Jun 27 2024, 10:50
ఏపీలో వారికి చంద్రబాబు సర్కార్ గుడ్‌న్యూస్.. ఆ పథకం కింద రూ.లక్షన్నర నుంచి లక్ష!
ఆంధ్రప్రదేశ్ ప్రభుత్వం పథకాలకు పేర్లు మారుస్తోంది. తాజాగా మరో పథకానికి పేరు మారుస్తూ ఉత్తర్వులు జారీ అయ్యాయి. 2014లో చంద్రబాబు ప్రభుత్వం ఈ పథకాన్ని అమలు చేయగా.. ఆ తర్వాత జగన్ సర్కార్ పేరు మార్చి అమలు చేసింది. ఇప్పుడు తాజాగా చంద్రబాబు ప్రభుత్వం పేరు మార్చేసి అమలుకు సిద్ధమవుతోంది. త్వరలోనే విధివిధానాలను కూడా ఖరారు చేసేందుకు సిద్ధమవుతున్నారు. ఆ పథకం వివరాలు ఇలా ఉన్నాయి.
ఆంధ్రప్రదేశ్‌లో కొలువుదీరిన చంద్రబాబు ప్రభుత్వం పాలనలో దూకుడు పెంచింది. గత ప్రభుత్వ హయాంలో పథకాలకు సంబంధించి వరుసగా కీలక నిర్ణయాలు తీసుకుంటున్నారు. ఇప్పటికే పలు పథకాలకు పేర్లు మార్చింది కొత్త ప్రభుత్వం.. తాజాగా మరో రెండు పథకాలకు పేర్లు మారుస్తూ నిర్ణయం తీసుకుంది. వైఎస్సార్ కళ్యాణమస్తు పథకానికి చంద్రన్న పెళ్లి కానుకగా మార్చేశారు. అలాగే జగనన్న విదేశీ విద్యా దీవెన (మైనార్టీల కోసం) పథకం పేరును.. డాక్టర్ ఏపీజే అబ్దుల్ కలాం ఓవర్సీస్ ఎడ్యుకేషన్ స్కీమ్ ఫర్ మైనార్టీస్‌గా మారుస్తూ ఆదేశాల జారీ చేశారు. ఈ మేరకు జీవోలు విడుదల చేశారు.
మధ్య అధికారంలో ఉన్న టీడీపీ ప్రభుత్వం చంద్రన్న పెళ్లి కానుక పేరుతో ఈ పథకాన్ని ప్రారంభించింది. ఈ పథకం ప్రకారం.. ఎస్సీ, ఎస్టీల్లో కులాంతర వివాహాలు చేసుకుంటే వారికి రూ.75వేలు నగదు ప్రోత్సాహకం అందజేశారు. అలాగే గిరిపుత్రిక కల్యాణం కింద ఎస్టీలకు రూ. 50వేలు, అంతేకాదు కులాంతర వివాహం చేసుకునే బీసీలకు రూ.50 వేలు, దుల్హన్‌ పథకం కింద మైనార్జీలకు రూ.50 వేలు అందించారు. అదే దివ్యాంగులైన వధువు, వరులకు రూ.లక్ష చొప్పున అందజేశారు. ఈ పథకం ద్వారా.. దారిద్య్ర రేఖకు దిగువన ఉన్న మిగతా వర్గాల యువత ఎస్టీలను వివాహం చేసుకుంటే రూ. 50 వేలు, అదే ఎస్సీలను పెళ్లి చేసుకుంటే రూ.40 వేలు, బీసీలను చేసుకుంటే రూ.30 వేలు, ఓసీలను చేసుకుంటే రూ.20 వేల చొప్పున చంద్రన్న కానుక అందించారు.
గత ప్రభుత్వం వైఎస్సార్ కళ్యాణమస్తు కింద ఎస్సీ, ఎస్టీల వివాహాలకు రూ.లక్ష .. ఎస్టీ, ఎస్టీల కులాంతర వివాహాలకు రూ.1.20 లక్షలు.. అలాగే బీసీలకు రూ.50 వేలు.. కులాంతర వివాహాలకు రూ.75వేలు అందజేసింది. అదే మైనార్టీలకు రూ.లక్ష.. దివ్యాంగులకు రూ.1.50 లక్షలు.. వీరితో పాటూ భవన నిర్మాణ కార్మికులకు రూ.40 వేలు అందజేసింది. మరి ఈసారి చంద్రబాబు ప్రభుత్వం ఈ చంద్రన్న పెళ్లి కానుక కింద ఎంత ఇస్తుందన్నది క్లారిటీ లేదు. అయితే గత ప్రభుత్వం ఇచ్చినట్లుగానే ఈసారి ప్రోత్సహకాన్ని అందజేస్తారని చెబుతున్నారు.. త్వరలోనే విధివిధానాలు, మార్గ దర్శకాలు ఖరారు చేయనున్నారు.
గత ప్రభుత్వం ఈ పథకానికి సంబంధించి కొన్ని నిబంధనల్ని అమలు చేసింది. వివాహ తేదీ నాటికి వరుడి వయస్సు 21 ఏళ్లు..వధువు వయస్సు 18 ఏళ్లు నిండి ఉండాలి.. ఇద్దరు పదో తరగతి పూర్తి చేసి ఉండాలి. అలాగే తొలి విహానికి మాత్రమే ఆర్థిక సాయం అందిస్తారు.. వధువు, వరుడు ఇద్దరి కుటుంబాల ఆదాయం గ్రామీణ ప్రాంతాల్లో అయితే నెలకు రూ.10వేలు, అదే పట్టణ ప్రాంతాల్లో రూ.12వేలు లోపు ఉంటేనే అర్హులు. అలాగే మూడు ఎకరాలకు మించి మాగాణి, 10 ఎకరాలకు మించి మెట్టభూమి ఉండకూడదు.. కానీ మెట్ట, మాగాణి రెండు కలిపి 10 ఎకరాలలోపు ఉండొచ్చనే నిబంధన విధించారు. మరి ఈ నిబంధనల్ని ఏవైనా సడలిస్తారా అన్నది చూడాలి
మరోవైపు ఏపీ ప్రభుత్వం మరికొన్ని పథకాలకు పేర్లు మార్చింది. గత ప్రభుత్వ హయాంలో వైఎస్సార్ పింఛన్‌ కానుక అని పేరు ఉంటే.. ఇప్పుడు ఎన్టీఆర్ భరోసాగా మార్చారు. వైఎస్సార్ రైతు భరోసాను.. అన్నదాత సుఖీభవగా మార్చారు. జగనన్న విదేశీ విద్యా దీవెనను అంబేద్కర్ ఓవర్సీస్ విద్యా నిధిగా పేరు మార్పు. వైఎస్సార్ విద్యోన్నతి పథకానికి ఎన్టీఆర్ విద్యోన్నతిగా పేరు మార్పు. జగనన్న సివిల్ సర్వీసెస్ ప్రొత్సాహాకానికి సివిల్ సర్వీసెస్ పరీక్షల ప్రొత్సాహాకం, జగనన్న విద్యా, వసతి దీవెనల పథకాలకి పోస్ట్ మెట్రిక్ స్కాలర్ షిప్‌గా పేరు మారుస్తూ ఉత్తర్వులు జారీ చేశారు.
కేసీఆర్ పిటిషన్‌ని హైకోర్టు చీఫ్ జస్టిస్ అలోక్ ఆరాదే విచారించనున్నారు. జస్టిస్ నర్సింహారెడ్డి కమిషన్‌ను రద్దు చేయాలని రిట్ పిటిషన్‌లో కేసీఆర్ పేర్కొన్నారు.
Jun 27 2024, 13:26
- Whatsapp
- Facebook
- Linkedin
- Google Plus
0- Whatsapp
- Facebook
- Linkedin
- Google Plus
8.5k