NLG: మాల మహానాడు ఆధ్వర్యంలో డాక్టర్ బి.ఆర్ అంబేద్కర్ కు నివాళులు

 
 
  నల్లగొండ జిల్లా:
  
మర్రిగూడ: ఈరోజు భారత రాజ్యాంగ నిర్మాత బాబాసాహెబ్ అంబేద్కర్ 68 వ వర్ధంతి  సందర్భంగా, మండల కేంద్రంలో మాల మహానాడు ఆధ్వర్యంలో మాల మహానాడు మండల అధ్యక్షుడు దళితరత్న నాగిల్ల మారయ్య బస్టాండు వద్ద ఉన్న బాబాసాహెబ్ అంబేద్కర్ విగ్రహానికి పూలమాల వేసి నివాళులర్పించారు.
  

  

  రాజ్యాంగం మనకు రక్షణ కల్పిస్తుంది
  
ఈ సందర్భంగా  మారయ్య మాట్లాడుతూ..  భారత రాజ్యాంగాన్ని ప్రతి ఒక్కరూ అనుసరించాలని అన్నారు. ఆ మహనీయుని అందించిన రాజ్యాంగం  మనకు రక్షణ కల్పిస్తుందని తెలిపారు.
  

  
ఈ కార్యక్రమంలో వంపు వెంకటయ్య, కోరే రవి,ఈద కాశి, మచ్చ పోతుల సుధాకర్ , నరేష్ , అభి సందేశ్, వంపు చరణ్, తదితరులు పాల్గొన్నారు,
 

NLG: ప్రెస్ క్లబ్ ఆధ్వర్యంలో మెడికల్ క్యాంపు విజయవంతం

 
 
  నల్గొండ : ప్రభుత్వానికి, ప్రజలకు మీడియా వారధిగా నిలవాలని రాష్ట్ర శాసనమండలి చైర్మన్ గుత్తా సుఖేందర్ రెడ్డి అభిప్రాయపడ్డారు. సంచలనం కోసం అవాస్తవాలు ప్రచారం చేయడం ఇప్పుడు కొన్ని మీడియా లకు అలవాటుగా మారిందని, దానివల్ల మొత్తం మీడియా ఇమేజ్ కు భంగం వాటిల్లుతుందన్నారు. గురువారం నల్గొండ ప్రెస్ క్లబ్ ఆధ్వర్యంలో యశోద హాస్పిటల్ వారి సహకారంతో ఏర్పాటు చేసిన జర్నలిస్టుల హెల్త్ క్యాంపు ను గుత్తా సుఖేందర్ రెడ్డి ప్రారంభించారు. 
  ఈ సందర్భంగా ఆయన మాట్లాడుతూ.. కేవలం వార్తలు, వృత్తే కాకుండా సామాజిక సేవా కార్యక్రమాలు కూడా జర్నలిస్టులు చేపట్టడం అభినందనీయమన్నారు. కొత్తగా ఏర్పడిన నల్గొండ ప్రెస్ క్లబ్ కార్యవర్గం ఇటీవల వనభోజనాలు కూడా ఏర్పాటు చేసుకొని ఒకచోట కలవడం శుభ పరిణామం అని.. జర్నలిస్టులకు ఎల్లవేళలా తాను అండగా ఉంటానని సుఖేందర్ రెడ్డి తెలిపారు. 
  ప్రెస్ క్లబ్ అధ్యక్షుడు ఏర్రెడ్ల చంద్రశేఖర్ రెడ్డి, గౌరవ అధ్యక్షుడు గార్లపాటి కృష్ణారెడ్డి మాట్లాడుతూ.. జర్నలిస్టుల ఐక్యత, సంక్షేమమే ధ్యేయంగా ప్రెస్ క్లబ్ పనిచేస్తుందని.. ఇందులో భాగంగానే ఇటీవల కార్తీక వనభోజనాలు, ఇవాళ మెడికల్ క్యాంపు నిర్వహించినట్లు తెలిపారు. కోరిన వెంటనే మెడికల్ క్యాంపు నిర్వహణకు ముందుకు వచ్చిన యశోద హాస్పిటల్, తమ విజ్ఞప్తి మేరకు కార్యక్రమానికి హాజరైన రాష్ట్ర శాసనమండలి చైర్మన్ గుత్తా సుఖేందర్ రెడ్డికి ధన్యవాదాలు తెలిపారు.ప్రతి జర్నలిస్టు ఇటువంటి కార్యక్రమాలను సద్వినియోగం చేసుకోవాలని అన్నారు. 
  కాగా నల్లగొండ ప్రెస్ క్లబ్ ఆధ్వర్యంలో గురువారం జర్నలిస్టులకు, వారి కుటుంబ సభ్యులకు నిర్వహించిన మెగా హెల్త్ క్యాంప్ గ్రాండ్ సక్సెస్ అయ్యింది. జిల్లా కేంద్రంలో పనిచేస్తున్న జర్నలిస్టులు సుమారు 200 మంది తమ కుటుంబ సభ్యులతో కలిసి వచ్చి హెల్త్ క్యాంపు ను సద్వినియోగం చేసుకున్నారు. ఉదయం 10 గంటల నుండి సాయంత్రం నాలుగున్నర గంటల వరకు మెడికల్ క్యాంప్ జరిగింది. కార్యక్రమంలో భాగంగా యశోద ఆసుపత్రి వైద్యులు డాక్టర్ ప్రఫుల్ కిల్లారు, శిల్పారెడ్డి, చేతన్ వీరమనేని, రాఘవేందర్ గౌడ్, కమల్ తేజ్, భాను తేజ, వినీత.. జర్నలిస్టులకు మరియు వారి కుటుంబ సభ్యులకు మెడికల్ చెక్ అప్ నిర్వహించారు.
  ఈ సందర్భంగా శాసనమండలి చైర్మన్ గుత్తా సుఖేందర్ రెడ్డి, వైద్యులకు ప్రెస్ క్లబ్ కార్యవర్గం జ్ఞాపకలు అందజేసి, ఆత్మీయ సన్మానం చేశారు. కార్యక్రమంలో ప్రెస్ క్లబ్ ప్రధాన కార్యదర్శి వంగాల శ్రీనివాస్ రెడ్డి, కోశాధికారి గుండాల యాదగిరి, కార్యదర్శులు జూలకంటి అశోక్ రెడ్డి, మంజుల, ఉయ్యాల లింగయ్య, 
  
కార్యవర్గం కట్టా సుధాకర్, విజయభాస్కర్, ఉపేందర్, సయ్యద్, రామకృష్ణ, జిల్లా యాదయ్య, అశ్వక్ అహ్మద్, మదనా చారి, జాకీర్ అలీ, బజరంగ్ ప్రసాద్, రవీందర్ రెడ్డి, భాస్కర్, మీసాల శ్రీనివాస్, కనకయ్య, ప్రేమ్, హరి ప్రసాద్, సీనియర్ జర్నలిస్టులు గణేష్, జనార్ధన్ రెడ్డి, ఫణీంద్ర, సత్యనారాయణ, శ్రీధర్, చాంద్, అతీక్ అహ్మద్, అంజయ్య, రాంప్రసాద్, రమేష్, కోటగిరి రామకృష్ణ, ముచ్చర్ల విజయ్, భవాని ప్రసాదు, కంది శ్రీను, కారింగుల శ్రీను, ఖలీం, కత్తుల హరి, రవి, వెంకట్, బాలరాజు, సాయి తదితరులు పాల్గొన్నారు.
 

NLG: ఆర్టీసీ ఆధ్వర్యంలో ప్రజాపాలన ప్రజా విజయోత్సవాలు

 
 
  నల్గొండ: రాష్ట్ర ప్రభుత్వం ప్రతిష్టాత్మకంగా నిర్వహిస్తున్న ప్రజాపాలన ప్రజా విజయోత్సవాలలో భాగంగా, గురువారం తెలంగాణ  రాష్ట్ర రోడ్ రవాణా సంస్థ  ఆధ్వర్యంలో రీజినల్ మేనేజర్  కె. జాని రెడ్డి సమక్షంలో  ప్రజా పాలన ప్రజా విజయోత్సవ కార్యక్రమాన్ని పట్టణంలోని బస్టాండ్ లో నిర్వహించారు.
  

  
ఈ కార్యక్రమంలో ముఖ్యఅతిథిగా పాల్గొన్న మున్సిపల్ చైర్మన్ బుర్రి శ్రీనివాస్ రెడ్డి మాట్లాడుతూ.. రాష్ట్ర ప్రభుత్వ సహకారంతో, రాష్ట్రంలోని మహిళలందరికీ ఆధార్ గుర్తింపుతో  పల్లె వెలుగు, ఎక్స్ప్రెస్ బస్సులలో ఉచిత ప్రయాణం నీరాటంకంగా కొనసాగుతుందని అన్నారు. రాష్ట్రవ్యాప్తంగా ఇప్పటివరకు 114.34 కోట్ల మంది మహిళలు ఉచిత ప్రయాణాన్ని ఉపయోగించుకొని 3856.40 కోట్ల రూపాయలు ఆదా చేశారన్నారు.
  

  
మహాలక్ష్మి పథకం అమల్లోకి వచ్చిన తర్వాత ఆర్టీసీ బస్సుల్లో మహిళా ప్రయాణికుల సంఖ్య గణనీయంగా పెరిగిందన్నారు. ఏడాది కాలంలో 1389 కొత్త బస్సులు తీసుకురావడం జరిగిందని,  మహాలక్ష్మి పథకం కోసం 822 నూతన బస్సులను రాష్ట్ర ప్రభుత్వం తీసుకొచ్చిందని తెలిపారు.
  

  
అందులో నల్గొండ రీజియన్ కు 96 కొత్త బస్ లు కేటాయించడం, బస్ ఆన్ కాంట్రాక్టు ద్వారా విహార వివాహ శుభకార్యం లకు అద్దె బస్ లపై ధరలు తగ్గించడం జరిగిందని, నల్గొండ జిల్లాకు 75 ఎలక్ట్రికల్ బస్ లు త్వరలో కేటాయించడం జరుగుతుందని, అన్ని బస్ లలో జీపీఎస్ అనుసంధానం చేశామని, బస్ ఎక్కడ వుందో తెలుసుకొనే సదుపాయం కూడా అందుబాటులో ఉందని తెలిపారు.
  

  
అన్ని బస్ స్టేషన్ లో ఉచిత టాయిలెట్ల సదుపాయం, అదనంగా కుర్చీలు, ప్యాన్లు, వాటర్ కూలర్స్ ప్రయాణికుల సౌకర్యార్థం ఏర్పాటు చేయడం జరిగిందని అన్నారు. రాష్ట్ర ప్రభుత్వం ఆర్టిసి కి ఎల్లప్పుడు అందుబాటులో ఉండి ఆర్ధికంగా ముందుకు తీసుకుపోతుందని అన్నారు.
  

  
అనంతరం ప్రయాణికులు మాట్లాడుతూ.. మహిళలకు ఉచిత ప్రయాణం తీసుకురావడం చాలా సంతోషంగా ఉందని, దీని ద్వారా కొంత డబ్బును ఆదా చేసుకోగలుగుతున్నామని అన్నారు. మహాలక్ష్మి పథకం పేరుతో ఉచిత బస్సు ప్రయాణాన్ని తీసుకొచ్చిన రాష్ట్ర ముఖ్యమంత్రి రేవంత్ రెడ్డికి కృతజ్ఞతలు తెలిపారు.
  

  
ఈ కార్యక్రమంలో మున్సిపల్ వైస్ చైర్మన్ అబ్బగోని రమేష్ గౌడ్, పట్టణ కాంగ్రెస్ పార్టీ అధ్యక్షులు గుమ్మల మోహన్ రెడ్డి,  డిప్యూటీ ఆర్ ఎం  (ఎం) శివశంకర్, రీజినల్ పిఓఏ వెంకటేశ్వర్లు, అసిస్టెంట్ మేనేజర్(పి) వి.శ్యామలాదేవి, నల్గొండ డిపో మేనేజర్ శ్రీనాథ్, అసిస్టెంట్ మేనేజర్ హుస్సేన్, ఎం.ప్రభాకర్(ఎల్.ఓ.) మరియు విజిలెన్స్, ఆర్టీసీ సిబ్బంది, తదితరులు పాల్గొన్నారు.
 

అంబేద్కర్ భవన్ ను వినియోగంలోకి తీసుకురండి: ఆల్ ఇండియా సమత సైనిక్ దళ్ రాష్ట్ర సంయుక్త కార్యదర్శి బుర్రి వెంకన్న

 
 
  నల్లగొండ జిల్లా:
  
దేవరకొండ: అంబేద్కర్ కమిటీ నూతన హాల్ ప్రజా అవసరాలకు వినియోగంలో లేకపోవడం  చాలా బాధాకరమని ఆల్ ఇండియా సమతా సైనిక్ దళ్ రాష్ట్ర సంయుక్త కార్యదర్శి దళిత రత్న డా.బుర్రి వెంకన్న ఆవేదన వ్యక్తం చేశారు.
  

  
గురువారం వారు మాట్లాడుతూ.. అంబేద్కర్ కమిటీ హాల్ పాత భవనం శిఖలావ్యవస్థకు చేరితే పునర్నిర్మానం చేసి ప్రారంభంచి సంవత్సరమవుతున్నా .. నేటికీ పూర్తిస్థాయి వినియోగంలోకి రాకపోవడం బాధాకరమన్నారు. ఇప్పటికైనా సంబంధిత అధికారులు కమిటీ హాల్ ను ప్రజా అవసరాలకు వాడుకునే విధంగా వెసులుబాటు కల్పించాలని కోరారు.
 

మన చరిత్రను మనం తెలుసుకోవాలి: ప్రిన్సిపాల్ 

 
 
  NLG: తెలంగాణ పౌరులుగా మన ఘనమైన చరిత్రను మనం తెలుసుకొని ఆ విజ్ఞానాన్ని భవిష్యత్ తరాలకు అందించాలని ఎన్జీ కళాశాల ప్రిన్సిపాల్ ఉపేందర్ అన్నారు. తెలంగాణ దర్శిని కార్యక్రమంలో భాగంగా గురువారం కళాశాల చరిత్ర విభాగం ఆధ్వర్యంలో జిల్లా కేంద్రంలోని పానగల్ ఛాయా సోమేశ్వరాలయం, ఉదయ సముద్రం, పచ్చల సోమేశ్వరాలయం, పానగల్ మ్యూజియం, లతీఫ్ సాహెబ్ దర్గాను సందర్శించారు.ఈ సందర్భంగా ప్రిన్సిపాల్ మాట్లాడుతూ..  మన స్థానిక చరిత్రను, సాంస్కృతిక వికాసాన్ని తెలుసుకున్నప్పుడే రాష్ట్ర, దేశ ఔన్నత్యం తెలుస్తాయని అన్నారు.
  

  
మన భౌగోళిక, చారిత్రిక స్థితిగతులు తెలుసుకోవడంలో భాగంగా స్థానిక దర్శనీయ స్థలాలను, చారిత్రక ప్రదేశాలను, పర్యాటక ప్రాంతాలను దర్శించాలని సూచించారు. యువ టూరిజం క్లబ్ సభ్యులకు జిల్లా కేంద్రంలోని పలు చారిత్రిక, సాంస్కృతిక ప్రదేశాలను చూపించిన కళాశాల చరిత్ర విభాగాన్ని ఆయన అభినందించారు. కార్యక్రమంలో చరిత్ర విభాగం అధ్యాపకులు మరియు యువ టూరిజం సమన్వయకర్త నర్సింగు కోటయ్య, అధ్యాపకులు డా. అంకుస్, యువ టూరిజం సభ్యులు పాల్గొన్నారు.
 

RR: నూతనంగా ఎన్నికైన యువజన కాంగ్రెస్ నాయకులను అభినందించిన ఇబ్రహీంపట్నం ఎమ్మెల్యే

 
 
  ఇబ్రహీంపట్నం:
  
నూతనంగా ఎన్నికైన నియోజకవర్గ , మండల స్థాయి యువజన కాంగ్రెస్ నాయకులు ఇవాళ, ఎమ్మెల్యే మల్ రెడ్డి రంగారెడ్డి ని ఆయన నివాసంలో మర్యాద పూర్వకంగా కలిసి ఆయనకు శాలువతో సత్కరించారు.
  

  
అనంతరం  ఎన్నికైన నాయకులకు ఎమ్మెల్యే స్వీట్లు తినిపించి శుభాకాంక్షలు తెలియజేశారు.
  

  
ఈ మేరకు ఎమ్మెల్యే మాట్లాడుతూ ఎన్నికైన నాయకులు.. కార్యకర్తలతో మమేకమై కాంగ్రెస్ పార్టీ బలోపేతానికి అహర్నిశలు కృషిచేయాలని.. కాంగ్రెస్ ప్రభుత్వ సంక్షేమ పథకాలను ప్రజల్లోకి తీసుకొని పోవాలని వారికి సూచించారు.
 

యూత్ కాంగ్రెస్ ఎన్నికల్లో సత్తా చాటిన  కోమటిరెడ్డి రాజ్ గోపాల్ రెడ్డి అనుచరులు

 
 
  
  
నల్లగొండ జిల్లా, మునుగోడు నియోజకవర్గ యూత్ కాంగ్రెస్ అధ్యక్షుడుగా మర్రిగూడ మండలం లెంకలపల్లి గ్రామానికి చెందిన అబ్బనబోయిన రామకృష్ణ యాదవ్  5857 ఓట్ల మెజారిటీతో ఘనవిజయం సాధించారు.
  

  
ఉమ్మడి నల్గొండ జిల్లాలోనే నియోజకవర్గ యూత్ కాంగ్రెస్ అధ్యక్షులలో ఇది భారీ మెజారిటీ.. ఈ మేరకు యూత్ కాంగ్రెస్ ఎన్నికల్లో గెలుపొందిన రామకృష్ణ యాదవ్ ను, మునుగోడు ఎమ్మెల్యే  కోమటిరెడ్డి రాజ్ గోపాల్ రెడ్డి తన వ్యక్తిగత క్యాంపు కార్యాలయంలో అభినందించారు. యూత్ కాంగ్రెస్ నియోజకవర్గ అధ్యక్షులుగా గెలుపొందిన  అబ్బనబోయిన రామకృష్ణ యాదవ్ నియోజకవర్గ  కాంగ్రెస్ ప్రముఖులు కృతజ్ఞతలు తెలిపారు. 
  

  
ఈ సందర్భంగా మండల కాంగ్రెస్ పార్టీ నాయకులు, నియోజవర్గ నాయకులు అబ్బనబోయిన రామకృష్ణను అభినందించారు.
 

NLG: అంగన్వాడి సొంతం భవనం కోసం ఎమ్మెల్యే కు వినతి పత్రం

 
 
  మునుగోడు మండల కేంద్రం కు బుధవారం వచ్చిన ఎమ్మెల్యే కోమటిరెడ్డి రాజగోపాల్ రెడ్డికి, కొండాపురం గ్రామంలో అంగన్వాడి స్వంత భవనం కోసం సామాజిక ఉద్యమకారుడు కొమ్ము గణేష్ వినతి పత్రం అందించారు.
  

  
ఈ సందర్భంగా కొమ్ము గణేష్ మాట్లాడుతూ.. 2006 నుండి ఉన్న అంగన్వాడి కి సొంత భవనం లేక 18 సంవత్సరాల నుండి  కిరాయి భవనంలో అంగన్వాడీ సిబ్బంది అనేక ఇబ్బందులు పడుతున్నారని తెలిపారు.  ఈ విషయంపై ఎమ్మెల్యే సానుకూలంగా స్పందించి హమీ ఇచ్చారని తెలిపారు.
 

డిజిటల్ క్లాస్ రూమ్ ను ప్రారంభించిన ఎమ్మెల్యే కోమటిరెడ్డి రాజ్ గోపాల్ రెడ్డి

 
 
  మునుగోడు మండలం, కొరటికల్ గ్రామంలో రూ. 2 కోట్ల 30 లక్షల వ్యయంతో నూతనంగా నిర్మించనున్న 33/11 కె వి విద్యుత్ సబ్ స్టేషన్ కు మునుగోడు శాసనసభ్యులు  కోమటిరెడ్డి రాజ్ గోపాల్ రెడ్డి బుధవారం భూమి పూజ చేశారు.
  

  
అదేవిధంగా పులిపల్పుల గ్రామంలో ప్రాథమికోన్నత పాఠశాలలో తన సొంత ఖర్చులతో విద్యార్థులకు డిజిటల్ క్లాస్ ల కోసం మెటీరియల్ ఇప్పించి డిజిటల్ క్లాస్ రూమ్ ను ప్రారంభించారు.
  

  
బీరెల్లిగూడెం గ్రామంలో 20 లక్షల వ్యయంతో గ్రామపంచాయతీ నూతన భవన నిర్మాణానికి శంకుస్థాపన చేశారు.
 

విద్యార్థులకు నాణ్యమైన భోజనాన్ని అందించాలి.. అస్వస్థత ఘటనలు పునరావృతం కాకుండా చూడాలి: ఆల్ ఇండియా సమతా సైనిక్ దళ్

 
 
  
  
నల్గొండ జిల్లా, పీఏ పల్లి మండలంలోని దుగ్యాల ఆదర్శ పాఠశాలను, ఆల్ ఇండియా సమతా సైనిక్ దళ్ నియోజకవర్గ కన్వీనర్ జిల్లా రాములు ఆధ్వర్యంలో బుధవారం సందర్శించారు.
  

  
ఆదర్శ పాఠశాల హాస్టల్ లో విద్యార్థులు నాసిరకం బియ్యం కారణంగా అన్నం తిన లేకపోవడంతో అనారోగ్యానికి గురైన విద్యార్థులను, తిన్న విద్యార్థులకు కొంతమంది కడుపునొప్పితో అనారోగ్యానికి గురైన కారణంగా, దేవరకొండ ఏరియా ఆసుపత్రికి తరలించిన నిన్నటి ఘటన సందర్భంగా, ఇవాళ మోడల్ స్కూల్ దగ్గర అక్కడ విద్యార్థులను రైస్ గురించి, యాజమాన్యం విద్యార్థులకు ఏ రకమైన పోషకాహారం పెడుతుందని విద్యార్థులను వారు అడిగి తెలుసుకున్నారు.
  

  
అనంతరం ఆలిండియా సమతా సైనిక రాష్ట్ర సంయుక్త కార్యదర్శి దళిత రత్న డా.బుర్రివెంకన్న మాట్లాడుతూ.. రాష్ట్ర ప్రభుత్వ గురుకుల పాఠశాలలో ఆదర్శ, కస్తూర్బా పాఠశాలలో రాష్ట్ర వ్యాప్తంగా ఎన్నో హాస్టల్లో ఫుడ్ పాయిజన్ అయ్యి ఎంతో మంది విద్యార్థులు అవస్థ కు గురవుతున్నా.. రాష్ట్ర ప్రభుత్వం ఇంతవరకు విద్యాశాఖ మంత్రిని నియమించకపోవడం చాలా బాధాకరమని వారు ఆవేదన వ్యక్తం చేశారు.
  

  
ఇప్పటికైనా రాష్ట్ర ప్రభుత్వం హాస్టల్ విద్యార్థులకు నాణ్యమైన ఆహారాన్ని అందించి, విద్య వ్యవస్థను ముందుకు తీసుకెళ్లాల్సిన అవసరం ఎంతైనా ఉందని అన్నారు. తక్షణమే విద్యాశాఖ మంత్రిని నియమించాలని డిమాండ్ చేశారు. దుగ్యాల ఆదర్శ పాఠశాల వద్ద రాళ్లు, చెట్లు ఉన్నాయని విష సర్పాల భయాందోళన విద్యార్థులకు ఉందని ఆవేదన వ్యక్తం చేశారు.
  

  
ఇప్పటికైనా దుగ్యాల మోడల్ స్కూల్ లో మెరుగైన వసతులు కల్పించాలని ఆల్ ఇండియా సంస్థ సైనిక్ దళ్ డిమాండ్ చేస్తుందని అన్నారు. ఈ కార్యక్రమంలో నియోజకవర్గ కన్వీనర్ జిల్లా రాములు, తదితరులు పాల్గొన్నారు