NLG: మర్రిగూడ మండల కేంద్రంలో  ముగ్గుల పోటీ విజేతలకు బహుమతులు అందించిన జై భీమ్ సాహో యూత్
నల్లగొండ జిల్లా: 
మర్రిగూడ: మండల కేంద్రంలోని జడ్పీహెచ్ఎస్ హైస్కూల్ నందు జై భీమ్ సాహూ యూత్ ఆధ్వర్యంలో ఆదివారం సాయంత్రం మండల స్థాయిలో నిర్వహించిన ముగ్గుల పోటీలో విజేతలుగా.. మొదటి బహుమతి అయితగోని విజయ, రెండవ బహుమతి అక్షిత, మూడవ బహుమతి పావని గెలుపొందడం జరిగింది. 
యూత్ ప్రెసిడెంట్ ఈద గిరీష్ ఆధ్వర్యంలో నిర్వహించిన ఈ కార్యక్రమంలో మొదటి బహుమతి దాత ఉప్పరి శ్రీనివాస్ (ఎస్ఐ నాగోల్), రెండవ బహుమతి సూర్య సత్యనారాయణ, మూడవ బహుమతి వీరమల్ల లోకేష్ డొనేట్ చెయ్యటం జరిగింది. మొదటి బహుమతి రూ. 5016/-, 2వ బహుమతి 4016/-, 3వ బహుమతి రూ3016/- లను విజేతలకు అందజేశారు. అదేవిధంగా చిన్నపిల్లలకు, మ్యూజికల్ చైర్స్, స్పూన్ గేమ్స్ నిర్వహించి బహుమతులు అందించారు. అనంతరం కమిటీ క్యాలెండర్ ను ఆవిష్కరించారు. 
ఈ కార్యక్రమానికి ముఖ్య అతిథులుగా స్థానిక సర్పంచ్ నల్ల యాదయ్య, నాగోల్ ఎస్సై తుప్పరి శ్రీనివాస్, వైస్ ఎంపీపీ కట్కూరి వెంకటేష్, లోకేష్, పగడాల రఘు, కోఆర్డినేటర్ గ్యార యాదగిరి, బండ విజయ్, జాజుల రామకృష్ణ, చెలగోని వెంకటేష్, ఈద రమేష్, ఈద సంతోష, తుప్పరి పావని, చెలగొని స్వాతి, ఈద భాస్కర్, ఈద సురేష్, యూసఫ్, ఈద కాశీ, ఈద అభి, మారి, అధిక సంఖ్యలో మహిళలు, తదితరులు పాల్గొన్నారు. 

NLG: పండుగ వేళ.. దర్వేశిపురం దేవస్థానంలో పెరిగిన భక్తుల రద్దీ.. 
నల్లగొండ జిల్లా:
కనగల్ మండలం, ధర్వేశిపురం శ్రీ రేణుక ఎల్లమ్మ తల్లి దేవస్థానం ఆదివారం భక్తులతో సందడిగా ఉంది. ఈరోజు భోగి పండుగ మరియు సంక్రాంతి సెలవుల నేపథ్యంలో జిల్లాలోని పలుచోట్ల నుండి భక్తులు ఈ ప్రాంతానికి రావడం వల్ల భక్తుల రద్దీ పెరిగింది. ఉచిత దర్శనము, ప్రత్యేక దర్శనం కలదు. ప్రత్యేక దర్శనానికి 100 రూపాయలు ఉన్నట్లు ఇక్కడి అధికారులు తెలిపారు. భక్తులు భక్తిశ్రద్ధలతో అమ్మవారిని దర్శించుకుని మొక్కులు చెల్లించుకుంటున్నారు.

TS: పిల్లల పట్ల తల్లిదండ్రులు, ఉపాధ్యాయులు అప్రమత్తంగా ఉండండి: తెలంగాణ మలిదశ ఓయూ విద్యార్థి ఉద్యమ నాయకురాలు డాక్టర్ రేష్మ హుస్సేన్
తల్లిదండ్రులు మరియు ఉపాధ్యాయులు అప్రమత్తంగా ఉండండి, డ్రగ్స్ నేరస్తుల పట్ల పాఠశాల, కళాశాలల యాజమాన్యాలు పిల్లలకు అవగాహన కార్యక్రమాలు నిర్వహించాలని.. పిల్లలను ఎప్పటికప్పుడు గమనిస్తూ తగు జాగ్రత్తలు తీసుకోవాలని తెలంగాణ మలిదశ ఓయూ విద్యార్థి అన్నారు. 
ఆదివారం హైదరాబాదులో ఆమె మాట్లాడుతూ.. రంగారెడ్డి జిల్లాలో డ్రగ్స్ నేరగాళ్లు   స్కూల్  పిల్లలకు డ్రగ్స్ అలవాటు చేయించడం ఆందోళన కలిగిస్తుందని, ఇటీవల జరిగిన కొత్తూరు ప్రభుత్వ పాఠశాల ఉదంతం.. తల్లిదండ్రులలో భయాందోళన కలిగిస్తుందని అన్నారు. అనుమానస్పదంగా ఉన్న వ్యక్తుల నుండి చాక్లెట్లు తీసుకోవద్దని విద్యార్థులకు సూచించారు.
డ్రగ్స్ నేరగాళ్లు ముందుగా ఫ్రీగా చాక్లెట్లు ఇచ్చి తర్వాత చాక్లెట్ రూపంలో డ్రగ్స్ కి అలవాటు చేసే ప్రమాదం ఉందని ఇటీవల జరిగిన ఘటన ద్వారా తెలుస్తుందని అన్నారు. విద్యార్థులు తల్లిదండ్రులు పిల్లల ప్రవర్తన ఎప్పటికప్పుడు గమనిస్తూ వారిని సన్మార్గంలో నడిపించడానికి తగు జాగ్రత్తలు తీసుకోవాలని డాక్టర్ రేష్మ హుస్సేన్ అన్నారు.

TTD: జనవరి 16న ఉదయం శ్రీవారి ఆలయంలో గోదాపరిణయోత్సవం.
తిరుమల: పవిత్రమైన ధనుర్మాసం జ‌న‌వ‌రి14 తో ముగియనుండడంతో జ‌న‌వ‌రి 15వ తేదీ సోమ‌వారం నుంచి శ్రీవారి ఆలయంలో సుప్రభాత సేవ పునఃప్రారంభం కానుంది.
గత ఏడాది డిసెంబరు 17వ తేదీ తెల్ల‌వారుజామున 12.34 గంట‌ల‌కు ధనుర్మాస ఘడియలు ప్రారంభం కావడంతో.. శ్రీవారి ఆలయంలో సుప్రభాతం స్థానంలో గోదా తిరుప్పావై పారాయణం కొనసాగింది. అయితే జనవరి 14వ తేదీ ధనుర్మాస ఘడియలు పూర్తి కానుండ‌టంతో.. జనవరి 15 నుండి యధాతధంగా శ్రీవారి ఆలయంలో సుప్రభాత సేవ నిర్వహిస్తారు. భక్తులు ఈ విషయాన్ని గమనించాలని టీటీడీ సూచించింది. 
అదేవిధంగా జనవరి 16వ తేదీన ఉదయం శ్రీవారి ఆలయంలో గోదాపరిణయోత్సవం.. మధ్యాహ్నం పార్వేట మండపం వద్ద పార్వేట ఉత్సవం జరపనున్నారు.

నేడే తెలుగు రాష్ట్రాలలో 'భోగి పండుగ'
భోగి పండుగ అనేది సాంప్రదాయ తెలుగు పండగ. మూడు రోజుల సంక్రాంతి పండుగలో మొదటి రోజును భోగి అంటారు. భోగి పండుగ సాధారణంగా జనవరి 13 లేదా 14 న వస్తుంది. ఈ సమయంలో సూర్యుడు రోజు రోజుకి దక్షిణ అర్ధ గోళంలో భూమికి దూరం అవటం వలన భూమిపై బాగా చలి పెరుగుతుంది. ఈ చలిని తట్టుకునేందుకు భగ భగ మండే మంటలు అందరు వేయటం వలన ఈ రోజుకు భోగి అనే పేరు వచ్చింది. ఈ రోజున ప్రజలు భోగి మంటలు వేసుకొని సంతోషంగా పండగ జరుపుకుంటారు.

చౌటుప్పల్: 16వ వార్డు ను సందర్శించిన  మున్సిపల్ చైర్మన్ వెన్ రెడ్డి రాజు


  


చౌటుప్పల్ పట్టణ కేంద్రంలోని బంగారి గడ్డ 16వ వార్డు ను 
మున్సిపల్ చైర్ పర్సన్  వెన్ రెడ్డి రాజు సందర్శించారు. వార్డులో తిరుగుతూ నూతనంగా నిర్మిస్తున్నటువంటి
సిసి రోడ్లు మరియు అండర్ గ్రౌండ్ డ్రైనేజీ నిర్మాణాలను పరిశీలించారు.
ఈ కార్యక్రమంలో కౌన్సిలర్ Md బాబా షరీఫ్, నాయకులు ఆవుల యేసు, ఉడత రామ లింగస్వామి ఏజాస్, రాకేశ్ రెడ్డి,కరీం, తదితరులు పాల్గొన్నారు.

NLG: గ్రాస్ రూట్ శిక్షణకు 4 ఫుట్బాల్స్ బహుకరణ
నల్గొండ: చత్రపతి శివాజీ స్పోర్ట్స్ క్లబ్ ఆధ్వర్యంలో మేకల అభినవ్ స్టేడియంలో జరుగుతున్న ఫుట్బాల్ గ్రాస్ రూట్ శిక్షణ కార్యక్రమానికి ఈరోజు 4 ఫుట్బాల్స్ ను మాజీ క్రీడాకారుడు పోలీస్ కానిస్టేబుల్ అప్పల లింగయ్య క్లబ్ ఫుట్బాల్ కోచ్ మద్ది కరుణాకర్ కు అందించారని క్లబ్ వ్యవస్థాపకులు బొమ్మపాల గిరిబాబు తెలిపారు. ఈ సందర్భంగా పలువురు స్టేడియంలో నిర్వహిస్తున్న గ్రాస్ రూట్ ఫుట్బాల్ శిక్షణ క్యాంపును ప్రశంసిస్తూ ఫుట్బాల్ క్రీడా అభివృద్ధికి తమ తోడ్పాటు అందిస్తామని తెలిపారు.
ఈ కార్యక్రమంలో జాకటి బాలరాజు, మైనం ప్రశాంతి, దుప్పలపల్లి రమేష్ ఫుట్బాల్ క్రీడాకారులు పాల్గొన్నారు

TS: డిప్యూటీ సీఎం బట్టి విక్రమార్క ను మర్యాదపూర్వకంగా కలిసిన ఓయూ  మలిదశ ఉద్యమ నేత డాక్టర్ రేష్మ హుస్సేన్
హైదరాబాద్: డాక్టర్ బి.ఆర్ అంబేద్కర్ రాష్ట్ర సచివాలయంలో డిప్యూటీ సీఎం బట్టి విక్రమార్క ను తెలంగాణ మలిదశ ఉస్మానియా యూనివర్సిటీ విద్యార్థి ఉద్యమ నాయకురాలు డాక్టర్ రేష్మ హుస్సేన్ మర్యాదపూర్వకంగా కలిశారు. ఈ సందర్భంగా ఆమె మాట్లాడుతూ.. తెలంగాణ మలిదశ ఉద్యమంలో కీలకంగా పనిచేసిన విద్యార్థి నేతలకు ప్రభుత్వంలో కీలక బాధ్యతలు ఇవ్వాలని, నామినేటెడ్ పదవులలో మహిళలకు తగిన ప్రాధాన్యత ఇవ్వాలని, ముస్లిం మైనార్టీ కి చెందిన విద్యార్థి ఉద్యమ నాయకురాలు డాక్టర్ రేష్మ హుస్సేన్ డిప్యూటీ సీఎం బట్టి విక్రమార్క ను కోరారు.

NLG: ఇందుర్తి గ్రామంలో సంక్రాంతి సందర్భంగా ఎస్ఎఫ్ఐ, డివైఎఫ్ఐ ఆధ్వర్యంలో సంక్రాంతి క్రీడలు
నల్గొండ జిల్లా:
మర్రిగూడ మండలం ఇందుర్తి గ్రామంలో సంక్రాంతి సందర్భంగా,  శనివారం ఎస్ఎఫ్ఐ, డివైఎఫ్ఐ ఆధ్వర్యంలో సంక్రాంతి క్రీడలు, జూనియర్ కబడ్డీ పోటీలు నిర్వహించడం జరిగింది. ఈ కార్యక్రమానికి ముఖ్య అతిథులుగా విచ్చేసిన ప్రజానాట్యమడలి జిల్లా అధ్యక్షుడు నాంపల్లి చంద్రమౌళి మాట్లాడుతూ.. గ్రామీణ ప్రాంతాలలో ఆటలో ప్రాధాన్యత కలిగిన క్రీడాకారులు ఉన్నారని.. వారికి మరింత శిక్షణ అవసరమని అదే రకంగా ఫిట్నెస్, స్నేహభావాన్ని పెంపొందించుకోవడం, కులాలకు మతాలకు అతీతంగా నడుచుకొని పోవడం క్రీడాకారులకు అవసరమని ఆయన అన్నారు. భగత్ సింగ్, రాజ్ గురు, చేగువేరా లను ఆదర్శంగా తీసుకొని అభ్యుదయం వైపు యువత నడవాలని ఆయన అన్నారు.  చెడు వ్యసనాలకు దూరంగా ఉండి ఉన్నతమైన స్థాయికి ఎదగాలని అన్నారు. 
తదనంతరం బహుమతులు ప్రధానోత్సవ కార్యక్రమం సిఐటియు జిల్లా సహాయ కార్యదర్శి ఏర్పుల యాదయ్య నిర్వహించారు.
ఈ కార్యక్రమంలో గ్రామ సర్పంచ్ జంగిలి ప్రసన్న రవి, రైతు సంఘం రాష్ట్ర నాయకులు బండ శ్రీశైలం, గిరి విష్ణు, బద్రి, ఐతగోని నరసింహ, ఎండి ఉసేన్, మహేశ్వరం గణేష్, ఏర్పుల శివనందిని, పగిళ్ల శ్రీను,గిరి కరుణ్, పవన్ చారి, వంశీ, తదితరులు పాల్గొన్నారు

NLG: 30 పడకల మర్రిగూడ ప్రభుత్వ ఆసుపత్రిని సందర్శించిన ఎమ్మెల్యే కోమటిరెడ్డి రాజగోపాల్ రెడ్డి
నల్లగొండ జిల్లా, మునుగోడు నియోజకవర్గం: 
మర్రిగూడ: మండల కేంద్రంలోని 30 పడకల CHC ప్రభుత్వ ఆసుపత్రిని స్థానిక మునుగోడు నియోజకవర్గ ఎమ్మెల్యే కోమటిరెడ్డి రాజగోపాల్ రెడ్డి శనివారం సందర్శించారు. ఈ సందర్భంగా వైద్య అధికారులతో రివ్యూ మీటింగ్ ఏర్పాటు చేసి సమస్యలను అడిగి తెలుసుకున్నారు. 
ఎమ్మెల్యే రాజగోపాల్ రెడ్డి మాట్లాడుతూ.. వైద్యం అంటే సేవ అని వైద్యం కోసం వచ్చే వారికి సమయానికి మెరుగైన చికిత్స అందించి, వారికి ప్రాపర్ గైడెన్స్ అందించాలని డాక్టర్లకు సూచించారు. ఆసుపత్రికి ఇంకా కావాల్సిన వసతులు అందిస్తామని, సమస్యల పరిష్కారానికి వైద్య ఆరోగ్యశాఖ మంత్రితో మాట్లాడి సమస్యలను పరిష్కరిస్తామని తెలిపారు. వైద్య సిబ్బందితో ప్రతి ఒక్కరూ మర్యాదగా ప్రవర్తించాలని అన్నారు. మునుగోడు నియోజకవర్గాన్ని విద్య ఆరోగ్య రంగాలలో రోల్ మోడల్ గా నిలబెట్టడం కోసం ప్రస్తుతం తాను ఆరోగ్యము, విద్యపై దృష్టి సారించామని తెలిపారు. 
నియోజకవర్గంలో ఇప్పటికే తాము బెల్ట్ షాపులను మూయించానని ఎమ్మెల్యే తెలిపారు.
పాఠశాలల్లో విద్యార్థుల సంఖ్యను పెంచాలని, 400 లేదా 500 మంది విద్యార్థులతో మూడు లేదా నాలుగు గ్రామాలకు కలిపి ఒక పాఠశాలను అభివృద్ధి చేసి ప్రజల, ప్రభుత్వ సహకారంతో మెరుగైన విద్యను అందిద్దామని అన్నారు. విద్యా, ఆరోగ్య రంగాలలో మునుగోడు నియోజకవర్గాన్ని రాష్ట్రంలోనే రోల్ మోడల్ గా తయారు చేసుకుందామని అన్నారు. కార్యక్రమంలో పలువురు అధికారులు ప్రజాప్రతినిధులు, స్థానిక నాయకులు, ప్రజలు పాల్గొన్నారు.