NLG: ప్రమాదంలో మరణించిన హమాలీ లకు 10 లక్షల నష్టపరిహారం ఇవ్వాలి: ఏర్పుల యాదయ్య
ఫిబ్రవరి 16న జరిగే దేశవ్యాప్త సమ్మె లో పాల్గొని జయప్రదం చేయాలని సిఐటియు జిల్లా సహాయ కార్యదర్శి ఏర్పుల యాదయ్య కార్మికులను కోరారు. మర్రిగూడ మండలం శివన్నగూడెం లో యాదయ్య మాట్లాడుతూ.. 50 సం.లు వయసు పైబడిన హమాలీ లకు నెలకు పదివేల రూపాయల పెన్షన్ ఇవ్వాలని, ప్రమాదంలో మరణించిన హమాలీ లకు 10 లక్షల నష్టపరిహారం సహజ మరణానికి 5 లక్షల ఇవ్వాలని వారి పిల్లల చదువులకు స్కాలర్షిప్ ఇవ్వాలని డిమాండ్ చేశారు. అట్లాగే హమాలీ లకు వెల్ఫేర్ బోర్డు ఏర్పాటు చేయాలని ఆయన ప్రభుత్వాన్ని కోరారు. 
దేశంలో కార్మికులు, రైతులు, వ్యవసాయ కార్మికులు బిజెపి పాలన వల్ల ఎన్నో ఇబ్బందులతో పోరాడుతున్నారు. కార్మికులకు కనీస వేతనం రూ. 26,000/- అమలు చేయాలని, ఉద్యోగ భద్రత, పిఎఫ్ ఈఎస్ఐ సౌకర్యం కల్పించాలని, రైతులకు పండించిన పంటకు గిట్టుబాటు ధర కల్పించాలని, వ్యవసాయ కార్మికులు గ్రామీణ ప్రాంతాల్లో ఉపాధి హామీ పనికి వెళ్లే కూలీలకు 200 రోజులు పని కల్పించాలని రోజువారి కూలీ 600 రూపాయలు ఇవ్వాలని వారి డిమాండ్ చేశారు. 
ఈ కార్యక్రమంలో హమాలీ వర్కర్స్ యూనియన్ అధ్యక్షుడు అప్పనగోని యాదయ్య, మేడ ప్రకాష్, పానకత్తుల వెంకటయ్య, మానుపాటి యాదయ్య, ఒట్టుకోటి నరసింహ, ఏర్పుల సావిత్రి, గుణగోని సోమయ్య, తదితరులు పాల్గొన్నారు

మర్రిగూడెం మండలంలో సర్పంచ్ లకు ఆత్మీయ సమ్మేళనం
నల్లగొండ జిల్లా: 
మర్రిగూడెం మండలంలో స్థానిక జెడ్పిటిసి పాశం సురేందర్ రెడ్డి ఆధ్వర్యంలో మండలంలోని వివిధ గ్రామాల సర్పంచ్ లతో శనివారం ఆత్మీయ సమ్మేళనం నిర్వహించారు. ఈ సందర్భంగా సర్పంచ్లకు సన్మానం నిర్వహించారు. 
ముందుగా మండల సర్పంచుల ఫోరం అధ్యక్షుడు లెంకలపల్లి సర్పంచ్ పాక నగేష్ యాదవ్ ను శాలువాతో సత్కరించి సన్మానించారు. అనంతరము వివిధ గ్రామాల సర్పంచ్ లకు సన్మానం నిర్వహించారు. 
ఈ సందర్భంగా పాశం సురేందర్ రెడ్డి మాట్లాడుతూ.. సర్పంచ్ ల 5 సం.ల పదవీకాలం పూర్తి చేసిన సందర్భంగా వారి సేవలను కొనియాడారు.
పలువురు సర్పంచులు మాట్లాడుతూ.. ఐదేళ్ల కాలంలో వారు ప్రజా క్షేత్రంలో ప్రజలకు సేవలందించిన విధానాలను వివరించారు.
ఈ కార్యక్రమంలో ఎంఆర్ఓ శ్రీనివాసులు, ఎంపిడిఓ వెంకటేశ్వర్లు, ఎస్సై రంగా రెడ్డి, డిప్యూటీ తాహసిల్దార్ తారక రామన్, ఏపీవో వెంకటేశం, వివిధ హోదాలలో ఉన్న అధికారులు , సర్పంచ్లు, ఎంపీటీసీలు, నాయకులు, తదితరులు పాల్గొన్నారు.

NLG: అమరవీరుల ఆశయ సాధన సమితి ఆధ్వర్యంలో ఎస్సై రంగారెడ్డి కి సన్మానం
నల్లగొండ జిల్లా: 
తెలంగాణ అమరవీరుల ఆశయ సాధన సమితి రాష్ట్ర అధ్యక్షులు కోరే సాయిరాం ఆధ్వర్యంలో.. మర్రిగూడ మండల ఎస్ఐ రంగారెడ్డి ఉత్తమ ఎస్సై అవార్డు స్వీకరించిన సందర్భంగా ఆయనను శాలువాతో సన్మానించి షీల్డ్ ను అందజేశారు. సాయిరాం మాట్లాడుతూ.. ఫిబ్రవరి 10 వరకు అమరవీరుల ఆశయాల జయంతి ఉత్సవాలు సందర్భంగా సంస్థ తరఫున సేవా కార్యక్రమాలు నిర్వహిస్తామని అన్నారు. ఈ కార్యక్రమంలో జిల్లా నాయకులు నాగిల్ల మారయ్య, పొగాకు సందీప్, ఈద అభి సందేశ్, అజయ్ చరణ్ పాల్గొన్నారు.

NLG: భారత రాజ్యాంగ హక్కులు ప్రతి పౌరుడు తెలుసుకోవాలి: బుర్రి వెంకన్న
పిఏపల్లి: ఆల్ ఇండియా సమతా సైనిక్ దళ్ ఆధ్వర్యంలో మండల తహశీల్దార్ ను శుక్రవారం మర్యాదపూర్వకంగా కలిసి శాలువతో సత్కరించి సన్మానించారు. ఆల్ ఇండియా సమతా సైనిక్ దళ్ డైరీని ఆయనకు బహుకరణ చేశారు. తహసిల్దార్  శ్రీనివాసులు, ఆర్ఐ క్రాంతి చేతుల మీదుగా నూతన క్యాలెండర్ ను ఆవిష్కరణ చేశారు. అనంతరం మండల వ్యాప్తంగా పౌర హక్కుల దినాన్ని నిర్వహించి, గ్రామీణ ప్రాంతాల్లో ఉన్నటువంటి తారతమ్యాలను  తగ్గించడం కోసం సమావేశాలు నిర్వహించాలని కోరారు.
ఈ కార్యక్రమానికి ముఖ్య అతిథులుగా ఆ సంఘం రాష్ట్ర సంయుక్త కార్యదర్శి, ఉమ్మడి జిల్లా ఇన్చార్జ్ బుర్రి వెంకన్న పాల్గొని మాట్లాడుతూ.. అంబేద్కర్ ఆశయ సాధన కోసం, భారత రాజ్యాంగ హక్కులను ప్రతి పౌరుడికి స్వేచ్ఛగా అందేవిధంగా, సామాజిక చట్టబద్ధమైన పోరాటానికి శ్రీకారం చుట్టడం కోసం గ్రామాలకు, మండలాలకు, జిల్లా స్థాయిలో ఆల్ ఇండియా సమతా సైనిక్ దళ్ సంఘాన్ని విస్తృతం చేయడం కోసం ముందుకు రావాలని యువతీ యువకులకు పిలుపునిచ్చారు. 
ఈ కార్యక్రమంలో జిల్లా నాయకులు ధర్మపురం శ్రీను, ఆడెపు సతీష్, మండల సభ్యులు జిల్లా రాములు, రవణంపల్లి వెంకటయ్య, ఎర్ర రవి ఆడెపు భరత్ తదితరులు పాల్గొన్నారు.

NLG: చింతపల్లి సిడిపిఓ కు సమ్మె నోటీసు ఇచ్చిన సిఐటియు జిల్లా సహాయ కార్యదర్శి ఏర్పుల యాదయ్య
నల్లగొండ జిల్లా, చింతపల్లి:
దేశవ్యాప్తంగా కేంద్ర ప్రభుత్వ కార్మిక రైతు వ్యతిరేక విధానాలకు నిరసనగా ఫిబ్రవరి 16 జరుగనున్న కార్మికుల సమ్మె అంగన్వాడి ఉద్యోగుల సంఘం ఆధ్వర్యంలో చింతపల్లి సిడిపిఓ లావణ్య కు సమ్మె నోటీసు ను శుక్రవారం సిఐటియు జిల్లా సహాయ కార్యదర్శి ఏర్పుల యాదయ్య అందజేశారు. ఈ సందర్భంగా ఏర్పుల యాదయ్య మాట్లాడుతూ.. మోడీ ప్రభుత్వం అధికారానికి వచ్చి పది సంవత్సరాలు పూర్తయింది అయినా రైతాంగా కార్మిక వ్యవసాయ కూలీల సమస్యలను పరిష్కరించలేదు, అట్లాగే సంవత్సరానికి రెండు కోట్ల ఉద్యోగాలు హామీ విస్మరించింది, ఉద్యోగ కల్పన పడిపోయింది, నిరుద్యోగం గత 50 సంవత్సరాల గరిష్ట సాయికి చేరింది, శ్రామికుల నిజ వేతనాలు 20% తగ్గిపోయి ధరలు నియంత్రిస్తామని చేసిన వాగ్దానం అమలు కాకపోగా నిత్యవసర ధరలు కనివిని ఎరుగని రీతిలో పెరిగాయని ఆయన అన్నారు. 
అనేక త్యాగాలతో పోరాడి సాధించుకున్న కార్మిక చట్టాలను రద్దుచేసి వాటి స్థానంలో నాలుగు లేబర్ కోడ్లను తెచ్చారు. కనీస వేతనాలు నిర్ణయించే విధానానికి స్వస్తి పలికారు. ప్రతి కార్మికునికి కనీస వేతనం నెలకు రూ. 26,000 నిర్ణయించేందుకు అంగీకరించడం లేదు. అట్లాగే సమ్మే హక్కులను కాల రాస్తుందన్నారు. వివిధ రంగాల్లో వెల్ఫేర్ బోర్డులను నిర్వీర్యం చేస్తుంది. 
అట్లాగే పోరాడి సాధించుకున్న ఎనిమిది గంటల పని విధానాన్ని ఇప్పుడు నరేంద్ర మోడీ ప్రభుత్వం 12 గంటలు పని విధాన్ని అమల్లోకి తెస్తున్నారు. కాంట్రాక్ట్ లేబర్ విధానం అన్ని రంగాల్లో మరింత పెంచి శ్రమదోపిడికి గురిచేస్తున్నారు. అట్లాగే వ్యవసాయ కూలీలకు జీవనాధారంగా ఉన్న గ్రామీణ ఉపాధి హామీ పథకాన్ని బడ్జెట్ తగ్గిస్తున్నారు. ఉపాధి హామీ పథకాన్ని పట్టణాలకు విస్తరించేందుకు నిరాకరిస్తున్నారు. ప్రతికూలికి 200 రోజులు పని కల్పించాలని, రోజువారి వేతనం 600 ఇవ్వాలని డిమాండ్ చేశారు. దేశంలో సుమారు కోటి మంది పనిచేస్తున్న కేంద్ర స్కీమ్ లకు ప్రభుత్వం నిధుల్లో కోత పెడుతున్నారని విమర్శించారు. 
అందుకోసం దేశవ్యాప్తంగా కార్మికులు, రైతులు వ్యవసాయ కూలీలు ఫిబ్రవరి 16న దేశవ్యాప్త సమ్మెలో పాల్గొనేందుకు సిద్ధమయ్యారు, వారి న్యాయమైన సమస్యలను పరిష్కరించాలని ఏర్పుల యాదయ్య అన్నారు

NLG: 'గావ్ చలో, బస్తి చలో అభియాన్' కార్యక్రమాన్ని విజయవంతం చేయాలి: కన్మంత రెడ్డి శ్రీదేవి
NLG: 'గావ్ చలో, బస్తి చలో అభియాన్' కార్యక్రమాన్ని విజయవంతం చేయాలి: కన్మంత రెడ్డి శ్రీదేవి
నల్లగొండ జిల్లా: ప్రతి కార్యకర్త గ్రామ స్థాయిలో పార్టీ పథకాలను ప్రజలకు తెలియజేయాలని, బిజెపి రాష్ట్ర కార్యవర్గ సభ్యులు కన్మంత రెడ్డి శ్రీదేవి అన్నారు. కట్టంగూర్ లో మండల అధ్యక్షులు పబ్బు వెంకన్న ఆధ్వర్యంలో గావ్ చలో ఆబియాన్ కార్యక్రమంలో మండల సమావేశానికి ముఖ్య అతిథిగా విచ్చేసిన ఆమె మాట్లాడుతూ.. 4 - 8 తేదీలో జరిగే గావ్ చలో, బస్తి చలో అభియాన్ కార్యక్రమంలో ప్రతి కార్యకర్త పాల్గొని విజయవంతం చేయాలని కోరారు.
ఈ కార్యక్రమంలో బిజెపి కిసాన్ మోర్చా జిల్లా అధికార ప్రతినిధి కోమటి భాస్కర్, దళిత మోర్చా జిల్లా అధ్యక్షులు గోలి ప్రబాకర్, కిసాన్ మోర్చా జిల్లా ఉపాధ్యక్షులు పాధురి వెంకట్ రెడ్డి, జిల్లా కార్యవర్గ సభ్యులు పసుల సైదులు, మండల ప్రధాన కార్యదర్శి గున్నాల నాగరాజు, కారంపూడి సాయికుమార్, బొడ్డుపల్లి ఆంజనేయులు, ముడుసు బిక్షపతి, నాగరాజు, ఐతగోని శివ, బసవోజు వినోద్, నీలం నాగరాజు, బత్తిని నాగరాజు, మల్లికార్జున్, కృష్ణారెడ్డి, తదితరులు పాల్గొన్నారు.

NLG: పిడిఎస్ బియ్యం బహిరంగ మార్కెట్ లో విక్రయిస్తే కఠిన చర్యలు: అదనపు కలెక్టర్ జె.శ్రీనివాస్
నల్లగొండ: ప్రజా పంపిణీ వ్యవస్థ ద్వారా పేదలకు పంపిణీ చేసే బియ్యం బహిరంగ మార్కెట్ లో విక్రయించిన, ఎవరైనా కొన్నా చట్ట ప్రకారం చర్యలు తీసుకుంటామని అదనపు కలెక్టర్ (రెవెన్యూ) జె.శ్రీనివాస్ హెచ్చరించారు.
జిల్లా కలెక్టర్ కార్యాలయం లో పౌర సరఫరాల శాఖ డిటి లు, గోదాం ఇంఛార్జి లు, చౌక ధర దుకాణాల డీలర్ల ప్రతినిధులతో సమావేశం నిర్వహించి వివిధ అంశాలపై సూచనలు చేశారు. సమావేశంలో జిల్లా పౌరసరఫరాల అధికారి వెంకటేశ్వర్లు, పౌర సరఫరాల సంస్థ డియం నాగేశ్వర రావు పాల్గొన్నారు.

NLG: జి. చెన్నారం గ్రామపంచాయతీలో ఆత్మీయ సమ్మేళనం
నల్లగొండ: మండలంలోని జి. చెన్నారం గ్రామపంచాయతీ కార్యాలయం వద్ద గ్రామ సర్పంచ్, వార్డ్ మెంబర్లు, గ్రామపంచాయతీ సిబ్బంది ఆత్మీయ సమ్మేళనం జరిగింది. పాలకవర్గం ఐదు సంవత్సరాల పదవీకాలం పూర్తి చేసుకున్న సందర్భంగా వారి సేవలను కొనియాడారు. 

  


ఈ కార్యక్రమంలో ఎంపీడీవో శ్రీనివాస్ రెడ్డి, ఎంపీఓ మాధవరెడ్డి, సూపర్డెంట్ రవీందర్ రెడ్డి, గ్రామ సర్పంచ్ నూతల వెంకన్న, ఉప సర్పంచ్ ప్రేమలత, వార్డ్ మెంబర్లు, సెక్రెటరీ సరిత, ఆశ వర్కర్, ఫీల్డ్ అసిస్టెంట్, అంగన్వాడి సిబ్బంది, గ్రామ ప్రజలు పాల్గొన్నారు.

NLG: నల్లగొండలో ఘనంగా శాసనమండలి చైర్మన్ గుత్తా సుఖేందర్ రెడ్డి జన్మదిన వేడుకలు     
  
నేడు తెలంగాణ శాసనమండలి చైర్మన్ గుత్తా సుఖేందర్ రెడ్డి జన్మదిన వేడుకలను నల్గొండ పట్టణంలోని ఆయన క్యాంపు కార్యాలయంలో, గుత్తా వెంకటరెడ్డి మెమోరియల్ ట్రస్ట్ చైర్మన్ గుత్తా అమిత్ కుమార్ రెడ్డి ఆధ్వర్యంలో ఘనంగా నిర్వహించారు. ఈ సందర్భంగా ముఖ్యఅతిథిగా హాజరైన జడ్పీ చైర్మన్ బండ నరేందర్ రెడ్డి కేక్ కట్ చేసి రక్తదాన శిబిరం ప్రారంభించారు. పలువురు కార్యకర్తలు నాయకులు రక్తదానం చేశారు. కార్యక్రమంలో టిఆర్ఎస్ రాష్ట్ర కార్యదర్శి కిషన్ రెడ్డి, ఎంపీపీ కరీం భాషా, జెడ్పిటిసి చెట్ల వెంకటేశం, స్థానిక వార్డు కౌన్సిలర్ కవిత దయాకర్, ధర్వేశిపురం ఎల్లమ్మ తల్లి దేవాలయం చైర్మన్ నర్సిరెడ్డి, గుత్తా అభిమానులు, ప్రజాప్రతినిధులు, నాయకులు, పార్టీ కార్యకర్తలు పాల్గొన్నారు.

Breaking news: రామన్నపేట మండలంలో పెద్దపులి సంచారం!
యాదాద్రి జిల్లా:
రామన్నపేట మండలంలో పెద్దపులి సంచారం చేస్తున్నట్లు స్థానికులు తెలిపారు. చిట్యాల - రామన్నపేట రైల్వే ట్రాక్ దాటి కొమ్మయిగూడెం వైపు వెళ్లినట్లు సమాచారం. కొమ్మాయిగూడెం ప్రజలు మరియు చుట్టుపక్కల గ్రామాల ప్రజలు అప్రమత్తంగా ఉండాలని, గ్రామస్తులకు సంబంధించిన పశువులను జాగ్రత్తగా చూసుకోవాలని సూచిస్తున్నారు.