విద్యుత్ కొనుగోలు ఒప్పందం కధ ఇదీ
రాష్ట్ర ప్రభుత్వంపై, రెడ్ బుక్ పాలనపై, చంద్రబాబు అండ్ కో అవినీతి వ్యవహారంపై తూర్పారబట్టిన వైఎస్ జగన్ విద్యుత్ కొనుగోలు ఒప్పందాలపై కీలక వ్యాఖ్యలు చేశారు. రాష్ట్రంలో గత కొద్దిరోజులుగా చర్చనీయాంశంగా మారిన ఈ అంశంపై స్పష్టత ఇచ్చారు. ఏపీ చరిత్రలో నిలిచిపోయే ఘట్టం కోసం ప్రయత్నించిన తాను మంచోడినా లేక చంద్రబాబు సోలార్ ఒప్పందాలతో ఏడాదికి 2 వేల కోట్ల భారానికి కారణమయ్యే చంద్రబాబు మంచోడా అని ప్రశ్నించారు. 

గత ఐదేళ్ల వైసీపీ హయాంలో జరిగిన విద్యుత్ ఒప్పందాల్లో తప్పు జరిగిందనే విధంగా చిత్రీకరించే కుట్రపై మాజీ ముఖ్యమంత్రి, వైసీపీ అధినేత వైఎస్ జగన్ మండిపడ్డారు. తమ హయాంలో కేంద్ర ప్రభుత్వంతో జరిగిన ఈ ఒప్పందం అత్యంత చౌక ఒప్పందమని గుర్తు చేశారు. తమ ఒప్పందం కారణంగా యూనిట్ విద్యుత్ ధర 5.10 రూపాయల నుంచి 2.49 రూపాయలకు తగ్గిన సంగతిని గుర్తు చేశారు. విద్యుత్ ఒప్పందం జరిగింది రాష్ట్ర ప్రభుత్వానికి కేంద్ర ప్రభుత్వ ఆధీనంలోని సెకీకు మధ్య మాత్రమేనని స్పష్టం చేశారు. 2021 డిసెంబర్ 1న జరిగిన ఈ విద్యుత్ కొనుగోలు ఒప్పందంలో మూడో పార్టీ ప్రమేయమే లేదని స్పష్టం చేశారు. 

యూనిట్‌కు 5.90 మంచిదా లేక 2.49 రూపాయలు మంచిదా

చంద్రబాబు హయాంలో విండ్ , సోలార్ పవర్ ఒప్పందాలతో రాష్ట్ర ప్రభుత్వంపై అదనపు భారం పడిందని గుర్తు చేశారు. ఆ సమయంలో యూనిట్ 5.90 రూపాయలు కొనుగోలు చేశారని, ఫలితంగా ఏటా 2 వేల కోట్లు భారం పడిందన్నారు. అంటే యూనిట్‌కు అదనంగా 3.49 రూపాయలు కట్టాల్సి వచ్చిందన్నారు. అంత అత్యధిక ధరకు ఒప్పందం చేసుకున్న చంద్రబాబు మంచోడా లేక ఏడాదికి 2 వేల కోట్ల భారాన్ని తగ్గించిన తాను మంచోడినా అని ప్రశ్నించారు. చంద్రబాబు చేసిన ఒప్పందం అమలై ఉంటే 25 ఏళ్లకు 87 వేల కోట్ల ప్రజల సంపద ఆవిరయ్యేదని గుర్తు చేశారు. 

తాము చేసుకున్న ఒప్పందం ప్రకారం కేంద్ర ప్రభుత్వానికి చెందిన సెకీ నుంచి వచ్చిన లేఖను వివరించారు. రాష్ట్ర ప్రభుత్వం చర్యల్ని ప్రశంసించిందన్నారు. యూనిట్ విద్యుత్‌కు 2.49 రూపాయలు చొప్పున 9 వేల మెగావాట్ల విద్యుత్ అందుబాటులోకి తెస్తామంటూ తెలిపింది. 2024 సెప్టెంబర్ నాటికి 3 వేల మెగావాట్ల విద్యుత్ ఇస్తామని చెప్పినట్టు గుర్తు చేశారు వైఎస్ జగన్. ఏపీ చరిత్రలోనే అత్యంత చౌక విద్యుత్ కొనుగోలు ఒప్పందమని తెలిపారు. ఈ ఒప్పందం వల్ల లక్షల కోట్ల ప్రజా సంపద ఆదా అయ్యేదన్నారు. 

చంద్రబాబు తన హయాంలో 25 ఏళ్లకు 50 వేల కోట్ల అదనపు భారానికి ప్రయత్నిస్తే తాము మాత్రం లక్ష కోట్లు ఆదా చేసే ప్రయత్నం చేశామన్నారు. కేంద్ర ప్రభుత్వానికి చెందిన సెకీకు, ఏపీ ప్రభుత్వానికి ఇంత చౌక విద్యుత్ కొనుగోలు ఒప్పందం జరిగితే మూడో పార్టీ ప్రమేయం లేకపోయినా దుష్ప్రచారం చేస్తున్నారని వైఎస్ జగన్ మండిపడ్డారు.

దూసుకుపోతున్న మెట్రో
హైదరాబాద్ మెట్రోరైలు అనతికాలంలోనే విశేష ప్రజాదరణ పొందింది. ట్రాఫిక్‌, కాలుష్య రహితమైన ప్రయాణాన్ని అందిస్తూ విభిన్నవర్గాలకు చేరువైంది. మెరుగైన రవాణాను అందిస్తోంది. తొలిరోజుల్లో సగటున 1.60 లక్షల నుంచి 2.10 లక్షల మంది రాకపోకలు సాగించగా ప్రస్తుతం5.6 లక్షల వరకు ప్రయాణిస్తుండడం ఆసక్తికరంగా మారింది.

హైదరాబాద్ మెట్రో రైలులో (Metro Rail) ఇప్పటివరకు 63 కోట్ల మందికి పైగా ప్రయాణం చేశారని ఎల్‌అండ్‌టీ ఎండీ కేవీబీ రెడ్డి వెల్లడించారు. హైదరాబాద్ మెట్రో రైల్ ఏడేళ్లు పూర్తి చేసుకుంది. ఇందుకు సంబంధించిన వేడుకలు అమీర్‌పేట్ మెట్రో స్టేషన్‌లో ఇవాళ(గురువారం) జరిగాయి. మెట్రో ప్రయాణంలో సువర్ణ అక్షరాలతో లిఖించదగిన రోజు అని ఎల్‌అండ్‌టీ ఎండీ కేవీబీ రెడ్డి తెలిపారు. ఎన్నో ఒడిదుడుకులను అధిగమించి ఇప్పుడు ఈ స్థితికి మెట్రో వచ్చిందని చెప్పారు. ఏడేళ్ల క్రితం ఇదే రోజున ప్రధానమంత్రి నేంద్రమోదీ మెట్రో రైల్ ప్రారంభించారని గుర్తుచేశారు. మెట్రోతో పాటు తన ప్రయాణం కూడా 7ఏళ్లు పూర్తి అయ్యిందని చెప్పారు. ఎల్ అండ్ టీ చేపట్టిన ప్రతి ప్రాజెక్టు విజయవంతంగా ముందుకు వెళుతుందని అన్నారు.

ప్రభుత్వం నుంచి ఈ ప్రాజెక్టుకు మంచి సహకారం వచ్చిందన్నారు. రాబోయే మూడు నాలుగేళ్లలో ఈ ప్రాజెక్టు లాభాల్లోకి వస్తుందని వివరించారు. ప్రజా రవాణాపై చాలా ఒత్తిడి ఉందని అన్నారు. ఢిల్లీ మెట్రో 22 సంవత్సరాలు పూర్తి చేసుకుందన్నారు. మెట్రో ప్రాజెక్టుల్లో ఢిల్లీ మెట్రో ప్రథమ స్థానంలో ఉంటే.. హైదరాబాద్ మెట్రో మూడోస్థానంలో ఉందని తెలిపారు. పబ్లిక్ ట్రాన్స్‌పోర్ట్ సిస్టంలో మెట్రో రైల్‌లో బ్యాక్ బోన్‌గా ఉండనున్నాయని చెప్పారు. హైదరాబాద్ మెట్రో చాలా ఏకో ఫ్రెండ్లీ సిస్టమని తెలిపారు.

కార్బన్ కమిషన్‌ను తగ్గించడంలో హైదరాబాద్ మెట్రో చాలా కీలకంగా ఉందని తెలిపారు. హైదరాబాద్‌లో 7 నుంచి 8 శాతం ప్రయాణికులను మెట్రో తమ గమ్యస్థానాలకు చేర్చుతుందని అన్నారు. కరోనా టైంలో కొంత ఇబ్బందులు వచ్చాయని తెలిపారు. తర్వాత అన్ని మెట్రోల కంటే వేగంగా హైదరాబాద్ మెట్రోలో ప్రయాణికులు ప్రయాణించారని అన్నారు. ఇప్పుడు సాధారణంగా 4.67 లక్షల ప్యాసింజర్స్ ఉండగా అత్యధికంగా 5.6 లక్షల ప్యాసింజర్స్ వచ్చారన్నారు. అమీర్‌పేట్ మెట్రో ఉదయం సాయంత్రం సమయాల్లో చాలా ఎక్కువ రద్దీగా ఉందని, ప్రయాణికులకు సౌకర్యవంతమైన రవాణాను అందించేందుకు హైదరాబాద్‌ మెట్రో రైలు కట్టుబడి ఉందని తెలిపారు

గత పదేళ్లలో ఏ మాత్రం విస్తరణ జరగకపోవడంతో హైదరాబాద్‌ మెట్రో దేశంలో రెండో స్థానం నుంచి మూడో స్థానానికి పడిపోయిందని హైదరాబాద్‌ ఎయిర్‌పోర్టు మెట్రో లిమిటెడ్‌ (హెచ్‌ఏఎంఎల్‌) ఎండీ ఎన్వీఎస్‌ రెడ్డి తెలిపారు. మొదటి స్థానంలో ఢిల్లీ (415 కిలోమీటర్లు), రెండో స్థానంలో బెంగళూరు (74 కిలోమీటర్లు) ఉన్నాయని చెప్పారు. అక్కడి ప్రభుత్వాలు చొరవ తీసుకోవడంతో మెట్రో విస్తరణ పెద్దఎత్తున జరిగిందన్నారు. మనవద్ద 69 కిలోమీటర్ల వరకే చేపట్టామని, విస్తరణ గురించి వెంటనే పట్టించుకోకుంటే 9వ స్థానానికి పడిపోయే ప్రమాదం ఉందని చెప్పారు. హైదరాబాద్‌ మెట్రో ప్రారంభించి ఏడేళ్లయిన సందర్భంగా ఎన్వీఎస్‌ రెడ్డి రసూల్‌పురాలోని మెట్రో భవన్‌లో విలేకరుల సమావేశంలో మాట్లాడారు. నగరంలో అన్ని ప్రాంతాలకు మెట్రో రైలును నడిపించి ప్రజలకు మెరుగైన రవాణా సౌకర్యం కల్పించేందుకు రాష్ట్ర ప్రభుత్వం వేగంగా అడుగులు వేస్తోందన్నారు. మొదటి దశ సమయంలో మెట్రో వద్దని చాలామంది వ్యతిరేకించారని, ఇప్పుడు తమకంటే తమకు కావాలని పట్టుపడుతున్నారని తెలిపారు. మొదటి దశ అనుభవాలను దృష్టిలో పెట్టుకుని సీఎం రేవంత్‌ రెడ్డి రెండో దశ ప్రతిపాదనలను స్వయంగా సమీక్షించారని చెప్పారు. జనవరి నుంచి సెప్టెంబరు వరకు పదిసార్లు తమతో సమీక్షలు నిర్వహించారన్నారు ప్రభుత్వ, ప్రైవేటు భాగస్వామ్యంలో ప్రపంచంలోనే విజయవంతంగా మెట్రోను నడిపిస్తున్న ఏకైక నగరంగా హైదరాబాద్‌ నిలుస్తుందని వ్యాఖ్యానించారు.

రెండో దశలో 116.4 కిలోమీటర్ల మేర ఆరు కారిడార్లను ప్రతిపాదించామని ఎన్వీఎస్‌ రెడ్డి తెలిపారు. 6వ కారిడార్‌ (ఎయిర్‌పోర్టు నుంచి ఫోర్త్‌సిటీ వరకు 40 కి.మీ.) ప్రతిపాదనలు విడిగా రూపొందించామని, మిగిలిన 5 కారిడార్ల (76.4కి.మీ.) పనుల డీపీఆర్‌ రాష్ట్ర మంత్రివర్గం ఆమోదంతో నవంబరు 4న కేంద్రానికి సమర్పించామని చెప్పారు. రెండు నెలల్లోపు కేంద్రం నుంచి అనుమతి రావచ్చని తెలిపారు. రెండో దశలో రైళ్ల సగటు వేగం గంటకు 35 కిలోమీటర్లు ఉంటుందని, దీన్ని నాగోల్‌-ఎయిర్‌పోర్ట్‌ లైన్‌లో పెంచే అవకాశం ఉందన్నారు. ఈ మార్గంలో మొత్తం 24 స్టేషన్లను ప్రతిపాదించామని, వాటిలో 4 స్టేషన్లు తగ్గించి వేగం పెంచుతామన్నారు. ప్రారంభంలో 3 కోచ్‌లతో రైళ్లను నడిపిస్తామని, తర్వాత 6 కోచ్‌లకు పెంచుతామన్నారు. ఫేజ్‌-1 అనుభవంతో పార్కింగ్‌, బస్‌బేలు, ఆటోల కోసం స్టేషన్ల గ్రౌండ్‌ లెవెల్‌లో స్థలాలు సేకరిస్తామన్నారు. రెండో దశ విస్తరణలో కిలోమీటర్‌కు నిర్మాణ వ్యయం రూ.318 కోట్లుగా అంచనా చేశామని చెప్పారు. రెండో దశలో ప్రతిపాదించిన 5 కారిడార్ల నిర్మాణానికి రాష్ట్ర ప్రభుత్వ వాటా రూ.7,313 కోట్లు (30శాతం), కేంద్రం వాటా రూ.4,230 కోట్లు (18శాతం) కాగా, మిగ తా 48శాతం అంటే రూ.11,693 కోట్లను కేంద్ర ప్రభుత్వం పూచీకత్తుతో జైకా, ఏడీబీ, ఎన్‌డీబీ వంటి అంతర్జాతీయ బ్యాంకుల నుంచి రుణాలు సేకరిస్తున్నామని ఎంవీఎస్‌ రెడ్డి వివరించారు. ఈ రుణాలపై 2 శాతం వడ్డీ ఉంటుందన్నారు. మిగతా 4శాతం అంటే రూ.1,033 కోట్ల పెట్టుబడిని పీపీపీ విధానంలో సమకూర్చుకుంటామని తెలిపారు.మొదటి దశలో భారతీయ బ్యాంకుల నుంచి తీసుకున్న రుణాలపై వడ్డీ 9 శాతం నుంచి 10 శాతం ఉండటంతో నిర్మాణ సంస్థపై భారం పెరిగిందని చెప్పారు. ఎంజీబీఎస్‌ నుంచి చాంద్రాయణగుట్ట వరకు చేపడుతున్న 7.5 కిలోమీటర్ల పనులను జనవరిలో ప్రారంభిస్తామని చెప్పారు. ఇక్కడ మార్కెట్‌ ధర గజానికి రూ.23 వేలు ఉందని, తాము రూ.65 వేలు చెల్లించేందుకు సిద్ధంగా ఉన్నామని వెల్లడించారు.

హైదరాబాద్ మెట్రోరైలు(Metro Rail) అనతికాలంలోనే విశేష ప్రజాదరణ పొందింది. ట్రాఫిక్‌, కాలుష్య రహితమైన ప్రయాణాన్ని అందిస్తూ విభిన్నవర్గాలకు చేరువైంది. మెరుగైన రవాణాను అందిస్తోంది. తొలిరోజుల్లో సగటున 1.60 లక్షల నుంచి 2.10 లక్షల మంది రాకపోకలు సాగించగా, ప్రస్తుతం 5.6 లక్షల వరకు ప్రయాణిస్తుండటం ఆసక్తికరంగా మారింది. ప్రైవేట్‌ పబ్లిక్‌ పార్టనర్‌షిప్‌ (పీపీపీ) మోడల్‌లో సుమారు రూ.14,132 వేల కోట్ల వ్యయంతో మెట్రో ప్రాజెక్టును ప్రారంభించారు. 2017 నవంబర్‌ నుంచి ఎల్‌బీనగర్‌-మియాపూర్‌(LBnagar-Miyapur), జేబీఎస్-ఎంజీబీఎస్‌, నాగోలు-రాయదుర్గం కారిడార్ల పరిధిలోని 69.2 కిలోమీటర్ల మార్గంలో రైళ్లు నడుస్తున్నాయి. ఆరంభంలో హైదరాబాద్‌ మెట్రోరైలు అధికారులు చాలా సవాళ్లను ఎదుర్కొన్నారు. హెచ్‌ఎంఆర్‌ ఎండీ ఎన్వీఎస్‌ రెడ్డి ఆధ్వర్యంలో ఎల్‌అండ్‌టీ అధికారులు తీవ్రంగా కృషి చేసి ఆయా కారిడార్లలో పిల్లర్ల నిర్మాణానికి కావాల్సిన ఆస్తుల సేకరణకు పకడ్బందీగా చేశారు. సమర్థవంతంగా పనులు పూర్తి చేసి అందుబాటులోకి తీసుకువచ్చారు.

మెట్రోరైళ్లకు రోజురోజుకూ ఆదరణ పెరుగుతోంది. ఉదయం 6 గంటలకు ప్రారంభమవుతున్న రైళ్లు రాత్రి 11 గంటల వరకు నిర్విరామంగా నడుస్తూ అన్ని వర్గాల ప్రజలకు రవాణా సౌకర్యాన్ని కల్పిస్తున్నాయి. ప్రతి 3 నుంచి 6 నిమిషాలకోసారి రైలు వస్తుండటంతో ప్రయాణికులు పెద్ద ఎత్తున వాటిని సద్వినియోగం చేసుకుంటున్నారు. కొవిడ్‌ కాలంలో ప్రయాణికుల సంఖ్య కొంతమేరకు తగ్గినా మళ్లీ పుంజుకుంది.

కారిడార్‌-1లోని ఎల్‌బీనగర్‌లో రోజుకు 40 నుంచి 50 వేల మంది, కారిడార్‌ 3లోని రాయదుర్గంలో 35 నుంచి 40 వేల మంది ప్రయాణిస్తున్నట్లు అధికారులు చెబుతున్నారు. కారిడార్‌-2 జేబీఎస్-ఎంజీబీఎస్‌లో తక్కువ మొత్తంలో ఉంటున్నారని, ఈ మార్గంలో రోజులో గరిష్ఠంగా 25 వేలు దాటడం లేదని పేర్కొంటున్నారు. వచ్చే మూడేళ్లలో 80 కోట్ల మందికి చేరేందుకు ప్రయత్నిస్తామని అధికారులు చెబుతున్నారు.

మూసీలో రసాయన వ్యర్థాలుముగ్గురిపై కేసు నమోదు
హైదర్‌గూడ(Bapughat - Hyderguda) సంగమం వద్ద మూసీలోకి రసాయన వ్యర్థాలను వదిలిన ముగ్గురిపై రాజేంద్రనగర్‌ పోలీసులు(Rajendranagar Police) కేసు నమోదు చేశారు. ఆ స్థలం లీజుకు తీసుకుని నడుపుతున్న చంద్రశేఖర్‌, కెమికల్‌ ట్యాంకర్‌ యజమాని వెంకటేశ్‌, డ్రైవర్‌ దేవదాసుపై కేసు నమోదు చేసినట్లు రాజేంద్రనగర్‌ ఎస్‌ఐ భానుమతి(Rajendranagar SI Bhanumathi) తెలిపారు.

బాపూఘాట్‌ - హైదర్‌గూడ(Bapughat - Hyderguda) సంగమం వద్ద మూసీలోకి రసాయన వ్యర్థాలను వదిలిన ముగ్గురిపై రాజేంద్రనగర్‌ పోలీసులు(Rajendranagar Police) కేసు నమోదు చేశారు. ఆ స్థలం లీజుకు తీసుకుని నడుపుతున్న చంద్రశేఖర్‌, కెమికల్‌ ట్యాంకర్‌ యజమాని వెంకటేశ్‌, డ్రైవర్‌ దేవదాసుపై కేసు నమోదు చేసినట్లు రాజేంద్రనగర్‌ ఎస్‌ఐ భానుమతి(Rajendranagar SI Bhanumathi) తెలిపారు.

మూసీలోకి రసాయన వ్యర్థాలను వదులుతుండటాన్ని గమనించిన లంగర్‌హౌజ్‌(Langerhouse)కు చెందిన అయ్యప్ప స్వామి భక్తులు ఇంద్రసేనారెడ్డి తదితరులు మంగళవారం రాజేంద్రనగర్‌ పోలీసులకు ఫిర్యాదు చేసిన విషయం తెలిసిందే. రాజేంద్రనగర్‌ పోలీసులు కేసు నమోదు చేసి దర్యాప్తు చేస్తున్నారు. రసాయన వ్యర్థాల ట్యాంకర్‌ను పీసీబీ అధికారులు స్వాధీనం చేసుకుని పరీక్షల నిమిత్తం ల్యాబ్‌కు పంపించారు.

సెకీ ఒప్పందంపై జగన్ రియాక్షన్
రాష్ట్రవ్యాప్తంగా చర్చనీయాంశమైన సెకీ లేఖపై వైసీపీ అధినేత, మాజీ సీఎం వైఎస్ జగన్ మోహన్ రెడ్డి స్పందించారు. ఈ వ్యవహారంపై విలేకర్ల సమావేశం నిర్వహించిన వైఎస్ జగన్.. ఏపీ చరిత్రలోనే అతి తక్కువ ధరకు విద్యుత్ అందించేందుకు సెకీ ఆఫర్ ఇచ్చినట్లు చెప్పారు. అంత మంచి ఆఫర్‌ను ఎలా తిరస్కరిస్తారని చెప్పిన వైఎస్ జగన్.. ఈ వ్యవహారంలో తనపై తప్పుడు ప్రచారం చేస్తున్నారని మండిపడ్డారు. తనపై తప్పుడు ప్రచారం, ఆరోపణలు చేసేవారిపై పరువు నష్టం దావా వేస్తానంటూ వైఎస్ జగన్ మోహన్ రెడ్డి హెచ్చరించారు.

నారా చంద్రబాబు నాయుడు పాలనలో ఆంధ్రప్రదేశ్ రాష్ట్రం తిరోగమనం వైపు వెళ్తోందని వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి విమర్శించారు. టీడీపీ కూటమి సర్కారు పాలనలో ప్రతి వ్యవస్థ దెబ్బతింటోందని ఆరోపించిన వైఎస్ జగన్.. ఎన్నికల సమయంలో వాలంటీర్లకు పదివేలు ఇస్తామని చెప్పి అధికారంలోకి రాగానే మాట మార్చారని మండిపడ్డారు. చంద్రబాబు మాట్లాడితే సంపద సృష్టి అంటారన్న వైఎస్ జగన్.. రాష్ట్రానికి అదనపు ఆదాయం తీసుకొచ్చేలా ప్రభుత్వం చేసే కార్యక్రమాలను సంపద సృష్టి అంటారని చెప్పారు. వైసీపీ హయాంలో సంపద సృష్టి జరిగిందన్న జగన్.. ఏపీ చరిత్రలోనే ఎప్పుడూ లేని విధంగా రాష్ట్రంలో మూడు కొత్త పోర్టులు నిర్మాణం చేపట్టినట్లు చెప్పారు. కొత్త మెడికల్ కాలేజీల ఏర్పాటుకు అడుగులు పడ్డాయని అన్నారు. ప్రజలకు మంచి చేయాలనే ప్రతి అడుగూ వేశామన్న వైఎస్ జగన్.. ప్రభుత్వ సంక్షేమ పథకాలను వివక్ష లేకుండా అమలు చేశామన్నారు

రైతులకు ఉచిత కరెంట్ అందించడమేది ఒక కల అని చెప్పిన వైఎస్ జగన్.. చంద్రబాబు పాలనలో డిస్కం‌లు దెబ్బతిన్నాయన్నారు. చంద్రబాబు రాకముందు డిస్కంలకు రూ.29 వేలకోట్లు బకాయిలు ఉంటే.. చంద్రబాబు దిగిపోయేనాటికి ఈ బకాయిలు, అప్పులు రూ.86 వేలకోట్లకు చేరినట్లు ఆరోపించారు. డిస్కంల మీద, ప్రభుత్వం మీద భారం పడకుండా, రైతులకు ఊరట కలిగించాలనే ఉద్దేశంతో తమ ప్రభుత్వం సోలార్ పార్కుల ఏర్పాటు కోసం టెండర్లు పిలిచిందని వైఎస్ జగన్ చెప్పారు. 2020 నవంబర్‌లో ఏపీ గ్రీన్ ఎనర్జీ కార్పొరేషన్ ఆధ్వర్యంలో టెండర్లు పిలిచామని.. ఆ టెండర్లలో రూ. 2.49 పైసలు నుంచి రూ.2.58 పైసలకు చొప్పున సరఫరా చేసేందుకు సుమారు 24 బిడ్ల వరకూ దాఖలయ్యాయని వివరించారు. అయితే చంద్రబాబు దానికి అడ్డుపడ్డారని వైఎస్ జగన్ ఆరోపించారు.

ఈ క్రమంలోనే 2021 సెప్టెంబర్‌ 15న తీపి కబురు మాదిరిగా కేంద్ర ప్రభుత్వం సెకీ నుంచి లేఖ వచ్చిందన్న వైఎస్ జగన్.. యూనిట్‌ రూ.2.49 పైసలు చొప్పున 9 వేల మెగావాట్ల పవర్ అందిస్తామని సెకీ లేఖ రాసిందన్నారు. 2024 సెప్టెంబర్ నాటికి 3 వేల మెగావాట్ల విద్యుత్ అందుబాటులోకి తెస్తామని చెప్పారన్న వైఎస్ జగన్.. ఆంధ్రప్రదేశ్ చరిత్రలోనే తక్కువ ధరకు వచ్చిన ఆఫర్ ఇది అంటూ చెప్పుకొచ్చారు. అలాగే ఇంటర్ స్టేట్ ట్రాన్సిమిషన్ ఛార్జీలు కూడా లేకుండా స్పెషల్ ఇంటెన్సివ్ ఆఫర్ చేసినట్లు చెప్పారు. ఈ ఒప్పందం ప్రకారం ఆంధ్రప్రదేశ్ ప్రభుత్వానికి ఏడాదికి రూ.4,400 కోట్లు ఆదా అవుతాయన్న వైఎస్ జగన్.. పాతికేళ్లలో లక్ష కోట్ల వరకూ ఆదా అయ్యేవని చెప్పారు.

ఈ లేఖలో మూడో పార్టీ ఎక్కడ ఉందని ప్రశ్నించిన వైఎస్ జగన్.. చంద్రబాబు చేసుకున్న పీపీఏల వలన 2 వేలకోట్లు అదనపు భారం పడితే.. తమ ప్రభుత్వ నిర్ణయం వలన ఆదా అయ్యిందని చెప్పారు. యూనిట్ విద్యుత్‌కు రూ.5.90 పైసలకు ఒప్పందం చేసుకున్న చంద్రబాబు మంచోడా.. యూనిట్ రూ.2.49 చొప్పున ఒప్పందం చేసుకున్న నేను మంచివాడినా అని ప్రశ్నించారు. ఈ ఒప్పందం గురించి కూడా మంత్రివర్గంలో సుదీర్ఘంగా చర్చించి నిర్ణయం తీసుకున్నామన్న వైఎస్ జగన్.. ఏపీ చరిత్రలోనే అతి తక్కువ ధరకు విద్యుత్ ఒప్పందం జరిగితే తప్పుడు ప్రచారం చేస్తున్నారని విమర్శించారు. తనపై తప్పుడు ప్రచారం చేస్తున్నారన్న వైఎస్ జగన్.. పరువు నష్టం దావా వేస్తానంటూ హెచ్చరించారు.

బీసీ యువజన సంక్షేమ సంఘం ఆధ్వర్యంలో ఘనంగా మహాత్మ జ్యోతిబాపూలే 134 వ వర్ధంతి
మహాత్మ జ్యోతిబాపూలే 134 వ వర్ధంతిని పురస్కరించుకుని బీసీ యువజన సంక్షేమ సంఘం ఆధ్వర్యంలో నల్గొండ జిల్లా కేంద్రంలోని క్లాక్ టవర్ సెంటర్లో గల మహాత్మా జ్యోతిబా పూలే విగ్రహానికి పూలమాలలు వేసి ఘనంగా నివాళులర్పించడం జరిగింది. 

 ఈ సందర్భంగా బీసీ యువజన సంక్షేమ సంఘం రాష్ట్ర ప్రధాన కార్యదర్శి కట్టెకోలు దీపెందర్ మాట్లాడుతూ మహాత్మ జ్యోతిభా పూలే అణగారిన వర్గాల అసమానతలను రూపుమాపేందుకు అది కేవలం విద్య ద్వారానే సాద్యం అని భావించి అక్షరాలను ఆయుధంగా చేసుకుని వారికి విద్యనేర్పిన గొప్ప మహనీయుడని కొనియాడారు. విద్య ద్వారానే సమాజాన్ని మార్చాలని నిర్ణయుంచుకుని అణిచివేయబడుతున్న అణగారిన వర్గాల జీవితాల్లో అఖండ అక్షరజ్యోతులు వెలిగించిన చైతన్య మహానీయుడు అని అన్నారు. ఆయన ఆశయాలను సాధించే దిశగా అన్నివర్గాల ప్రజలం అడుగులు వేసి సాధించుకొనే విధంగా ప్రయత్నం చేయాలన్నారు. అంతేకాకుండా మహిళలకు విద్య ద్వారానే విముక్తి కలుగుతుందని భావించి తన భార్యకు చదువు చెప్పించి తన ద్వారా మహిళా పాఠశాలలు ఏర్పాటు చేయించి ఎంతో మంది మహిళలకు విద్యనేర్పిన గొప్ప సంఘసంస్కర్త మహాత్మా జ్యోతిభా పూలే అని కొనియాడారు. కేంద్ర రాష్ట్ర ప్రభుత్వాలు ఫూలే జయంతి రోజున అధికారికంగా సెలవుదినంగా ప్రకటించాలని డిమాండ్ చేశారు.

తెలంగాణ రాష్ట్ర ప్రభుత్వం ప్రతిష్టాత్మకంగా నిర్వహిస్తున్న సమగ్ర కులగణనకు ప్రతి ఒక్కరు తమ పూర్తి వివరాలు నమోదు చేసుకోవాలని కోరారు. రాష్ట్ర ప్రభుత్వం సమగ్ర కులగణన వివరాలను గ్రామాల వారీగా ఆన్లైన్లో నమోదు చేసి ప్రజలందరికీ అందుబాటులో ఉంచాలని రాష్ట్ర ప్రభుత్వానికి విజ్ఞప్తి చేశారు. అదేవిధంగా సమగ్ర కులగణన అనంతరం బీసీ రిజర్వేషన్లను జనాభా దామాషా ప్రకారం విద్యా ఉద్యోగ రాజకీయ రంగాలలో పెంచాలని డిమాండ్ చేశారు.

ఈ కార్యక్రమంలో జిల్లా వర్కింగ్ ప్రెసిడెంట్ యలిజాల వెంకటేశ్వర్లు, నియోజకవర్గ ఉపాధ్యక్షుడు వనం వెంకటేశ్వర్లు, పట్టణ అధ్యక్షుడు విశ్వనాధుల శివకుమార్, జిల్లా నాయకులు నారబోయిన శ్రీనివాస్, బోళ్ల నాగరాజు తదితరులు పాల్గొన్నారు.

అజ్మీర్‌ దర్గా కింద శివాలయం
రాజస్థాన్‌లోని అజ్మీరులో ఉన్న సూఫీ సెయింట్‌ మొయినుద్దీన్‌ ఛిస్తీ దర్గా కింద శివాలయం ఉందని అజ్మీరు కోర్టులో ఓ పిటిషన్‌ దాఖలైంది.

 ఈ శివాలయంలో పూజలు చేసేందుకు హిందువులకు అనుమతి ఇవ్వాలని పిటిషనర్‌ కోరారు. పిటిషనర్‌ తరపు న్యాయవాది మాట్లాడుతూ, తమ పిటిషన్‌పై కోర్టు స్పందించిందని చెప్పారు.

రాజస్థాన్‌లోని అజ్మీరులో ఉన్న సూఫీ సెయింట్‌ మొయినుద్దీన్‌ ఛిస్తీ దర్గా కింద శివాలయం ఉందని అజ్మీరు కోర్టులో ఓ పిటిషన్‌ దాఖలైంది. ఈ శివాలయంలో పూజలు చేసేందుకు హిందువులకు అనుమతి ఇవ్వాలని పిటిషనర్‌ కోరారు. 

పిటిషనర్‌ తరపు న్యాయవాది మాట్లాడుతూ, తమ పిటిషన్‌పై కోర్టు స్పందించిందని చెప్పారు. ఆర్కియలాజికల్‌ సర్వే ఆఫ్‌ ఇండియా (ఏఎస్‌ఐ), అజ్మీరు దర్గా కమిటీ, మైనారిటీ వ్యవహారాల మంత్రిత్వ శాఖలకు నోటీసులు ఇచ్చినట్లు తెలిపారు.

అమరావతిలోనే రిపబ్లిక్‌ వేడుకలు
రిపబ్లిక్‌ డే(జనవరి 26) వేడుకలను ఈసారి రాజధాని అమరావతిలో నిర్వహించడానికి ప్రభుత్వం నిర్ణయించింది.

రిపబ్లిక్‌ డే(జనవరి 26) వేడుకలను ఈసారి రాజధాని అమరావతిలో నిర్వహించడానికి ప్రభుత్వం నిర్ణయించింది. 

ఈ మేరకు రాయపూడి సీడ్‌ యాక్సెస్‌ రోడ్డు పక్కన ఎమ్మెల్సీ, ఎమ్మెల్యే టవర్ల సమీపంలో ఎన్‌ఆర్టీ టవర్స్‌కు వెళ్లే మార్గంలో ఉన్న స్థలాన్ని సీఆర్డీఏ కమిషనర్‌ కాటంనేని భాస్కర్‌, గుంటూరు జిల్లా కలెక్టర్‌ ఎస్‌.నాగలక్ష్మి, ముఖ్యమంత్రి కార్యాలయ(జీఏడీ) అధికారి సురేశ్‌కుమార్‌ ఏఎస్పీ ఏటీవీ రవి, తుళ్లూరు డీఎస్పీ మురళీకృష్ణ బుధవారం పరిశీలించారు.

బంగ్లాదేశ్‌లో చిన్మయ్ దాస్ అరెస్ట్ పై ఆగ్రహం వ్యక్తం చేసిన పవన్ కళ్యాణ్ ఏం చెప్పాడో తెలుసా
బంగ్లాదేశ్‌లోని ఇస్కాన్ ఆలయానికి సంబంధించిన చిన్మోయ్ కృష్ణ దాస్ అరెస్ట్ తర్వాత పరిస్థితి మరింత దిగజారుతోంది. చిన్మోయ్ దాస్ జైలుకు వెళ్లారనే వార్త వచ్చినప్పటి నుంచి ఆయన మద్దతుదారులు వీధుల్లోకి వచ్చి హింసాత్మక నిరసనలు చేపట్టారు. హిందువులు మైనారిటీలపై జరుగుతున్న దాడులపై ఆంధ్రప్రదేశ్ డిప్యూటీ సీఎం ఆందోళన వ్యక్తం చేస్తూ పొరుగుదేశంలో భారత్‌లో కూడా స్పందనలు వ్యక్తమవుతున్నాయి. హిందువులపై జరుగుతున్న అకృత్యాలను ఆపాలని బంగ్లాదేశ్ ప్రభుత్వాన్ని ఆయన కోరారు.

హిందూ మత గురువు, ఇస్కాన్ ప్రధాన పూజారి చిన్మోయ్ కృష్ణ దాస్‌ను బంగ్లాదేశ్ పోలీసులు అరెస్టు చేయడాన్ని ఉప ముఖ్యమంత్రి పవన్ కళ్యాణ్ ఖండించారు. చిన్మయ్ ప్రభు అరెస్టును కలిసి ఖండిద్దాం అని అన్నారు. మహ్మద్ యూనస్ బంగ్లాదేశ్ ప్రభుత్వం హిందువులపై అఘాయిత్యాలను ఆపాలని మేము కోరుతున్నాము.

కళ్యాణ్ చారిత్రక సందర్భాన్ని హైలైట్ చేస్తూ బంగ్లాదేశ్ ఆవిర్భావ సమయంలో భారత సైన్యం చేసిన త్యాగాలను గుర్తు చేసుకున్నారు. సైనిక సిబ్బంది జీవితాలను, దేశ నిర్మాణానికి వెచ్చించిన వనరులను ప్రస్తావించిన ఆయన బంగ్లాదేశ్‌లో హిందువులపై జరుగుతున్న అకృత్యాలను తక్షణమే ఆపాలని కోరారు. ఈ విషయం బంగ్లాదేశ్ తాత్కాలిక ప్రభుత్వ నాయకుడు మహ్మద్ యూనస్ దృష్టిని కూడా ఆకర్షించింది, అతను హిందూ సమాజంపై హింసను నిలిపివేయాలని విజ్ఞప్తి చేశాడు. సంఘీభావం కోసం కళ్యాణ్ పిలుపు ఈ ప్రాంతంలోని మైనారిటీ వర్గాల పట్ల పెరుగుతున్న ఆందోళనలను ప్రతిబింబిస్తుంది.

భారత ప్రభుత్వం కూడా ఆందోళన వ్యక్తం చేసింది
ఈ విషయంపై భారత ప్రభుత్వం మంగళవారం (అక్టోబర్ 26) స్పందించింది. విదేశీ వ్యవహారాల మంత్రిత్వ శాఖ ఒక ప్రకటనలో, 'బంగ్లాదేశ్ సమిత్ సనాతన్ జాగరణ్ జోట్' ప్రతినిధి చిన్మయ్ కృష్ణ దాస్‌ను అరెస్టు చేయడం మరియు బెయిల్ నిరాకరించడం పట్ల మేము తీవ్ర ఆందోళన వ్యక్తం చేస్తున్నాము. బంగ్లాదేశ్‌లో హిందువులు మరియు ఇతర మైనారిటీలపై తీవ్రవాద శక్తులు జరిపిన దాడుల శ్రేణిని అనుసరించి ఈ సంఘటన జరిగింది. మైనారిటీ గృహాలు మరియు వ్యాపార సంస్థలను కాల్చడం మరియు దోపిడీ చేయడంతో పాటు దొంగతనం, విధ్వంసం, దేవతలను మరియు దేవాలయాలను అపవిత్రం చేయడం వంటి అనేక కేసులు నమోదయ్యాయి.
శాంతియుతంగా సమావేశాల ద్వారా న్యాయబద్ధమైన డిమాండ్లను అందించిన మత నాయకుడిపై ఆరోపణలు వస్తున్నప్పటికీ ఈ ఘటనలకు పాల్పడినవారు ఇప్పటికీ స్వేచ్ఛగా తిరుగుతుండడం దురదృష్టకరమని విదేశీ వ్యవహారాల మంత్రిత్వ శాఖ పేర్కొంది. దాస్ అరెస్టుకు వ్యతిరేకంగా శాంతియుతంగా ఆందోళన చేస్తున్న మైనారిటీలపై దాడులు జరగడం పట్ల కూడా ఆందోళన వ్యక్తం చేస్తున్నాం. "హిందువులు మరియు మైనారిటీలందరికీ శాంతియుతంగా సమావేశమయ్యే మరియు భావవ్యక్తీకరణ హక్కుతో సహా భద్రత కల్పించాలని మేము బంగ్లాదేశ్ అధికారులకు విజ్ఞప్తి చేస్తున్నాము" అని మంత్రిత్వ శాఖ తెలిపింది.

చంద్రబాబు, జగన్లపై సుప్రీంకోర్టు ఆసక్తికర వ్యాఖ్యలు
దేశంలో బ్యాలెట్ ఓటింగ్కు ఆదేశాలివ్వాలంటూ దాఖలైన పిటిషన్ల విచారణ సందర్భంగా సుప్రీంకోర్టు ఆసక్తికర వ్యాఖ్యలు చేసింది. 

మీరు గెలిస్తే ఈవీఎం లు బాగా పనిచేసినట్టు. ఓడిపోతే ట్యాంపర్ చేసినట్టా? గతంలో చంద్రబాబు ఓడిపోయినప్పుడు ఈవిఎం లను ట్యాంపర్ చేయవచ్చన్నారు. 

ఇప్పుడు జగన్ ఓడిపోవడంతో వాటిని ట్యాంపర్ చేయవచ్చని ఆయనా అంటున్నారు. దీన్ని ఎలా చూడాలి' అని వ్యాఖ్యానిస్తూ పిటిషన్స్ కొట్టేసింది...

మేడిగడ్డ కుంగడానికి ముందే బుంగలు
కాళేశ్వరం ప్రాజెక్టులో భాగంగా నిర్మించిన మేడిగడ్డ బ్యారేజీలో కుంగిన ఏడో బ్లాకు చాలా ప్రమాదకరమని కాళేశ్వరం విచారణ కమిషన్‌ వ్యాఖ్యానించింది. బ్యారేజీలపై విచారణ సందర్భంగా సోమవారం చీఫ్‌ ఇంజనీర్‌ (సీఈ)లతో పాటు 18 మంది ఇంజనీర్లను కమిషన్‌ ప్రశ్నించింది.

కాళేశ్వరం ప్రాజెక్టులో భాగంగా నిర్మించిన మేడిగడ్డ బ్యారేజీలో కుంగిన ఏడో బ్లాకు చాలా ప్రమాదకరమని కాళేశ్వరం విచారణ కమిషన్‌ వ్యాఖ్యానించింది. బ్యారేజీలపై విచారణ సందర్భంగా సోమవారం చీఫ్‌ ఇంజనీర్‌ (సీఈ)లతో పాటు 18 మంది ఇంజనీర్లను కమిషన్‌ ప్రశ్నించింది. బ్యారేజీ కుంగడానికి గల కారణాలేంటని డీఈఈ ఎల్‌.భీమరాజును అడగ్గా.. కారణాలు తెలియవని, విశ్లేషణ జరుగుతోందని గుర్తుచేశారు. మేడిగడ్డలోని ఏడో బ్లాకు కుంగడానికి ముందే బుంగలు ఏర్పడినట్లు గుర్తించామని, వెంటనే ఎగ్జిక్యూటివ్‌ ఇంజనీర్‌(ఈఈ)కి లేఖ రాశామని భీమరాజు తెలిపారు. నాలుగు సార్లు లేఖలు రాసినట్లు నివేదించారు. ఏడో బ్లాకు కుంగడానికి ముందు బుంగలు ఏర్పడడంతో వెంటనే ఈఈకి లేఖ రాశానని, తర్వాత తొలి వరదలకు సీసీ బ్లాకులు చెల్లాచెదురయ్యాక కూడా లేఖ రాశానని, మొత్తం నాలుగు లేఖలు రాసి, అధికారులను అప్రమత్తం చేసినట్లు చెప్పారు. నిర్మాణ సంస్థకు లేఖ రాశారా? అని కమిషన్‌ ప్రశ్నించగా.. రాయలేదని బదులిచ్చారు. ఈ సందర్భంగా ఏడో బ్లాకు చాలా ప్రమాదకరమని కమిషన్‌ వ్యాఖ్యానించింది. విచారణకు హాజరైన 18 మందిఅధికారులను అఫిడవిట్‌లో పేర్కొన్న వివరాలన్నీ వాస్తవాలేనా? అని ప్రశ్నించింది.

ఒక్క సెంట్రల్‌ డిజైన్‌ ఆర్గనైజేషన్‌(సీడీవో) సీఈ ఓరుగంటి మోహన్‌కుమార్‌ మాత్రం తాను దాఖలు చేసిన అఫిడవిట్‌లో చిన్న పొరపాటు జరిగిందన్నారు. గోదావరి నదిలో ఇంద్రావతి కలిసే చోట నీటి లభ్యత అని రాశానని, అక్కడ గోదావరిలో ప్రాణహిత కలిసే చోటగా మార్పులు చేయాలని నివేదించారు. ఏఈఈ రూపాని విజయ్‌ని అఫిడవిట్‌లో పేర్కొన్న అంశాలన్నీ వాస్తవాలేనా అని అడగ్గా.. అదనంగా మరిన్ని వివరాలు చెప్పబోయారు. స్పందించిన కమిషన్‌.. ‘అడిగిన దానికే జవాబు చెప్పాలి. అడగని వాటికి కాదు’ అని మండిపడింది. రూ.2591 కోట్ల వ్యయంతో మేడిగడ్డ నిర్మాణానికి పరిపాలన అనుమతి ఇచ్చిందెవరు? అని ప్రశ్నించగా.. నీటిపారుదల శాఖ కార్యదర్శి అని బదులిచ్చారు. మరో ఏఈఈ ఎం.ప్రసాద్‌ను ప్రశ్నిస్తూ.. ప్లేస్‌మెంట్‌ రిజిస్టర్‌లో సంతకాలు మీరే చేశారా? ఆ సమయంలో నిర్మాణ సంస్థల ప్రతినిధులు కూడా ఉన్నారా? అని ప్రశ్నించగా.. తానే చేశానని, తన వెంట తోటి సిబ్బంది తప్ప ఎవరూ లేరని చెప్పారు. ఏ రోజు నిర్మాణ వివరాలను ఆ రోజే రిజిస్టర్‌లో నమోదు చేశారా? లేదా? అని ఏఈఈ రవికాంత్‌ను ప్రశ్నించగా.. ఏ రోజు వివరాలు ఆ రోజే నమోదు చేశారని బదులిచ్చారు.

బ్యారేజీతో ముడిపడిన డిజైన్లు ఏమైనా సిద్ధం చేశారా? అని సీడీవో ఈఈ ఎం.రామసుబ్బారెడ్డిని ప్రశ్నించగా.. డిజైన్లు తాను ఇవ్వలేదని, బ్యారేజీతో ముడిపడిన పనుల్లో తన పాత్ర లేదని, బ్యారేజీ కుంగిన తర్వాత 3డీ మోడల్‌ స్టడీ్‌సలో తాను పాల్గొన్నానని చెప్పారు. డిజైన్ల తయారీలో మీ పాత్ర ఉందా? అని మాజీ సీఈ టి.శ్రీనివా్‌సను ప్రశ్నించగా.. తన పాత్ర లేదన్నారు. బ్యారేజీ అనుబంధ పనుల డిజైన్లలోనే తన పాత్ర ఉందని తెలిపారు.

ప్లేస్‌మెంట్‌ రిజిస్టర్లపై విచారణకు హాజరైన, ఆయా రిజిస్టర్లలో వివరాలు నమోదు చేసిన ఏఈఈ, డీఈఈల సంతకాలు తీసుకున్న కమిషన్‌.. ఆ రిజిస్టర్లను స్వాధీనం చేసుకుంది. ఎవరు నిర్మాణబాధ్యతలు చూ శారో నిర్ధారించుకోవడానికే సంతకాలు తీసుకున్నట్లు సమాచారం. మంగళవారం 15 మంది ఇంజనీర్లను కమిషన్‌ విచారించనుంది. సుందిళ్ల బ్యారేజీల నిర్మాణాలకు సంబంధించిన అఽధికారులను ప్రశ్నించనుంది.