TS: సూర్యాపేట మండలంలోని ఇమాంపేటలోని సాంఘిక సంక్షేమ ఎస్సీ బాలికల గురుకుల పాఠశాలలో ఇంటర్ సెకండియర్ విద్యార్థిని మృతి...
స్కూల్లో ఫేర్ వెల్ డే వేడుకలు ఘనంగా జరుగుతున్నాయి. స్టూడెంట్స్ ఆ కార్యక్రమంలో ఉత్సాహంగా పాల్గొన్నారు. కాగా ఓ విద్యార్థిని మాత్రం ఫేర్ వెల్ డే లో పాల్గొన్న కాసేపటికే గదిలోకి వెళ్లింది. ఆ తర్వాతర ఏం జరిగిందంటే?
ఇటీవల కొందరు చిన్న చిన్న విషయాలకే షాకింగ్ నిర్ణయాలు తీసుకుంటున్నారు. కన్నవారి కలలను కాలరాస్తూ తీరని శోకాన్ని మిగుల్చుతున్నారు. ఇటీవల భువనగిరిలో ఎస్సీ హాస్టల్ లో ఇద్దరు విద్యార్థినులు ఆత్మహత్య చేసుకున్న విషయం తెలిసిందే. ఇప్పుడు సూర్యపేటలో మరో విద్యార్థిని ఆత్మహత్యకు పాల్పడింది. 
గురుకుల పాఠశాలలో ఇంటర్ సెకండ్ ఇయర్ చదువుతున్న ఓ విద్యార్థిని పాఠశాలలో ఫేర్ వేల్ డేలో పాల్గొన్న కాసేపటికే గదిలోకి వెళ్లింది. ఆ తర్వాత తోటి విద్యార్థులు వెళ్లి చూడగా ఆ విద్యార్థిని అపస్మారక స్థితిలో ఉంది. దీంతో ఆందోళనకు గురైన తోటి విద్యార్థినులు ఈ విషయాన్ని ప్రిన్సిపాల్ కు చేరవేశారు. అసలు ఏం జరిగిందంటే?

సూర్యాపేట పట్టణానికి చెందిన వెంకన్న, భాగ్యమ్మల కుమార్తె దగ్గుపాటి వైష్ణవి. ఈమె సూర్యాపేట మండలంలోని ఇమాంపేటలోని సాంఘిక సంక్షేమ ఎస్సీ బాలికల గురుకుల పాఠశాలలో ఇంటర్ సెకండ్ ఇయర్ చదువుతోంది. కాగా గురుకుల పాఠశాలలో శనివారంనాడు ఫేర్ వెల్ డే ఉండడంతో తమ కూతురుకు పూలు, గాజులు ఇచ్చి వెళ్లాడు తండ్రి. పాఠశాలలో జరిగిన ఫేర్ వెల్ డేలో వైష్ణవి పాల్గొన్నది. అయితే ఓవైపు ఫేర్ వెల్ డే జరుగుతుండగానే హాస్టల్ గదిలోకి వెళ్లిపోయింది. ఆ తర్వాత వచ్చి చూసిన విద్యార్థినులు వైష్ణవి అపస్మారక స్థితిలో పడి ఉండడం చూసి ప్రిన్సిపాల్ కు సమాచారం అందించారు. వెంటనే అప్రమత్తమైన పాఠశాల సిబ్బంది వైష్ణవిని సూర్యాపేట జనరల్‌ ఆస్పత్రికి తరలించారు. కాగా అప్పటికే వైష్ణవి మృతిచెందినట్లు డాక్టర్లు నిర్థారించారు.
వైష్ణవి మృతిచెందిన విషయాన్ని హాస్టల్ సిబ్బంది ఆమె తల్లిదండ్రులకు తెలియజేశారు. వెంటనే అక్కడికి చేరుకున్న వైష్ణవి తల్లిదండ్రులు గుండెలవిసేలా రోదించారు. కాగా తమ కూతురు వైష్ణవి మృతికి ప్రిన్సిపాలే కారణమంటూ వారు ఆరోపిస్తున్నారు. కొద్ది రోజుల క్రితం తమ కూతురు ఇంటికి వచ్చినప్పుడు మున్సిపల్‌ చైర్‌పర్సన్‌ కలిసి ఎలా చదువుతున్నావని పలకరించిందని చెప్పారు. అప్పుడు తమ కూతురు.. హాస్టల్‌లో అన్నం బాగుండడం లేదని, రాళ్లు వస్తున్నాయని చెప్పిందని వెల్లడించారు.

వెంటనే మున్సిపల్‌ చైర్‌పర్సన్‌ ఫోన్‌లో ప్రిన్సిపల్‌తో మాట్లాడారని చెప్పారు. ఈ విషయం మనసులో పెట్టుకుని తమ కూతురును వేధించారని, దీంతోనే మనస్తాపంతో మృతిచెందిందని, తమ కూతురును హత్యచేసి ఆత్మహత్యగా చిత్రీకరిస్తున్నారని వారు ఆరోపించారు. తమ కూతురు మరణానికి కారణమైన వారిపై కఠిన చర్యలు తీసుకోవాలని వారు డిమాండ్ చేస్తున్నారు. ఘటనపై కేసు నమోదు చేసిన పోలీసులు దర్యాప్తు చేస్తున్నట్లు వెల్లడించారు.

అమెరికాలో విజృంభిస్తోన్న ప్లేగ్‌ వ్యాధి..
అమెరికాలో విజృంభిస్తోన్న ప్లేగ్‌ వ్యాధి. ఒరెగాన్‌ స్టేట్‌లో తొలి పాజిటివ్‌ కేసు.. పదేళ్ల తర్వాత మరోసారి ప్లేగ్‌ వ్యాధి కలకలం.. పెంపుడు పిల్లుల ద్వారా సోకిన ప్రాణాంతక వ్యాధి.

భద్రాచలం: చర్ల: ఈ నెల 16న జరిగే గ్రామీణ బంధును విజయవంతం చెయ్యాలని MEO కు వినతి పత్రం సమర్పించిన PYL
భద్రాచలం: చర్ల: ఈ నెల 16న జరిగే గ్రామీణ బంధును విజయవంతం చెయ్యాలని MEO కు వినతి పత్రం సమర్పించిన PYL

  


పారిశ్రామిక సమ్మెకు పి డి ఎస్ యు పివైఎల్ సంపూర్ణ మద్దతు.తెలియజేస్తుంది 
ఈనెల 16న దేశవ్యాప్తంగా జరిగే గ్రామీణ బంధు పారిశ్రామిక సమ్మెకు మద్దతుగా ప్రగతిశీల ప్రజాస్వామ్య విద్యార్థి సంఘం (PDSU),ప్రగతిశీల యువజన సంఘం (పి వై ఎల్) సంపూర్ణ మద్దతు తెలియజేస్తున్నామము దానిలో భాగంగానే విద్యాసంస్థల బంద్ కు సహకరించాలని స్థానిక మండల విద్యాధికారి MEO గారికి వినతి పత్రం సమర్పించడం జరిగినది.
అనంతరం చిరిగిడి నరేష్ అధ్యక్షతన జరిగిన సమావేశంలో పిఓఎల్ భద్రాద్రి కొత్తగూడెం జిల్లా ఉపాధ్యక్షుడు ముసలి సతీష్ మాట్లాడుతూ రైతుల నల్ల చట్టాలకు వ్యతిరేకంగా 14 నెలలు ఢిల్లీలో వీరోచిత పోరాటం చేసి రైతుల వ్యతిరేక చట్టాలను తిప్పికొట్టిన ఘనత రైతులకు ఉన్నదని తిరిగి నరేంద్ర మోడీ మళ్ళీ ఆ చట్టాలను తీసుకురావడం కోసం ప్రయత్నం చేస్తున్నాడని, కార్మిక హక్కులను కాలరాసే నాలుగు లేబరు కోడ్లను రద్దు చేయాలని రైతులకు గిట్టుబాటు ధర కల్పించాలని మహిళలను రక్షించాలని నూతన విద్య విధానం 2020 ను రద్దు చేయాలని యువకులని పక్కదోవ పట్టించే మద్యపానంపై కట్టడి చర్యలు చేయాలని కులం మతం పేరుతో నరేంద్ర మోడీ ప్రభుత్వం హిందూ మతోన్మాదం ని పెంచి పోషించడాని వ్యతిరేకించాలని దానిలో భాగంగానే విద్యార్థి యువకులు ఈ సమ్మెలో పాల్గొని జయప్రదం చేయాలని వారు తెలియజేశారు ఈ కార్యక్రమంలో చిరిగిడి నరేష్ రాజు రమేష్ బాలరాజు రాజేష్ సమ్మయ్య సతీష్ తదితరులు పాల్గొన్నారు

ఎస్సీ ఎస్టీ బ్యాంకింగ్ ఆఫీసర్ అసోసియేషన్ ఆల్ ఇండియా నేషనల్ వైస్ ప్రెసిడెంట్ ని సత్కరించిన ఎస్సీ ఎస్టీ విద్యార్థి సంఘం రాష్ట్ర అధ్యక్షుడు 
ఎస్సీ ఎస్టీ బ్యాంకింగ్ ఆఫీసర్ అసోసియేషన్ ఆల్ ఇండియా నేషనల్ వైస్ ప్రెసిడెంట్ 
శ్రీ e రఘుపతి సార్ ని sc st విద్యార్థి సంఘం తెలంగాణ రాష్ట్ర అధ్యక్షులు కట్టెల శివకుమార్ మర్యాదపూర్వకంగా కలిసి శాలువాతో సత్కరించి అంబేద్కర్ జ్ఞాపికని బహుకరించడం జరిగింది. 

  


ఈ సందర్భంగా వారు మాట్లాడుతూ sbi ఆర్ సి టి డైరెక్టర్ నల్గొండ బాధ్యతలు నిర్వహిస్తూ వేలాదిమంది నిరుపేద గ్రామీణ విద్యార్థులకు స్వయం శిక్షణ సెల్ఫ్ ఎంప్లాయిమెంట్ ట్రైనింగ్ ప్రోగ్రామ్ నేర్పించి వారి బంగారు భవిష్యత్తుకు బాటలు వేస్తూ వేలాది కుటుంబాలకు సాయం చేస్తున్నారని తెలపడం జరిగింది .

ఈ కార్యక్రమంలో ఆఫీస్ సిబ్బంది సెల్వనాయక్ సంఘం సెంట్రల్ కమిటీ మెంబర్ కొండేటి నరేష్ కుమార్ జిల్లా వర్కింగ్ ప్రెసిడెంట్ వంగూరి సునీల్ కుమార్ దుర్గయ్య గంట సుమంత్ తదితరులు పాల్గొన్నారు

హైదరాబాద్‌: ఈ సెట్, లా సెట్, పీజీ లా సెట్ షెడ్యూల్ విడుదల...
హైదరాబాద్‌: ఈ సెట్, లా సెట్, పీజీ లా సెట్ షెడ్యూల్ విడుదల.. 

  


ఈ నెల 14న ఈ సెట్ నోటిఫికేషన్, ఈ నెల 15 నుండి ఏప్రిల్ 16 వరకు దరఖాస్తుల స్వీకరణ.. మే 6న ప్రవేశ పరీక్ష.. ఈ నెల 28 లా సెట్‌, పీజీ లా సెట్ నోటిఫికేషన్.. మార్చి ఒకటి నుండి ఏప్రిల్ 15 వరకు దరఖాస్తుల స్వీకరణ.. జూన్‌ 3న ప్రవేశ పరీక్ష

TS: నల్లగొండ:35వ జాతీయ రోడ్డు భద్రత మాసోత్సవాల్లో భాగంగా ఆటో డ్రైవర్ల కు ట్రాఫిక్ నిబంధనల పైన అవగాహన
35వ జాతీయ రోడ్డు భద్రత మాసోత్సవాల్లో భాగంగా ఆటో డ్రైవర్ల కు ట్రాఫిక్ నిబంధనల పైన అవగాహన ..

  


35వ జాతీయ రోడ్డు భద్రత మాసోత్సవాల్లో భాగంగా ఈ రోజు పట్టణంలోని యన్.జి కళాశాల,పుల్లారెడ్డి స్వీట్స్ హౌస్,కోర్టు చౌరస్తా మీదిగా క్లాక్ టవర్ వరకు సుమారు 100 మంది ఆటో డ్రైవర్ల తో ర్యాలీ నిర్వహించడం జరిగింది. ఈ కార్యక్రమంలో నల్లగొండ ఇంఛార్జి డిఎస్పీ లక్ష్మినారయణ పాల్గొని మాట్లాడుతూ రోడ్డు ప్రమాదాలు జరగకుండా ప్రతి ఒక్కరు ట్రాఫిక్ నిబంధనలు పాటించి, సురక్షితంగా గమ్య స్థానాలను చేరుకోవాలని సూచించారు.ద్విచక్ర వాహన దారులు హెల్మెట్ లేకుండా ప్రయాణించకూడదని ఏదైన ప్రమాదం జరిగిన నప్పుడు ఎంతో రక్షణ కల్పిస్తుందని అన్నారు. ట్రిపుల్ రైడింగ్,ఓవర్ స్పీడ్,సీట్ బెల్ట్ దరించాలని పలు సూచనలు ఇస్తూ ట్రాఫిక్ నిబంధనల పైన అవగాహన కల్పించారు.

 ఈ కార్యక్రమంలో ట్రాఫిక్ సీఐ డానియల్, టు టౌన్ సిఐ కొండల్ రెడ్డి, ఏ.యస్.ఐ ఫరీద్,ట్రాఫిక్ సిబ్బంది మరియు ఆటో డైవర్లు తదితరులు పాల్గొన్నారు.

TS:భద్రాచలం:చర్ల:దళిత బంధు సాధన కమిటీ పోరాటానికి సిపిఐ ఎంఎల్ న్యూ డెమోక్రసీ పార్టీ సంపూర్ణ మద్దతు
 దళిత బంధు సాధన కమిటీ పోరాటానికి సిపిఐ ఎంఎల్ న్యూ డెమోక్రసీ పార్టీ సంపూర్ణ మద్దతు 

  


 సిపిఐ ఎంఎల్ న్యూ డెమోక్రసీ పార్టీ డివిజన్ నాయకులు ముసలి సతీష్ 
చర్ల మండల కేంద్రంలో అంబేద్కర్ గారి విగ్రహం వద్ద దళిత బంధు సాధన కమిటీ చేస్తున్న పోరాటానికి సిపిఐ ఎంఎల్ న్యూ డెమోక్రసీ పార్టీ భద్రాచలం డివిజన్ నాయకులు కామ్రేడ్ ముసలి సతీష్ హాజరై సంపూర్ణ మద్దతు తెలియజేయడం జరిగింది ఈ సందర్భంగా ఆయన మాట్లాడుతూ పోరాటం చేస్తే ఏ సమస్య అయినా పరిష్కారం కాక తప్పదని దళిత బంధు సాధన కోసం పోరాట రూపాన్ని ఎంచుకున్న కమిటీ నాయకత్వానికి విప్లవ అభినందనలు తెలియజేశారు అనగారిన వర్గాల అభ్యున్నత కోసం అభివృద్ధి కోసం ప్రతిష్టాత్మకంగా మాజీ తెలంగాణ రాష్ట్ర ప్రభుత్వం ఈ దళిత బంధు పథకాన్ని ఏర్పాటు చేసిందని మొదటి దఫగా అర్హులను ఎంపిక చేసి దళిత బంధుని మంజూరు చేసిందని అన్నారు అనంతరం ఈ ప్రాంతంలోని ప్రజలు అందరికీ దళిత బందు వస్తుందని భావించి నమ్మారు మా జీవితాలు బాగుపడతాయని ఆశపడ్డారు ఈ ఆశను అదునుగా చేసుకొని ప్రభుత్వ పదకమైన దళిత బందును ఇప్పిస్తామంటూ కొంతమంది ఈ నిరుపేదలైన దళితుల దగ్గర నుంచి లక్షల రూపాయలు దండుకున్నారు నూతన ప్రభుత్వం ఏర్పాటు అయ్యేసరికి ప్రభుత్వం మారేసరికి దళిత బంధు వస్తుందో రాదో అనేటువంటి భయాందోళనకి ప్రజలు గురయ్యారు రెక్కల కష్టంతో తిని తినక సంపాదించుకున్న డబ్బులను అప్పు సప్పు చేసి వడ్డీలకు తెచ్చిన డబ్బులను దళిత బందు కోసం వెచ్చించి మోసపోయామని బాధతో రాష్ట్రంలో అక్కడక్కడ దళిత బందు కారణంగా ఆత్మహత్యలు చేసుకున్నారు ప్రభుత్వ పథకమైన దళిత బంధు పై డబ్బులు దండుకున్న విషయంపై తక్షణమే అధికారులు విచారణ జరిపి సంబంధిత వారిపై చర్యలు తీసుకోవాలి తీసుకున్న డబ్బులను వారి నుంచి ప్రజలకు ఇప్పించాలి ఇలాంటి దందాలను పునరావృతం కాకుండా అధికారులు చర్యలు తీసుకోవాలని కోరారు నూతన ప్రభుత్వంలో పరిపాలనలో దళితుల ఆశలు ఆకాంక్షలు మరింత చిగురించాలి తప్ప చిదిమి వేయకూడదని ప్రభుత్వానికి హితవు పలికారు ప్రభుత్వంపై దళితులకు ఉన్న నమ్మకాన్ని వమ్ము చేయొద్దని అర్హులైన ప్రతి ఒక్కరికి దళిత బంధు కచ్చితంగా ఇవ్వాలని తద్వారా దళిత సమాజానికి తెలంగాణ రాష్ట్ర ప్రభుత్వం భరోసాని ఇవ్వాలని ప్రజల్లో ఉన్న భయాందోళనలను చెరిపి ఆత్మహత్యలను ఆపాలని దళితులకు ప్రభుత్వంపై విశ్వాసం కల్పించాలని కోరారు లేనియెడల తెలంగాణ రాష్ట్ర ప్రభుత్వం దళితుల అగ్రహానికి గురికావాల్సి వస్తుందని ఈ పోరాటానికి నిరంతరం అండగా ఉంటుందని భవిష్యత్తులో ఉద్యమాన్ని మరింత ఉధృతం చేస్తామని హెచ్చరించారు ఈ కార్యక్రమంలో దళిత బందు సాధన కమిటీ సభ్యులు ప్రజలు పాల్గొన్నారు

Ts:తెలంగాణలో బయటపడుతున్న పలువురు ఐఏఎస్‌ల బాగోతం..
తెలంగాణలో బయటపడుతున్న పలువురు ఐఏఎస్‌ల బాగోతం. మొన్న సోమేష్‌కుమార్, నిన్న అరవింద్‌కుమార్.. నేడు రజత్‌కుమార్‌ ఆస్తులపై వివాదం. మహబూబ్‌నగర్‌జిల్లా హేమాజీపూర్‌లో 52ఎకరాలు కొనుగోలు.. 15 ఎకరాలను ఇతరుల పేర్లు మీద మార్చడానికి.. స్లాట్‌ బుక్‌ చేసిన రిటైర్డ్‌ ఐఏఎస్ రజత్‌కుమార్. వరుసగా పలువురు ఐఏఎస్‌లపై ఆరోపణలు.

TS: మేడారం సమ్మక్క సారక్క జాతరకు రండి..
మేడారం జాతరకు రండి..

  


గవర్నర్ ను ఆహ్వానించిన మంత్రి సీతక్క.



రాజ్‌భవన్‌లో గురువారం గవర్నర్‌ని మర్యాదపూర్వకంగా కలిసి
తెలంగాణ ప్రభుత్వం తరుపున మేడారం సమ్మక్క-సారక్కల పండుగకు తప్పకుండా రావాలని ఆహ్వానించిన మంత్రి సీతక్క, కాంగ్రెస్ నాయకురాలు శిల్ప, ములుగు జిల్లా కాంగ్రెస్ పార్టీ అధ్యక్షుడు అశోక్.
సానుకూలంగా స్పందించిన గవర్నర్ తమిళసై.

సూర్యాపేట జిల్లా కేంద్రంలో ప్రభుత్వ డిగ్రీ కళాశాల ఏర్పాటు చేయాలి:తగుళ్ళ జనార్దన్ యాదవ్ జన సేవా సమితి వ్యవస్థాపక అధ్యక్షులు
సూర్యాపేట జిల్లా కేంద్రంలో ప్రభుత్వ డిగ్రీ కళాశాల ఏర్పాటు చేయాలి
తగుళ్ళ జనార్దన్ యాదవ్ జన సేవా సమితి వ్యవస్థాపక అధ్యక్షులు

  


సూర్యాపేట జిల్లా కేంద్రంలో ప్రభుత్వ డిగ్రీ కళాశాల ఏర్పాటు చేయాలని తగుళ్ళ జనార్దన్ యాదవ్ జన సేవా సమితి వ్యవస్థాపక అధ్యక్షులు అన్నారు. శుక్రవారం జిల్లా కేంద్రంలోని విద్యానగర్ లో ఏర్పాటు చేసిన సమావేశంలో మాట్లాడారు. వారు మాట్లాడుతూ ప్రభుత్వ డిగ్రీ కళాశాల లేకపోవడం వల్ల, పేద విద్యార్థులు డబ్బులు పెట్టి ప్రైవేటు కళాశాలలో చదవలేక విద్యకు దూరమైతున్నారని తెలియజేశారు. జిల్లాలో 2 ప్రభుత్వ డిగ్రీ కళాశాలలు ఉన్నాయి. కానీ జిల్లా కేంద్రంలో ప్రభుత్వ డిగ్రీ కళాశాల లేకపోవడం చాలా బాధాకరమని వాపోయారు. జిల్లా కేంద్రంలో ప్రభుత్వ డిగ్రీ కళాశాల తో పాటు, ప్రభుత్వ పీజీ కళాశాల, అన్ని సబ్జెక్టులతో ఏర్పాటు చేయాలని కాంగ్రెస్ ప్రభుత్వాన్ని కోరుతున్నాము. అదేవిధంగా తెలంగాణ రాష్ట్రంలో ఉన్న ప్రభుత్వ స్కూల్లో, ఇంటర్మీడియట్ కళాశాలలో, డిగ్రీ కళాశాలలో, మెడికల్ కళాశాలలో, పీజీ కళాశాలలో, యూనివర్సిటీలలో విద్యార్థులకు మౌలిక వసతులు కల్పించాలి, నాణ్యమైన విద్య అందించాలి, ఖాళీగా ఉన్న పోస్టులను భర్తీ చేయాలి అని ఈ సందర్భంగా వారు ప్రభుత్వానికి తెలియజేశారు. ఫీజు రియంబర్స్మెంట్ స్కాలర్షిప్ లను విద్యార్థిని, విద్యార్థుల ఖాతాలో జమ చేయాలని ప్రభుత్వాన్ని కోరారు. తక్షణమే మంచి విద్యావంతుడిని విద్యాశాఖ మంత్రిగా నియమించాలని, విద్యాశాఖ బడ్జెట్ 25 శాతం ఉండాలని ప్రభుత్వాన్ని డిమాండ్ చేశారు. ఈ కార్యక్రమంలో జిల్లా యువజన నాయకులు గుద్దేటి శ్యామ్, లింగంపల్లి మధుకర్, మల్లేష్, రవి, మధు, రాజేష్ తదితరులు పాల్గొన్నారు.