NLG: మహాలక్ష్మి రెసిడెన్సి గణేష్ లడ్డూను రూ. 18,116/- లకు వేలంపాటలో పొందిన బొమ్మపాల గిరిబాబు


  

 
 
  నల్గొండ పట్టణంలోని కనకదుర్గ కాలనీ మహాలక్ష్మి రెసిడెన్సిలో వినాయక చవితి నవరాత్రి ఉత్సవాలను కమిటీ ఆధ్వర్యంలో ఘనంగా నిర్వహించారు.
  
ఈ సందర్భంగా నిర్వహించిన గణేష్ లడ్డు వేలంపాటలో చత్రపతి శివాజీ స్పోర్ట్స్ ఫౌండేషన్ వ్యవస్థాపకులు బొమ్మపాల గిరిబాబు రూ. 18,116/- లకు దక్కించుకున్నారు.
  ఈ సందర్భంగా కమిటీ నిర్వాహకులు శుభాకాంక్షలు తెలియజేస్తూ, నవరాత్రి ఉత్సవాలను ఎంతో భక్తి శ్రద్ధలతో గత కొన్ని సంవత్సరాలుగా నిర్వహిస్తున్నామని తెలిపారు.
 

లెంకలపల్లి: వైభవంగా గణేష్ శోభాయాత్ర
నల్లగొండ జిల్లా: 
మర్రిగూడ మండలం లెంకలపల్లి గ్రామం లో గణేష్ శోభాయాత్ర ఆదివారం సాయంత్రం అంగరంగ వైభవంగా అట్టహాసంగా జరిగింది. గణేష్ నవరాత్రి ఉత్సవాల సందర్భంగా, పలు కాలనీలలో ఏర్పాటుచేసిన వినాయకుడి లకు.. భక్తిశ్రద్ధలతో 9 రోజులు పూజలు నిర్వహించారు. 

  


ఆదివారం కోలాటం ఆటలు పాటలతో శోభాయాత్ర ను ఘనంగా నిర్వహించి,  వెళ్లి రావయ్యా.. గణపయ్య.. మళ్ళీ వచ్చే సంవత్సరం నీ ఆశీస్సులతో ఇంతకంటే వైభవంగా నవరాత్రి ఉత్సవాలు జరుపుతామని, నిమజ్జనం సందర్భంగా ఆ గణనాధుని గంగమ్మ తల్లి ఒడికి చేర్చారు. 

NLG: గణేష్ నవరాత్రి ఉత్సవాలలో అన్నదానం


  

 
 
  నల్లగొండ జిల్లా:
  
నాంపల్లి: గణేష్ నవరాత్రి ఉత్సవాల సందర్భంగా ఆదివారం వినాయకుడికి భక్తులు ప్రత్యేక పూజలు నిర్వహించారు. అనంతరం అన్నదానం కార్యక్రమం నిర్వహించారు.
  

  
నాంపల్లి ఎస్బిఐ కార్యాలయం ముందు నవరాత్రి ఉత్సవాల్లో భాగంగా అన్నదాత 
  బిరుదు యాదమ్మ రవీందరాచారి భక్తులకు అన్నదానం ఏర్పాటు చేశారు.
  ఈ కార్యక్రమంలో కోట ప్రమీల రఘునందన్, అల్లం పెళ్లి ఆనంద్ కుమార్, గంగ, మహేష్, గిరి, స్వామి, భారతమ్మ ప్రమీల,  కిరణ్, రూప, శేఖర్, పవిత్ర, బ్రహ్మచారి రమాదేవి, జయశ్రీ, అనుష, తదితరులు పాల్గొన్నారు.
 

యరగండ్లపల్లి: ఎనబై ఐదు వేల రూపాయలు పలికిన గణేష్ లడ్డు
నల్లగొండ జిల్లా, మర్రిగూడెం మండలం:
ఈరోజు యరగండ్లపల్లి గ్రామంలో  యువ చైతన్య యూత్ ఆధ్వర్యంలో నవరాత్రులు పూజలందుకున్న గణనాధుని లడ్డు వేలం పాట జరిగింది. 

  


రూ. 85,000/- ఎనబై ఐదు వేల రూపాయలకు వల్లముల సత్తమ్మ యాదయ్య యాదవ్ లడ్డును కైవశం చేసుకోవడం జరిగింది. 
ఈ సందర్భంగా  యువ చైతన్య యూత్ సభ్యులు వారిని శాలువాతో సన్మానించారు. వారికి వారి కుటుంబ సభ్యులకు గణనాధుని ఆశీస్సులు ఎల్లవేళలా ఉండాలని మనసారా  కోరుకున్నారు. 
 

NLG: మృతుని కుటుంబానికి ఆర్థిక సాయం చేసిన కుంభం కృష్ణారెడ్డి


  

 
 
  నల్లగొండ జిల్లా: 
  
నాంపల్లి మండల కేంద్రానికి చెందిన జింకల చిన్న యాదయ్య మృతి చెందిన సమాచారం తెలుసుకున్న కాంగ్రెస్ రాష్ట్ర నాయకులు కుంభం కృష్ణారెడ్డి మృతి చెందిన జింకల చిన్న యాదయ్య భౌతికకాయానికి  పూలమాలలు వేసి నివాళులు అర్పించారు. వారి కుటుంబం సభ్యులను పరామర్శించి వాళ్లకి మనో ధైర్యం చెప్పి తక్షణ ఆర్థిక సహాయంగా రూ.10,000 అందజేశారు.
  

  
ఈ కార్యక్రమంలో మాజీ ఎంపీపీ పూల వెంకటయ్య, పెద్దిరెడ్డి రాజశేఖర్ రెడ్డి, పానుగంటి వెంకటయ్య, పూల చిన్న వెంకటయ్య, పంగ కొండయ్య, నాంపల్లి హనుమంతు, పూల చక్రధర్, ఈదే శేఖర్, ఏదుళ్ల రాములు, గాదేపాక రమేష్, కానబోయిన యాదయ్య, నాంపల్లి సంజీవ, తదితరులు పాల్గొన్నారు.
 

ఉద్యమ నేత కీ. శే. జిట్టా బాలకృష్ణ రెడ్డి కి  నివాళులర్పించిన మునుగోడు ఎమ్మెల్యే 


  

 
 
  భువనగిరి:
  
మునుగోడు శాసనసభ్యులు కోమటిరెడ్డి రాజ్ గోపాల్ రెడ్డి.. ఇవాళ భువనగిరి పట్టణంలో తెలంగాణ ఉద్యమ నేత జిట్టా బాలకృష్ణ రెడ్డి  దశదినకర్మకు హాజరై, ఆయన చిత్రపటానికి పూల మాలలు సమర్పించి నివాళులర్పించారు. 
  

  
అనంతరం వారి కుటుంబ సభ్యులను పరామర్శించారు. కార్యక్రమంలో భువనగిరి శాసనసభ్యులు  కుంభం అనిల్ కుమార్ రెడ్డి, తదితరులు పాల్గొన్నారు.
 

లెంకలపల్లి: గణేష్ నవరాత్రి ఉత్సవాల సందర్భంగా రెండో వార్డులో అన్నదానం


  

 
 
  నల్లగొండ జిల్లా:
  
మర్రిగూడ మండలం, లెంకలపల్లి గ్రామంలో గణేష్ నవరాత్రి ఉత్సవాల లో భాగంగా, ఎస్సీ కాలనీ రెండో వార్డులో గణేష్ ఉత్సవ కమిటీ ఆధ్వర్యంలో ఏర్పాటు చేసిన గణేష్ మండపం వద్ద ఆదివారం వినాయకుడికి 9 వ రోజు పూజా కార్యక్రమాలు ఘనంగా నిర్వహించారు. అనంతరం తీర్థ ప్రసాదాలు అందజేశారు.
  ఈ సందర్భంగా ఈసారపు వీరయ్య సరోజ కుటుంబం అన్నదాన కార్యక్రమం ఏర్పాటు చేశారు. ఈ కార్యక్రమంలో నాయకులు, స్థానిక ప్రజలు అధిక సంఖ్యలో పాల్గొని కార్యక్రమాన్ని విజయవంతం చేశారు.
  

  

  

 

TG: నేడు పీసీసీ అధ్యక్షుడిగా బాధ్యతలు చేపట్టనున్న మహేష్ కుమార్ గౌడ్


  

 
 
  తెలంగాణ రాష్ట్ర నూతన పీసీసీ అధ్యక్షుడిగా మహేష్ కుమార్ గౌడ్ , నేడు బాధ్యతలు చేపట్టనున్నారు. ముందుగా ఆయన గన్ పార్కు వద్దకు చేరుకొని తెలంగాణ అమరవీరుల స్థూపం వద్ద నివాళులు అర్పించనున్నారు. 
  

  
అక్కడి నుంచి పార్టీ నాయకులు, కార్యకర్తలతో కలిసి ర్యాలీగా మధ్యాహ్నం 2 :30 గంటలకు గాంధీ భవన్ కు చేరుకుంటారు. సీఎం రేవంత్ రెడ్డి నుండి పీసీసీ అధ్యక్షుడిగా మహేష్ కుమార్ గౌడ్ బాధ్యతలు స్వీకరించనున్నారు.
  

  
ఆ తరువాత ఇందిరాభవన్ ముందు బహిరంగ సభ నిర్వహించ నున్నారు. ఈ సభలో సీఎం రేవంత్ రెడ్డితో పాటు,కాంగ్రెస్ నాయకురాలు దీపాదాస్ మున్షి,మహేష్ కుమార్ గౌడ్ పాల్గొని ప్రసంగించనున్నారు. ఈ కార్యక్రమంలో మంత్రులు, ఎంపీలు, పలువురు ఎమ్మెల్యేలు, ఏఐసీసీ, పీసీసీ ముఖ్య నేతలు పాల్గొంటారు. 
  

  
నూతన పీసీసీ చీఫ్ మహేష్ గౌడ్ కు శుభాకాంక్షలు చెప్పేందుకు రాష్ట్ర వ్యాప్తం గా అన్ని జిల్లాల నుంచి కాంగ్రెస్ పార్టీ, మండల, జిల్లా,నాయకులు, కార్య కర్తలు పెద్ద సంఖ్యలో గాంధీ భవన్ కు తరలిరానున్నారు.
 

NLG: వినాయక మండపం వద్ద భక్తులకు అన్నదానం- విగ్రహ దాత కు ఘన సన్మానం


  

 
 
  నల్లగొండ జిల్లా:
  
నాంపల్లి: గణేష్ నవరాత్రి ఉత్సవాల్లో భాగంగా నాంపల్లి మండల కేంద్రంలో ఎనిమిదవ రోజు శనివారం ఆయా మండపాల వద్ద భక్తులకు మహా అన్నదాన కార్యక్రమం జరిపారు. రాష్ట్ర కాంగ్రెస్ సీనియర్ నాయకులు గజ్జల శివారెడ్డి ఆధ్వర్యంలో ఏర్పాటుచేసిన మండపాల వద్ద వినాయకునికి పూజలు నిర్వహించి భక్తులకు అన్నదానం చేశారు.
  
  కాంగ్రెస్ సీనియర్ నాయకులకు గజ్జల శివారెడ్డి కి ఘనంగా సన్మానం
  
అనంతరం భక్తులు కాంగ్రెస్ సీనియర్ నాయకులకు గజ్జల శివారెడ్డికి ఘనంగా సన్మానం చేశారు. ఈ కార్యక్రమంలో రవళి పూర్ణాచారి, పానుగంటి వెంకటయ్య, ఎస్కే చాంద్ పాషా, కామిశెట్టి చత్రపతి, దేవిరెడ్డి సుధాకర్ రెడ్డి, గిరి ముదిరాజ్, కంశెట్టి నాగరాజు, బేల్డి సత్తయ్య, గాదేపాక శ్రీకాంత్, జాల ముత్యాలు, నాంపల్లి సంజీవ, మోహన్ రెడ్డి, సురేందర్, కోరే శివ, కోరే జయరాం, ఎస్కే జాంగిర్, తిరుమణి మోహన్, తదితరులు పాల్గొన్నారు.
 

NLG: బొట్టుగూడ హైస్కూల్లో విద్యార్థులకు సన్మానం


  

 
 
  నల్లగొండ పట్టణంలోని బొట్టుగూడ హైస్కూల్ లో హిందీ దివస్ కార్యక్రమాన్ని శనివారం ఉపాధ్యాయులు, విద్యార్థులు కలిసి ఘనంగా నిర్వహించారు. 
  

  
ఈ సందర్భంగా పాఠశాల ప్రధానోపాధ్యాయులు తీగల శంకరయ్య ఆధ్వర్యంలో హిందీ భాషలో మంచి ప్రావీణ్యం సాధిస్తున్న విద్యార్థులను ప్రోత్సహించే పనిలో భాగంగా హిందీ మాస్టర్ సలీం సారధ్యంలో శాలువాలతో ఘనంగా సత్కరించారు. 
  ఈ సందర్భంగా ప్రధానోపాధ్యాయులు మాట్లాడుతూ.. హిందీ భాష దేశీయంగానే కాకుండా అంతర్జాతీయంగా కూడా ఎంతో ప్రసిద్ధి చెందిందని తెలియజేస్తూ ప్రతి ఒక్క భారతీయుడు కూడా హిందీ భాషలో ప్రావీణ్యాన్ని పెంపొందించుకోవడానికి కృషి చేయాలని తెలిపారు. ఈ కార్యక్రమంలో పాఠశాల ఉపాధ్యాయిని ఉపాధ్యాయుల బృందం పాల్గొన్నారు.