ప్రభుత్వ పాఠశాలలో స్కావెంజర్లను నియమించాలి, టేకుల సోమవారం ఉన్నత పాఠశాలను సందర్శించిన SFI 


  

 
 
  
  
భారత విద్యార్థి ఫెడరేషన్ ఎస్ఎఫ్ఐ వలిగొండ మండల కమిటీ ఆధ్వర్యంలో మండల పరిధిలోని టేకుల సోమవారం గ్రామంలో ఉన్న ఉన్నత పాఠశాలను సందర్శించి మధ్యాహ్న భోజనాన్ని పరిశీలించి విద్యార్థుల సమస్యలు అడిగి తెలుసుకోవడం జరిగింది. ఈ సందర్భంగా ఎస్ఎఫ్ఐ జిల్లా ఉపాధ్యక్షులు వేముల నాగరాజు మాట్లాడుతూ తెలంగాణ రాష్ట్రంలో ప్రభుత్వ పాఠశాలలో నెలకొన్న సమస్యలను పరిష్కరించాలన్నారు అదేవిధంగా రాష్ట్రంలో వెంటనే విద్యాశాఖ మంత్రి పదవి భర్తీ చేయాలన్నారు అదేవిధంగా ఉన్నత పాఠశాలలో మండల పరిషత్ పాఠశాలలలో స్కావెంజర్ పోస్టులు భర్తీ చేయాలన్నారు అదేవిధంగా మధ్యాహ్న భోజన కార్మికుల కు వేతనాలు విడుదల చేయాలన్నారు ఈ కార్యక్రమంలో ఎస్ఎఫ్ఐ మండల సహాయ కార్యదర్శి మైసోల్ల నరేందర్ పట్టణ నాయకులు ఏసోఫ్ చేగూరి లక్ష్మణ్ లోకేష్ తదితరులు పాల్గొన్నారు.
  

  

  
 

RRR రైతులకు ఇచ్చిన మాటని నిలబెట్టుకోవాలి:  భానుచందర్ బొజ్జ


  

 
 
  
  
యాదాద్రి భువనగిరి జిల్లా రాయగిరి గ్రామానికి చెందిన కాంగ్రెస్ కార్యకర్త బొజ్జ భాను చందర్ మాట్లాడుతూ రాయగిరి గ్రామం గతం లో అనేక సార్లు కొన్ని వందల ఎకరాలు ప్రభుత్వాలకు ఇవ్వడం జరిగింది అని ఇప్పుడు RRR పేరుతో దాదాపు 280ఎకరాలు మల్ల ఇవ్వాలి అంటే ఇవ్వడానికి సిద్ధంగా లేము అని గత ప్రభుత్వం పై అనేక ఉద్యమాలు చేసి రైతులు జైలు జీవితం గడిపిన విషయం తెలిసిందే, అన్నాడు ఉద్యమం లో ప్రస్తుత మంత్రి వర్యులు కోమటిరెడ్డి వెంకట్ రెడ్డి గారు ప్రస్తుత MLA కుంభం అనిల్ రెడ్డి గారు కూడా పూర్తి మద్దతు తెలిపారు అని అన్నారు, అన్నాడు శాసనసభ ఎన్నికల ప్రచారం లో భాగంగా ప్రియాంక గాంధీ గారు నోటా కూడా RRR అలైన్మెంట్ మారుస్తా అని కూడా అన్నడం జరిగింది మరియు మంత్రి వర్యులు కోమటిరెడ్డి వెంకన్న గారు అనిల్ కుమార్ రెడ్డి అన్న గారు కూడా మేము గెలిచాక రాయగిరి నుండి RRR పోకుండా మొదటగా వచ్చిన మూటకొండూరు పై నుండి వచ్చే అలైన్మెంట్ హే ఖరారు చేస్తాం అని రైతులకు మాట ఇవ్వడం తో రైతులు ప్రజలు భారీ మెజారిటీతో గెలిపించి అధికారం కట్టబెట్టారు అని చెప్పుకా వచ్చారు, ఇచ్చిన మాటకు కట్టుబడి ఉండి సీఎం రేవంత్ రెడ్డి గారి దృష్టి కి తీసుకెళ్లి అలైన్మెంట్ మార్చే విధంగా చేయాలి అని రైతులు వేడుకుంటున్నరు, గత ప్రభుత్వం లాగా చేయొద్దు అని రాయగిరి పార్టీ నాయకులు కూడా అనుకుంటున్నారు, వీలు అయినంత త్వరగా అలైన్మెంట్ మర్చి రాయగిరి రైతులకు న్యాయం చేయాలనీ కోరుతున్నారు అని అన్నారు
 

ఎంసీ సభ్యులను విస్మరించిన చైర్మన్ , ఎంసీ సభ్యుల పట్ల వివక్ష చూపడం సరికాదు: కొడారి వెంకటేష్ జిల్లా మేనేజింగ్ కమిటీ సభ్యులు


  

 
 
  
  
జిల్లా మేనేజింగ్ కమిటీ సభ్యులు* పార్లమెంటు తీర్మానంతో చట్టం పరిధిలోకి వచ్చిన సంస్థ మేనేజ్మెంట్ కమిటీ సభ్యుల పట్ల వివక్ష చూపడం, కనీసం వారికి గుర్తింపు ఇవ్వకపోవడం చాలా విచారించదగ్గ విషయమని జిల్లా మేనేజింగ్ కమిటీ సభ్యులు కొడారి వెంకటేష్ అన్నారు. గురువారం భువనగిరి శివారులోని ఒక ప్రైవేటు హోటల్ లో జరిగిన జిల్లా సర్వసభ్య సమావేశంలో మేనేజ్మెంట్ సభ్యులను కనీసం సభకు పరిచయం చేయకపోవడం, జిల్లా చైర్మన్ నియంతృత్వ ధోరణికి నిదర్శనమని ఆయన అన్నారు. జిల్లా సర్వ సభ్య సమావేశానికి, సాదారణ సభ్యులతో పాటు, మొత్తం 15 మంది జిల్లా మేనేజింగ్ కమిటీ సభ్యులు హాజరైనా, వారిని వేదిక మీదకు పిలువకపోవడం, కనీసం సభకు పరిచయం చేయకపోవడం, వారిని కేవలం సాదారణ సభ్యులుగానే గుర్తించడం, జిల్లా చైర్మన్ సభ్యుల పట్ల చూపెడుతున్న వివక్షగా భావిస్తున్నామని ఆయన అన్నారు. తనకు నచ్చిన వారితో అతిథులకు బొకేలు ఇప్పించడం, సన్మానం చేయించడం సరియైన పద్ధతి కాదని ఆయన అన్నారు. అంతర్జాతీయ సేవాసంస్థ గా గుర్తింపు పొందిన సంస్థకు సుమారు 200 మందిని సభ్యులను పరిచయం చేసిన, మాజీ ఎమ్మెల్యే సర్వసభ్య సమావేశానికి హాజరైనా , ఆ మాజీ ఎమ్మెల్యే ను వేదిక మీదకు పిలవకపోవడం, సంస్థకు తీవ్ర నష్టం కల్గించే విషయమని ఆయన అన్నారు. జిల్లా చైర్మన్ ఒకే సామాజిక వర్గానికే ఎక్కవ ప్రాదాన్యత ఇవ్వడం, సంస్థలో రాజకీయ జోక్యాన్ని ప్రోత్సహించడం, బంధుప్రీతి తో, ఇష్టానుసారం సంస్థను నడిపిస్తున్న విషయం పై జిల్లా కలెక్టర్ మరియు రాష్ట్ర గవర్నర్ ల దృష్టికి తీసుకెళ్తామని సంస్థ జిల్లా మేనేజింగ్ కమిటీ సభ్యులు కొడారి వెంకటేష్ అన్నారు. భవిష్యత్తులో ఇలాంటి సంఘటనలు పునరావృతం కాకుండా చూడాలని గవర్నర్ ను కోరుతామన్నారు.
 

భువనగిరి :బాలసదనం సంఘటన బాధ్యులపై చర్యలు తీసుకోవాలని జిల్లా కలెక్టర్ కు వినతి


  

 
 
  

  అంతర్జాతీయ బాలికా దినోత్సవం సందర్భంగా బాలికల రక్షణ కోసం ఏర్పాటు చేసిన అవగాహన సదస్సులో బాలిక పై జరిగిన లైంగిక దాడి పై సమగ్ర విచారణ జరిపి కారకులైన వారిపై చర్యలు తీసుకోవాలని కోరుతూ సోమవారం జిల్లా కలెక్టర్ హనుమంతు కే జండగే కు బాలల హక్కుల పరిరక్షణ వేదిక, హ్యూమన్ రైట్స్ కమిషన్, ఏ ఐ ఎస్ ఎఫ్ ల ఆద్వర్యంలో వినతి పత్రం అందజేశారు. ఈ సందర్భంగా బాలల హక్కుల పరిరక్షణ వేదిక జిల్లా నాయకులు కొడారి వెంకటేష్ మాట్లాడుతూ సాయంత్రం 6 గంటల తర్వాత బాలసదనం లోనికి మగవారికి ప్రవేశం లేకున్నా, సాయంత్రం 7 గంటలకు అవగాహన సదస్సు ఎలా ఏర్పాటు చేసారని ఆయన ప్రశ్నించారు. అదే రోజు రాత్రి 8 గంటలకు అమ్మాయి, తనపై జరిగిన లైంగిక దాడి గురించి చెప్పగా, బాలసదనం సూపరింటెండెంట్ లలిత, జిల్లా న్యాయ సేవాధికార సంస్థ సీనియర్ అసిస్టెంట్ కు చెప్పగా, విషయాన్ని దాటవేస్తూ, అటెండర్ వెంకట్ రెడ్డి మంచివాడని, అమ్మాయి అబద్దం చెబుతుందని మభ్యపెట్టి వెళ్ళినట్టు సూపరింటెండెంట్ లలిత తెలిపారని వెంకటేష్ అన్నారు. ఆ తర్వాత విషయాన్ని చైల్డ్ వెల్ఫేర్ కమిటీ చైర్మన్ కు, జిల్లా న్యాయ సేవాధికార సంస్థ సూపరింటెండెంట్ కు, డీసీపీఓ కు సమాచారం ఇచ్చినట్టు ఆమె తెలిపారని వెంకటేష్ అన్నారు. అదే రోజు సంఘటనపై పోలీసులకు పిర్యాదు చేయాల్సిన అధికారులు విషయాన్ని ఎందుకు గోప్యంగా ఉంచారో అర్థం కావడం లేదన్నారు. బాలికకు జరిగిన అన్యాయాన్ని దాచిపెట్టి అమ్మయిని ఉద్దేశపూర్వకంగా వేరే ప్రాంతానికి తరలించడం వల్ల, బాలల హక్కులకు భంగం కలిగించినందుకు బాలసదనం సూపరింటెండెంట్, చైల్డ్ వెల్ఫేర్ కమిటీ చైర్మన్, మరియు డిసిపీఓ లపై ఫోక్సో చట్టం సెక్షన్ 19, 20 ప్రకారం కేసు నమోదు చేయాలని ఆయన డిమాండ్ చేశారు. బాలికపై అసభ్యంగా ప్రవర్తించిన జిల్లా న్యాయ సేవాధికార సంస్థ అటెండర్ వెంకట్ రెడ్డి పై ఫోక్సో కేసు నమోదు చేయాలని డిమాండ్ చేశారు. బాధిత బాలికను ప్రభుత్వపరంగా ఆదుకోవాలి ఆయన కోరారు. జిల్లా కలెక్టర్ కు వినతి పత్రం అందజేసిన వారిలో నేషనల్ హ్యూమన్ రైట్స్ యాదాద్రి భువనగిరి జిల్లా అధ్యక్షులు ఇంతియాజ్, ఏ ఐ ఎస్ ఎఫ్ జిల్లా కార్యదర్శి ఉప్పల శాంతి కుమార్, నాయకులు లోకేష్ తదితరులు పాల్గొన్నారు.
 

ఎరుకల హక్కుల పోరాట సమితి వలిగొండ మండల కమిటీ ఎన్నిక


  

 
 
  
  
ఆల్ ఇండియా ఎరుకల హక్కుల పోరాట సమితి వ్యవస్థాపకులు జాతీయ అధ్యక్షులు వలిగి ప్రభాకర్ ఆదేశానుసారం వలిగొండ మండల కేంద్రంలో ఆల్ ఇండియా ఎరుకల హక్కుల పోరాట సమితి యాదాద్రి భువనగిరి జిల్లా అధ్యక్షులు మరియు రాష్ట్ర ఉపాధ్యక్షుడు మానుపాటి కృష్ణయ్య ఆధ్వర్యంలో వలిగొండ మండల కమిటీని ఏర్పాటు చేశారు మరియు మహిళా మండల కమిటీని కూడా ఏర్పాటు చేయడం జరిగింది. వలిగొండ మండలంలో వివిధ గ్రామాల నుండి వచ్చిన ఎరుకల తెగ కుర్రు ప్రజలను ఉద్దేశించి యాదాద్రి భువనగిరి జిల్లా అధ్యక్షుడు మరియు రాష్ట్ర ఉపాధ్యక్షుడు మాట్లాడుతూ తెలంగాణ రాష్ట్రంలో నిరుపేద ఎరుకల తెగకు ప్రజల కోసం తెలంగాణ రాష్ట్ర ముఖ్యమంత్రి రేవంత్ రెడ్డి ఎరుకల ఏకలవ్య కోఆపరేటివ్ కార్పొరేషన్ ను ఏర్పాటు చేయడం జరిగిందని అన్నారు. ఎరుకల ప్రజల కోసం మార్మూల గ్రామం నుండి ఢిల్లీ పార్లమెంటు వరకు చైతన్య పరుస్తూ ఎరుకల తెగ హక్కుల కోసం వారికి జరుగుతున్న అన్యాయాల గురించి సుదీర్ఘ పోరాటం చేస్తున్న ఎరుకల హక్కుల పోరాట సమితి కి ఏకలవ్య కోఆపరేటివ్ ఫైనాన్స్ కార్పొరేషన్ అధ్యక్ష పదవి ఇవ్వాలని అన్నారు. ఈ కార్యక్రమంలో జిల్లా ఉపాధ్యక్షులు బొలుగుల నరసింహ, వివిధ గ్రామాల నుండి వచ్చిన ఎరుకల తెగ కుర్రు ప్రజలు పాల్గొన్నారు. ఈ సందర్భంగా వలిగొండ మండల నూతన కమిటీని ఎన్నుకున్నారు గౌరవ సలహాదారులుగా ఉండాడి సత్యనారాయణ గౌరవ అధ్యక్షులుగా ఉండాడి పాపయ్య అధ్యక్షులుగా ఉండాలి ఆంజనేయులు ఉపాధ్యక్షులుగా ఉండాడి స్వామి బొలుగుల శ్రీను ప్రధాన కార్యదర్శిగా బొలుగుల కుమారస్వామి ఉండాడు కృష్ణ సహాయ కార్యదర్శిలు లక్ష్మయ్య బుడ్డ బాలయ్య కోశాధికారిగా పత్తేపు నరసింహ సహాయ కోశాధికారిగా ఉండాడి సాయికుమార్ కార్యవర్గ సభ్యులుగా ఉండాడి జంగయ్య ఉండాడి రామచంద్రు వనం యాదయ్య బొలుగుల నరసింహ ఉండాడి మల్లయ్య మానుపాటి పరమేష్ గాను ఎన్నుకున్నారు. మహిళా సంఘం గౌరవ అధ్యక్షురాలుగా మారుపాటి ఎల్లమ్మ, మండల మహిళా అధ్యక్షులుగా బొలుగుల భాగ్య ఉపాధ్యక్షురాలుగా దేవసాని రాములమ్మ ను, ప్రధాన కార్యదర్శిగా పత్తేపు మౌనిక సహాయ కార్యదర్శి కోనేటి సరిత, కోశాధికారిక ఉండాడి రేణుక, కార్యవర్గ సభ్యురాలుగా శ్రీలత లక్ష్మమ్మ అంజమ్మ లక్ష్మమ్మ ఎల్లమ్మ లను ఎన్నుకున్నారు.
 

అంబుజా సిమెంట్ పరిశ్రమ రద్దు అయ్యేంతవరకు పోరాటం ఆగదు : AITUC రాష్ట్ర కార్యదర్శి ఎండి ఇమ్రాన్


  

 
 
  
  
 రామన్నపేట కొమ్మయిగూడెం మరియు సిరిపురం పరిధిలో అంబుజా సిమెంట్ పరిశ్రమ పెట్టే నిర్ణయాన్ని యాజమాన్యం వెంటనే వెనక్కి తీసుకోవాలని ఏఐటీయూసీ రాష్ట్ర కార్యదర్శి ఎండీ ఇమ్రాన్ డిమాండ్ చేశారు. ఆదివారం రోజున అంబుజా సిమెంట్ ఫ్యాక్టరీ పెట్టే నిర్ణయాన్ని వ్యతిరేకిస్తూ కొమ్మాయిగూడెం లారీ మరియు ట్రాక్టర్ డ్రైవర్స్ యూనియన్ ఏఐటీయూసీ ఆధ్వర్యంలో కుమ్మయిగూడెం నుండి రామన్నపేట వరకు బైక్ ర్యాలీ నిర్వహించి కంపెనీ ప్రధాన గేటు వద్ద నిరసన తెలుపడం జరిగింది. ఈ సందర్బంగా ఇమ్రాన్ మాట్లాడుతూ అంబుజా సిమెంటు ఫ్యాక్టరీ వల్ల అన్ని రకాలుగా, ప్రజలందరికి నష్టమే తప్ప ఎలాంటి ప్రయోజనం లేదని, రైతులు పండించె వరి, పత్తి లాంటి పంటలకు, దుమ్ము ధూళి పారి పెట్టిన పెట్టుబడి కూడ వచ్చే పరిస్థితి ఉండదని, పంట కూడా పూర్తిగా నష్టాల బారిన పడే ప్రమాదం ఉందని, ప్రధానంగా సిమెంటు ఫ్యాక్టరీ ద్వారా వచ్చే పొగ, యాష్ పౌడర్ గాలిలో కలుస్తుంది కావున వాయు కాలుష్యం ఏర్పడి, శ్వాసకోశ వ్యాధులు వస్తాయని, ఇప్పుడున్న కల్తీ వస్తువులతో తినే తిండి, నీరు కలుషితం అయ్యి రకరకాల రోగాలబారిన పడుతుంటె, ఇప్పుడు ఈ సిమెంటు ఫ్యాక్టరీ ద్వారా వాయు కాలుష్యం ఏర్పడి మనిషి ప్రాణాలకు ముప్పు ఏర్పడే ప్రమాదముందని, ఫ్యాక్టరీ ద్వారా వాయు కాలుష్యం ఏర్పడిదంటె ఊపిరితిత్తులకు ఇనఫెక్షన్స్ వచ్చి ఆరోగ్యాలకు, ప్రాణాలకు తీవ్ర నష్టం జరిగే అవకాశం ఉన్నందున సిమెంట్ పరిశ్రమ యజమాన్యం వెంటనే ఆలోచన చేసుకొని వారి నిర్ణయాన్ని వెనక్కి తీసుకొని ఇక్కడి ప్రాంత ప్రజల ఆరోగ్యాలను కాపాడాలని డిమాండ్ చేశారు. ఈ నెల 23 న జరిగే ప్రజాభిప్రాయ సేకరణ రోజునే ఫ్యాక్టరీ యాజమాన్యం స్థాపనను నిలిపి వేస్తున్నామని ప్రకటన చేయాలని ఇదే ప్రదేశంలో వేరే ఫ్యాక్టరీ పెట్టాలని అందుకు ప్రజలు అందరూ స్వాగతిస్తారని ఆయన అన్నారు. లేనియెడల జిల్లా వ్యాప్తంగా ఉద్యమాన్ని మరింత ఉధృతం చేస్తామని ఆయన హెచ్చరించారు. ఈ కారిక్రమంలో సిపిఐ మండల కార్యదర్శి ఉట్కూరి నర్సింహా, సహాయ కార్యదర్శి ఎర్ర రమేష్, ఏఐటీయూసీ మండల అధ్యక్షులు బత్తుల సత్యం, ప్రధాన కార్యదర్శి శివరాత్రి సమ్మయ్య, నాయకులు బుర్ర శ్రీశైలం, బాలగోని గణేష్, కందుకూరి దుర్యోదన్ రేపాక రమేష్, తీర్పల ఐలయ్య, గోపగోని సహదేవ, పి లింగస్వామి, గోలి అంజయ్య, పొట్లచెరువు లింగయ్య, ట్రాక్టర్ డ్రైవర్స్ యూనియన్ గ్రామ శాఖ అధ్యక్షుడు ఆకిటి శ్రీను, కార్యదర్శి దగ్గుల నవీన్. మోటే నరేష్ గోపగో ని భాస్కర్, బెల్లి మృత్యుంజయ్, జాల లింగస్వామి, జాల జంగయ్య గోలి అంజయ్య తదితరులు పాల్గొన్నారు.
 

దళారుల పాలయ్యాక ధాన్యం కొంటారా? ధాన్యం కొనుగోలు వెంటనే చేపట్టాలి. అఖిల భారత రైతు సంఘం జిల్లా కార్యదర్శి :బేజాడి కుమార్ డిమాండ్


  

 
 
  
  
యాదాద్రి భువనగిరి జిల్లా వ్యాప్తంగా అన్ని గ్రామాలలో రైతులు వరి ధాన్యం పండించినప్పటికీ ప్రభుత్వం కొనుగోలు కేంద్రం చేపట్టకపోవడం వల్ల దానిని దళారులు ఆసరా చేసుకుని రైతుల దగ్గర నుండి ధాన్యం తక్కువ ధరకు రైతులు ధాన్యాన్ని అమ్ముకోవడం వల్ల నష్టపోతున్నారని అన్నారు. రైతుల ధాన్యాన్ని దళారుల పాలయ్యాక దాన్యం కొంటారా అని ప్రభుత్వాన్ని విమర్శించారు. ధాన్యం కొనుగోలు కేంద్రాలను వెంటనే ప్రారంభించి వరి ధాన్యాన్ని వెంటనే కొనుగోలు చేయాలని అఖిల భారత రైతు కూలీ సంఘం జిల్లా కార్యదర్శి బేజాడి కుమార్ ప్రభుత్వాన్ని డిమాండ్ చేసినారు. ఆదివారం రోజున అఖిల భారత రైతు కూలీ సంఘం జిల్లా కార్యవర్గ సమావేశం జరిగింది. దానికి అధ్యక్షతన చిరబోయిన రాజయ్య అధ్యక్షతన ఆలేరు న్యూ డెమోక్రసీ కార్యాలయంలో జరుగగా ఈ సమావేశంలో కుమార్ పాల్గొని మాట్లాడుతూ జిల్లా వ్యాప్తంగా అన్ని గ్రామాలలో ఇప్పటికే రైతులు 50 శాతం పైగా వరి చెల్లు కోసి‌ ధాన్యాన్ని మార్కెట్లోకి తీసుకొచ్చారని అన్నారు. మార్కెట్లలల్లో సరైన సౌకర్యాలు లేకపోవడం, వరి ధాన్యాన్ని నిలువ చేసుకోవడానికి పట్టాలు లేకా అకాల వర్షాలు వస్తుండడంతో ధాన్యం తడిసి రైతులు నష్టపోతున్నారని ఆవేదన వెలిబుచ్చారు. గత పంట సందర్భంలో కూడా ధాన్యం కొనుగోలు వెను వెంటనే కోనుగోలు చెయ్యకపోవడంతో వర్షాలు పడి ధాన్యం తడిసి మోలకెత్తడంతో రైతులు ఆధాన్యాన్ని అమ్మడం కోసం అనేక ఇబ్బందులు పడి ధాన్యాన్ని తక్కువ ధరకు అమ్ముకున్నారని అన్నారు. అందుకనే ప్రభుత్వం గత అనుభవాలు దృష్టిలో ఉంచుకొని వెంటనే స్పందించి అన్ని గ్రామాలలో ధాన్యం కొనుగోలు కేంద్రాలు ఏర్పాటు చేసి తక్షణమే కొనుగోలు చేయాలని వారు డిమాండ్ చేశారు. కాంగ్రెస్ ప్రభుత్వం అధికారంలోకి రావడానికి తమ ఎన్నికల వాగ్దానాలలో వరి ధాన్యానికి 500 రూపాయలు బోనస్ ఇస్తామని చెప్పి నేడు మాట మార్చి సన్నాలకు మాత్రమే బోనస్ ఇస్తామని చెప్పడం సరైనది కాదని దీని పూర్తిగా విరమించుకోవాలని రైతులు పండించిన అన్ని రకాల వరి ధాన్యానికి బోనస్ ఇవ్వాలని డిమాండ్ చేశారు. ధాన్యం కొనుగోలు చేస్తున్న సందర్భంలో ఎక్కడ కూడా రైతులకు నష్టం జరగకుండ చూడాలని, కొనుగోలు చేసే సందర్భంలో రైతులకు వివిధ రకాల కారణాలు చూపి కోత విధించకుండ చూడాలని, ప్రభుత్వం నిర్ణయించిన ధరను ఇస్తూ క్వింటాలుకు ధాన్యాన్ని ఏమాత్రం తరుగు తీసేయకుండా కొనుగోలు చేసే విధంగా ప్రభుత్వం చర్యలు తీసుకోవాలని అన్నారు. ఈ సమావేశంలో జిల్లా ఉపాధ్యక్షులు తమ్ముడి అంజయ్య సహాయ కార్యదర్శి పిన్నపు రాఘవరెడ్డి, జిల్లా నాయకులు బర్మ బాబు, కొమ్మిడి గోపాల్ రెడ్డి, వంగల నరసింహారెడ్డి ,చిరబోయిన కొమురయ్య కర్రె బీరయ్య తదితరులు పాల్గొన్నారు
 

జై భీం సేన ఆధ్వర్యంలో ఎస్సీ వర్గీకరణకు వ్యతిరేకంగా ఎస్సీ కమిషన్ కి వినతి పత్రం అందజేత


  

 
 
  
  
యాదాద్రి భువనగిరి జిల్లా వలిగొండ మండల పరిధిలోని గోపరాజుపల్లి గ్రామ జై భీమ్ సేన ఆధ్వర్యంలో ఎస్సీ వర్గీకరణ కు వ్యతిరేకంగా హైదరాబాదులోని డిప్యూటీ డైరెక్టర్ ,షెడ్యూల్ క్యాస్ట్ డెవలప్మెంట్ డిపార్ట్మెంట్ అధికారికి వినతి పత్రం అందజేశారు. జై భీమ్ సేన అధ్యక్షులు వల్లమల్ల రత్నయ్య మాట్లాడుతూ వర్గీకరణ ఉప కులాల వారీగా కాకుండా అన్ని కులాలకు సమ న్యాయంగా పంచాలని అన్నారు .వివిధ సామాజిక ఆర్థిక విద్య ఉపాధి రాజకీయంగా సర్వే చేయాలని తెలిపారు. ఈ కార్యక్రమంలో సేన గౌరవ అధ్యక్షులు సంగిశెట్టి సుందర్ రావు , గౌరవ సలహాదారులు వల్ల మల్ల స్వామి, ఉపాధ్యక్షులు కట్ట సురేష్ , వల్ల మల్ల రాజు, జాయింట్ సెక్రెటరీ సంగిశెట్టి రమేష్, ఎర్ర మచ్చ గిరి తదితరులు పాల్గొన్నారు .
 

హనుమాపురం ఫ్లైఓవర్ బ్రిడ్జిపై ప్రమాదకరంగా గుంతలు, మరమ్మత్తులు చేపట్టాలన్న ములాయం  సింగ్ యాదవ్ బి గ్రేడ్ రాష్ట్ర అధ్యక్షులు మేకల బాలు యాదవ్


  

 
 
  
  
యాదాద్రి భువనగిరి జిల్లా భువనగిరి మండల పరిధిలోని హనుమపురం ఫ్లై ఓవర్ బ్రిడ్జి మీద రోడ్డు గుంతలుగా ఏర్పడి ప్రమాదకరంగా మారింది. దీంతో ప్రయాణికులు,వాహనదారులు ఇబ్బందులు పడుతున్నారు. బ్రిడ్జి పై ఇనుప చూవ్వలు తేలడంతో యాక్సిడెంట్స్ అవుతున్నాయని ములాయం సింగ్ యాదవ్ యూత్ బి గ్రేడ్ తెలంగాణ రాష్ట్ర అధ్యక్షులు మేకల బాలు యాదవ్ ఆరోపించారు. సంబంధిత అధికారులు తక్షణమే స్పందించి మరమత్తులు చేపట్టాలని డిమాండ్ చేశారు.
 

విద్యా కమిషన్ సలహాదారులుగా ఆర్ వెంకట్ రెడ్డి నియామకం ,హర్షం వ్యక్తం చేసిన ప్రజాసంఘాలు


  

 
 
  
  
బాలకార్మిక వ్యవస్థ నిర్మూలన, బాలల విద్యాహక్కు పరిరక్షణ, బాల్య వివాహాల సాంప్రదాయానికి వ్యతిరేకంగా ఉద్యమ నిర్మాణంలో గత రెండు దశాబ్దాలకు పైగా పనిచేస్తున్న ఎం.వి.ఫౌండేషన్ జాతీయ కన్వీనర్ ఆర్.వెంకట్ రెడ్డిని తెలంగాణా రాష్ట్ర విద్యా కమిషన్ సలహాదారులుగా నియమిస్తూ శుక్రవారం తెలంగాణ రాష్ట్ర ప్రభుత్వం ఉత్తర్వులు జారీ చేసింది. ఆర్. వెంకట్ రెడ్డి పిల్లల విద్య కోసం తెలంగాణ తో పాటు జాతీయ స్థాయిలో స్వచ్చంద సంస్థలతో అంతర్జాతీయంగా “స్టాప్ చైల్డ్ లేబర్ కాంపెయిన్" భాగస్వామ్య దేశాలైన ఉగాండా, కెన్యా, ఇథియోపియా, ఘన, మాలి, మొరాకో తదితర దేశాల్లో ఆయన పని చేసారు. ప్రత్యేక తెలంగాణ రాష్ట్ర సాధన ఉద్యమం లో రాష్ట్రంలోని సామాజిక కార్యకర్తలను ఒక వేదికగా ఏర్పాటు చేసి చురుకైన పాత్ర పోషించారు. బాలల పక్షపాతిగా ఉంటూ నాణ్యమైన విద్య పిల్లల హక్కు అని, పిల్లలు మన జాతీయ సంపద అంటూ , నిరంతరం పిల్లల కోసం పనిచేస్తున్న ఆర్. వెంకట్ రెడ్డి సేవలను గుర్తించిన తెలంగాణ రాష్ట్ర ప్రభుత్వం విద్యా కమిషన్ సలహాదారులుగా నియమించిన సందర్భంగా యాదాద్రి భువనగిరి జిల్లా బాలల హక్కుల పరిరక్షణ వేదిక, ఆల్ ఇండియా పేరెంట్స్ అసోసియేషన్, తల్లుల సంఘం, అమ్మ ఆదర్శ కమిటీల సభ్యులు ఎర్ర శివరాజ్, కొడారి వెంకటేష్, ఆవుల వినోద్ కుమార్, బొక్క రాంబాయి, వగ్గు క్రిస్టోఫర్, పురుషోత్తం తదితరులు హర్షం వ్యక్తం చేశారు.