపయోగించే కస్టమర్‌లు నవంబర్ 5, నవంబర్ 23న UPI ద్వారా డబ్బు పంపలేరు లేదా స్వీకరించలేరు.

  

నవంబర్ 5న అర్ధరాత్రి 12.00 గంటల నుంచి 02.00 గంటల వరకు, ఆ తర్వాత నవంబర్ 23న అర్ధరాత్రి 12.00 గంటల నుంచి తెల్లవారుజామున 03.00 గంటల వరకు ఈ యూపీఐ సేవలు నిలిపివేయబడతాయని హెచ్‌డీఎఫ్‌సీ బ్యాంక్ తెలిపింది. ఈ సమయంలో హెచ్‌డీఎఫ్‌సీ బ్యాంక్ కరెంట్, సేవింగ్స్ ఖాతాలతో పాటు రూపే కార్డ్‌లపై ఆర్థిక, ఆర్థికేతర యూపీఐ లావాదేవీలు చేసుకోవడం సాధ్యం కాదని బ్యాంక్ తెలిపింది. ఇది కాకుండా హెచ్‌డీఎఫ్‌సీ బ్యాంక్ యూపీఐ సేవల ద్వారా చెల్లింపులు చేసుకునే దుకాణదారులు కూడా ఈ వ్యవధిలో చెల్లింపు చేసుకోలేరు.

మీరు మీ HDFC బ్యాంక్ ఖాతా నుంచి UPIని వినియోగిస్తున్నయితే HDFC బ్యాంక్ మొబైల్ యాప్, Paytm, PhonePe, Google Pay, Mobikwik వంటి వాటి ద్వారా డబ్బును పంపలేరు లేదా స్వీకరించలేరు. మొత్తంమీద ఈ వ్యవధిలో HDFC బ్యాంక్‌కి లింక్ చేయబడిన ఎటువంటి UPI లావాదేవీలను చేయలేరు.

సనాతన ధర్మాన్ని పరిరక్షించేందుకు నరసింహ వారాహి బ్రిగేడ్‌ను ఏర్పాటు చేస్తున్నట్టు ప్రకటించిన పవన్ కళ్యాణ్, నేను అన్ని మతాలను గౌరవిస్తానని అన్నారు
ఏలూరు (ఆంధ్రప్రదేశ్), నవంబర్ 3 (IANS). దక్షిణాదికి చెందిన ప్రముఖ సూపర్‌స్టార్ మరియు జనసేన పార్టీ (జెఎస్‌పి) అధినేత ఆంధ్రప్రదేశ్ ఉప ముఖ్యమంత్రి పవన్ కళ్యాణ్ తన పార్టీలో నరసింహ వారాహి బ్రిగేడ్‌ను ఏర్పాటు చేస్తున్నట్లు ప్రకటించారు. ఈ బ్రిగేడ్ యొక్క ప్రధాన లక్ష్యం సనాతన ధర్మాన్ని రక్షించడం.

  


పవన్ కళ్యాణ్ శనివారం ప్రసంగిస్తూ, నేను అన్ని మతాలను గౌరవిస్తాను, కానీ నా విశ్వాసంలో నేను స్థిరంగా ఉన్నాను. సనాతన ధర్మాన్ని విమర్శించినా, సోషల్ మీడియాలో అగౌరవంగా మాట్లాడేవారూ పర్యవసానాలను ఎదుర్కోవాల్సి ఉంటుంది. అందుకే, సనాతన ధర్మాన్ని కాపాడేందుకు నా పార్టీలో నరసింహ వారాహి బ్రిగేడ్ పేరుతో ప్రత్యేక విభాగాన్ని ఏర్పాటు చేస్తున్నాను.

జగన్నాథ్‌పూర్ గ్రామంలో డిపామ్-2 ఉచిత ఎల్‌పిజి సిలిండర్ పథకాన్ని పవన్ కళ్యాణ్ ప్రారంభించిన సందర్భంగా ఈ ప్రకటన చేశారు.

  

ఆయన ప్రసంగిస్తూ.. గత ప్రభుత్వం కంటే ప్రజల సంక్షేమమే ధ్యేయంగా ఇచ్చిన హామీలను అమలు చేస్తున్నామన్నారు. దీపం-2 పథకం ద్వారా రాష్ట్రంలోని 1,08,39,286 మంది అర్హులైన లబ్ధిదారులకు ఏడాదికి రూ.2,684 కోట్లతో మూడు గ్యాస్ సిలిండర్లను పంపిణీ చేస్తున్నాం. వచ్చే ఐదేళ్లలో ప్రజల సంక్షేమం కోసం రూ.13,425 కోట్లు ఇస్తామన్నారు.

సంకీర్ణ ప్రభుత్వం బాలికలు, మహిళల భద్రతకు ప్రాధాన్యత ఇస్తుందని ఆయన తన ప్రసంగంలో ఉద్ఘాటించారు.

మహిళలపై ఎవరైనా బెదిరింపు దాడులు, వేధింపులకు పాల్పడితే కఠిన చర్యలు తీసుకుంటామని హామీ ఇచ్చారు.

ఆ తర్వాత వైఎస్సార్‌సీపీ నేతలపై కూడా విమర్శలు గుప్పించారు. కేవలం 11 సీట్లు వచ్చినా వైఎస్సార్‌సీపీ సభ్యులు, మద్దతుదారులు బాగుపడలేదన్నారు. మా ప్రభుత్వం అధికారంలోకి వచ్చి కొన్ని నెలలే అయినా ఏదో పెద్ద అవాంఛనీయ సంఘటన జరిగినట్లు సోషల్ మీడియాలో బహిరంగంగా మాట్లాడుతున్నారు. ఇక నుంచి ప్రభుత్వంపై అసత్య ప్రచారం చేసేవారిని సహించేది లేదన్నారు.

రాష్ట్రంలో వైఎస్సార్‌సీపీ ఘోర పరాజయం పాలైన తర్వాత కూడా సోషల్‌ మీడియాలో మహిళలను అగౌరవపరచడం ఆపడం లేదని వైఎస్సార్‌సీపీ నేతలు మండిపడ్డారు.

మహిళలపై ఎలాంటి అఘాయిత్యాలు జరిగినా ఉపేక్షించేది లేదని, ఈ ప్రవర్తనకు పాల్పడే వారి సోషల్ మీడియా కార్యకలాపాలపై నిఘా ఉంచుతున్నామని ఆయన వైఎస్‌ఆర్‌సీపీ నాయకులను హెచ్చరించారు. ఇక నుంచి ఎవరైనా మహిళలను కించపరిచేలా మాట్లాడితే కఠిన చర్యలు తీసుకుంటామన్నారు.

ఆర్బీఐ వద్ద ఏపీ సెక్యూరిటీ బాండ్లు
ముఖ్యమంత్రి చంద్రబాబు నాయుడు- ఉప ముఖ్యమంత్రి పవన్ కల్యాణ్ సారథ్యంలో ఏపీలో అధికారంలో ఉన్న తెలుగుదేశం- జనసేన- భారతీయ జనతా పార్టీ సంకీర్ణ కూటమి ప్రభుత్వం ఆదాయ వనరుల సమీకరణపై దృష్టి పెట్టింది.

  


అధికారంలోకి రావడానికి ఎన్నికల ప్రచార సమయంలో ఇచ్చిన సూపర్ 6 హామీలను అమలు చేయడానికి అవసరమైన నిధులను కూడగట్టుకునే ప్రయత్నాల్లో పడింది. ఇందులో భాగంగా- ప్రభుత్వానికి చెందిన సెక్యూరిటీ బాండ్లను వేలానికి పెట్టే సంప్రదాయాన్ని అధికారంలోకి వచ్చినప్పటి నుంచీ కొనసాగిస్తోంది.

ఇప్పటికే దశలవారీగా వేల కోట్ల రూపాయల విలువ చేసే సెక్యూరిటీ బాండ్లను వేలానికి పెట్టిన విషయం తెలిసిందే. ఇప్పుడు మరోసారి అప్పులకు వెళ్లింది చంద్రబాబు సర్కార్. తాజాగా 2,000 కోట్ల రూపాయలను సమీకరించుకోనుంది. దీనికి అవసరమైన రెండు సెక్యూరిటీ బాండ్లను రిజర్వ్ బ్యాంక్ వద్ద వేలానికి పెట్టింది.

  

ఒక్కో బాండ్ విలువ 1,000 కోట్ల రూపాయలు. ఇవి రివైజ్డ్ సెక్యూరిటీ బాండ్లు. ఈ నెల 5వ తేదీన అంటే మంగళవారం నాడు ఈ సెక్యూరిటీ బాండ్లు వేలానికి రానున్నాయి. రిజర్వ్ బ్యాంక్ ఆఫ్ ఇండియా కోర్ బ్యాంకింగ్ సొల్యూషన్ (ఇ-కుబేర్) ద్వారా వేలం పాట సాగుతుంది. కాంపిటీటివ్, నాన్ కాంపిటీటివ్ బిడ్స్ రూపంలో వాటిని విక్రయిస్తుంది.

ఈ బాండ్ల కాల వ్యవధి ఒకటి- 18, మరొకటి- 23 సంవత్సరాలు. వ్యక్తులు లేదా సంస్థలు వీటిని కొనుగోలు చేయవచ్చు. కాంపిటీటివ్ విధానంలో బాండ్లను కొనదలిచిన వారు ఈ నెల 30వ తేదీన ఉదయం 10:30 నుంచి 11:30 గంటలు, కాంపిటీటివ్ విధానంలో బాండ్లను కొనదలిచిన వారు అదే తేదీన ఉదయం 10 నుంచి 11 గంటల మధ్య తమ బిడ్స్‌ను దాఖలు చేయాల్సి ఉంటుంది.

అధికారంలోకి వచ్చిన తరువాత కూటమి ప్రభుత్వం ఈ నెలన్నర రోజుల వ్యవధిలో తన సెక్యూరిటీ బాండ్లను వేలానికి పెట్టడం ఇది అయిదోసారి. ఇదివరకే 12,000 కోట్ల రూపాయల విలువ చేసే బాండ్లను వేలం పాట ద్వారా విక్రయించిన విషయం తెలిసిందే. తొలుత 3,000 కోట్లు, ఆ తరువాత 5,000 కోట్లు, మూడో విడతలో 2,000 కోట్లు, నాలుగోసారి మళ్లీ 2,000 కోట్ల రూపాయలను ఆర్బీఐ వద్ద రుణాల ద్వారా సేకరించింది.

ఏపీతో పాటు మరి కొన్ని రాష్ట్రాలు తమ సెక్యూరిటీ బాండ్లను వేలానికి పెట్టాయి. బిహార్- రూ. 2,000 కోట్లు, హర్యానా- రూ. 1,500 కోట్లు, కేరళ- రూ.1,000 కోట్లు, తమిళనాడు- రూ. 2,000 కోట్లు, ఉత్తరాఖండ్- రూ. 500 కోట్లు, మిజోరం- 80 లక్షల రూపాయల మేర బాండ్లను వేలానికి పెట్టాయి. మొత్తంగా 9,467 కోట్ల రూపాయల విలువ చేసే సెక్యూరిటీ బాండ్లను వచ్చే మంగళవారం వేలానికి పెట్టనుంది ఆర్బీఐ.