నూతన వధూవరులను ఆశీర్వదించిన కోమటిరెడ్డి రాజగోపాల్ రెడ్డి-లక్ష్మి దంపతులు
నల్లగొండ జిల్లా:
మర్రిగూడెం: మండలం బట్లపల్లి వెంకటేశ్వర కల్యాణ మండపంలో నాంపల్లి మండల మాజీ ఎంపీపీ పూల వెంకటయ్య ముదిరాజ్- పద్మ దంపతుల ఏకైక కుమార్తె సౌమ్య- భరత్ కుమార్ ల వివాహ కార్యక్రమానికి మునుగోడు ఎమ్మెల్యే కోమటిరెడ్డి రాజగోపాల్ రెడ్డి- లక్ష్మి దంపతులు హాజరయ్యారు. ఈ సందర్భంగా ఎమ్మెల్యే దంపతులు నూతన వధూవరులను ఆశీర్వదించారు.

  


కాంగ్రెస్ పార్టీ మర్రిగూడ మండల అధ్యక్షులు రామదాసు శ్రీనివాస్, నాంపల్లి బ్లాక్ కాంగ్రెస్ అధ్యక్షులు వెన్నమనేని రవీందర్ రావు, మాజీ మార్కెట్ చైర్మన్ పాల్వాయి అనిల్ రెడ్డి, మాజీ జడ్పీటీసీ పాశం సురేందర్ రెడ్డి, కాంగ్రెస్ పార్టీ రాష్ట్ర నాయకులు జక్కలి ఐలయ్య యాదవ్, నారాయణ పూర్ కాంగ్రెస్ పార్టీ మండల అధ్యక్షులు కరెంటోత్ శ్రీనివాస్, కాంగ్రెస్ పార్టీ నాయకులు ఉప్పల లింగస్వామి, పగడాల లింగయ్య, నెట్టు శ్రీకాంత్, మాజీ సర్పంచ్ మాస శేఖర్, ఐతపాక జంగయ్య, పిఎసిఎస్ డైరెక్టర్ బాయికాడి కొండల్,మాజీ ఎంపీటీసీ వెంకంపేట బాలయ్య, ఎర్పుల శ్రీశైలం, మండల నాయకులు, ఆకారపు శ్రీను, సిలువేరు యాదయ్య, మాతంగి నవీన్, మేతరీ శంకర్, తదితరులు ఉన్నారు.

NLG: వ్యాసరచన పోటీల్లో ద్వితీయ స్థానం పొందిన బొట్టుగూడ హైస్కూల్ విద్యార్థిని


  

 
 
  నల్లగొండ: గ్రంథాలయ వారోత్సవాల్లో భాగంగా జిల్లా గ్రంథాలయ శాఖ ఆధ్వర్యంలో నిర్వహించిన వ్యాసరచన పోటీలలో పట్టణంలోని ప్రభుత్వ బొట్టుగూడ హైస్కూల్ కు చెందిన 9వ తరగతి విద్యార్థిని కీర్తన ద్వితీయ స్థానం సాధించి జిల్లా అదనపు కలెక్టర్ శ్రీనివాస్ చేతుల మీదుగా బహుమతి మరియు ప్రశంసాపత్రం పొందింది. 
  

  
ఈ సందర్భంగా పాఠశాలలో హెడ్మాస్టర్ తీగల శంకరయ్య అధ్యక్షత జరిగిన కార్యక్రమంలో కీర్తన ను ప్రత్యేకంగా అభినందించారు.
  

  
ఈ మేరకు ప్రధానోపాధ్యాయులు మాట్లాడుతూ.. హైస్కూల్ దశ నుండే ప్రతి విద్యార్థి చదువుతో పాటు వివిధ రంగాలలో రాణించడానికి ఉపాధ్యాయుల సహాయ సహకారాలు తీసుకొని, పాఠశాలకు, తల్లిదండ్రులకు మంచి పేరు తీసుకురావడానికి కృషి చేయాలని సూచించారు.
  

 

NLG: గ్రంథాలయ నూతన భవనం ఏర్పాటుకు కృషి: అదనపు కలెక్టర్


  

 
 
  నల్లగొండ: ప్రస్తుత అవసరాలకి అనుగుణంగా జిల్లా కేంద్ర గ్రంధాలయానికి నూతన భవనం ఏర్పాటుకు కృషి చేస్తానని అదనపు కలెక్టర్ జె. శ్రీనివాస్ అన్నారు. 
  

  
బుధవారం గ్రంథాలయ వారోత్సవాల ముగింపు సందర్భంగా నిర్వహించిన కార్యక్రమంలో మాట్లాడారు. గ్రంథాలయ అభివృద్ధికి ప్రతీక్ ఫౌండేషన్ చేస్తున్న కృషి అభినందనీయం అన్నారు. 
  

  
ఉమ్మడి ఆంధ్రప్రదేశ్ రాష్ట్ర గ్రంథాలయ పరిషత్ మాజీ చైర్మన్ జెల్ల మార్కండేయలు, గాదె వినోద్ రెడ్డి, గ్రంథాలయ సంస్థ కార్యదర్శి బి. బాలమ్మ పాల్గొన్నారు.
 

NLG: ఈనెల 22న సదర్ సమ్మేళనం.. మునుగోడు ఎమ్మెల్యేకు ఆహ్వానం..


  

 
 
  మునుగోడు ఎమ్మెల్యే కోమటిరెడ్డి రాజ్ గోపాల్ రెడ్డిని.. సదర్ సమ్మేళనానికి ముఖ్యఅతిథిగా హాజరవ్వాలని, బుధవారం మునుగోడు మండల గొల్ల కురుమ సంఘం నేతలు హైదరాబాద్లో ఎమ్మెల్యే నివాసంలో కలిసి ఆహ్వానించారు.
  

  
ఈ మేరకు సంఘ నేతలు మాట్లాడుతూ.. మునుగోడు ప్రభుత్వ ఉన్నత పాఠశాల ఆవరణలో, ఈనెల 22 న సాయంత్రం 5 గంటలకు  సదర్ సమ్మేళనం నిర్వహించనున్నట్లు తెలిపారు.
 

NLG: మాలల ఆత్మీయ సమ్మేళనం సభకు పెద్ద ఎత్తున తరలి రావాలి: నాగిల్ల మారయ్య 


  

 
 
  నల్లగొండ జిల్లా:
  
మర్రిగూడ: మండల కేంద్రంలో ఎస్సీ వర్గీకరణ వ్యతిరేక పోరాట సమితి ఆధ్వర్యంలో, ఈనెల 23 న నల్లగొండ పట్టణంలోని జూలకంటి ఇంద్రారెడ్డి ఫంక్షన్ హాల్లో నిర్వహించే  మాలల ఆత్మీయ సమ్మేళనం సభకు, మండలం నుండి ప్రతి ఇంటి నుండి  పెద్ద ఎత్తున మాల బంధువులు తరలిరావాలని.. మునుగోడు నియోజకవర్గ కో కన్వీనర్ దళిత రత్న నాగిల్ల మారయ్య బుధవారం వాల్ పోస్టర్, కరపత్రం ఆవిష్కరించారు.
  

  
ఈ మేరకు మారయ్య మాట్లాడుతూ.. మాలల ఆత్మీయ సమ్మేళనం సభను విజయవంతం చేయాలని కోరారు. మాలల ఐక్యత వర్ధిల్లాలి అని అన్నారు. కార్యక్రమంలో ఈద రాములు, అంజయ్య, ఈద నాగరాజు, అభి సందేశ్, శివ కోరే అజయ్ శివ అలెక్స్, మహేశ్వరం లక్ష్మమ్మ, యాదమ్మ, తదితరులు పాల్గొన్నారు.
 

నిరుపేదలకు ఆసరాగా సీఎం సహాయ నిధి పథకం: గుత్తా సుఖేందర్ రెడ్డి


  

 
 
  నల్లగొండ: వివిధ అనారోగ్య సమస్యలతో పలు ప్రైవేట్ హాస్పిటల్స్ లో చికిత్స పొందిన 67 మంది నిరుపేద ప్రజలకు ముఖ్యమంత్రి సహాయ నిధి పథకం ద్వారా మంజూరు అయిన  రూ.25,40,000 /- విలువ గల చెక్ లను, రాష్ట్ర శాసనమండలి చైర్మన్ గుత్తా సుఖేందర్ రెడ్డి, మంగళవారం నల్గొండ పట్టణంలోని క్యాంపు కార్యాలయంలో లబ్ధిదారులకు అందజేశారు.
  

  
ఈ మేరకు ఆయన మాట్లాడుతూ.. సీఎం సహాయ నిధి పథకం నిరుపేదలకు ఎంతో ఆసరాగా నిలుస్తుంది. ఈ పథకం ద్వారా లక్షలాది మంది పేదలకు సహాయం అందుతుంది. ఈ పథకాన్ని సక్రమంగా సద్వినియోగం చేసుకోవాలని తెలిపారు.
  

 

TG అర్హులైన రైతులందరికీ రుణ మాఫీ చేసే బాధ్యత ప్రజా ప్రభుత్వానిది: సీఎం రేవంత్ రెడ్డి
వరంగల్: 
అర్హులైన రైతులందరికీ రుణ మాఫీ చేసే బాధ్యత ప్రజా ప్రభుత్వానిది. ఇచ్చిన మాట ప్రకారం ఇప్పటికే 22 లక్షల రైతు కుటుంబాలకు 18 వేల కోట్ల రూపాయల మేరకు రుణమాఫీ చేశాం. మాట ఇస్తే మడమ తిప్పకుండా అందరికి రుణమాఫీ చేసే బాధ్యత మాది. మీ ఖాతాల్లో పొరపాట్లను సవరించుకోండి. రుణమాఫీ పై తప్పుడు మాటలు నమ్మకండి. మీకు అండగా నిలబడుతానని సిఎం రేవంత్ రెడ్డి స్పష్టం చేశారు.

  


ఏడాది పాలన సందర్భంగా “ప్రజా పాలన - ప్రజా విజయోత్సవాలు” కార్యక్రమంలో భాగంగా ఇందిరా గాంధీ జయంతి ని పురస్కరించుకుని.. వరంగల్ నగరంలో ఏర్పాటు చేసిన "ఇందిర మహిళా శక్తి" సభలో ముఖ్యమంత్రి పాల్గొన్నారు. ఈ వేదిక నుంచి ఒకేసారి 22 జిల్లాల్లో ఇందిరా మహిళా శక్తి భవనాలకు శంకుస్థాపన చేశారు.మహిళా స్వయం సహాయక సంఘాలకు రుణ, బీమా చెక్కులను అందజేశారు.

మహిళా సంఘాలు నిర్వహించే సౌర విద్యుత్ కొనుగోలుపై డిస్కంలు - సెర్ప్ కు మధ్య కుదిరిన ఒప్పంద పత్రాలను సీఎం సమక్షంలో మార్చుకున్నారు.

  

ఉప ముఖ్యమంత్రి బట్టి విక్రమార్క, ఇతర మంత్రులు, ప్రజాప్రతినిధులతో కలిసి పాల్గొన్న సీఎం.. ముందుగా స్వయం సహాయక మహిళా సంఘాలు ఏర్పాటు చేసిన స్టాళ్లను సందర్శించారు. అనంతరం అశేషంగా హాజరైన మహిళలను ఉద్దేశించి ప్రసంగించారు. సీఎం రేవంత్ రెడ్డి మాట్లాడుతూ..  రాష్ట్రానికి ప్రతి నెల రూ.18,500 కోట్ల ఆదాయం వస్తుంటే, అందులో దాదాపు 6,500 కోట్లు జీతాలు, పెన్షన్ల కింద చెల్లిస్తున్నామని అన్నారు. గత ప్రభుత్వం చేసిన 7 లక్షల కోట్ల అప్పు లపై అప్పు, వడ్డీ కింద మరో 6,500 కోట్లు పోతున్నాయని, ఇక మిగిలిన 5,500 కోట్ల ఆదాయం ఉంటే, ఎన్నో రకాల ఇబ్బందులను ఎదుర్కొంటూ రూపాయి రూపాయి కూడబెట్టి రైతు రుణమాఫీ చేశామని తెలిపారు.

స్వతంత్రం వచ్చినప్పటి నుంచి ఇప్పటివరకు ఏ రాష్ట్రం పండించనంత ధాన్యం పండింది. 66 లక్షల ఎకరాల్లో 1.53 కోట్ల మెట్రిక్ టన్నుల వరి ధాన్యాన్ని పండించారు. ఈ ధాన్యానికి ఎంఎస్పీ తో పాటు సన్న బియ్యానికి 500 రూపాయలు బోనస్ ఇచ్చి కొంటున్న రాష్ట్రం దేశంలో ఒక్క తెలంగాణ మాత్రమే అని అన్నారు.

ఎంతో చారిత్రక ప్రాముఖ్యత, ప్రాశస్త్యం కలిగిన వరంగల్ జిల్లా గత పదేండ్ల లో ఎలాంటి అభివృద్ధికి నోచుకోలేక నిర్లక్ష్యానికి గురైందని, అందుకే హైదరాబాద్‌ తో సమానంగా అభివృద్ధి చేయాలని సంకల్పించామని అన్నారు 
జాతీయస్థాయి పరిశ్రమలు, ఇక్కడ ఎయిర్‌పోర్టు రావడం, అండర్ గ్రౌండ్ డ్రైనేజీ, కాకతీయ వర్సిటీ అభివృద్ధి పథంలో నడిపించడం ద్వారా సగం తెలంగాణ అభివృద్ధి బాట పట్టినట్టేనని భావించి, ఈ బాధ్యత ప్రజా ప్రభుత్వం తీసుకుందని అన్నారు.

మహారాష్ట్ర, ఆంధ్రప్రదేశ్ రాష్ట్రాల్లో ఐదారు ఎయిర్ పోర్టులు ఉంటే... తెలంగాణలో ఒకే ఒక్క ఎయిర్‌పోర్టు ఉంది. అందుకే వరంగల్‌ తో పాటు కొత్తగూడెం, రామగుండం, ఆదిలాబాద్‌ లలో కూడా విమానాశ్రయాలను స్థాపించి రాష్ట్రంలో పెట్టుబడులను తెచ్చి పరిశ్రమలను పెట్టుకుని తెలంగాణను అభివృద్ధి పథంవైపు నడిపించే బాధ్యత ప్రజా ప్రభుత్వం తీసుకుంటుంది.

తెలంగాణ పౌరుషానికి మారుపేరు కాళోజీ గారిని గుర్తించని ప్రపంచమే లేదు. ప్రజాకవి కాళోజీ ప్రభావం అందరిపైనా బలంగా ఉందని అన్నారు. కళా ప్రాంగణాన్ని గత ప్రభుత్వం పదేండ్లు విస్మరించిందని విమర్శించారు. ప్రజా ప్రభుత్వం అధికారంలోకి వచ్చిన తర్వాత నిధులు కేటాయించి పూర్తి చేశామని తెలిపారు.

ప్రజలను ఉద్దేశించి ఇది మీరిచ్చిన ప్రభుత్వం, ఇందిరమ్మ రాజ్యం పేదల సంక్షేమం కోసం పనిచేస్తుంది. ఏ గడ్డ నుంచి పోరాటం మొదలు పెట్టామో.. ఏడాది కాలం పూర్తి చేసుకున్న సందర్భంగా అదే గడ్డమీద ఉత్సవం జరుపుకుంటున్నామన్నారు.

నాలుగు కోట్ల తెలంగాణ బిడ్డల కోసం ఒక్క రోజు.. ఒక్క నిమిషం.. సెలవు తీసుకోకుండా రోజు 18 గంటలు పనిచేస్తా. ఆఖరు శ్వాస వరకు... చివరి రక్తపు బొట్టు వరకు... తెలంగాణ కోసం అంకితమవుతానని అన్నారు. 
కార్యక్రమంలో మంత్రులు, ఇతర ప్రజాప్రతినిధులు, అధికారులు, తదితరులు పాల్గొన్నారు.

వరంగల్ విజయ డెయిరీ ని సందర్శించిన గుత్తా అమిత్ రెడ్డి


  

 
 
  హనుమకొండ, వరంగల్ విజయ డెయిరీ ని మంగళవారం తెలంగాణ రాష్ట్ర డెయిరీ డెవలప్‌మెంట్ కో-ఆపరేటివ్ ఫెడరేషన్ లిమిటెడ్ చైర్మన్ గుత్తా అమిత్ రెడ్డి సందర్శించారు.
  

  
ఈ సందర్భంగా సంస్థ అధికారులు, పాడి రైతు నాయకులు, డిస్ట్రిబ్యూటర్లతో డైరీ పనితీరు, పాల ఉత్పత్తుల నాణ్యత, మార్కెటింగ్  కార్యకలాపాలపై సమావేశం నిర్వహించారు.
  

  
ఈ కార్యక్రమం లో వరంగల్ విజయ డెయిరీ డిడి శ్రవణ్ కుమార్, మేనేజర్ ప్రదీప్, రైతు నాయకులు దేవేంద్ర రావు, వివిధ బిఎంసి అధ్యక్షులు, పాల ఉత్పత్తిదారులు, సిబ్బంది పాల్గొన్నారు.
  

  

 

గ్రామ సమస్యల పై ఎమ్మెల్యేకు వినతి


  

 
 
  నల్లగొండ జిల్లా:
  
దేవరకొండ: ఆల్ ఇండియా సమత సైనిక్ దళ్ ఆధ్వర్యంలో జిల్లా అధ్యక్షులు మద్దిమడుగు బిక్షపతి, మంగళవారం చందంపేట మండలం, పెద్దమూల గ్రామంలో నెలకొన్న  పలు గ్రామ సమస్యల పై ఎమ్మెల్యే నేనావత్ బాలు నాయక్ ను ఎమ్మెల్యే క్యాంపు కార్యాలయంలో కలిసి వినతి పత్రం అందజేశారు.
  

  
గ్రామస్తులు పేర్ల నాగేష్, సుందరయ్య,బిక్షపతి భిక్షమయ్య, బండి వెంకట రాములు,మేకల వెంకటయ్య, సత్తెరసాల బిక్షపతి, నూనె బుచ్చమయ్య, ముత్యాల కుమార్,చేపూరి వెంకట రాములు తదితరులు పాల్గొన్నారు.
 

NLG: బహిరంగ సభను జయప్రదం చేయాలని కోరుతూ ఇంటింటి ప్రచారం


  

 
 
  నల్లగొండ జిల్లా, చండూరు:
  
సిపిఎం నల్లగొండ జిల్లా 21 వ మహాసభల సందర్భంగా, డిసెంబర్ 2న మిర్యాలగూడ జరిగే బహిరంగ సభకు వేలాదిగా తరలిరావాలని సిపిఎం చండూరు మండల కార్యదర్శి జెర్రిపోతుల ధనంజయ అన్నారు.
  

  
మంగళవారం చండూరు మండల కేంద్రంలో, మిర్యాలగూడలో జరగనున్న జిల్లా మహాసభలను జయప్రదం చేయాలని కోరుతూ సిపిఎం ఆధ్వర్యంలో ఇంటింటికి తిరిగి ప్రచారం నిర్వహించారు.
  

  
కార్యక్రమంలో సిపిఎం మండల కమిటీ సభ్యులు చిట్టిమల్ల లింగయ్య,  నరసింహ, నారపాక జలంధర్ తదితరులు పాల్గొన్నారు.