ప్రొద్దుటూరు అంగన్వాడి కేంద్రంలో తల్లిపాల వారోత్సవాలు, అక్షరాభ్యాసం


  

 
 
  
  
యాదాద్రి భువనగిరి జిల్లా వలిగొండ మండల పరిధిలోని ప్రొద్దుటూరు గ్రామంలో అంగన్వాడి టీచర్ సునీత (హేమ) మాట్లాడుతూ ఈనెల ఒకటో తారీకు నుండి ఎనిమిదో తారీకు వరకు తల్లిపాల వారోత్సవాలు నిర్వహిస్తామని అంగన్వాడి కేంద్రంలో 0నుంచి ఆరు నెలల పిల్లలు .ఏడో నెల నుండి మూడు సంవత్సరాల లోపు .టి హెచ్ ఆర్. పిల్లలు మూడు నుండి ఆరు సంవత్సరాలు. ప్రీ స్కూల్ పిల్లలు బరువు తీయడం జరుగుతుందని. ప్రతినెల ఒకటో తేదీ అంగన్వాడి కేంద్రంలో బరువులు తీసి పిల్లల బరువుల గురించి వయసుకు తగ్గ బరువు పిల్లలు ఉండేటట్లుతల్లులకు అవగాహన కల్పించడం జరుగుతుందని. బిడ్డ పుట్టిన వెంటనే మర్రుపాలు బిడ్డకు పట్టిస్తే అందులో అనేక కొలెస్ట్రాల్ బలము ఆ పాలల్లో ఉంటుందని ముర్రుపాలు వలన బిడ్డకు అనేక శక్తులు సమకూర్స్తాయని ఆరోగ్యవంతమైన శక్తి లభిస్తుందని తల్లి నుండి ముందుగా వచ్చే పసుపు. రంగు పాలు .ముదురు రంగు పాలు. బిడ్డకు పట్టించే విధానం గురించి గ్రామంలోని తిరుగుతూ గృహప్రదర్శనాలు బాలింతల ఇంటికి వెళ్లి సవివరంగా వివరించడం ప్రతినెల జరుగుతుందని. అంగన్వాడి టీచర్ పత్రిక ప్రకటన ద్వారా తెలియజేసినారు.. ఈ కార్యక్రమంలో ఈరోజు 3+పిల్లలకు అక్షర అభ్యాసం నిర్వహించడం జరిగిందని మాట్లాడినారు. ఈ కార్యక్రమంలో అంగన్వాడీ టీచర్ సునీత (హేమ) సెక్టార్ హుస్సేన్ సారు .ఏఎన్ఎం .ఆశ. ఎల్ ఎం హెచ్ పి. లు బాలింతలు తల్లులు మహేశ్వరి నికిత పాల్గొన్నారు.
 

చిత్తాపురం లో సీఎం రిలీఫ్ ఫండ్ చెక్కుల పంపిణీ


  

 
 
  
  
యాదాద్రి భువనగిరి జిల్లా వలిగొండ మండల పరిధిలోని చిత్తాపురం గ్రామంలో భువనగిరి సాధన సభ్యులు  కుంభం అనిల్ కుమార్ రెడ్డి సహకారంతో సీఎం రిలీఫ్  ఫండ్ చెక్కులను గ్రామ శాఖ అధ్యక్షులు పీసరి వెంకటరెడ్డి చేతుల మీదుగా అందజేశారు. బాధితులు  చేగూరి అనిత మత్స్యగిరి 42,000, కందాటి భవాని ఎల్లారెడ్డి 24000, కల్లూరి విష్ణువర్ధన్14000 వేలు అందించడం జరిగింది .ఈ కార్యక్రమంలో చేగూరి మచ్చ గిరి, వలమాల బిక్షపతి, చేగూరు మహేష్, బడక సతీష్ ,మల్లయ్య కాంగ్రెస్ పార్టీ కార్యకర్తలు, సీనియర్ నాయకులు , తదితరులు పాల్గొన్నారు .
 

పోరాటయోధుడు కాచం కృష్ణమూర్తి ఆశయ మార్గంలో ముందుకు సాగుదాం : సిర్పంగి స్వామి సిపిఎం మండల కార్యదర్శి


  

 
 
  
  
 తెలంగాణ సాయుధ రైతాంగ పోరాట యోధులు కాచం కృష్ణమూర్తి గారి పోరాట స్ఫూర్తిని ఆదర్శంగా తీసుకొని ముందుకు సాగడమే ఆయనకు మనమిచ్చే ఘనమైన నివాళని సిపిఎం మండల కార్యదర్శి సిర్పంగి స్వామి అన్నారు గురువారం రోజున మండల కేంద్రంలోని సిపిఎం కార్యాలయం వద్ద కాచం కృష్ణమూర్తి గారి 18వ వర్ధంతి కార్యక్రమం సందర్భంగా ఆయన చిత్రపటానికి పూలమాల వేసి నివాళులర్పించారు ఈ సందర్భంగా ఆయన మాట్లాడుతూ నాటి రాచరిక పాలనకు వ్యతిరేకంగా దొరలు, దోపిడీదారుల దౌర్జన్యాలను ఎదిరించి సాయుధులైన ప్రజలను సమరయోధులుగా మార్చేందుకు ప్రజల్లో నిత్యం చైతన్యాన్ని నింపి దొరలు,దోపిడీదారుల, రజాకారుల కోటలపై మెరుపు దాడులు నిర్వహించి ప్రజలకు వెట్టి చాకిరి,దోపిడీ పీడనల నుండి విముక్తి చేసిన గొప్ప పోరాట యోధుడు కాచం కృష్ణమూర్తి అన్నారు ఎన్ని నిర్బంధాలు ఎదురైన వెనక్కు తగ్గకుండా తను ఎంచుకున్న మార్గం ద్వారా ఎర్రజెండా నాయకత్వంలో ప్రజలను నడిపించిన మహోన్నతమైన నాయకుడని జీవితాంతం సాదాసీదాగా జీవించి ప్రజల కోసమే బ్రతికిన ఆ నాయకుని యొక్క స్ఫూర్తిని ఆదర్శాన్ని ముందుకు తీసుకుపోయే విధంగా పనిచేయడమే ఆయనకు మనమిచ్చే ఘననివాళని అన్నారు ఆయన ఆశయ మార్గంలో ముందుకు సాగుదామని పిలుపునిచ్చారు ఈ కార్యక్రమంలో సిపిఎం మండల కార్యదర్శి వర్గ సభ్యులు చీర్క శ్రీశైలం రెడ్డి,మండల కమిటీ సభ్యులు గాజుల ఆంజనేయులు, నాయకులు కొండూరు సత్తయ్య,వేముల లక్ష్మయ్య, ఉండ్రాటి పాపయ్య,నరసింహ తదితరులు పాల్గొన్నారు.
 

స్వయం ఉపాధి అవకాశాలకు ప్రాధాన్యత ఇవ్వాలి:  జిఎస్ రామానంద ప్రిన్సిపల్ ప్రభుత్వ ఐటిఐ భువనగిరి


  

 
 
  
  
విద్యార్థులు, చదువు పూర్తయిన తర్వాత ప్రభుత్వ ఉద్యోగాలతో పాటు, స్వయం ఉపాధి అవకాశాలకు కూడా ప్రాధాన్యత ఇవ్వాలని భువనగిరి పారిశ్రామిక శిక్షణా కేంద్రం ప్రిన్సిపాల్ జి. ఎస్ రామానంద అన్నారు. గురువారం భువనగిరి ప్రభుత్వ పారిశ్రామిక శిక్షణా కేంద్రం లో కేంద్ర ప్రభుత్వ "సంకల్ప్ ప్రాజెక్టు" లో భాగంగా 15-05-2024 నుండి 31-05-2024 వరకు శిక్షణ పొందిన విద్యార్థులకు *సర్టిఫికెట్ల ప్రదానోత్సవ* కార్యక్రమంలో ఆయన ముఖ్య అతిథిగా పాల్గొని మాట్లాడారు. విద్యార్థులు "ఎంటర్ ప్రెన్యూర్ షిప్ అండ్ డెవలప్మెంట్" శిక్షణా తరగతుల్లో నేర్చుకున్న పరిజ్ఞానం, భవిష్యత్తులో ఉపయోగపడుతుందని చెప్పారు. ఈ కార్యక్రమంలో సంకల్ప్ ప్రాజెక్టు స్టేట్ కన్సల్టెంట్ నజీర్ సిద్దిఖీ, యాదాద్రి భువనగిరి జిల్లా బాలల సంరక్షణ సమితి సభ్యులు ఎర్ర శివరాజ్, బాలల హక్కుల పరిరక్షణ వేదిక జాతీయ కమిటీ ఉపాధ్యక్షులు బొక్క రాంబాయి, జిల్లా అధ్యక్షులు ఆవుల వినోద్ కుమార్, డిప్యూటీ ట్రైనింగ్ ఆఫీసర్ బాబూరావు, తులసీరావు, అసిస్టెంట్ ట్రైనింగ్ ఆఫీసర్ ప్రవీణ్ కుమార్, గురువయ్య, పరమేష్, రీసోర్స్ పర్సన్ కొడారి వెంకటేష్, చైల్డ్ లైన్ జిల్లా కో- ఆర్డినేటర్ మాటూరి దశరథ, విద్యార్థులు పాల్గొన్నారు.
 

వలిగొండ: ఎస్సీ వర్గీకరణ పై సుప్రీంకోర్టు తీర్పు పై హర్షం


  

 
 
  
  
 వలిగొండ  పట్టణ కేంద్రంలో ఎమ్మార్పీఎస్ జిల్లా అధ్యక్షుడు దుబ్బ రామకృష్ణ మండల అధ్యక్షులు పల్లెర్ల రామచందర్ వారు మాట్లాడుతూ సుప్రీం కోర్టు ఎస్సీ వర్గీకరణపై చారిత్రక తీర్పునివ్వడం శుభపరిణామమని,ఈ తీర్పును స్వాగతిస్తున్నామని వర్గీకరణపై సుప్రీంకోర్టు తీర్పుకు అనుగుణంగా ఏబీసీడి ఎస్సీల్లో ఉన్న ఉప కులాలకు,ముఖ్యంగా మాదిగలకు సమానంగా రిజర్వేషన్ అందుతుందని పేర్కొన్నారు.‌30ఏండ్ల నుండి వర్గీకరణ పోరాటం చేసిన మంద కృష్ణ మాదిగకు మిగతా మాదిగ ఉద్యమకారులందరికీ దాసరి అభినందనలు తెలిపారు. ఎమ్మార్పీఎస్ నాయకులు స్వీట్లు పంచుతూ పటాకులు కాలుస్తూ సంతోషాన్ని వ్యక్తపరిచారు. ఈ కార్యక్రమంలో జిల్లా నాయకులు దుబ్బ దానయ్య ,సలిగంజి బిక్షపతి, జానకి రాములు, పోలేపాక బిక్షపతి ,సందెల శ్రీనివాస్ ,మండల ఎంఆర్పిఎస్ నాయకులు పాల్గొన్నారు.
 

నిరుద్యోగుల సమస్యలను పరిష్కరించాల్సిన బాధ్యత కేంద్ర ,రాష్ట్ర ప్రభుత్వాలదే: AIYF 


  

 
 
  
  
నిరుద్యోగుల సమస్యలను పరిష్కరించాల్సిన బాధ్యత కేంద్ర, రాష్ట్ర ప్రభుత్వ పాలకులదేనని, కాంగ్రెస్ ప్రభుత్వం సత్వరమే జాబ్ క్యాలెండర్ ను విడుదల చేయాలని *ఏ ఐ వై ఎఫ్ జిల్లా అద్యక్ష ప్రధాన కార్యదర్శి ఎల్లంకి మహేష్ ,పేరబొయిన మహేందర్* డిమాండ్ చేశారు.ఆత్మకూర్ మండల కమిటి సమావేశంలో వారు మాట్లాడుతూ నిరుద్యోగులకు ప్రభుత్వ రంగ సంస్థల ద్వారానే ఉపాధి అవకాశాలు కల్పించవచ్చని అన్నారు. కేంద్రంలోని బీజేపీ ప్రభుత్వం, రాష్ట్రంలోని కాంగ్రెస్ ప్రభుత్వం నిరుద్యోగులకు పెద్దపీట వేయాలని వారు డిమాండ్ చేశారు. నిరుద్యోగులను దృష్టిలో పెట్టుకుని పోటీ పరీక్షలు రాసే కొత్త అభ్యర్థులకు దరఖాస్తు చేసుకోవడానికి అవకాశం కల్పించాలని డిమాండ్ చేశారు. 2023 విద్య సంవత్సరం పూర్తి చేసిన విద్యార్థులు రాష్ట్ర వ్యాప్తంగా 10 లక్షల మంది ఉన్నారని. వాస్తవానికి గత బీఆర్ఎస్ ప్రభుత్వం నిరుద్యోగులకు తీవ్ర అన్యాయం చేసినదని, పోటీ పరీక్షల నిర్వహణలో గత ప్రభుత్వం నిర్లక్ష్యం కారణంగా లక్షలాదిమంది యువత భవిష్యత్ అంధకారంలోకి నెట్టివేయబడిందని వారు గుర్తు చేశారు. టీజీపీఎస్సీ లో జరిగిన పరీక్ష ప్రశ్న పత్రాల లీకేజీ ల కారణంగా నిరుద్యోగులలో అసహనం వ్యక్తం అయిందని, దీని కారణంగానే లక్షలాది మంది నిరుద్యోగులు గత ప్రభుత్వాన్ని జరిగిన అసెంబ్లీ ఎన్నికల్లో ఓడించి ఇంటికి సాగనంపారని వారు అన్నారు. మరల ఎన్నో ఆకాంక్షలతో తెచ్చుకున్న ప్రజా ప్రభుత్వం కాంగ్రెస్ తో నైనా తమ భవిష్యత్ కార్యాచరణ ప్రణాళిక రూపొందించుకుంటున్న యువత ఎదుర్కొంటున్న సమస్యలను కాంగ్రెస్ ప్రభుత్వం పట్టించుకోవాలని వారు డిమాండ్ చేశారు. అదే విధంగా రాష్ట్ర ప్రభుత్వం జాబ్ క్యాలెండర్ ను విడుదల చేయాలని అన్నారు. ప్రభుత్వ శాఖలలో ఖాళీగా ఉన్న పోస్టులను గుర్తించాలని, పరీక్షలు నిర్వహించాలని, ఫలితాల విడుదల, నియామకాలు వంటివి పారదర్శకంగా చేపట్టాలని ఇవ్వన్నీ జరగాలంటే ఉద్యోగ కాలమానిని విడుదల చేయాలన్నారు. ఈ కార్యక్రమంలో ఏ ఐ వై ఎఫ్ ఆత్మకూర్ మండల అద్యక్ష కార్యదర్శులు బత్తిని నరేష్,ఎండి నయీమ్,బాషబొయిన మల్లేష్ తదితరులు పాల్గొన్నారు.
 

టీజేయు ఆధ్వర్యంలో నారిశక్తి అవార్డు గ్రహీత జర్నలిస్ట్ చంద్రకళ రెడ్డి కి ఘన సన్మానం


  

 
 
  
  
యాదాద్రి భువనగిరి జిల్లా భువనగిరి పట్టణ కేంద్రంలోని ఎస్ వి హోటల్ లో తెలంగాణ జర్నలిస్ట్ యూనియన్ యాదాద్రి భువనగిరి జిల్లా అధ్యక్షులు మొహమ్మద్ షానూర్ బాబా ఆధ్వర్యంలో నారీ శక్తి అవార్డు గ్రహీత ,కంది శశిధర్ ఫౌండేషన్ చైర్మన్,టీ జే యూ మహిళా విభాగం జిల్లా ప్రధాన కార్యదర్శి కంది చంద్రకళ వెంకట్ రాంరెడ్డి ఆత్మీయ సన్మాన సభ అంగరంగ వైభవంగా నిర్వహించారు . ఈ సందర్భంగా టీ జే యూ జిల్లా అధ్యక్షులు మొహమ్మద్ షానూర్ బాబా మాట్లాడుతూ కంది చంద్రకళ రెడ్డికి నారీ శక్తి అవార్డు రావడం చాలా సంతోషంగా ఉందని అన్నారు . కంది శశిధర్ రెడ్డి ఫౌండేషన్ చైర్మన్ గా , టీ జే యూ జిల్లా మహిళా విభాగం ప్రధాన కార్యదర్శిగా వారు చేస్తున్న సేవలు అమోఘం అని కొనియాడారు . వారికి టీ జే యూ యాదాద్రి జిల్లా తరుపున శుభాకాంక్షలు తెలిపారు . నారీ శక్తి అవార్డుకి ఎంపిక కావడం అంత మాములు విషయం కాదు అని నాంచారి పేట గ్రామ ప్రజలు చేసుకున్న అదృష్టం అని అన్నారు . అక్కా అని పిలిస్తే నేను వున్నా అని భరోసా ఇస్తూ ఎంతో మందికి కంది శశిధర్ రెడ్డి ఫౌండేషన్ ద్వారా నిత్యావసర వస్తువులు అందజేశారు.
 

తమ సమస్యలు పరిష్కరించాలని ఇంద్ర పార్క్ కు వందలాదిగా తరలి వెళ్లిన AITUC  కార్మికులు


  

 
 
  
  
తమ సమస్యలు పరిష్కరించాలని ఇంద్రపార్క్ కు వందలాదిగా తరలి వెళ్లిన ఏఐటీయూసీ కార్మికులు.. హక్కుల కోసం ప్రశ్నించే గొంతులను అరెస్టు చేయడమేనా మార్పు అంటే..! గత ప్రభుత్వాల అడుగుజాడల్లోనే కాంగ్రెస్ ప్రభుత్వ ప్రయాణం.. ఏఐటీయూసీ రాష్ట్ర కార్యదర్శి ఎండీ. ఇమ్రాన్.. అరెస్ట్ అయిన నాయకులను పరామర్శించిన ఏఐటీయూసీ రాష్ట్ర కార్యదర్శి ఎండీ ఇమ్రాన్.. తెలంగాణ రాష్ట్ర అసెంబ్లీ బడ్జెట్ సమావేశాల సందర్భంగా ప్రభుత్వం దృష్టికి తమ సమస్యలను తీసుకువెళ్లాలని ఏఐటీయూసీ రాష్ట్ర సమితి ఆధ్వర్యంలో హైదరాబాదులోని ఇందిరా పార్కు వద్ద జరుగుతున్న ధర్నాకు యాదాద్రి భువనగిరి జిల్లా నుండి ఆటో, హమాలీ, మధ్యాహ్న భోజన కార్మికులు వందలాదిగా తరలి వెళ్లడం జరిగిందని ఏఐటీయూసీ రాష్ట్ర కార్యదర్శి ఎండీ ఇమ్రాన్ తెలిపారు. బుధవారం రోజున ఇంద్రపార్క్ వద్ద ధర్నాకు వెళ్తున్న కార్మికుల వాహనాలను ఇమ్రాన్ జెండా ఊపి ప్రారంభించారు. ఈ సందర్బంగా అయన మాట్లాడుతూ ఆటో దేవులకు సంక్షేమండు ఏర్పాటు చేసి ప్రతి సంవత్సరం 12 వేల రూపాయలు ఇస్తామని హామీ నిలబెట్టుకోవాలని మధ్యాహ్న భోజన వంట కార్మికులకు నెలకు 10,000 ఇస్తా ఆమెని వెంటనే అమలు చేయాలని, సివిల్ సప్లై హమాలీ కార్మికులకు కూలి రేట్ల పెంచి నూతన కూలి రేట్ల ఒప్పందాన్ని వెంటనే చేయాలని డిమాండ్ చేశారు. గత బిఆర్ఎస్ ప్రభుత్వ అడుగు జడల్లో నేడు కాంగ్రెస్ ప్రభుత్వం కొనసాగుతుందని, మార్పుకు నాంది ఇదేనా అని సూటిగా ప్రశ్నించారు? ప్రభుత్వం దృష్టికి సమస్యలు తీసుకురావడం నేరమా. అధికారం లేనప్పుడు అరెస్టులపై నిర్బంధాలపై గగ్గోలు పెట్టిన కాంగ్రెస్ అధికారం రాగానే ఏడు నెలల్లోనే అక్రమ అరెస్టులకు నిర్బంధాలకు నిర్వచనం గా మారడం కాంగ్రెస్ అంటేనే నైజాం అని, నిరూపించుకోవడం నిజమైందన్నారు అక్రమ అరెస్టులు నిర్బంధాలు ఉద్యమకారులకు కొత్త కాదని. కార్మికుల సమస్యలు వెంటనే పరిష్కారం చేయాలని డిమాండ్ చేశారు. హైదరాబాద్లో అరెస్ట్ అయిన వారిలో మధ్యాహ్నం భోజనం వంట కార్మికుల జిల్లా అధ్యక్షురాలు ప్రధాన కార్యదర్శి బాగుల వసంత ముంతాజ్ బేగం, జిన్న రాజమ్మ మరియు ఆలేరులో సివిల్ సప్లై హమాలి యూనియన్ జిల్లా అధ్యక్షులు పల్లె శ్రీనివాస్, కనకయ్య, రాజు తదితరులు. హైదరాబాదు వేరిన వారిలో ఏఐటీయూసీ జిల్లా కార్యవర్గ సభ్యులు సామల శోభన్ బాబు, ఆటో యూనియన్ జిల్లా అధ్యక్ష ప్రధాన కార్యదర్శి గబోయిన వెంకటేష్, సామల భాస్కర్, నాయకులు తారాల ఉపేందర్, ఏడ్ల నరేష్, గోర్లు లక్ష్మణ్, ఎండీ షరీఫ్, జిన్నా నర్సింహా, కొత్త కృష్ణ, ముదిగొండ బస్వయ్య, మామిండ్ల సత్యనారాయణ, దంతూరి జ్ఞానేశ్వర్ మర్రిపల్లి సాయి కిరణ్,
  

  

  
 

బ్యాంక్ ఆఫ్ ఇండియా ను ప్రారంభించిన  శ్రీవాత్సవ్


  

 
 
  
  
యాదాద్రి భువనగిరి జిల్లా భువనగిరి పట్టణంలో ని స్థానిక మీనా నగర్ శిల్ప హోటల్ ఎదురుగా బుధవారం  నూతన బ్యాంక్ ను ప్రారంభించిన FGMO జనరల్ మేనేజర్ మనోజ్ కుమార్ శ్రీవాస్తావ్ మరియు రాష్ట్ర జోనల్ మేనేజర్ శిభ ప్రసాద్ బిస్వాల్ గార్లు ,ముఖ్య అతిథులుగా పాల్గొన్నారు .ఈ సందర్బంగా వారు మాట్లాడుతూ ...రాష్ట్రo లో ఇప్పటి వరుకు 67 బ్రాంచ్ అని తెలిపారు. ఈ బ్యాంక్ అండర్ గవర్నమెంట్ అని తెలిపారు. ఈ బ్యాంక్ లో అన్నీ రకాల సేవలు అందించడం జరుగుతుంది అని తెలిపారు .మరియు సామాన్య ప్రజల కు అందుబాటులో ఉండే విదంగా ఈ బ్యాంక్ ఉంటుంది అని తెలిపారు. ఈ కార్యక్రమం లో నాగేశ్వర్ రావు జనరల్ సెక్రటరీ. నిరంజన్ జనరల్ సెక్రటరీ. సుధాకర్ ప్రసిడెంట్ వెల్పేర్ అసోసియేషన్ . బ్యాంక్ మేనేజర్ మహేష్. తదితరులు పాల్గొన్నారు.
  

  

  
 

సీఎం చిత్రపటానికి వ్యాయామ విద్య ఉపాధ్యాయుల పాలాభిషేకం


  

 
 
  
  
దశాబ్ద కాలంగా పెండింగ్లో ఉన్న వ్యాయామ విద్య ఉపాధ్యాయ, పండిత అప్ గ్రేడేషన్ ప్రమోషన్ల బదిలీల కొరకు అనునిత్యం కృషి చేసిన గాలిరెడ్డి హర్ష వర్ధన్ రెడ్డి, బదిలీలు కల్పించిన సీఎం రేవంత్ రెడ్డికి యాదాద్రి జిల్లా SA పీడీ,PET ల పక్షాన వ్యాయామ ఉపాధ్యాయులు కృతజ్ఞతలు తెలియజేశారు. ఈ సందర్భంగా పిడీ ,పిఆర్టియు , తెలంగాణ, యాదాద్రి భువనగిరి జిల్లా రాష్ట్ర అసోసియేట్ అధ్యక్షులు నాతి మల్లేశం గౌడ్ ఆధ్వర్యంలో భువనగిరి ప్రభుత్వ జూనియర్ కళాశాల మైదానంలో సీఎం రేవంత్ రెడ్డి చిత్రపటానికి పాలాభిషేకం చేశారు. యాదాద్రి జిల్లాలో ఉపాధ్యాయ అప్ గ్రేడేషన్, బదిలీల కార్యక్రమంలో జిల్లాలో ఏ ఒక్క ఉపాధ్యాయుడికి కూడా నష్టం జరగకుండా అన్ని విధాలుగా చర్యలు తీసుకునీ కార్యక్రమాన్ని పూర్తి చేసినందుకు జిల్లా అధికారులకు వారు ధన్యవాదాలు తెలిపారు. ఈ కార్యక్రమంలో గడసందుల భాస్కర్, స్కూల్ అసిస్టెంట్ వ్యాయామ ఉపాధ్యాయులు తదితరులు పాల్గొన్నారు.