TG: కొత్తగా ఏర్పాటైన కోర్టుల్లో ఉద్యోగాల భర్తీకి మంత్రిమండలి ఆమోదం
HYD: రాష్ట్ర ప్రభుత్వ ఉద్యోగులకు ఒక డీఏ ఇవ్వాలని మంత్రిమండలి నిర్ణయించింది. ఈ మేరకు డా.బీఆర్ అంబేద్కర్ సచివాలయంలో ముఖ్యమంత్రి రేవంత్ రెడ్డి అధ్యక్షతన సుధీర్ఘంగా జరిగిన ఈ సమావేశంలో రాష్ట్ర మంత్రిమండలి సమావేశం పలు కీలక నిర్ణయాలు తీసుకుంది.
రాష్ట్ర ఆర్థిక పరిస్థితులను దృష్టిలో ఉంచుకుని దీపావళి పండుగ సందర్భంగా ఒక డీఏ ను విడుదల చేయాలని మంత్రివర్గం తీర్మానించింది.
హైదరాబాద్ లో మెట్రో రైలు రెండో దశ విస్తరణకు సంబంధించిన డీపీఆర్‌కు మంత్రివర్గం ఆమోదించింది. నాగోల్ – శంషాబాద్, రాయదుర్గం – కోకాపేట్, ఎంజీబీఎస్ – చాంద్రాయణగుట్ట, మియాపూర్ – పటాన్ చెరు, ఎల్ బీ నగర్ – హయత్ నగర్ మొత్తం 76.4 కిలోమీటర్ల మేరకు విస్తరణ చేపట్టాలని మంత్రిమండలి నిర్ణయించింది. కేంద్ర,రాష్ట్ర ప్రభుత్వాల భాగస్వామ్య విధానంలో చేపట్టే మెట్రో రైలు రెండో దశ ప్రాజెక్టు కోసం రూ. 24,269 కోట్లతో ప్రతిపాదనలతో సిద్ధం చేసిన డీపీఆర్‌ను కేంద్రానికి నివేదించాలి.
జీవో 317 కు సంబంధించి మంత్రివర్గ ఉపసంఘం సిఫారసుల మేరకు ఉద్యోగుల మెడికల్, స్పౌజ్, మ్యూచువల్ బదిలీలకు ఆమోదం.
జీవో 46 కు సంబంధించి కీలకమైన స్థానికత అంశం రాష్ట్రపతి పరిధిలో ఉన్నందున న్యాయ సలహా తీసుకుని శాసనసభలో చర్చించిన తర్వాత నిర్ణయం.
రాష్ట్రంలో నవంబర్ 30 వరకు కుల, ఆర్థిక, సామాజిక గణన సర్వే పూర్తి చేయాలి. ఇందుకోసం 80 వేల మంది ఎన్యుమరేటర్లను నియమించి నవంబర్ 4 నుంచి 19 వరకు రాష్ట్రమంతా ఇంటింటి సర్వే చేపడుతారు.
రాష్ట్రంలో పంచాయతీ రాజ్, ఆర్ అండ్ బీ పరిధిలో చేపట్టాల్సిన రోడ్ల నిర్మాణానికి దాదాపు రూ. 25 నుంచి 28 వేల కోట్లు అవసరమని అంచనా వేయగా పీపీపీ విధానంలో పూర్తి చేయడానికి తగిన ప్రణాళికలు సిద్ధం చేయాలి.ఉస్మానియా ఆస్పత్రి కొత్త భవన నిర్మాణానికి గోషా మహల్ లో పోలీసు శాఖ పరిధిలోని స్థలాన్ని వైద్య శాఖకు బదిలీ.
ములుగులో ప్రతిపాదిత గిరిజన విశ్వవిద్యాలయానికి 211 ఎకరాల స్థలం కేటాయింపు.గచ్చీబౌలీ స్టేడియాన్ని ప్రతిపాదిత యంగ్ ఇండియా ఫిజికల్ ఎడ్యుకేషన్ అండ్ స్పోర్ట్స్ యూనివర్సిటీకి బదలాయింపు. మధిర, వికారాబాద్, హుజూర్ నగర్ ఏటీసీల ఏర్పాటు, కావలసిన పోస్టుల మంజూరు.
దీపావళి కానుకగా ప్రతి అసెంబ్లీ నియోజకవర్గంలో మొదటి విడతగా 3500 ఇళ్ల మంజూరు. రాష్ట్రంలో ప్రాజెక్టులు, రిజర్వాయర్లలో స్టోరేజీ కెపాసిటీ తగ్గిపోతున్న కారణంగా వాటిల్లో స్టిల్ట్ తొలగించాలని నిర్ణయం. పైలట్ ప్రాజెక్టుగా మొదట కడెం ప్రాజెక్టులో సిల్ట్ తొలగింపు. గత ప్రభుత్వ హయాంలో రైస్ మిల్లర్ల వద్ద పేరుకుపోయిన దాదాపు రూ. 20 వేల కోట్ల విలువైన ధాన్యం క్లియరెన్స్ కు సంబంధించి సబ్ కమిటీ సమర్పించిన నివేదికకు ఆమోదం.
రాష్ట్రంలో కొత్తగా ఏర్పాటైన కోర్టుల్లో ఉద్యోగాల భర్తీకి ఆమోదం.
సమావేశం అనంతరం మంత్రులు పొంగులేటి శ్రీనివాస రెడ్డి, పొన్నం ప్రభాకర్ మీడియాకు ఈ వివరాలను వెల్లడించారు.
నల్లగొండ జిల్లా, కనగల్ మండలంలోని జి.యడవల్లి గ్రామంలో ఐకెపి సెంటర్ ను, బిజెపి జిల్లా అధ్యక్షులు డా.నాగం వర్షిత్ రెడ్డి సందర్శించారు.
HYD: నెల రోజుల పాటు హైదరాబాద్ లో 144 సెక్షన్ విధిస్తున్నట్లు పోలీస్ కమిషనర్ సివి ఆనంద్ ప్రకటించారు. హైదరాబాద్ నగరంలో నెలరోజుల పాటు పోలీస్ ఆంక్షలు ఉంటాయని స్పష్టం చేస్తూ అధికారిక ప్రకటన చేశారు. అశాంతిని సృష్టించడానికి పలు సంస్థలు, పార్టీలు ప్రయత్నిస్తున్నాయని విశ్వాస నీయ సమాచారం ఉందని ఈ సందర్భంగా పేర్కొన్నారు.
నల్గొండ: జిల్లా స్కూల్ గేమ్స్ ఫెడరేషన్ కార్యదర్శి దగ్గుపాటి విమల ఆధ్వర్యంలో ఆదివారం పట్టణంలోని మేకల అభినవ్ అవుట్డోర్ స్టేడియంలో ఉమ్మడి నల్గొండ జిల్లా స్థాయి SGF అండర్ 14, 17 బాలబాలికల వాలీబాల్ టోర్నమెంట్ మరియు సెలక్షన్స్ ను నిర్వహించారు.
ఈ సందర్భంగా స్కూల్ గేమ్స్ ఫెడరేషన్ కార్యదర్శి దగ్గుపాటి విమల మాట్లాడుతూ.. ఉమ్మడి నల్గొండ జిల్లా నుండి దాదాపు 200 మంది క్రీడాకారులు పాల్గొన్నారని, క్రీడాకారులందరికి భోజన మరియు మంచినీటి సదుపాయాలు కల్పించి ఈ కార్యక్రమాన్ని విజయవంతం చేశామని తెలియజేస్తూ, ఈ అవకాశాన్ని కల్పించిన విద్యాశాఖ అధికారి బొల్లారం బిక్షపతి కి SGF పక్షాన కృతజ్ఞతలు తెలిపారు.
ఈ కార్యక్రమంలో ఫిజికల్ డైరెక్టర్లు నాగరాజు, కవిత, రాజశేఖర్ రెడ్డి, శ్రీనివాస్, శ్రీదేవి, చంద్రయ్య, సురేందర్, కర్ణాకర్ రెడ్డి, నుష్రత్, బ్రహ్మయ్య, మురళి, లెనిన్, సావిత్రి, రంగా, బొమ్మపాల గిరిబాబు, తస్లీమ్, రెహనా, శ్రీను, అజయ్ మరియు సూర్యపేట, యాదాద్రి భువనగిరి జిల్లాల స్కూల్ గేమ్స్ సెక్రటరీలు మరియు వివిధ మండలాల నుంచి వచ్చిన వ్యాయామ ఉపాధ్యాయులు పాల్గొన్నారు.
నల్లగొండ: పట్టణంలోని జిల్లా పరిషత్ జడ్పీ గెస్ట్ హౌస్ నందు ఎస్సీ ఎస్టీ విద్యార్థి సంఘం తెలంగాణ ఆధ్వర్యంలో ఆదివారం స్పెషల్ పబ్లిక్ ప్రాసిక్యూటర్ వేముల రంజిత్ కుమార్ కు ఘన సన్మానం నిర్వహించారు.
ఈ మేరకు శాలి గౌరారం మండలం ఉట్కూర్ గ్రామానికి చెందిన రంజిత్ కుమార్ మాట్లాడుతూ.. తన నియామకానికి సహకరించిన జిల్లా మంత్రి కోమటిరెడ్డి వెంకటరెడ్డి, నకిరేకల్ శాసనసభ్యులు వేముల వీరేశం, జిల్లాలోని శాసనసభ్యులు, ఎంపీలు, ఎమ్మెల్సీలు ప్రతి ఒక్కరికి ధన్యవాదాలు తెలిపారు.
నల్లగొండ : దోపిడీ లేని వ్యవస్థ కోసం సమ సమాజ స్థాపన కోసం నాడు స్వాతంత్ర పోరాటంలో అగ్రభాగంలో నిలిచి పోరాడిన పార్టీ, భారత కమ్యూనిస్టు పార్టీ అని సిపిఐ జాతీయ సమితి సభ్యులు పల్లా వెంకట రెడ్డి అన్నారు.సిపిఐ వంద సంవత్సరాల సందర్భంగా శనివారం స్థానిక మగ్దూం భవన్ లో, ఉమ్మడి నల్లగొండ జిల్లా సిపిఐ శతవార్షికోత్సవ రాష్ట్ర ప్రారంభ సభ సన్నాహాక సమావేశం యాద్రది భువనగిరి జిల్లా కార్యదర్శి గోదా శ్రీరాములు అధ్యకతన జరిగింది.
ఈ సమావేశానికి పల్లా వెంకట రెడ్డి ముఖ్యతిధిగా హాజరై మాట్లాడుతూ.. 1925 డిసెంబర్ 26వ తేదీన కాన్పూర్ లో సిపిఐ ఆవిర్భావించి బ్రిటిష్ ప్రభుత్వం కు వ్యతిరేకంగా పోరాడి, ఎన్నో నిర్బంధాలను కుట్రలను జైలు జీవితాలను ఎదుర్కొని త్యాగలు చేసిన గొప్ప చరిత్ర కలిగిన పార్టీ సిపిఐ అని గుర్తు చేశారు.
నల్లగొండ: స్కూల్ గేమ్స్ ఫెడరేషన్ నల్గొండ జిల్లా కార్యదర్శిగా నియమింపబడిన దగ్గుపాటి విమల.. శనివారం జిల్లా కలెక్టర్ నారాయణ రెడ్డిని మర్యాదపూర్వకంగా కలిసి పుష్పగుచ్చం అందజేశారు.
HYD: గ్రూప్ -1 పేపర్ కాపీయింగ్ పై పబ్లిక్ సర్వీస్ కమీషన్ స్పందించింది.సీవీఆర్ కాలేజ్ గ్రూప్ -1 ఎగ్జామ్ సెంటర్లో ఒక మహిళా అభ్యర్థి అనుమానాస్పదంగా కనిపించిందని.. మహిళా అభ్యర్థి తన ఎడమ చేతి మీద కొన్ని జవాబులు రాసుకొని వచ్చిందని, దీంతో సదరు మహిళా అభ్యర్థిని ఇన్విజిలేటర్ ఎగ్జామ్ రాసేందుకు అనుమతించలేదని తెలిపారు. 
నల్లగొండ పట్టణంలోని నాగార్జున ప్రభుత్వ కళాశాలలో బి ఏ తృతీయ సంవత్సరం చదువుతున్న పి. ఉదయ్ కబడ్డీ లో సౌత్ జోన్ కు ఎంపికైనట్లు ప్రిన్సిపాల్ డా. సముద్రాల ఉపేందర్ శుక్రవారం తెలిపారు. త్వరలో చెన్నైలో జరుగనున్న సౌత్ జోన్ పోటీల్లో ఉదయ్ నాగార్జున కళాశాల తరపున పాల్గొంటారని తెలిపారు.
ఈ మేరకు కళాశాల అధ్యాపకులతో కలిసి ఉదయ్ ను అభినందించారు. ఉదయ్ ని స్ఫూర్తిగా తీసుకొని ఇతర విద్యార్థులు కూడా క్రీడల్లో రాణించాలని పిలుపునిచ్చారు.
Oct 28 2024, 21:50
- Whatsapp
- Facebook
- Linkedin
- Google Plus
2- Whatsapp
- Facebook
- Linkedin
- Google Plus
15.6k