Hyd : నెల రోజులు హైదరాబాద్ లో 144 సెక్షన్... - పోలీస్ కమిషనర్ సీవీ ఆనంద్
హైదరాబాద్ నగరంలో రానున్న నెల రోజుల పాటు 144 సెక్షన్ అమలు చేస్తున్నట్టు నగర పోలీస్ కమిషనర్ సీవీ ఆనంద్ తెలిపారు. ఈ నెల రోజుల పాటు ఎలాంటి సమావేశాలు, ర్యాలీలు, ధర్నాలు, ఆందోళన కార్యక్రమాలు నిర్వహించడానికి వీల్లేదని ఆయన స్పష్టం చేశారు. 

  


ఏక్ పోలీస్ విధానం అమలు, సస్పెండ్ చేసిన కానిస్టేబుళ్లను విధుల్లోకి తీసుకోవాలని డిమాండ్ చేస్తూ బెటాలియన్ కానిస్టేబుళ్లు గత కొన్ని రోజులుగా ఆందోళన చేస్తున్నారు. 

ఇది రోజురోజుకూ తీవ్రతరమవుతుంది. పైగా, యూనిఫామ్‌లతో వచ్చి సచివాలయాన్ని ముట్టడిస్తామని బెటాలియన్ కానిస్టేబుళ్లు హెచ్చరించారు. ఈ నేపథ్యంలో హైదరాబాద్ నగర వ్యాప్తంగా ఆంక్షలు విధించారు. 

  

నగరంలో నెల రోజుల పాటు ఆంక్షలు విధిస్తున్నట్టు పోలీస్ కమిషనర్ సీవీ ఆనంద్ తెలిపారు. హింసాత్మక ఘటనలు, అశాంతిని రేకెత్తించడానికి పలు సంస్థలు, పార్టీలు ప్రయత్నిస్తున్నట్టు అందింన విశ్వసనీయ సమాచారం మేరకు ఈ ఆంక్షలు విధిస్తున్నామని ఆయన జారీ చేసిన ఉత్తర్వులలో పేర్కొన్నారు. 

ఈ ఉత్తర్వులు సోమవారం నుంచి వచ్చే నెల 28వ తేదీ వరకు అమల్లోకి ఉంటాయని వెల్లడించారు. ఈ సమయంలో సమావేశాలు, ర్యాలీలు, సభలు, ధర్నలు, రాస్తారోకోలను పూర్తిగా నిషేధిస్తున్నట్టు పేర్కొన్నారు. బీఎన్ఎస్ సెక్షన్ 163 కింద ఆంక్షలు విధించినట్టు తెలిపారు. ఆంక్షల్లో భాగంగా ఐదుగురికి మించి ఒక చోట గుమికూడితే కఠిన చర్యలు తీసుకుంటామని హెచ్చరించారు. 

అల్లం టీ – ఆరోగ్య ప్రయోజనాలు..
అల్లం అనేక రకాలుగా ఉపయోగపడుతుంది. ఈ నేప‌ధ్యంలోనే మనం అల్లం టీ గురించి మీకు చెప్పబోతున్నాం, ఇది తయారు చేయడం చాలా సులభం.

  


దీని ప్రయోజనాలు చాలా ఉన్నాయి. అవి తెలిస్తే మీరు ఆశ్చర్యపోతారు. అల్లం టీ వల్ల కలిగే ప్రయోజనాల గురించి తెలుసుకుందాం.

అల్లం టీ జీర్ణవ్యవస్థను బలోపేతం చేయడానికి సహాయపడుతుంది. మలబద్ధకం సమస్య నుండి ఉపశమనం అందించడంతో పాటు.. ఉబ్బరం, గ్యాస్, అసిడిటీ, కడుపు నొప్పి వంటి సమస్యలను దూరం చేయడంలో కూడా ఇది ప్రభావవంతంగా ప‌నిచేస్తుంది. కాబట్టి, దీన్ని తాగడం వల్ల జీర్ణక్రియకు మేలు జరుగుతుంది.

  

గుండె ఆరోగ్యంగా ఉండాలంటే కొలెస్ట్రాల్ స్థాయిలను అదుపులో ఉంచుకోవడం చాలా ముఖ్యం. అల్లం టీ తీసుకోవ‌డం వ‌ల్ల‌ కొలెస్ట్రాల్‌ను తగ్గించడంలో సహాయపడుతుంది, ఇది గుండెపోటు, స్ట్రోక్ వంటి వ్యాధులను నివారించడంలో సహాయపడుతుంది.

రక్తపోటు పెరగడం వల్ల ఆరోగ్యానికి చాలా హాని కలుగుతుంది. అటువంటి పరిస్థితిలో అల్లం టీ కాల్షియం ఛానెల్‌ని నిరోధించడం ద్వారా రక్తపోటును నియంత్రించడంలో చాలా సహాయపడుతుంది.

అల్లం యాంటీమైక్రోబయల్ లక్షణాలకు ప్రసిద్ధి చెందింది. అల్లం టీ తాగడం వ‌ల‌న‌ రోగనిరోధక శక్తిని బలపరుస్తుంది. ఇది ఇన్ఫెక్షన్లతో పోరాడడంలో సహాయపడుతుంది. అందువల్ల జలుబు, దగ్గు, ఫ్లూ మొదలైన వాటిని నివారించడంలో ఇది చాలా సహాయపడుతుంది.

యాంటీ మైక్రోబియల్ లక్షణాలతో పాటు, యాంటీఆక్సిడెంట్లు కూడా అల్లంలో ఉన్నాయి, ఇవి చర్మానికి చాలా మేలు చేస్తాయి. అల్లం టీ చర్మాన్ని, ఫ్రీ రాడికల్స్ దెబ్బతినకుండా కాపాడుతుంది.

వికారం లేదా వాంతులు వంటి సమస్యలను ఎదుర్కొంటున్నట్లయితే.. అల్లం టీ చాలా ప్రయోజనకరంగా ఉంటుంది. జింజెరాల్ ఇందులో ఉంటుంది, ఇది వికారం నుండి ఉపశమనం పొందడంలో సహాయపడుతుంది.

యాంటీ ఇన్‌ఫ్లమేటరీ గుణాలు అల్లంలో ఉన్నాయి. అల్లం టీ తాగడం వల్ల నొప్పి, వాపు తగ్గుముఖం ప‌డ‌తాయి. ఇది మాత్రమే కాదు. ఇది ఎముకల నొప్పి నుండి ఉపశమనాన్ని అందిస్తుంది.

నేటి రాశిఫలాలు  అక్టోబర్ 28,2024  సోమవారం
మేషం

  


ధన వ్యవహారాలు కలసి వస్తాయి. చేపట్టిన పనులు సకాలంలో పూర్తి చేస్తారు. జీవిత భాగస్వామితో పుణ్యక్షేత్రాలు సందర్శిస్తారు. బంధు మిత్రుల ఆదరణ పెరుగుతుంది. వృత్తి వ్యాపారాలలో ఆటుపోట్లు తొలగుతాయి. ఉద్యోగాలలో నూతన ప్రోత్సాహకాలు అందుకుంటారు

వృషభం

  

వృత్తి ఉద్యోగాలలో మీ ప్రతిభా పాటవాలు వెలుగులోకి వస్తాయి. ఆప్తుల నుండి కీలక సమాచారం అందుతుంది. అనుకున్న పనులలో కార్యసిద్ధి కలుగుతుంది. నూతన వ్యాపారాలు విస్తరిస్తారు. నిరుద్యోగులు శుభవార్తలు అందుకుంటారు. ఆర్ధిక పురోగతి కలుగుతుంది.

మిధునం

ఋణదాతల ఒత్తిడి పెరుగుతుంది. చేపట్టిన పనులు మందకోడిగా సాగుతాయి. తొందరపడి ఇతరులతో మాట్లాడటం మంచిది కాదు. ఆధ్యాత్మిక విషయాలపై దృష్టి సారిస్తారు. వృత్తి వ్యాపారాలలో ఆర్ధిక నష్టాలు తప్పవు. ఉద్యోగమున అధికారుల ఆగ్రహానికి గురవుతారు. సంతాన అనారోగ్య సమస్యలుంటాయి.

కర్కాటకం

కుటుంబ వ్యవహారాలలో కీలక నిర్ణయాలు చేస్తారు. నిరుద్యోగులకు శుభవార్తలు అందుతాయి. సమాజంలో ప్రముఖుల సహాయంతో కొన్ని పనులు పూర్తి చేస్తారు. దూరపు బంధువుల ఆగమనంతో గృహమున సందడి వాతావరణం ఉంటుంది. వృత్తి, వ్యాపారాలు సామాన్యంగా సాగుతాయి.

సింహం

నూతన వాహన యోగం ఉన్నది. ఆర్ధిక వ్యవహారాలు ఆశాజనకంగా ఉంటాయి. చేపట్టిన పనులలో అవరోధాలు అధిగమించి ముందుకు సాగుతారు. బంధు మిత్రులతో  సఖ్యతగా వ్యవహరిస్తారు. సోదరులతో స్ధిరాస్తి వివాదాలు పరిష్కారమౌతాయి. వృత్తి  వ్యాపారాలు మరింత ఉత్సాహంగా సాగుతాయి.

కన్య

పాత ఋణాలు తీర్చడానికి నూతన ఋణ ప్రయత్నాలు చేస్తారు. కుటుంబ వ్యవహారాలలో ఆకస్మిక మార్పులుంటాయి. దూర ప్రయాణాలు వాయిదా వేయడం మంచిది. ఖర్చుకు తగినంత ఆదాయం ఉండదు. వృధా ఖర్చులు పెరుగుతాయి. వ్యాపారంలో భాగస్థులతో విభేదాలు కలుగుతాయి. వృత్తి ఉద్యోగాలలో అదనపు పని బారం తప్పదు.

తుల

ఆదాయ వ్యవహారాలు ఉత్సహాన్నిస్తాయి. ఇంట బయట విషయాలలో ముఖ్యమైన నిర్ణయాలు తీసుకుంటారు. కొన్ని వ్యవహారాలలో కుటుంబ సభ్యులు సలహాలు కలసివస్తాయి. సేవా కార్యక్రమాలకు సహాయం అందిస్తారు. స్థిరాస్తి క్రయ విక్రయాలలో లాభాలు అందుకుంటారు. ఉద్యోగాలలో వివాదాలు పరిష్కారమవుతాయి.

వృశ్చికం

ముఖ్యమైన వ్యవహారాలు వ్యయ ప్రయాసలతో కాని పూర్తికావు. దీర్ఘకాలిక అనారోగ్య సమస్యలు బాధిస్తాయి. అవసరానికి ధనంచేతిలో నిల్వఉండదు. నిరుద్యోగ ప్రయత్నాలు మందగిస్తాయి. కుటుంబ సభ్యులుతో మాటపట్టింపులుంటాయి. ఆధ్యాత్మిక చింతన కలుగుతుంది. ఉద్యోగాలలో  శ్రమ తప్పదు.

ధనస్సు

నూతన వ్యాపారాలు ప్రారంభిస్తారు. వృత్తి ఉద్యోగాలలో కష్టానికి తగిన ఫలితం పొందుతారు. నూతన గృహం కొనుగోలు ప్రయత్నాలకు ఆటంకాలు తొలగుతాయి. ధన పరంగా మరింత పురోగతి కలుగుతుంది. చేపట్టిన పనులు సకాలంలో పూర్తి చేస్తారు. సంఘంలో గౌరవ మర్యాదలు పెరుగుతాయి.

మకరం

ఇంట బయట మీ మాటకు విలువ పెరుగుతుంది. ఆకస్మిక ధనప్రాప్తి కలుగుతుంది. ఉద్యోగాలలో మీ నిర్ణయాలకు తగిన ప్రశంసలు అందుకుంటారు. గృహమున శుభకార్యములు నిర్వహిస్తారు. చిన్ననాటి మిత్రులతోవిందువినోద కార్యక్రమాలలో పాల్గొంటారు. వ్యాపారమునకు పెట్టుబడులు అందుతాయి.  

కుంభం

మీ ప్రవర్తన ఇతరులకు ఇబ్బంది కలిగిస్తుంది. వివాదాలకు దూరంగా ఉండటం మంచిది. ఋణ దాతల ఒత్తిడి పెరుగుతుంది. ప్రయాణాలలో వాహన ప్రమాద సూచనలున్నవి. ఆధ్యాత్మిక కార్యక్రమాలలో పాల్గొంటారు. వ్యాపారాలు కొత్త సమస్యలు ఎదురవుతాయి. ఉద్యోగాలు నిరుత్సాహపరుస్తాయి.

మీనం

ఇతరులకు మాటఇచ్చే  విషయంలో జాగ్రత్త వహించాలి. పనులలో శ్రమపెరుగుతుంది. ధనపరమైన ఇబ్బందులు తప్పవు ఆరోగ్యం సహకరించక చికాకు పెరుగుతుంది. దూర ప్రయాణాలు వాయిదా వెయ్యడం మంచిది. బంధు మిత్రులతో మనస్పర్ధలు కలుగుతాయి. వృత్తి ఉద్యోగాలలో చికాకులు ఉంటాయి.

నేటి పంచాంగము    అక్టోబర్ 28,2024
విక్రమ సంవత్సరం: 2081 పింగళ

  


శక సంవత్సరం: 1946 క్రోధి

ఆయనం: దక్షిణాయణం

  

ఋతువు: శరద్

మాసం: ఆశ్వీయుజ 

పక్షం: కృష్ణ - బహుళ 

తిథి: ఏకాదశి ఉ‌.09:08 వరకు
తదుపరి ద్వాదశి
 
వారం: సోమవారం - ఇందువాసరే
 
నక్షత్రం: పూర్వఫల్గుణి సా.05:23 వరకు 
తదుపరి ఉత్తర ఫల్గుణి

యోగం: బ్రహ్మ ఉ‌.06:26 వరకు
తదుపరి ఐంద్ర
 
కరణం: బాలవ ఉ‌.09:08 వరకు
తదుపరి కౌలువ రా.10:07 వరకు
తదుపరి తైతుల

వర్జ్యం: రా.01:16 - 03:01 వరకు

దుర్ముహూర్తం: ప‌.12:22 - 01:09
మరియు ప‌.02:41 - 03:28

రాహు కాలం: ఉ‌.07:39 - 09:06

గుళిక కాలం: ప‌.01:26 - 02:53

యమ గండం: ఉ‌.10:33 - 11:59
 
అభిజిత్: 11:36 - 12:22

సూర్యోదయం: 06:13

సూర్యాస్తమయం: 05:46

చంద్రోదయం: రా.02:46

చంద్రాస్తమయం: ప‌.03:21

సూర్య సంచార రాశి: తుల

చంద్ర సంచార రాశి: సింహం

దిశ శూల: తూర్పు

షాపింగ్ మాల్‌లో భారీ అగ్ని ప్రమాదం.. ఫైర్ ఇంజన్‌లో నీళ్లు అయిపోయాయ్... ఆతర్వాత...
జనగామ జిల్లా కేంద్రంలోని విజయ షాపింగ్ మాల్ లో ఆదివారం (అక్టోబర్ 27) ఉదయం భారీ అగ్ని ప్రమాదం సంభవించింది. విద్యుత్ షార్ట్ సర్క్యూట్ కారణంగా మంటలు చెలరేగి షాప్ మొత్తం మంటలు వ్యాపించాయి. పక్క షాపులకు కూడా మంటలు అంటుకోవడం ప్రారంభించాయి. 

  


వెంటనే అగ్నిమాపక సిబ్బందికి సమాచారం ఇవ్వగా.. సిబ్బంది సంఘటన స్థలానికి చేరుకొని ఫైర్ ఇంజన్ తో మంటలు ఆర్పడానికి ప్రయత్నించారు. 

సరిగ్గా అదే టైంకి ఫైర్ ఇంజన్ లో నీళ్లు ఆయిపోయాయి. భారీగా మంటలు ఎగిసిపడుతున్నాయి. చేసేదేంలేక ఇక స్థానికులు బకెట్లతో నీళ్లు తెచ్చి మంటలు ఆర్పడానికి ప్రయత్నించారు. జేసీబీ సాహాయంతో కూడా మంటలు ఆర్పడానికి ట్రై చేశారు. 

  

అయినప్పటికీ షాప్ పూర్తిగా దగ్ధమైంది. ఈ అగ్ని ప్రమాదంలో ఎటువంటి ప్రాణ నష్టం జరగలేదు. కానీ, భారీ ఆస్థి నష్టం వాటిల్లినట్లు తెలుస్తోంది.

కేబీహెచ్‌బీ మెట్రో స్టేషన్ దగ్గర ఉన్న భాగ్యనగర్ బస్ స్టాప్ కేంద్రంగా అసాంఘిక చర్యలు... జర జాగ్రత్త...
కూకట్‌పల్లి దగ్గర ఉన్న కేబీహెచ్‌బీ మెట్రో స్టేషన్ దగ్గర ఉన్న భాగ్యనగర్ బస్ స్టాప్ కేంద్రంగా అసాంఘిక చర్యలు కొనసాగుతున్నాయి. చీకటి పడిందంటే చాలు ఇక్కడ కొంతమంది యువతులు గుంపులుగా చేరి వ్యభిచారాన్ని ప్రోత్సహిస్తున్నారు. కొందరు యువతులు అసాంఘిక చర్యలకు పాల్పడుతున్నారు.

  




స్థానికులు కొంతమంది పోలీసులకు ఈ వ్యవహారంపైన ఫిర్యాదు చేశారు. దీంతో కూకట్‌పల్లి పోలీసులతోపాటు షీ టీమ్స్, యాంటి హ్యూమన్ ట్రాఫికింగ్ యూనిట్లు కలిసి జాయింట్ ఆపరేషన్ నిర్వహించారు. 50 మంది పోలీసులు పక్కా సమాచారంతో ఈ ఆపరేషన్ నిర్వహించి 31 మంది యువతులను అదుపులోకి తీసుకున్నారు. వీరంతా చీకటి వేళల్లో బస్ స్టాప్‌లో ఉండే వారిని టార్గెట్ చేస్తూ వ్యభిచారానికి ప్రోత్సహిస్తున్నట్లు పోలీసులు తెలిపారు.

పోలీసుల ఆపరేషన్‌లో వీళ్ళందర్నీ అదుపులోకి తీసుకొని కూకట్‌పల్లి తహసీల్దార్ ముందు హాజరు పరిచారు. గతంలో సైతం కూకట్‌పల్లి పోలీసులు ఇలాంటి ఆపరేషన్‌‌ను నిర్వహించారు. ఇప్పుడు 31 మందిని అదుపులోకి తీసుకోగా గతంలో 22 మందిని కూకట్‌పల్లి పోలీసులు అదుపులోకి తీసుకున్నారు. వీళ్ళందర్నీ కూకట్‌పల్లి తహసిల్దార్ ముందు హాజరు పరిచి బైండోవర్ చేశారు. మరోసారి వీరు ఇలాంటి చర్యలకు పాల్పడకుండా కౌన్సిలింగ్ నిర్వహించారు.

  

నేటి రాశిఫలాలు  అక్టోబర్ 26,2024  శనివారం
మేషం

  


ముఖ్యమైన కార్యక్రమాలు వాయిదా పడతాయి. శ్రమాదిక్యాతతో దూరప్రయాణాలు చెయ్యవలసిన వస్తుంది. ఆదాయానికి మించి ఖర్చులు పెరుగుతాయి. సంతాన ఆరోగ్య విషయంలో అశ్రద్ధ చెయ్యడం మంచిది కాదు. మిత్రులతో చిన్నపాటి విభేదాలు ఉంటాయి. వ్యాపార, ఉద్యోగాలలో ఒత్తిడులు తప్పవు.

వృషభం

  

ప్రయాణాలలొ మార్గావరోధాలు కలుగుతాయి. చేపట్టిన పనులలో తొందరపాటు మంచిదికాదు. ప్రత్యర్థుల నుంచి ధన పరంగా ఒత్తిడులు పెరుగుతాయి. వ్యాపారాలు సాదాసీదాగా ఉంటాయి. ఉద్యోగాలలో ఊహించని స్థానచనాలు కలుగతాయి. దైవ సేవ కార్యక్రమాలలో పాల్గొంటారు.

మిధునం

దూరప్రాంతాల బంధు మిత్రుల నుండి శుభవార్తలు అందుతాయి. ఆర్థిక పురోగతి కలుగుతుంది. కుటుంబ వ్యవహారాలలో కీలక నిర్ణయాలు అమలు చేస్తారు. చేపట్టిన పనులు సజావుగా పూర్తి చేస్తారు. వృత్తి, వ్యాపారాలు ఉత్సాహవంతంగా సాగుతాయి. నిరుద్యోగులకు శుభవార్తలు అందుతాయి.

కర్కాటకం

ఆదాయనికి మించి ఖర్చులుంటాయి. నూతన రుణ యత్నాలు చేస్తారు. బంధువులతో ఆకారణ విభేదాలు కలుగుతాయి. వ్యాపార, ఉద్యోగాల్లో ఆకస్మిక మార్పులు చికాకు పరుస్తాయి. మానసిక ప్రశాంతతకు ఆలయ దర్శనాలు చేసుకుంటారు. చేపట్టిన పనులు మండకొడిగా సాగుతాయి.

సింహం

ఇంటా బయట పరిస్థితులు అనుకూలిస్తాయి. చిన్ననాటి మిత్రులను కలుసుకుని పాత విషయాలు చర్చిస్తారు. నూతన పరిచయాలు లాభసాటిగా సాగుతాయి. వాహన కొనుగోలు ప్రయత్నాలు ఫలిస్తాయి. వ్యాపారాలు ఉత్సాహంగా సాగుతాయి. ఉద్యోగాలలో అధికారులతో సమస్యలు తొలగుతాయి.

కన్య

వివాదాలకు దూరంగా ఉండటం మంచిది. చేపట్టిన పనులలో శ్రమధిక్యత పెరుగుతుంది. స్వల్ప అనారోగ్య సమస్యలు బాధిస్తాయి. ముఖ్యమైన పనులు కొన్ని వాయిదా వేస్తారు. మిత్రులతో కలహా సూచనలున్నవి. వ్యాపారాలు నిరాశాజనకంగా సాగుతాయి. ఉద్యోగమున అదనపు బాధ్యతలు పెరుగుతాయి.

తుల

వృత్తి ఉద్యోగాలలో మీ ప్రతిభాపాటవాలు వెలుగులోకి వస్తాయి. రాజకీయ సభ, సమావేశాలకు ఆహ్వానాలు అందుతాయి. మొండి బాకీలు వసూలవుతాయి. వ్యాపారాలు సజావుగా సాగుతాయి. సంతాన విద్యా విషయాలలొ శుభవార్తలు అందుతాయి.

వృశ్చికం

నిరుద్యోగ ప్రయత్నాలు అనుకూలిస్తాయి. చిన్ననాటి మిత్రులను కలుసుకుని విందు వినోదాది కార్యక్రమాలలో పాల్గొంటారు. ఉద్యోగాల్లో పదోన్నతులు పెరుగుతాయి. వ్యాపారాలు లాభాల బాటలో సాగుతాయి. విలువైన వస్తు వాహనాలు కొనుగోలు చేస్తారు. 

ధనస్సు

కుటుంబ వాతావరణం చికాకుగా ఉంటుంది. ప్రయాణాలు వాయిదా పడుతాయి. ముఖ్యమైన పనులలో కార్యాటంకములు కలుగుతాయి. సోదరులతో స్థిరస్తి వివాదాలు కలుగుతాయి. వ్యాపారాలు సామాన్యంగా సాగుతాయి. ఉద్యోగులకు అదనపు పని బాధ్యతలు పెరుగుతాయి.

మకరం

వ్యయప్రయాసలతో కానీ పనులు పూర్తి కావు. చేపట్టిన పనుల్లో ఆటంకాలు కలుగుతాయి. భాగస్వామ్య వ్యాపారాలు నత్తనడకన సాగుతాయి. ఉద్యోగులకు అధికారుల నుండి విమర్శలు తప్పవు. వృథా ఖర్చులు పెరుగుతాయి. దైవ సేవ కార్యక్రమాలలో పాల్గొంటారు.

కుంభం

ముఖ్యమైన కార్యక్రమాల్లో విజయం సాధిస్తారు. కీలక సమయంలో సన్నిహితుల సాయం అందుతుంది. జీవిత భాగస్వామి నుంచి ఆకస్మిక ధనలాభలు పొందుతారు. నిరుద్యోగులకు నూతన అవకాశములు లభిస్తాయి. వృత్తి, వ్యాపారాలు అనుకూలంగా సాగుతాయి.

మీనం

నిరుద్యోగులకు అందిన సమాచారం ఆనందం కలిగిస్తుంది. విందువినోదాది కార్యక్రమాలలో ఉత్సాహంగా పాల్గొంటారు. ఆదాయమార్గాలు పెరుగుతాయి. వృత్తి వ్యాపారాలలో అధిక లాభాలు అందుకుంటారు. ఉద్యోగులకు పదోన్నతులు పెరుగుతాయి. కుటుంబ సభ్యులతో శుభాకార్యాలలో పాల్గొంటారు.

నేటి పంచాంగము    అక్టోబర్ 26,2024
శ్రీ ఇందిరాదామోదరాయనమః 

  


కలియుగం: 5126

విక్రమ సంవత్సరం: 2081 పింగళ

  

శక సంవత్సరం: 1946 క్రోధి

ఆయనం: దక్షిణాయణం

ఋతువు: శరద్

మాసం: ఆశ్వీయుజ 

పక్షం: కృష్ణ - బహుళ 

తిథి:‌ నవమి ఉ‌.06:48 వరకు
తదుపరి దశమి
 
వారం: శనివారం - మందవాసరే 
 
నక్షత్రం: ఆశ్లేష ప‌.01:42 వరకు
తదుపరి మఖ

యోగం: శుక్ల రా.తె.03:58 వరకు
తదుపరి బ్రహ్మ 

కరణం: గరజ ఉ‌.06:48 వరకు
తదుపరి వణిజ రా.07:24 వరకు
తదుపరి భధ్ర 

వర్జ్యం: రా.02:31 - 04:13 వరకు

దుర్ముహూర్తం: ఉ‌.06:12 - 07:40

రాహు కాలం: ఉ‌.09:06 - 10:33

గుళిక కాలం: ఉ‌.06:12 - 07:39

యమ గండం: ప‌.01:26 - 02:53
 
అభిజిత్: 11:36 - 12:22

సూర్యోదయం: 06:12

సూర్యాస్తమయం: 05:47

చంద్రోదయం: రా.01:07

చంద్రాస్తమయం: ప‌.02:14

సూర్య సంచార రాశి: తుల

చంద్ర సంచార రాశి: కర్కాటకం

దిశ శూల: తూర్పు

వినియోగదారుల ఫోరమ్ లో యాభై పైసలపై కేసు... పోస్టాఫీసుకు భారీ జరిమానా... ఎంతంటే...
చెన్నై వినియోగదారుల ఫోరమ్ లో యాభై పైసల వివాదానికి సంబంధించి ఒక కేసు ఇప్పుడు దేశ వ్యాప్తంగా చర్చనీయాంశంగా మారింది. కస్టమర్‌కు రావాల్సిన మొత్తాన్ని తిరిగి ఇవ్వడానికి విఫలమైన స్థానిక పోస్టాఫీసుకు రూ. 15,000 జరిమానా విధించబడింది. డిసెంబర్ 3, 2023న రిజిస్టర్డ్ లెటర్‌ను పంపించడానికి వచ్చిన పొలిచలూరు పోస్టాఫీసుకు గెరుగంబాక్కం నివాసి మనషా వచ్చినప్పుడు ఈ సంఘటన చోటు చేసుకుంది. రిజిస్టర్డ్ లెటర్‌ సంబంధించి మొత్తం రూ. 29.50 కాగా మనషా కౌంటర్‌లో రూ. 30 చెల్లించాడని.. అతనికి 50 పైసలు కస్టమర్ కి రావాల్సి ఉంటుందని నివేదిక తెలిపింది. అయితే, పోస్టాఫీసుకు చెందిన సిస్టమ్ ఆటోమేటిక్‌గా ఫీజును రూ.30కి పూర్తి చేసిందని తెలిపింది. ఈ విషయంలో మిగిలిన మొత్తం తిరిగి ఇవ్వాలని కోరినప్పుడు, సాంకేతిక సమస్యల కారణంగా యాభై పైసలు ఇవ్వడానికి పోస్టాఫీసు నిరాకరించింది.

  


ఈ విషయాన్ని సీరియస్ గా తీసుకున్న మనషా.. ఇండియా పోస్ట్ రోజువారీ లావాదేవీల వల్ల గణనీయమైన మొత్తంలో డబ్బు స్వాహా చేయబడుతుందని.. దాని ఫలితంగా నల్లధనం, GST రాబడి కూడా ప్రభుత్వానికి నష్టం వాటిల్లుతుందని జిల్లా వినియోగదారుల వివాదాల పరిష్కార కమీషన్‌లో ఫిర్యాదు చేసింది. ఈ విషయంలో 50 పైసల కంటే తక్కువ ఉన్న మొత్తాలను స్థిరంగా “విస్మరించారని” పోస్ట్ ఆఫీస్ పేర్కొంది. అటువంటి మొత్తాన్ని సమీప రూపాయికి పూర్తి చేయడానికి సాఫ్ట్‌వేర్ ప్రోగ్రామ్ చేయబడిందని పేర్కొంది.

యూపీఐ చెల్లింపుల కోసం వారి “Pay U” QR కోడ్ సిస్టమ్ నవంబర్ 2023 నుండి తప్పుగా పని చేసిందని, మే 2024లో నిలిపివేయబడిందని పోస్ట్ ఆఫీస్ వివరించింది. ఈ కేసును సమీక్షించిన తర్వాత, సాఫ్ట్‌వేర్ లోపం కారణంగా అధిక ఛార్జీ విధించడం అన్యాయమైన వాణిజ్య పద్ధతి అని కమిషన్ తీర్పు చెప్పింది. వినియోగదారుల రక్షణ చట్టం, 2019 ప్రకారం.. రూ. 15,000 జరిమానా విధించాలని కోర్ట్ ఆదేశించింది.

Sangareddy: కస్తూర్బా గురుకులంలో 11 మంది విద్యార్థినిలకు అస్వస్థత..
సంగారెడ్డి జిల్లా, న్యాల్‌కల్ కస్తూర్బా గురుకులంలో విద్యార్థినిలు అస్వస్థత గురయ్యారు. శ్వాసకోస సమస్యలతో విద్యార్థులు ఒక్కసారిగా కుప్పకూలిపోయారు.

  


 గురుకుల సిబ్బంది విద్యార్థినులను జహీరాబాద్ ప్రభుత్వ ఆస్పత్రికి తరలించారు. శ్వాస తీసుకోవడంలో 11 మంది విద్యార్థులు ఇబ్బంది పడుతున్నట్లు తెలిపారు. గురుకులంలో ఏం జరిగిందనే కోణంలో గురుకుల సిబ్బంది ఆరా తీస్తున్నారు.

 విద్యార్థులను పరిశీలించిన వైద్యులు సరైన వైద్యం అందిస్తున్నట్లు తెలిపారు. శ్వాస తీసుకోలేని పరిస్థితుల్లో వున్నారని తెలిపారు. తీవ్ర అస్వస్థలకు గురి కావడానికి కారణాలను తెలుసుకోనే ప్రయత్నం చేస్తున్నట్లు తెలిపారు. పిల్లలు అస్వస్థకు గురైనట్లు కుటుంబ సభ్యులకు సమాచారం ఇచ్చారు. 

  

దీంతో ఆసుపత్రి వద్దకు చేరుకున్న పిల్లల తల్లిదండ్రులు ఆగ్రహం వ్యక్తం చేశారు. పిల్లలు అస్వస్థలకు గల కారణం పూర్తి యాజమాన్యమే అంటూ ఆందోళన చేపట్టారు. ఉదయం జరిగితే ఇప్పుడు సమాచారం ఇచ్చారని మండిపడ్డారు. గురుకుల యాజమాన్యంపై కఠిన చర్యలు తీసుకోవాలని డిమాండ్ చేశారు. పిల్లలు శ్వాస కూడా తీసుకోలేక పోతున్నారని కన్నీరుపెట్టుకున్నారు. దీంతో పిల్లల తల్లిదండ్రుల ఆందోళనతో ఆసుపత్రి వద్ద ఉద్రిక్తత నెలకొంది.