దస్తురాబాద్ ఎస్.ఐ ని మర్యాద పూర్వకంగా కలసిన విబిఏ జిల్లా అద్యక్షులు
దస్తురాబాద్ ఎస్.ఐ బి. ప్రకర్ రెడ్డి ని మర్యాదపూర్వకంగా కలిసిన విబిఏ జిల్లా ఆధ్యక్షులు గవ్వల శ్రీకాంత్ 


Street Buzz news నిర్మల్ జిల్లా: 
నిర్మల్ జిల్లా దస్తురాబాద్ ఎస్.ఐ గా బి ప్రభాకర్ రెడ్డి పదవిబాద్యతలు చేపట్టగా వారిని మర్యాదపూర్వకంగా వంచిత్ బహుజన్ ఆఘాడి విబిఏ పార్టీ జిల్లా అధ్యక్షులు తెలంగాణ ఎస్ సి, ఎస్ టి బిసి మైనారిటీ విద్యార్థి యువజన సంఘం రాష్ట్ర ఆధ్యక్షులు గవ్వల శ్రీకాంత్ కలిసి అభినందనలు తెలియజేశారు.గత పాత జ్ఞాపకాలను గుర్తు చేసుకున్నారు.ఏది ఏమైన శాంతి భద్రతల పట్ల కఠినంగా ఉండాలని చట్టాన్ని ఎవరు చేతులోకి తీసుకున్న వారిని కఠినంగా శిక్షించాలని కోరారు.ఈ సందర్భంగా ఎస్.ఐ మాట్లాడుతూ ప్రజలకు చట్టాలపై అవగాహన కల్పిస్తూ ప్రజలకు మంచి చేయాలని ఎస్.ఐ బి.ప్రబాకర్ రెడ్డి అన్నారు.

కొనుగోలు కేంద్రంలో గోల్ మాల్



పెద్దకమిటీపల్లిలో నిర్వాహకుల దందా

 రైతులకు రూ 5.80 లక్షల టోకరా

Street Buzz news జయశంకర్ భూపాలపల్లి జిల్లా:  
(మొగుళ్లపల్లి):- మండలంలోని పెద్దకోమటిపల్లి గ్రామంలో రైతు ఉత్పత్తులను కొనుగోలు చేయడానికి ఏర్పాటు చేసిన వరి ధాన్యం కొనుగోలు కేంద్రంలో గోల్ మాల్ దందా కొనసాగినట్లు రైతులు ఆరోపించారు. రైతులు కొనుగోలు కేంద్రం కు వరి ధాన్యం తీసుకురాగా ముందస్తుగానే తరుగు పేరుతో రెండు కిలోల కోత విధించడం గమనార్హం. రైతులు విక్రయించిన ధాన్యానికి ధర చెల్లించడంలో ఒక్కొక్కరి వద్ద తరుగు పేరుతో మరింత దోపిడికి గురిచేసి రైతుల వద్ద నుంచి అదనంగా రూ 5.80 లక్షల వరకు మొత్తంగా టోకరా వేసినట్లు రైతులు తెలిపారు.

₹- 1.40/- కోట్లతో పలు అభివృద్ది పనులకు శంఖుస్థాపన చేసిన ఎమ్మెల్యే
 మొగుళ్లపల్లి మండలంలో రూ.1.40 కోట్లతో పలు అభివృద్ధి పనులకు శంకుస్థాపన చేసిన ఎమ్మెల్యే గండ్ర
 ఇస్సిపేటలో సర్పంచ్ కోడారి సునీత రమేష్ యాదవ్ తో కలిసి సిసి రోడ్లకు శంకుస్థాపన చేస్తున్న ఎమ్మెల్యే గండ్ర  

Street Buzz news జయశంకర్ భూపాలపల్లి జిల్లా:
(మొగుళ్ళపల్లి):- తెలంగాణ రాష్ట్ర ముఖ్యమంత్రి కల్వకుంట్ల చంద్రశేఖర్ రావు ఆశీస్సులతో, రాష్ట్ర పంచాయతీరాజ్ శాఖ మంత్రి ఎర్రబెల్లి దయాకర్ రావు సహకారంతో మొగుళ్ళపల్లి మండలంలోని పలు గ్రామాలలో అభివృద్ధి పనులు జరుగుతున్నాయని భూపాలపల్లి శాసన సభ్యులు గండ్ర వెంకట రమణా రెడ్డి అన్నారు. బుధవారం రోజున మొగుళ్లపల్లి మండలంలోని రంగాపురం, ఇస్సిపేట, మెదరమట్ల, అంకుశపూర్, మొగుళ్లపల్లి గ్రామాలలో రూ.1.40 కోట్లతో పలు అభివృద్ధి పనులకు ఎమ్మెల్యే గండ్ర వెంకటరమణారెడ్డి శంకుస్థాపనలు చేశారు. అనంతరం మొగుళ్లపల్లి మండల ముదిరాజ్ కమ్యూనిటీ హల్ వద్ద కొత్త బోర్ ప్రారంభోత్సవానికి పాలకాయ సమర్పించారు. ఎంపీడీఓ కార్యాలయంలో రెండవ విడత కంటి వెలుగు కార్యక్రమంలో దృష్టి లోపం ఉన్న వారికి ప్రత్యేక కళ్ళజోడులను పంపిణి చేశారు.భారతీయ జనతా పార్టీ దళితమోర్చ మండల అధ్యక్షుడు మంద జగన్నాథం BRS పార్టీ సంక్షేమ పథకాలకు ఆకర్షితులై ఎమ్మెల్యే రమణారెడ్డి సమక్షంలో BRS పార్టీలో చేరారు. ఈ కార్యక్రమంలో స్థానిక ప్రజా ప్రతినిధులు, పార్టీ నాయకులు, అధికారులు, ప్రజలు పాల్గొన్నారు.

ఐకేపి ఏపీఎం వెంకన్న ను సన్మానించిన ఎస్ బి ఐ , ఎడిబి బ్యాంక్ అధికారులు


Street Buzz news సూర్యాపేట జిల్లా:
(సూర్యాపేట):- ఎస్,బి,ఐ బ్యాంక్ మెగా ఋణమేల సందర్భంగా బుధవారం సూర్యాపేట మండలం సంబంధించిన 15 స్వయం సహాయక సంఘాలకు 1 కోటి 26 లక్షల రూపాయల మైక్రో క్రెడిట్ ప్లాన్ (సూక్ష్మ ఋణ ప్రణాళిక) ఋణాలు అందించాలని ఋణ ప్రణాళికను తయారుచేసి బ్యాంకు అధికారులకు అందించడం జరిగిందనీ ఈ సందర్భంగా బ్యాంకు వారితో ఏ పీఎం వెంకన్న మాట్లాడుతూ ఈ సంవత్సరం టార్గెట్ పూర్తి చేయుటకు సహకరించాలని కోరగా బ్యాంకు అధికారులు అందుకు స్పందించి అర్హత గల అన్ని సంఘాలకు ఋణాలు అందిస్తామని చెప్పారు. అనంతరం వారు మాట్లాడుతూ మహిళా సంఘాల కోసం ఐకెపి సిబ్బంది కృషి చేయడం అభినందనీయంమని తెలుపుతూ రికవరీ 98% ఉన్న కారణంగా ఏపీఎం వెంకన్నను అదేవిధంగా సిసి లను సిబ్బందిని అభినందిస్తున్నామని తెలిపారు. ఈ సందర్భంగా ఏ పీఎం వెంకన్నను సన్మానిస్తున్నామని తెలిపారు.పీఎం ఎఫ్ఎంఈ స్కీం కింద ముగ్గురు లబ్ధిదారులకు డిపిఆర్లు పూర్తిచేసి మంజూరు చేయడం జరిగిందని తెలిపారు.మహిళా సంఘాలకు ఋణాలు అందించేందుకు తమ బ్యాంకు ఎల్లవేళలా ముందుంటుందని ఆర్ఎం కృష్ణమోహన్ తెలిపారు. ఐకెపి సిబ్బంది సీసీలు(ప్రధానమంత్రి ఫుడ్ ప్రాసెసింగ్) ద్వారా సూర్యాపేట మండల సమ భావన సంఘాలకు ఇప్పించేందుకు కృషి చేసిన సూర్యపేట మండల ఐకెపి ఏపిఎం రణపంగా వెంకన్నను సూర్యాపేట జిల్లా కేంద్రానికి సంబంధించిన ఎస్బిఐ ఎడిబి ఆర్ఎం కృష్ణమోహన్ అదేవిధంగా బ్యాంకు అధికారులు సిబ్బంది బుధవారం శాలువాతో ఘనంగా సన్మానం చేశారు.ఈ సందర్భంగా బ్యాంకు ఆర్ఎం కృష్ణమోహన్ మాట్లాడుతూ మహిళా సంఘాల అభివృద్ధి కోసం ఏపిఎం వెంకన్న చేసిన కృషి అభినందనీయం అన్నారు. చిత్తశుద్ధి కలిగి విధులు నిర్వహిస్తున్న ప్రతి ఒక్కరిని సన్మానించి ప్రోత్సహించాలని అప్పుడే ఇంకా తమ తమ బాధ్యతలను ఎక్కువగా నిర్వర్తిస్తారని తెలిపారు. అదేవిధంగా ఏపిఎం వెంకన్న మాట్లాడుతూ పై అధికారుల సూచనలు సలహాలు ప్రోత్సాహంతో సెల్ఫ్ హెల్ప్ గ్రూప్స్ లకు ఈ ఆర్థిక సంవత్సరానికి గాను పూర్తి గా 35 అయిదు కోట్ల 77 లక్షల రూపాయలు అందించాల్సి ఉండగా ఇప్పటివరకు సుమారుగా 30 కోట్ల వరకు స్వయం సహాయక సంఘాలకు ఋణాలు అందించడం జరిగిందన్నారు.అన్ని బ్యాంకుల ద్వారా ఋణాలు అందించామని తెలిపారు. అదేవిధంగా శ్రీనిధి ద్వారా టార్గెట్ 8 కోట్ల రూపాయలు రుణాలు ఇవ్వాల్సి ఉండగా ఇప్పటివరకు సుమారు ఏడు కోట్ల రూపాయలు ఋణాలు అందించడం జరిగిందని వివరించారు.బ్యాంకు ద్వారా మిగిలిన టార్గెట్ మార్చి నెల ఆఖరి వరకు అందే విధంగా చూస్తామని ఏపీఎం తెలిపారు.ఈ ఋణాల ద్వారా మహిళ సంఘాలు ఆర్థికంగా బలోపేతం అవుతాయని ఇందుకు సహకరించిన రీజనల్ బ్యాంకు మేనేజర్ కృష్ణమోహన్ కు అదేవిధంగా బ్యాంకు అధికారులందరికీ అదేవిధంగా ఐకెపి,శ్రీనిధి అధికారులకు సిబ్బంది కి ప్రతి ఒక్కరికి కృతజ్ఞతలు తెలిపారు

బియ్యం నిల్వలను తనిఖీ చేసిన సివిల్ సప్లయ్ అధికారులు


Street Buzz news జయశంకర్ భూపాలపల్లి జిల్లా:  
(మొగుళ్ళపల్లి):-మండల కేంద్రంలోని మహాత్మ జ్యోతిరావు పూలే గురుకుల బాలుర పాఠశాల, కళాశాలతో పాటు ఎస్సీ బాలికల వసతి గృహాన్ని సివిల్ సప్లయ్ అధికారులు ఆకస్మికంగా తనిఖీ చేశారు. అనంతరం పేరుకుపోయిన బియ్యం నిల్వలను తనిఖీ చేసిన సివిల్ సప్లయ్ జిల్లా అధికారి మహమ్మద్ వాజిద్ అలీ, సివిల్ సప్లయ్ డిటి మహమ్మద్ అబ్దుల్ రజాక్ లు బుధవారం పరిశీలించారు. అనంతరం వారు మాట్లాడుతూ పేరుకుపోయిన బియ్యం నిల్వలలో పురుగులు ఉంటాయని అట్టి బియ్యంతో విద్యార్థులకు భోజనం అందించడం ద్వారా విద్యార్థులకు విష జ్వరాలు ప్రభలే ప్రమాదం ఉందని సంబంధిత గురుకులాల అధికారులకు సూచించారు. అట్టి బియ్యాన్ని వెంటనే మార్పిడి చేసి పౌష్టికాహార నిల్వలు కలిగిన భోజనాన్ని అందించే విధంగా చర్యలు తీసుకోవాలన్నారు.

మండలంలో చెలరేగిపోతున్న ఇసుక మాఫియా - మాముళ్ళ మత్తులో అధికారుల సహాకారం



 ఇసుక మాఫియాకు అధికారుల అండదండలున్నాయనే అనుమానాలు

 మామూళ్ల మత్తులో ఉండి.. ఇసుక మాఫియాకు అధికారుల సహకారం

 సంబంధిత అధికారులకు సమాచారం అందించిన.. పట్టింపులేని ధోరణి
Street Buzz news జయశంకర్ భూపాలపల్లి జిల్లా: 
అధికారుల అండదండలతో మండలంలో చెలరేగి పోతున్న ఇసుక మాఫియా దందా మూడు పువ్వులు ఆరు కాయలు గా కొనసాగుతున్న నిమ్మకు నీరెత్తిన చందంగా మాముళ్ళ మత్తులో సంబంధిత అధికారులు చోద్యం చూస్తున్న సంఘటన జయశంకర్ భూపాలపల్లి జిల్లా మొగుళ్లపల్లి మండలంలోని కొందరు ప్రజాప్రతినిధులు అక్రమ సంపాదనే లక్ష్యంగా ఎంచుకొని మండలం చుట్టూ ఉన్న వాగుల ద్వారా ఇసుకను తరలించి ఒక రహస్య ప్రదేశంలో డంప్ చేసి.ప్రైవేటు వ్యక్తులకు ఇసుకను విక్రయిస్తూ.లక్షలాది రూపాయల ప్రభుత్వ ఖజానాను కొల్లగొట్టి సొమ్ము చేసుకుంటున్నారని  ప్రజలు ఆందోళన చెందుతున్నప్పటికీ.. సంబంధిత అధికారుల అండదండలు ఉండడంతో.. మండలంలో ఇసుక మాఫియా చెలరేగిపోతుందని రైతులు, ప్రజలు తీవ్ర ఆందోళన వ్యక్తం చేస్తున్నారు. సంబంధిత అధికారులు మామూళ్ల మత్తులో ఉండడం వలన ఇసుక మాఫియా కు రాత్రింబవళ్లు అనే తేడా లేకుండా ఇసుకను తరలిస్తుండడం గమనార్హం. మండల కేంద్రానికి అతి సమీపంలో ఉన్న ఒక గ్రామం వాగు నుండి ఒక ప్రజా ప్రతినిధి ఏలాంటి ప్రభుత్వ అనుమతి పత్రాలు లేకుండానే ఒక ప్రైవేటు వ్యక్తి తన సొంత ప్రయోజనాల కోసం నిర్మించుకుంటున్న కట్టడానికి ఇసుకను తరలించడం పట్ల రైతులు, ప్రజలు ఆగ్రహం వ్యక్తం చేస్తున్నారు. ఇట్టి విషయాన్ని పలుసార్లు సంబంధిత అధికారుల దృష్టికి తీసుకెళ్లినప్పటికీ.. మాకు సమాచారం ఇచ్చినట్లుగానే మిగతా శాఖలకు చెందిన అధికారులకుసమాచారం ఇవ్వాలంటూ చేతులు దులుపుకుంటున్నారని ప్రజలు మండిపడుతున్నారు. కొందరు అధికారులు అయితే ఇసుకను తరలిస్తున్న వాహనాన్ని మీరే పట్టుకోండి అంటూ హేళన చేస్తున్నారని ఆగ్రహం వ్యక్తం చేస్తున్నారు.

అంబేద్కర్ జయంతి, వర్దంతి రోజున సెలవు దినం గా ప్రకటించి అధికారికంగా కార్యాక్రమాలు నిర్వహించాలి
  
 Street Buzz news సూర్యాపేట జిల్లా:  
(హుజూర్ నగర్ ):- హుజూర్ నగర్ పట్టణం లో అంబేద్కర్ అసోసియేషన్ ఆద్వర్యంలో ఏర్పాటు చేసిన సమావేశంలో అంబేద్కర్ అసోసియేషన్ అధ్యక్షులు కోల్లపూడి యోహాన్ మాట్లాడుతూ భారతరత్న భారత రాజ్యాంగ నిర్మాత డాక్టర్ బి.ఆర్ అంబేద్కర్ గారు దేశం కోసం అహర్నిశలు కృషిచేసి ప్రతి ఒక్కరికి న్యాయం జరిగేలా కుల రహిత బేదాలు లేకుండా స్త్రీలు పురుషులు అందరూ సమానులే అని ప్రజాస్వామ్యంలో ప్రతి పేదవాడు చదువుకోవాలని ప్రతి ఒక్కరికి ఓటు హక్కు కల్పించాలని ప్రతి విషయంలో ఎంతో క్షుణ్ణంగా భారత రాజ్యాంగాన్ని రచించిన మహనీయుడు డాక్టర్ బి ఆర్ అంబేద్కర్ గారు.మరి ఇలాంటి గొప్ప మహనీయుడి వర్ధంతి, జయంతి వేడుకలు దేశంలో అన్ని రాష్ట్రాల్లో సెలవు దినముగా ప్రకటించి అధికారికంగా కార్యక్రమాలు నిర్వహించాలని అదేవిధంగా మద్యం షాపులు మటన్ షాపులకు సెలవు ప్రకటించాలని ప్రతి ఆఫీసుల్లో అంబేద్కర్ గారిని జ్ఞాపకం చేసుకొని వారి చిత్రపటానికి వర్ధంతి జయంతి వేడుకలు ఘనంగా నిర్వహించాలని అంబేద్కర్ గారి ఆశయాలను ప్రతి ఒక్కరూ పాటించాలని హుజూర్ నగర్ అంబేద్కర్ అసోసియేషన్ అధ్యక్షులు కోలపూడి యోహాన్ అన్నారు.

విద్యార్థుల ప్రాణాలు తీస్తున్న శ్రీ చైతన్య యాజమాన్యం పై హత్యా కేసు నమోదు చేయాలి



కార్పోరేటు విద్యాసంస్థలలో వరుస ఆత్మహత్యల పై న్యాయ విచారణ జరిపి వారిపై చర్యలు తీసుకోవాలి

ఏఐఎస్ బి రాష్ట్ర ప్రధానాకార్యదర్శి గవ్వ వంశీధర్ రెడ్డి.



Street Buzz news కరీంనగర్ జిల్లా:
(కరీంనగర్ ):- హైదరాబాద్ లోని కార్పోరేటు శ్రీ చైతన్య కళాశాలలో ఇంటర్ ప్రధమ సంవత్సరం చదువుతున్న నిమ్మల రమాదేవి ఆత్మ హత్య కు కారుకులైన శ్రీ చైతన్య యాజమాన్యం పై హత్యాకేసు నమోదు చేయాలని ఆల్ ఇండియా స్టుడెంట్ బ్లాక్ రాష్ట్ర ప్రధానాకార్యదర్శి గవ్వ వంశీధర్ రెడ్డి డిమాండ్ చేశారు. ఈ సంధర్బంగా కరీంనగర్ జిల్లా కేంద్రంలో ఏర్పాటు చేసిన విలేఖరుల సమావేశంలో ఆయన మట్లాడుతూ మార్కులు, ర్యాంకుల కోసం శ్రీ చైతన్య కళాశాల యాజమాన్యం విధ్యార్థులను తీవ్ర ఓత్తిడి కి గురిచేస్తూ ఫలితాలే లక్ష్యంగా మానసిక వేదనకు గురిచేయడం బాదాకరం అని అన్నారు. కార్పోరేట్ కాళాశాలలో వారి లాభం కోసం తప్ప విద్యార్థి సంక్షేమం కోసం పట్టించుకోకుండ వ్యవహరిస్తున్నారని శ్రీ చైతన్య విద్యాసంస్థలో ఇది మొదటి ఆత్మహత్య కాదని, ఇలా ప్రతి సంవత్సరం ఆత్మహత్యల పరంపర కొనసాగుతుందని ఆవేదన వ్యక్తం చేశారు. ఇప్పటి కైన ప్రభుత్వం స్పందించి శ్రీ చైతన్య యాజమాన్యం పై క్రిమినల్ కేసు నమోదు చేయాలని డిమాండ్ చేశారు. బాధిత విద్యార్థికి న్యాయం చేసేంతవరకు ఏఐఎస్ బి ఆధ్వర్యంలో పోరాటం చేస్తాం అని హెచ్చరించారు ఈ ఘటనకు కారుకులైన వారిని తక్షణమే గుర్తించి అరెస్టు చేయాలని డిమాండ్ చేశారు. కార్పోరేట్ విద్యాసంస్థలలో విద్యార్థులు మానసికా వేదనకు గురికాకుండా ఉండేందుకు ఆవగాహన సదస్సును నిర్వహించాలని కోరారు. ఈ సమావేశంలో ఏఐఎస్ బి నాయకులు రమేష్ యాదవ్, హరీష్,వినయ్, విజయ్,వాసు తదితరులు పాల్గోన్నారు.

బిఆర్ఎస్ ను ఓడిస్తాం - రామరాజ్యాం స్థాపిస్తాం



 తెలంగాణలో హిందువులంతా ఓటు బ్యాంకుగా మారుతున్నారు

 కాంగ్రెస్ నామరూపాల్లేకుండా పోతుంది

 అన్ని పార్టీలు కలిసి బిజెపిని ఓడించే కుట్ర

 ధరణి పేరుతో నలుగురు కలెక్టర్ల దోపిడీ

 కేసీఆర్ కుటుంబానికి దోచిపెడుతున్న కలెక్టర్ల బండారం బయటపెడతాం

 బూత్ కార్నర్ల మీటింగులతో చరిత్ర సృష్టిస్తాం
 బిజెపిని సునాయాసంగా అధికారంలోకి తీసుకొస్తాం: చెవ్వ శేషగిరి యాదవ్

Street Buzz news జయశంకర్ భూపాలపల్లి జిల్లా:
  మొగుళ్జళపల్లి):-  హిందుత్వ వాతావరణం వచ్చిందని..80 శాతం ఉన్న హిందువులంతా ఓటు బ్యాంకుగా మారబోతున్నారని.. భారతీయ జనతా పార్టీని ఓడించేందుకు రాష్ట్రంలోని కాంగ్రెస్, బిజెపి, ఎంఐఎం కుట్రలు చేస్తున్నారని అయినప్పటికీ వెనుకంజ వేయకుండా బిజెపిని అధికారంలోకి తీసుకురావడమే లక్ష్యంగా పనిచేసి గోల్కొండ కోటపై కాషాయ జెండా రెపరెపలతో రామరాజ్యాన్ని సాధించి తీరుతామని బిజెపి మొగుళ్ళపల్లి మండల అధ్యక్షుడు చెవ్వ శేషగిరి యాదవ్ అన్నారు. మంగళవారం శేషగిరి యాదవ్ మొగుళ్ళపల్లి మండల కేంద్రంలోని పార్టీ కార్యాలయంలో ఏర్పాటు చేసిన విలేకరుల సమావేశంలో మాట్లాడుతూ రాష్ట్రంలో కాంగ్రెస్ పార్టీ నామరూపాల్లేకుండా పోతుందని జోస్యం చెప్పారు. రాష్ట్రంలో నలుగురు కలెక్టర్లు ధరణి పేరుతో అడ్డగోలుగా సంపాదించి కేసీఆర్ కుటుంబానికి దోచిపెడుతున్నారని, అందుకు ప్రతిఫలంగా ప్రమోషన్లు పొందుతున్నారని శేషగిరి యాదవ్ మండిపడ్డారు. భారతీయ జనతా పార్టీ రాష్ట్ర కమిటీ నేతృత్వంలో నిర్వహిస్తున్న బూత్ కార్నర్ల మీటింగుల్లో ముఖ్యమంత్రి కేసీఆర్ వైఫల్యాలను ఎండగడుతూ బిజెపి చరిత్ర సృష్టించబోతుందని, రాష్ట్రంలో సునాయాసంగా అధికారంలోకి వచ్చి తీరుతుందని ధీమా వ్యక్తం చేశారు.

పుల్వామా అమరుల త్యాగాలను దేశం ఎన్నటికి మరువదు
పుల్వామా ఉగ్రదాడిలో అమరులైన వీరజవాన్లకు జోహార్లు.

- యువరత్న పబ్లిక్ వెల్ఫేర్ సొసైటీ అధ్యక్షుడు జనగామ తిరుపతి.
Street Buzz news పెద్దపల్లి జిల్లా:
( గోదావరిఖని  ఫిబ్రవరి14 ):- పుల్వామా ఉగ్రదాడిలో అమరులైన వీరజవాన్లకు యువరత్న పబ్లిక్ వెల్ఫేర్ సొసైటీ అధ్యక్షుడు జనగామ తిరుపతి ఘనంగ నివాళులు అర్పించారు. 14 ఫిబ్రవరి 2019న జమ్మూ-శ్రీనగర్ జాతీయ రహదారిపై భారత భద్రతా సిబ్బందిని తీసుకువెళుతున్న వాహనాల కాన్వాయ్‌పై జమ్మూ మరియు కాశ్మీర్‌లోని పుల్వామా జిల్లాలోని లేథాపోరా వద్ద వాహనంలో వచ్చిన ఆత్మాహుతి దాడిచేశారు అని అన్నారు. ఈ దాడిలో 40 మంది భారత జవాన్లు వీరమరణం పొందారు అని తెలిపారు. పుల్వామా ఘటన జరిగి నేటికి నాలుగు యేళ్లు అయిన సందర్బంగా దేశసేవలో వీరమరణం పొందిన వారిని స్మరించుకున్నారు. పుల్వామా అమరుల త్యాగాలను దేశం ఎన్నటికి మరువదని వారి శౌర్యమే నేటి భారతయువతకు స్పూర్తిదాయకం అని యువరత్న పబ్లిక్ వెల్ఫేర్ సొసైటీ అధ్యక్షుడు జనగామ తిరుపతి అన్నారు.