NLG: ఉమ్మడి నల్లగొండ జిల్లా ఏఐఎస్ఎస్డి ఇంచార్జ్ గా బుర్రి వెంకన్న.
ఆల్ ఇండియా సమత సైనిక దళ్, ఉమ్మడి నల్గొండ జిల్లాల ఇన్చార్జిగా ఆల్ ఇండియా సమతా సైనిక్ రాష్ట్ర సంయుక్త కార్యదర్శి బుర్రి వెంకన్న ను నియమిస్తూ, ఆ సంఘం రాష్ట్ర అధ్యక్షులు దాసరి లక్ష్మయ్య నిన్న హైదరాబాదులో నియామక పత్రాన్ని అందజేశారు. 
నియామక పత్రం అందుకున్న బుర్రి వెంకన్న మాట్లాడుతూ.. బాబాసాహెబ్ అంబేద్కర్ చేత స్థాపించబడిన ఆల్ ఇండియా సమత సైనిక్ దళ్ సంస్థలో పనిచేయడం చాలా అదృష్టమని బాబా సాహెబ్ అంబేద్కర్ ఆశయ సాధన కోసం ప్రతి ఒక్కరూ ఈ సంస్థలో పనిచేయాల్సిన అవసరం ఉందని, రాజ్యాంగ ఫలాలు ప్రతి ఒక్కరికి అందే విధంగా చూడాలని ఆయన అన్నారు. 
తనకు ఇచ్చిన బాధ్యతను జిల్లా స్థాయిలో పూర్తిగా కమిటీలు వేసి సంఘం బలోపేతానికి కృషి చేస్తానని, ఈ బాధ్యతను తనకు ఇచ్చినందుకు రాష్ట్ర అధ్యక్షులు మరియు రాష్ట్ర కమిటీ ప్రత్యేక ధన్యవాదాలు తెలియజేశారు. ఈ కార్యక్రమంలో రాష్ట్ర కమిటీ మెంబర్స్ పాల్గొన్నారు.

TS: ఆల్ ఇండియా సమతా సైనిక్ దళ్ నూతన క్యాలెండర్ ను ఆవిష్కరించిన ఎమ్మెల్యే వివేక్ వెంకటస్వామి
హైదరాబాద్: చెన్నూరు ఎమ్మెల్యే వివేక్ వెంకటస్వామి వారి  నివాసంలో.. ఆల్ ఇండియా సమతా సైనిక్ దళ్ రాష్ట్ర నాయకులు సోమవారం ఎమ్మెల్యే వెంకటస్వామి ని  మర్యాదపూర్వకంగా కలిశారు. ఆలిండియా సమతా సైనిక్ దళ్ నూతన క్యాలెండర్ ను ఎమ్మెల్యే వివేక్ వెంకటస్వామి చేతుల మీదుగా ఘనంగా ఆవిష్కరించడం జరిగింది.
ఈ కార్యక్రమంలో ఏఐఎస్ఎస్డి రాష్ట్ర అధ్యక్షులు దాసరి లక్ష్మయ్య, ప్రధాన కార్యదర్శి దశరథ్, ఉపాధ్యక్షులు నర్సింగరాజ్, వైద్యనాథ్ రాష్ట్ర సంయుక్త కార్యదర్శి బుర్రి వెంకన్న, కృష్ణ, మద్దిలేటి, ఆర్గనైజింగ్ సెక్రటరి, అమ్మదాస్, మధు, తదితర  సభ్యులు పాల్గొన్నారు. ఈ సందర్భంగా కమిటీ రాష్ట్ర అధ్యక్షుడు లక్ష్మయ్య మాట్లాడుతూ.. అంబేద్కర్ చేత స్థాపించబడిన ఈ సంస్థను ముందుకు తీసుకెళ్తాల్సిన అవసరం ఎంతైనా ఉందని, అంబేద్కర్ ఆశయ సాధన కోసం ప్రతి ఒక్కరు కృషి చేయాలని అన్నారు.

NLG: ప్రజావాణి దరఖాస్తులను సత్వరం పరిష్కరించాలి: కలెక్టర్ హరి చందన
నల్లగొండ: ప్రజావాణి కార్యక్రమానికి ప్రాధాన్యతనిస్తూ ప్రజల నుండి స్వీకరించిన ఫిర్యాదులను సత్వరమే పరిష్కరించాలని జిల్లా కలెక్టర్ హరిచందన అధికారులను ఆదేశించారు. 

  


సోమవారం జిల్లా కలెక్టర్ కార్యాలయంలో నిర్వహించిన ప్రజావాణి కార్యక్రమంలో జిల్లా అదనపు కలెక్టర్ శ్రీనివాస్ తో కలిసి ఫిర్యాదులను స్వీకరించారు. జిల్లాలోని వివిధ ప్రాంతాల నుండి వచ్చిన ప్రజలు తమ ఆర్టీలను సమర్పించారు. ఆర్థిలను పెండింగ్లో పెట్టకుండా ఎప్పటికప్పుడు పరిశీలన జరుపుతూ సమస్యలను పరిష్కరించాలని ఆదేశించారు. కార్యక్రమంలో అధికారులు, ప్రజలు పాల్గొన్నారు.

NLG: ప్రభుత్వ మహిళా డిగ్రీ కళాశాలలో పండ్ల మొక్కలు నాటిన అధ్యాపకులు
నల్లగొండ: ప్రభుత్వ మహిళా డిగ్రీ కళాశాలలో సోమవారం కొన్ని రకాల పండ్ల చెట్లను కళాశాల అధ్యాపకులు నాటారు. ఈ సందర్భంగా కళాశాల ప్రిన్సిపల్ డాక్టర్ ఘన శ్యామ్ మాట్లాడుతూ.. కళాశాలలో కొన్ని రకాలైన పండ్ల చెట్లను నాటడం జరిగిందని, తద్వారా పర్యావరణ పరిరక్షణకు మేలు జరుగుతుందని తెలిపారు. 
గతంలో కళాశాలలో ఉడుతలు గాని పక్షులు గాని కనిపించకుండా ఉండేది. ఈ మధ్య కాలంలో కళాశాలలో పిచ్చుకలకు, ఉడుతలకు ఆహార పదార్థాలు తినేందుకు, నీరు తాగేటందుకు వీలుగా సౌకర్యాలు ఏర్పాటు చేశామని తెలిపారు. అంతరించిపోతున్న పిచ్చుకల జాతిని మనము ఈ విధంగా కాపాడుకోవచ్చని తెలిపారు. 
ఈ కార్యక్రమంలో ప్రిన్సిపాల్ మరియు అధ్యాపకులు రవిచంద్ర, డాక్టర్ రాజారామ్, కళాశాల సూపరింటెండెంట్ జ్యోతి, రమేష్, యాదగిరి, పుష్ప తదితరులు పాల్గొన్నారు.

NLG: ఆర్పి పట్నాయక్ చేతులమీదుగా సేవారత్న పురస్కారం అందుకున్న కురిమేటి నవీన్
మిర్యాలగూడ: జనయేత్రి ఫౌండేషన్ మిర్యాలగూడ వారిచే తృతీయ వార్షికోత్సవం సందర్భంగా మోత్కూర్ మండలం పాటిమట్ల గ్రామానికి చెందిన మాతృదేవోభవ పితృదేవోభవ సంస్థ వ్యవస్థపాక అధ్యక్షులు డాక్టర్ కురిమేటి నవీన్ ను వారి సేవలను గుర్తించి ఆయనకు సేవ రత్న ప్రశంసా పత్రాన్ని ఆదివారం సంగీత దర్శకుడు ఆర్పి పట్నాయక్ అందజేశారు.
ఆర్పి పట్నాయక్ మాట్లాడుతూ.. దాదాపు 5 సం. లుగా 200 పైగా ప్రోగ్రాంలు చేసి, 6000 మందికి పైగా అవసరం ఉన్న వారికి తన మిత్రులతో కలసి రక్త దానం అందిచటం, స్వయంగా 33 సార్లు రక్త దానం చేయటం, ఉచిత అంబులెన్సు పెట్టి 200 మంది పైగా ప్రాణాలు కాపాడటం, అనాధ, వృద్ధులు, మహిళలకు  బియ్యం, నిత్యావసర సరుకులు పంచటం లాంటివి సమాజ సేవ కార్యక్రమాలను గుర్తించి వారిని అభినదించటం జరిగింది అన్నారు.
నవీన్ విలేకరులతో మాట్లాడుతూ.. పే బ్యాక్ సొసైటీ అనే నినాదం తో ఏర్పడ్డ ఈ సంస్థ ఎంతో మంది అనాధ, వృద్ధులు, మహిళలకి సహాయం చేయటం, ఉచిత అంబులెన్స్ సేవలు అందించడం వంటివి చేశామని, అలానే ఇంటినే గ్రంధాలయంగా మార్చి 30కి పైగా పిల్లలకు రోజు చదువు చెప్పడం, నా ఒకరితో మొదలైన ఈ సంస్థ కొన్ని వందల మందికి సహాయం చేయడం జరుగుతుంది దీనికి సహకరిస్తున్న ప్రతి ఒక్కరికి ఈ అవార్డ్ అంకితం అని అన్నారు.
ఈ కార్యక్రమంలో ముఖ్య అతిథులు డాక్టర్ సంపత్ కుమార్ వరల్డ్ రికార్డ్ రక్త దాత 294, సమాజ సేవకురాలు కర్నే శిరీష ( బరెలక్క), కుమారి దుర్గా లావణ్య పారాషూట్ ఆయుర్వేదిక్ హెయిర్ ఆయిల్ బ్రాండ్ అంబాసిడర్ 2020, డాక్టర్ సకీజ ఖాన్, జనయేత్రి వ్యవస్థాపక అధ్యక్షులు డాక్టర్ మున్నీ షరీఫ్ తదితరులు పాల్గొన్నారు.

NLG: అథ్లెటిక్ జిల్లాస్థాయి సెలక్షన్ లలో ప్రథమ స్థానం పొందిన బొమ్మపాల సాయి శివ, జాకటి చరణ్ ప్రీత్
నల్గొండ: పట్టణంలోని మేకల అభినవ్ అవుట్డోర్ స్టేడియంలో ఆదివారం జరిగిన జిల్లా స్థాయి అథ్లెటిక్ సెలక్షన్లలో  చత్రపతి శివాజీ ఫుట్బాల్ క్లబ్ కు చెందిన  క్రీడాకారులు.. అండర్ 10 విభాగంలో బొమ్మపాల సాయి శివ, మరియు అండర్ 12 విభాగంలో జాకటి చరణ్ ప్రీత్ లు ఇద్దరూ ప్రథమ స్థానం పొందారని క్లబ్ వ్యవస్థాపకులు బొమ్మపాల గిరిబాబు తెలిపారు.
ఈ ఇద్దరు క్రీడాకారులు గత 2 సంవత్సరాల నుండి క్లబ్ ఫుట్బాల్ కోచ్ మద్ది కర్ణాకర్ శిక్షణలో ఫుట్బాల్ క్రీడ తో పాటు ఫిజికల్ ఫిట్నెస్ విభాగంలో నిరంతరం సాధన చేస్తూ ప్రొఫెషనల్ క్రీడాకారులు గా తయారవుతున్నారని తెలిపారు.

NLG: రేపటి భవిష్య భారత్ కు మోదీ నాయకత్వం కావాలి: బూర నర్సయ్య గౌడ్
నల్లగొండ జిల్లా: 
చిట్యాల మండలం, నేరేడ గ్రామంలో భారతీయ జనతా పార్టీ జెండా ఆవిష్కరణ, కార్యక్రమానికి ముఖ్య అతిథిలుగా భువనగిరి మాజీ ఎంపీ బూర నర్సయ్య గౌడ్, యూత్ ఐకాన్ నల్గొండ జిల్లా బిజెపి అధ్యక్షుడు నాగం వర్షిత్ రెడ్డి హాజరయ్యారు. 
ఈ సందర్భంగా బూర నర్సయ్య గౌడ్ మాట్లాడుతూ.. జరగబోయే పార్లమెంట్ ఎన్నికలకు సన్నద్ధం కావాలని, రేపటి భవిష్య భారత్ కు మోదీ నాయకత్వం కావాలని, బంగారు భవిష్యత్ కు కమలం పువ్వు గుర్తుపై ఓటు వేసి దేశ అభివృధికి తోడ్పడుదాం అన్నారు.

NLG: కష్టజీవుల పక్షాన పోరాడేది కమ్యూనిస్టులు: నెల్లికంటి సత్యం
కష్టజీవుల కార్మికుల పక్షాన నిరంతరం పోరాటాలు చేసేది కమ్యూనిస్టులేనని, వారి పక్షాన పేద ప్రజలు నిలబడాలని సిపిఐ జిల్లా కార్యదర్శి నెల్లికంటి సత్యం కోరారు. ఆదివారం సిపిఐ కార్యాలయంలో జరిగిన మునుగోడు పట్టణ కమిటీ సమావేశంలో ఆయన ముఖ్యఅతిథిగా పాల్గొని ప్రసింగించారు. 
పాలకులు ప్రజలకు అవసరమైన విద్య, వైద్యం, ఉపాధి రంగాలను మెరుగుపరచకుండా ఎన్నికల్లో ప్రలోభాల పేరుతో ప్రజలను మోసగిస్తున్నారని ఆరోపించారు. ఎస్ ఎల్ బి సి అంతర్భాగంలోని దిండి ఎత్తిపోతల పథకం ద్వారా దేవరకొండ, మునుగోడు నియోజకవర్గాలకు సాగునీరు అందించాలని అన్నారు.  
వర్షాభావ పరిస్థితుల కారణంగా వ్యవసాయ రంగం పూర్తిగా దెబ్బతిని రైతాంగం అప్పుల ఊబిలో కూరుకుపోయారని అన్నారు. మునుగోడు ఎమ్మెల్యే కోమటిరెడ్డి రాజగోపాల్ రెడ్డి నియోజకవర్గంలోని గ్రామాల్లో బెల్ట్ షాపుల నిషేధాన్ని సిపిఐ స్వాగతిస్తూ. ఆ పోరాటంలో సిపిఐ శ్రేణులు పెద్ద ఎత్తున భాగస్వామ్యం కావాలని కోరారు. మునుగోడు పట్టణంలోని పేదలకు ఇంటి స్థలాలు, ఇంటి నిర్మాణాల కోసం ఐదు లక్షల రూపాయల గృహలక్ష్మి పథకాన్ని అమలు పరచాలని కోరారు. అర్హులైన పేదలకు రేషన్ కార్డులు,పెన్షన్లు, తదితర సంక్షేమ పథకాలు వర్తింపచేయాలని, పట్టణ కేంద్రంలో సులబ్ కాంప్లెక్స్ ను ఏర్పాటు చేయాలని కోరారు.
ఈ సమావేశానికి రేవెల్లి అంజయ్య అధ్యక్షత వహించగా, ఏఐవైఎఫ్ జిల్లా కార్యదర్శి టి. వెంకటేశ్వర్లు, మండల కార్యదర్శి చాపల శ్రీను, మండల కార్యవర్గ సభ్యులు దుబ్బ వెంకన్న, ఎం.డి జానీ, బెల్లం శివయ్య, పట్టణ కార్యదర్శి కురుమర్తి ముత్తయ్య, చాపల విప్లవ్, ఎల్ల స్వామి, సైదులు, లక్ష్మయ్య, అండాలు, ప్రేమలత, రేణుక, దీప్తి, కలమ్మ, సరిత, తదితరులు పాల్గొన్నారు.

NLG: తెలంగాణ మాదిగ సంక్షేమ సంఘం నల్లగొండ జిల్లా ఉపాధ్యక్షురాలు గా నాగుల జ్యోతి
నల్లగొండ: తెలంగాణ మాదిగ సంక్షేమ సంఘం మహిళా విభాగం నూతన కమిటీ ఎన్నిక.. మహిళా విభాగం జిల్లా అధ్యక్షురాలు పోలేపల్లి నాగమణి మాదిగ ఆధ్వర్యంలో జరిగింది. జిల్లా ఉపాధ్యక్షురాలు గా నాగుల జ్యోతి, మిర్యాలగూడ నియోజకవర్గ ఇన్చార్జిగా సరళ ఏకగ్రీవంగా ఎన్నికైనారు. 
ఎన్నికైన నాయకులకు అంబేద్కర్ భవనంలో ఘన సన్మానం నిర్వహించారు. 
ముఖ్య అతిథులుగా రాష్ట్ర ప్రధాన కార్యదర్శి మంద పద్మ, పోలేపల్లి నాగమణి, విద్యార్థి విభాగం రాష్ట్ర అధ్యక్షులు కత్తుల రవి, తదితరులు పాల్గొన్నారు.

NLG: దేశవ్యాప్త కార్మికుల సమ్మె- గ్రామీణ భారత్ బంద్ కు సిద్ధం కావాలి: సిఐటియు జిల్లా అధ్యక్షులు లక్ష్మీనారాయణ
నల్లగొండ జిల్లా: 
చండూరు: కేంద్ర బిజెపి ప్రభుత్వం కార్పొరేటు అనుకూల విధానాలు, మతతత్వ విధానాలను ప్రతిఘటిస్తూ దేశవ్యాప్తంగా ఫిబ్రవరి 16న కార్మికుల సమ్మె - గ్రామీణ భారత్ బంద్ ను జయప్రదం చేయాలని సిఐటియు జిల్లా అధ్యక్షులు లక్ష్మీనారాయణ, రైతు సంఘం రాష్ట్ర నాయకులు బండ శ్రీశైలం లు పిలుపునిచ్చారు. 
సీఐటీయూ జిల్లా సహాయ కార్యదర్శి ఏర్పుల యాదయ్య అధ్యక్షతన జరిగిన మునుగోడు నియోజక వర్గ స్థాయి విస్తృత సమావేశంలో లక్ష్మీనారాయణ మాట్లాడుతూ.. బిజెపి అధికారంలోకి వచ్చి పది సంవత్సరాలు అవుతున్నా, రైతులు కార్మికుల సమస్యలు ఏమాత్రం పరిష్కారం కాలేదని ఆరోపించారు. ఏటా రెండు కోట్ల ఉద్యోగాలు ఇస్తామని అవినీతి నల్లధనాన్ని తెచ్చి ప్రజలకు 15 లక్షల రూపాయలు అకౌంట్ లో వేస్తామని మాటలు నీటి మూటలు గానే మిగిలాయని అన్నారు. భారతదేశంలోని సహజ వనరులన్నీ కార్పొరేట్ శక్తుల పరం చేస్తుంది. వ్యూహాత్మకంగా ప్రభుత్వ రంగ సంస్థలలో వందశాతం అమ్మకాల పేరుతో కార్పొరేట్లకు కట్టబెడుతున్నారని విమర్శించారు.
కార్మికులు పోరాడి సాధించుకున్న అనేక చట్టాలను నాలుగు కోట్లుగా విభజించి కార్మికులను కట్టు బానిసలుగా చేస్తుందని ఆరోపించారు.12 గంటల పని విధానం అమల్లోకి తెస్తుంది, కాంట్రాక్టు విధానం తీసుకువచ్చి కార్మికులను మరింత దోపిడీకి గురిచేస్తుంది. కనీస వేతనం 26వేలు ఇవ్వడానికి ముందుకు రావడంలేదని ఆరోపించారు. కార్మిక రైతు ప్రజా వ్యతిరేక విధానాలు అవలంబిస్తున్న బిజెపి ప్రభుత్వానికి తగిన బుద్ధి చెప్పాల్సిన అవసరం ఎంతైనా ఉందని అన్నారు.
 
ఫిబ్రవరి 16 దేశవ్యాప్తంగా కార్మికుల సమ్మె- గ్రామీణ భారత్ బంద్ జయప్రదం కోసం దశలవారీగా కార్యక్రమాలలో భాగంగా జనవరి 26న జిల్లా, నియోజకవర్గ కేంద్రాల్లో బైక్, ట్రాక్టర్ ర్యాలీలు నిర్వహించాలని, 27 నుండి 30 వరకు అన్ని యూనియన్ల జనరల్ బాడీ లు నిర్వహించి యజమానులకు ప్రభుత్వ అధికారులకు సమ్మె నోటీసులు అందజేయాలని అన్నారు. ఫిబ్రవరి 16 సమ్మె జయ ప్రధానికి ఇంటింటికి కరపత్రాలు, ప్రజలతో సంతకాల సేకరణ గ్రామ మండల స్థాయిలో రైతులు వ్యవసాయ కార్మికులు కార్మికులతో ర్యాలీలు నిర్వహించాలని పిలుపునిచ్చారు
ఈ సమావేశంలో ప్రజానాట్య మండల జిల్లా అధ్యక్షులు నాంపల్లి చంద్రమౌళి,సిఐటియు నాయకులు వరికుప్పల ముత్యాలు,జెర్రిపోతుల ధనంజయ్, మోగుదాల వెంకటేశం, కక్కునూరి నగేష్, వివిధ యూనియన్ల నాయకులు రమావత్ కవిత, అన్నే పర్తి వెంకన్న, కత్తుల సైదులు, పాశం లింగయ్య, లింగస్వామి,ముంత వెంకటేశ్వర్లు, మరియమ్మ, శ్రీను తదితరులు పాల్గొన్నారు.