TG: రాష్ట్ర ప్రజలకు వినాయక చవితి శుభాకాంక్షలు తెలిపిన సీఎం రేవంత్ రెడ్డి
HYD: ఈరోజు వినాయక చవితి పర్వదినాన్ని పురస్కరించుకొని తెలంగాణ రాష్ట్ర ముఖ్యమంత్రి ఎ.రేవంత్ రెడ్డి రాష్ట్ర ప్రజలకు వినాయక చవితి శుభాకాంక్షలు తెలిపారు. ఈ సందర్భంగా వారు మాట్లాడుతూ.. ఆది దేవుడు విఘ్నేశ్వరుడి కృప అందరిపై ఉండాలని ప్రార్థిస్తూ, రాష్ట్ర ప్రజలందరూ ఆయురారోగ్యాలతో సుఖశాంతులతో ఉండాలని కోరుకుంటున్నాను అని తెలిపారు. ప్రశాంత వాతావరణంలో నవరాత్రి ఉత్సవాలను ఘనంగా నిర్వహించుకోవాలని అన్నారు.
NLG: గాలి కాలుష్యంపై అవగాహన.. గణపతి మట్టి విగ్రహాల పంపిణీ
నల్లగొండ: మున్సిపల్ శాఖ, కాలుష్య నియంత్రణ మండలి ఆధ్వర్యంలో శుక్రవారం జిల్లా కేంద్రంలోని RP రోడ్డులో గల ప్రభుత్వ బాలికల జూనియర్ కళాశాలలో నీలి ఆకాశాల కోసం స్వచ్ఛమైన గాలి అంతర్జాతీయ దినోత్సవాన్ని నిర్వహించారు.ఈ సందర్భంగా నిపుణులు విద్యార్థినిలకు గాలి కాలుష్యంపై అవగాహన కల్పించారు. అదేవిధంగా స్వచ్ఛమైన గాలి కోసం తీసుకోవలసిన చర్యలను వివరించారు.
కాలేజీ ఆవరణలో పచ్చదనం పెంపొందించడంతో పాటు గాలి కాలుష్యాన్ని తగ్గించడానికి వృక్షార్పణ కార్యక్రమం నిర్వహించారు. నల్లగొండ మున్సిపల్ కౌన్సిల్, స్వచ్ఛ వాయు సర్వేక్షణ్ ర్యాంకుల్లో రెండవ స్థానం సాధించి గర్వకారణంగా నిలిచిందని పేర్కొన్నారు. గాలి స్వచ్ఛత సాధించడంలో ప్రతి ఒక్కరి కృషి ఉందన్నారు. కార్యక్రమం అనంతరం విద్యార్థిని లకు మట్టి గణపతి విగ్రహాలను పంపిణీ చేశారు.
అంతేకాకుండా సైకిల్ పై కళాశాలకు వచ్చే విద్యార్థినులను ప్రత్యేకంగా అభినందించారు.కార్యక్రమానికి ముందు జిల్లా కేంద్రంలోని పెద్ద గడియారం చౌరస్తా నుండి ర్యాలీ నిర్వహించారు.
ఈ కార్యక్రమంలో మున్సిపల్ కమిషనర్ సయ్యద్ ముసాబ్ అహ్మద్, ఎగ్జిక్యూటివ్ ఇంజనీర్ రాములు, డిప్యూటీ ఎగ్జిక్యూటివ్ ఇంజనీర్ అశోక్, కాలుష్య నియంత్రణ మండలి అధికారులు, సురేష్ గుప్తా,తదితరులు పాల్గొన్నారు.
నారాయణపూర్ PRTU TS మండల శాఖ అధ్యక్షులుగా నంద్యాల చలపతి రెడ్డి
PRTU TS యాదాద్రి జిల్లా నారాయణపూర్ మండల శాఖ, సర్వసభ్య సమావేశం శుక్రవారం నారాయణపూర్ బాలికల ఉన్నత పాఠశాలలో జరిగింది.
ఈ కార్యక్రమంలో నూతన కార్యవర్గాన్ని ఏకగ్రీవంగా ఎన్నుకోవడం జరిగింది. అధ్యక్షులుగా నంద్యాల చలపతి రెడ్డి, ప్రధాన కార్యదర్శిగా దోర్నాల రాము, అసోసియేట్ అధ్యక్షులుగా అంతటి శ్రీనివాసులు, మహిళా ఉపాధ్యక్షులు మమత, కార్యదర్శిగా కోల శ్రీనివాస్, మహిళా కార్యదర్శిగా శ్రావణి ఎన్నికయ్యారు.
వరద బాధితులకు అండగా.. తెలుగు చిత్ర పరిశ్రమ
TG: వరద బాధితులకు అండగా నిలుస్తామంటూ తెలుగు చిత్ర పరిశ్రమ పెద్దలు ముందుకొచ్చారు. ముఖ్యమంత్రి సహాయ నిధి (సీఎం రిలీఫ్ ఫండ్) కు ఫిల్మ్ ఛాంబర్ తరపున రూ. 25 లక్షలు, తెలుగు ఫిల్మ్ ప్రొడ్యూసర్స్ తరపున రూ.10 లక్షలు, ఫిల్మ్ ఫెడరేషన్ తరపున రూ. 5 లక్షలు విరాళంగా ప్రకటించారు.
టాలివుడ్ లోని పలు విభాగాల ప్రతినిధులు, సభ్యులు సహాయ కార్యక్రమాల కోసం ఔదార్యం చూపడం పట్ల సీఎం రేవంత్ రెడ్డి హర్షం వ్యక్తం చేశారు.
మునుగోడు ఎమ్మెల్యే కోమటిరెడ్డి రాజగోపాల్ రెడ్డి ఆపన్న హస్తం.. అనారోగ్య బాధితురాలికి 2 లక్షల రూపాయల ఎల్ఓసి మంజూరు
నల్గొండ జిల్లా, నాంపల్లి మండల కేంద్రానికి చెందిన కె. చంద్రకళ భర్త రాములు అనారోగ్యంతో బాధపడుతున్న విషయాన్ని తెలుసుకున్న మునుగోడు ఎమ్మెల్యే కోమటిరెడ్డి రాజగోపాల్ రెడ్డి స్పందించి.. ముఖ్యమంత్రి సహాయ నిధి లో భాగంగా ముందస్తు చికిత్స కోసం 2,00,000 రూపాయలు ఎల్ ఓ సి చెక్కును మంజూరు చేయించారు.
ఈ మేరకు ముఖ్యమంత్రి కార్యాలయం నుండి సీఎం రిలీఫ్ ఫండ్ - ఎల్ఓసి ఉత్తర్వులు జారీ చేశారు. దీంతో మహిళ కుటుంబీకులు ఎమ్మెల్యేకు ధన్యవాదాలు తెలిపారు.
NLG: మర్రిగూడ బైపాస్ - పిట్టంపల్లి రోడ్డు రిపేర్ కు మోక్షమెప్పుడో...
నల్లగొండ జిల్లా కేంద్రం పరిధిలోని మర్రిగూడ బైపాస్ నుండి పిట్టంపల్లి రహదారి కనీస మరమ్మత్తులు లేక గుంతలమయమైంది. ప్రజా రవాణా కు అసౌకర్యంగా మారింది.
ప్రజా ప్రతినిధులు, అధికారులు నిర్లక్ష్య వైఖరి వీడి రోడ్డు రిపేర్ చేయాలని స్థానిక ప్రజలు కోరుతున్నారు. ఇప్పటికైనా అధికారులు స్పందించి రోడ్డు రిపేర్ కు చర్యలు చేపట్టాలని స్థానిక ప్రజలు కోరుతున్నారు.
NLG: వినాయకచవితి శుభాకాంక్షలు తెలిపిన జిల్లా కలెక్టర్ నారాయణరెడ్డి
నల్లగొండ జిల్లా ప్రజలకు జిల్లా కలెక్టర్ సి.నారాయణరెడ్డి వినాయకచవితి శుభాకాంక్షలు తెలిపారు. వారు మాట్లాడుతూ.. వినాయకుడు సర్వవిఘ్నాలను తొలగించి జిల్లా ప్రజలకు మంచి చేకూర్చాలని, ప్రజలందరూ సుఖసంతోషాలతో వినాయకచవితి ఉత్సవాలను నిర్వహించుకోవాలని అన్నారు.
వినాయక చవితిని పురస్కరించుకొని ప్రజలందరూ మట్టి గణపతులను పూజించాలని విజ్ఞప్తి చేశారు.
NLG: సిఐటియు ఆధ్వర్యంలో మెడికల్ ఆఫీసర్ కు వినతి పత్రం
నల్లగొండ జిల్లా, మర్రిగూడ మండలం:
ఆశా డే సందర్భంగా దేశవ్యాప్తంగా పనిచేస్తున్న ఆశా వర్కర్లను కేంద్ర ప్రభుత్వం పర్మినెంట్ చేయాలని, శుక్రవారం సిఐటియు ఆధ్వర్యంలో మర్రిగూడ మండల పిహెచ్సి మెడికల్ ఆఫీసర్ డాక్టర్ సుమన్ కు వివిధ సమస్యలతో కూడిన వినతి పత్రం అందజేశారు. ఈ మేరకు సిఐటియు జిల్లా సహాయ కార్యదర్శి ఏర్పుల యాదయ్య మాట్లాడుతూ.. ఆశలకు కనీస వేతనం రూ. 26,000 చెల్లించాలని, ఉద్యోగ భద్రత తదితర సౌకర్యాలు కల్పించాలని కోరారు.
కేంద్ర ప్రభుత్వం ఆశాల సమస్యలు వెంటనే పరిష్కరించాలని ఆయన కేంద్ర రాష్ట్ర ప్రభుత్వాలను డిమాండ్ చేశారు. దేశవ్యాప్తంగా ఆశాలు 10 లక్షల మంది పనిచేస్తున్నారు. ఈ స్కీం లో పనిచేసే ఆశాలు దళిత, బలహీన వర్గాలకు చెందిన వారు కాబట్టి కేంద్ర రాష్ట్ర ప్రభుత్వాలు వారిపై నిర్లక్ష్యం చేస్తున్నారని ఆయన అన్నారు.
ఆశలను కార్మికులుగా గుర్తించాలి, గ్రాడ్యుటీ మరియు పెన్షన్తో సహా అన్ని సామాజిక భద్రత ప్రయోజనాలకు నెలకు పదివేల రూపాయల కంటే తక్కువ కాకుండా చెల్లించాలి.అన్ని రకాల పెండింగ్ బిల్లు లు తక్షణమే చెల్లించాలి. ఆశా లకు పనిభారం తగ్గించాలి. పారితోషకం లేని పనులు చేయించ కూడదని అన్నారు.
అదేవిధంగా అంగన్వాడీ లకు గ్రేడ్ వర్జింపజేసి ఇచ్చిన సుప్రీంకోర్టు తీర్పును స్కీం వర్కర్ లో భాగమైన ఆశలకు వర్తింపచేయాలని ఆరు నెలల వేతనంతో కూడిన ప్రస్తుత సెలవులు అమలు చేయాలని, 20 రోజులు వేతనంతో కూడిన క్యాజువల్ సెలవులు ఇవ్వాలని, మెడికల్ సెలవుల కోసం కచ్చితంగా నిబంధనలు రూపొందించాలని, అదేవిధంగా విధుల కోసం ఆశలకు ప్రయాణ ఖర్చులను వాస్తవ రూపంలో చెల్లించాలి. లేబర్ కోడ్స్ ను ఉపసంహరించుకోవాలి. ఆశలను కార్మిక చట్టాల పరిధిలోకి తేవాలని ఆయన ప్రభుత్వాన్ని డిమాండ్ చేశారు.
ఈ కార్యక్రమంలో ఆశా వర్కర్స్ యూనియన్ అధ్యక్ష కార్యదర్శులు జంపాల వసంత, మట్టం భాగ్యమ్మ ఏర్పుల పద్మ, ఊరిపక్క మేరీ, అందుగుల యాదమ్మ, రామావత్ జయమ్మ, లక్ష్మి, విజయమ్మ , సుజాత తదితరులు పాల్గొన్నారు.
TG: వరద బాధితులకు ఒక నెల జీతాన్ని ఇచ్చిన భువనగిరి ఎంపీ చాపల కిరణ్ కుమార్ రెడ్డి
HYD: వరద బాధితులను ఆదుకోవడంలో రాష్ట్ర ప్రభుత్వానికి అండగా నిలవాలన్న ముఖ్యమంత్రి రేవంత్ రెడ్డి పిలుపు మేరకు, భువనగిరి ఎంపీ చామల కిరణ్ కుమార్ రెడ్డి స్పందించారు. తన ఒక నెల జీతం రూ.1.85 లక్ష లను ఇవాళ ముఖ్యమంత్రి సహాయ నిధికి విరాళంగా అందించారు.
ఈ మేరకు సంబంధిత చెక్కును అందజేశారు. వరద సహాయ కార్యక్రమాల కోసం భువనగిరి ఎంపీ చామల కిరణ్ కుమార్ రెడ్డి తన ఒక నెల జీతాన్ని అందించి తన ఔదర్యాన్ని చాటుకున్నారు.
Sep 07 2024, 13:51
- Whatsapp
- Facebook
- Linkedin
- Google Plus
4- Whatsapp
- Facebook
- Linkedin
- Google Plus
9.1k