కాంగ్రెస్ సామాజిక న్యాయ అజెండా ను తెలంగాణలో ఆచరించడం లేదు: బీసీ రాజ్యాధికార సమితి అధ్యక్షుడు దాసు సురేష్




సార్వత్రిక ఎన్నికల్లో బిసిలకు సీట్ల కేటాయింపు లో జరుగుతున్న అన్యాయాన్ని నిలదీస్తాం..

కాంగ్రెస్ పార్టీ ఖమ్మం కరీంనగర్ స్థానాలను బిసిలకే కేటాయించాలి..

కాంగ్రెస్ సామాజిక న్యాయ అజెండా ను తెలంగాణలో ఆచరించడం లేదు..

బీసీ దళిత ఉద్యమకారులు , ప్రజాస్వామిక శక్తులు, సివిల్ సొసైటీ మద్దతుతోనే రాష్ట్రంలో అధికారంలోకి కాంగ్రెస్ వచ్చింది. దానికి వ్యతిరేకంగా రేవంత్ రెడ్డి ఈ వర్గాలను విస్మరిస్తే పార్లమెంటు ఎన్నికల ఫలితాల్లో మా తీర్పు ను వెల్లడిస్తాం..

పాంచ్ న్యాయ్ పేరిట మ్యానిఫెస్టో
రిలీజ్ చేస్తున్న కాంగ్రెస్ రాష్ట్రంలో సామాజిక న్యాయాన్ని విస్మరిస్తోంది. 

రాజకీయాల్లో సామాజిక అన్యాయాన్ని అరికట్టుతాం..60 శాతం మా జనాభా ఉన్న స్థానాల్లో బీసీలనే పార్లమెంటుకు పంపుతాం:దాసు సురేశ్, అధ్యక్షులు(BCRS)
రాజకీయాల్లో సామాజిక అన్యాయాన్ని అరికట్టుతాం..
60 శాతం మా జనాభా ఉన్న స్థానాల్లో బీసీలనే పార్లమెంటుకు పంపుతాం..దాసు సురేశ్, అధ్యక్షులు - బీసీ రాజ్యాధికార సమితి 

చట్టసభల్లో బీసీలకు రిజర్వేషన్లు లేని కారణంచేత రాజకీయ పార్టీలు బీసీలకు సీట్లిచ్చే విషయంలో అన్యాయానికి ఒడిగట్టుతున్నాయని బీసీ రాజ్యాధికార సమితి అధ్యక్షులు దాసు సురేశ్ భుదవారం విడుదల చేసిన ప్రకటనలో పేర్కొన్నారు.. బాగ్లింగంపల్లిలోని కేంద్ర కార్యాలయంలో తెలంగాణ సాయుధ రైతాంగ పోరాట యోధుడు దొడ్డి కొమురయ్య జయంతి సందర్భంగా ఆ మహనీయుడికి నివాళులు అర్పించారు. నిజాం వ్యతిరేఖ పోరాటం మొదలు భారత స్వాతంత్ర పోరాటం నుండి తెలంగాణ సాధన కోసం జరిగిన పోరాటాలలో త్యాగాలు బడుగులవైతే నేటికీ అధికారం,అవకాశాలు కేవలం సంపన్న వర్గాలకు , ఆధిపత్యవర్గాలకే పరిమితమవుతున్నాయని మండిపడ్డారు..

జాతీయ స్థాయిలో సామాజిక న్యాయం గురించి మాట్లాడే పార్టీలు సహితం తెలంగాణలో పార్లమెంటు సీట్ల కేటాయింపులో సామాజిక అన్యాయానికి పాల్పడుతున్నాయన్నారు. ఈ విషయంపై త్వరలోనే సామాజిక లౌకిక రాజకీయ వాదులు , మేధావులను సమావేశపరచి కొనసాగుతున్న అన్యాయంపై తెలంగాణ వ్యాప్తంగా విస్తృత ప్రచారం గావిస్తామన్నారు.. 

60 శాతానికి పైగా ఉన్న పార్లమెంటు నియోజకవర్గాల్లో సహితం బీసీలకు చ‌ట్ట‌స‌భ‌ల్లో ఎప్పుడూ స‌రైన ప్రాతినిధ్యం లభించడం లేదనీ, ప‌వ‌ర్ సెంట‌ర్ కు కావాల‌నే ప్రధాన పార్టీలు బీసీలను దూరంగా నెట్టివేస్తున్నాయని ఆరోపించారు. బీసీ మేలుకో.. రాజ్యాన్ని ఏలుకో నినాద స్ఫూర్తితో బీసీలంతా రాజ‌కీయ పార్టీల‌కు అతీతంగా మెజారిటీ స్థానాల్లో బీసీ అభ్య‌ర్థుల‌కే ఓటు వేసి కనీసం 8 మంది బీసీ ఎంపీల‌ను తెలంగాణ నుంచి పార్ల‌మెంట్ అడుగుపెట్టేలా ఉద్యమిస్తామన్నారు.

సూర్యాపేట జిల్లా: బొప్పారం గ్రామంలో ఘనంగా బొడ్రాయి పునః ప్రతిష్ట..భారీ విరాళం ప్రకటించిన తెలంగాణ విద్యార్థి ఉద్యమ నాయకుడు భాషపంగు నాగేందర్


సూర్యాపేట జిల్లా, ఆత్మకూర్(s)మండలం, బొప్పారం గ్రామంలో...జరిగిన బొడ్రాయి పునః ప్రతిష్ట కార్యక్రమం చాలా ఘనంగా జరిగింది.. ముఖ్య అతిధులుగా మాజీ మంత్రి రాంరెడ్డి దామోదర్ రెడ్డి, మాజీ మార్కెట్ కమిటీ చైర్మన్ పెద్దిరెడ్డి రాజా, తదితరులు పాల్గొన్నారు..

బొడ్రాయి పునః ప్రతిష్ట కోసం...50116 భారీ విరాళాన్ని ప్రకటించి తోడ్పాటునంధించిన బొప్పారం వాస్తవ్యులు,మలిదశ తెలంగాణ విద్యార్థి ఉద్యమ నాయకుడు బాషపంగు నాగేందర్ దంపతులకు.. బొడ్రాయి కమిటీ చైర్మన్ గౌరవ శ్రీ నల్లు ఉపేందర్ రెడ్డి మరియు కమిటీ సభ్యులు శాలువా కప్పి ఘనంగా సన్మానించారు.. మునుముందు కూడా గ్రామ అభివృద్ధికి సహకారం అందించాలని బొడ్రాయి కమిటీ వారు కోరారు. 

ఈ సందర్బంగా బాషపంగు నాగేందర్ మాట్లాడుతూ... గ్రామ అభివృద్ధి, సంక్షేమం కోసం... నా సహాయ సహకారం ఎప్పుడు ఉంటుందని అన్నారు.

 భక్తాంజనేయ స్వామి సేవా సంస్థ ఆధ్వర్యంలో త్వరలో సప్త వార్షికోత్సవ పంచాంగం ఆవిష్కరణ
భక్తాంజనేయ స్వామి సేవా సంస్థ ఆధ్వర్యంలో త్వరలో సప్త వార్షికోత్సవ పంచాంగం ఆవిష్కరణ

శ్రీ భక్తాంజనేయ స్వామి సేవా సంస్థ ఆధ్వర్యంలో శ్రీ క్రోధి నామ సంవత్సర పంచాంగ ఆవిష్కరణ జరుగునని సేవా సంస్థ వ్యవస్థాపకులు సిరి ప్రగడ శ్రీనివాస శర్మ గారు తెలిపారు గత ఆరు సంవత్సరాల నుండి ప్రతి సంవత్సరం పంచాంగ ఆవిష్కరణ జరుగుతుందని అదేవిధంగా ఈ సంవత్సరం కూడా పంచాంగ ఆవిష్కరణ చేయడం జరుగుతుంది.ఈ యొక్క పంచాంగ ఆవిష్కరణ ఆర్జల భావి లో నిర్వహించడం జరుగుతుంది ఈ పంచాంగ ఆవిష్కరణకు అధిక సంఖ్యలో ప్రజలు బ్రాహ్మణులు ప్రజా ప్రతినిధులు పాల్గొని విజయవంతం చేయగలరని కోరుచున్నాము ఈ కార్యక్రమం అనంతరము అన్నదాన కార్యక్రమము నిర్వహించబడును.

నేతన్నలతో రాజకీయాలు మానండి: బీసీ రాజాధికార సమితి అధ్యక్షుడు దాసు సురేష్
నేతన్నలతో రాజకీయాలు మానండి.. 
పద్మశాలీల్లో బలమైన నాయకత్వలేమితోనే సమస్యలు
దాసు సురేశ్ - బీసీ రాజ్యాధికార సమితి 

ప్రస్తుతం సిరిసిల్లలో నేత కార్మికులు ఎదుర్కుంటున్న దుర్బర పరిస్థితిలను ప్రభుత్వం మానవతా దృక్పథంతో పరిష్కరించాలని బీసీ రాజ్యాధికార సమితి అధ్యక్షులు దాసు సురేశ్ తెలంగాణ ముఖ్యమంత్రి అనుముల రేవంత్ రెడ్డిని అభ్యర్థించారు..గత ప్రభుత్వ హయాంలో బతుకమ్మ చీరల పేరిట కొంతమంది మాస్టర్ వీవర్లకు లబ్బి చేకూర్చే విధంగా గత ప్రభుత్వం తీసుకున్న నిర్ణయాలతో నేడు నేత కార్మికులు పనిలేక తీవ్ర ఇబ్బందులను ఎదుర్కొంటున్నారని దాసు సురేశ్ తెలిపారు.. బతుకమ్మ చీరల పేరిట నెలకొని ఉన్న 270 కోట్ల రూపాయల బకాయిలను, చేనేత సహకార సంఘాలకు చెల్లుంచాల్సిన 9 కోట్ల రూపాయలను ప్రభుత్వం వెంటనే చెల్లించి కార్మికులను ఆదుకోవాలని విజ్ఞప్తి చేశారు..

రాజకీయ కారణాలతోనే ప్రస్తుతం సిరిసిల్లలో కష్టాలను ఎదుర్కొంటున్న నేతన్నల పక్షాన కేటీఆర్ మాట్లాడడం లేదని వారి హయాంలో ఇచ్చిన ఆర్డర్లకు సంబంధించిన బకాయిలను రాబట్టడానికి ప్రభుత్వాన్ని ఎందుకు నిలదీయడం లేదని నేటికీ ఈ అంశంపై కనీసం స్పందించకపోవడం అందుకు నిదర్శనమని పేర్కొన్నారు

కష్టకాలంలో ఉన్న నేతన్నలను ఓదార్చడం మాని స్థానిక కాంగ్రెస్ నాయకులు కేకే మహేందర్రెడ్డి నేతన్నల పట్ల దురుసుగా ప్రవర్తించడం సిగ్గుచేటని తెలిపారు.. బీసీ ఎస్సీ ఎస్టీ మైనార్టీ గురుకులాలతో పాటు వివిధ ప్రభుత్వ సంస్థలలో సాలీనా కావాల్సిన వస్త్ర వినియోగాన్ని లెక్కించి సమీకృత ప్రొడక్షన్ విధానాన్ని అధికారులు నిర్ణయించుకోకపోవడమే సమస్యకు అసలు కారణమని తెలియజేశారు.. అధికారులు వెంటనే ప్రొడక్షన్ ప్లాన్ ను తయారుచేసి ప్రభుత్వానికి నివేదిక సమర్పించి కావాల్సిన వ్యయం మొత్తాన్ని సమీకరించాలని కోరారు.. ఆపద కాలంలో నేతన్నలు ఎటువంటి తొందరపాటు నిర్ణయాలకు పాల్పడకుండా ధైర్యంగా మెదలాలన్నారు. ప్రభుత్వం వెంటనే పెండింగ్ బకాయిలను విడుదల చేయడంతో పాటు కార్మికులు తమ త్రిఫ్ట్ నిధినుండి లోను సౌకర్యాన్ని పొందే విధంగా వెసులుబాటు కల్పించాలన్నారు.. కార్మికులకు శీఘ్రగతిన ముద్ర లోన్ సదుపాయాన్ని కూడా అందజేసే విధంగా స్థానిక ఎంపీ బండి సంజయ్ కృషి చేయాలన్నారు

త్వరలోనే ముఖ్యమంత్రి రేవంత్ రెడ్డిని కలిసి నేతన్నల సమస్యలకు శాశ్వత పరిష్కారాన్ని కనుగొనే విధంగా ప్రయత్నాలను ముమ్మరం చేస్తామని బీసీ రాజ్యాధికార సమితి అధ్యక్షులు దాసురేష్ మీడియాకు తెలిపారు.

చర్ల: భువనగిరి:చర్ల ప్రభుత్వ ఆసుపత్రిని కాపాడండి పి వై ఎల్ జిల్లా ఉపాధ్యక్షులు ముసలి సతీష్ డిమాండ్
చర్ల ప్రభుత్వ ఆసుపత్రిని కాపాడండి పి వై ఎల్ జిల్లా ఉపాధ్యక్షులు ముసలి సతీష్ డిమాండ్
చర్ల మండల కేంద్రంలో ఉన్న CHC ప్రభుత్వ ఆసుపత్రిని PYL కమిటీ సందర్శించడం జరిగింది నలుగురు MBBS డాక్టర్లు, 16 మంది స్టాఫ్ నర్స్ లు పనిచేయవలసిన ఆసుపత్రిలో, MBBS డాక్టర్ ఇద్దరు స్టాప్ నర్సులుఇద్దరు ట్రైనింగ్ తీసుకుంటున్న 8, మంది విద్యార్థులు అప్రెంటిస్ చేస్తున్న నర్స్ లను ప్రభుత్వాధికారులు పెట్టి చాకిరి చేపించుకుంటున్నారు. కనీసం వారికి బస్సుకు ఆటోకు వెళ్లడానికి చార్జీలు కూడా ఇవ్వడం లేదు కావున నిత్యవసర ధరలకు చార్జీలకు అనుకూలంగా అప్రెంటిస్ చేస్తున్న నర్సులకు ఎంతోకంతా వేతనాలు చెల్లించాలని.. ఇక్రూట్మెంట్లు సరిపడా బెడ్లు హాస్పిటల్ కి సరిపడా పరికరాలు లేకపోవడం కారణంగా చర్ల మండలంలో ఉన్న ప్రజలు తీవ్ర ఇబ్బందులు ఎదుర్కొంటున్నారని.. ప్రగతి శీల యువజన సంఘం(పి వై ఎల్) జిల్లా ఉపాధ్యక్షుడు ముసలి సతీష్ అన్నారు.మణుగూరు లో ఉన్న పవర్ ప్లాంట్ కారణంగా అందులో నుంచి వచ్చే విష వాయువు పొగ పీల్చుకొని ప్రజలు తీవ్ర ఇబ్బందులు ఎదురుకుంటున్నారని వారు అన్నారు కాళ్ల నొప్పులతో ఒళ్ళు నొప్పులతో విష జ్వరాలతో చర్ల మండలం లో ఉన్న ప్రతి కడపలో ఒకరికొక ఇద్దరికో జ్వరాలు ఉన్నాయి బాధపడుతున్నారు ఎన్నో రక్త పరీక్షలు చేసినా కూడా అది ఏంటి అనేది బయటికి రావడం లేదు చర్ల మండలానికి.. మణుగూరుకి మధ్యలో గోదావరి అడ్డు మణుగూరు లో ఉన్న పవర్ ప్లాంట్ కారణంగానే బాడీలో ఉన్న రోగ నిరోధక శక్తి మొత్తం తగ్గిపోతుంది ప్రజలు తీవ్ర ఇబ్బందులు ఎదుర్కొంటున్నారు చర్ల మండలం లో ఉన్న ప్రజలు మొత్తం చర్ల ప్రభుత్వాసుపత్రిలో అట్లాగే ప్రవేట్ ఆసుపత్రిలో భద్రాచలం ప్రభుత్వ ఆసుపత్రిలో చికిత్సలు పొందుతున్నారు ఇప్పటికైనా ప్రభుత్వ అధికారులు స్పందించి మణుగూరు లో ఉన్న పవర్ ప్లాంట్ ని కొంతకాలం ఆపివేయాలని చర్ల మండలంలో ఉన్న ప్రజానీకాన్ని కాపాడాలని కాపాడాల్సివలిసిన బాధ్యత ప్రభుత్వం మీదనే ఆధారపడి ఉందని ఆయన అన్నారు.చర్ల ప్రభుత్వ ఆసుపత్రిలో పేషెంట్లు తీవ్ర ఇబ్బందులు ఎదుర్కొంటున్నారు బెడ్లు సరిపోక కిందనే కూర్చొని సెలెన్స్ పెట్టించుకుంటున్న పరిస్థితి ఉంది. సరైన సౌకార్యాలు కల్పించాలని కోరుతున్నాం.ఈ కార్యక్రమంలో.. PYL మండల నాయకుడు.. చిరిగిడి నరేష్.. సీనియర్ జాన్సీ.. వనిత రాణి రవళి శ్రావణి కావ్య వల్లి రాజు తదితరులు పాల్గొన్నారు.

చర్ల:భద్రాచలం:రాష్ట్ర ప్రభుత్వం భారీగా పెంచిన టెట్ ఎగ్జామ్స్ ఫీజులను వెంటనే తగ్గించాలి:ప్రగతిశీల యువజన సంఘం( PYL )జిల్లా ఉపాధ్యక్షులు సతీష్
రాష్ట్ర ప్రభుత్వం భారీగా పెంచిన టెట్ ఎగ్జామ్స్ ఫీజులను వెంటనే తగ్గించాలి

ప్రగతిశీల యువజన సంఘం( PYL )జిల్లా ఉపాధ్యక్షులు ముసలి సతీష్

   
  తెలంగాణ రాష్ట్ర ప్రభుత్వం భారీగా పెంచిన పరీక్ష ఫీజులను వెంటనే తగ్గించాలని ప్రగతిశీల యువజన సంఘం PYL జిల్లా ఉపాధ్యక్షులు ముసలి సతీష్ రాష్ట్ర ప్రభుత్వాన్ని డిమాండ్ చేశారు
 ఈ సందర్భంగా ముసలి సతీష్ మాట్లాడుతూ.......తెలంగాణ రాష్ట్రం వ్యాప్తంగా కొన్ని లక్షల మంది నిరుద్యోగు లు గా ఉన్నారు .గతంలో టెట్, DSC కోసం ఎదురు చూసి చూసిన నిరుద్యోగుల కి నిరాశా మిగిలింది అని,గతంలో టెట్ పరీక్షలకు సంబంధించి పేపర్-1 కి ఫీజు రూ. 200 , పేపర్-2 కి రూ. 200 మొత్తం కలిపి 400 రూపాయలు మాత్రమే ఉండేవి. కానీ ఈసారి రాష్ట్ర ప్రభుత్వం ఆ ఫీజులను రెండు పేపర్ లకి కలిపి 1600 రూపాయలు భారీగా పెంచారు. ఇది టెట్ అభ్యర్థులకు, నిరుద్యోగులకు ఇది ఆర్ధికంగా భారం అవుతుంది అని, అసలే BRS ప్రభుత్వం లో నిరుద్యోగులు అనేక రకాలుగా బాధపడి ఉన్నారని, రాష్ట్రము లో రోజు రోజుకి నిరుద్యోగ సమస్య ఎక్కువైంది అని, అందుకే BRS ప్రభుత్వం ని నిరుద్యోగులే ఓడించి కాంగ్రెస్ ని గెలిపిస్తే, అధికంగా ఫీజుల వసులు చేస్తుంది అని.హైదరాబాద్ లో వెలకి వేలు కోచింగ్ సెంటర్ లో ఫిజు లు కట్టి ఉద్యోగం రాక కూలి చేసుకొని, స్వయం ఉపాధి పొందుతూన్నారని, అలాంటి పేద నిరుద్యోగుల పై ప్రభుత్వం దయ చూపాలని ప్రభుత్వం ని కోరినారు.దీని వలన రాష్ట్రంలోని అభ్యర్థులకు ఆర్థికంగా భారీగా నష్టపోయే పరిస్థితి ఏర్పడుతుంది. ముఖ్యంగా పేద , మధ్య తరగతి అభ్యర్థులు ఎక్కువగా నష్టపోయే ప్రమాదం ఎక్కువగా ఉంది . కాబట్టి తెలంగాణ లో కొత్తగా ఏర్పడిన కాంగ్రెస్ ప్రభుత్వం పేద , బడుగు బలహీన వర్గాల అభ్యర్థులు ఆర్థికంగా నష్టం జరగకుండా భారీగా పెంచిన టెట్ పరీక్ష ఫీజులను వెంటనే తగ్గించి ఆ అభ్యర్థులకు న్యాయం చేయాలని ప్రగతిశీల ప్రగతిశీల యువజన సంఘం ( PYL ) గా రాష్ట్ర ప్రభుత్వాన్ని డిమాండ్ చేస్తున్నాం. లేని యెడల అభ్యర్థులను కలుపుకొని రాష్ట్ర వ్యాప్తంగా పెద్ద ఎత్తున ఆందోళనలు నిర్వహిస్తామని , దీనికి రాష్ట్ర ప్రభుత్వమే బాధ్యత వహించాలని హెచ్చరించారు.

బిసి సంఘాల ఆధ్వర్యంలో ఘనంగా బీసీ సంక్షేమ సంఘం ఉపాధ్యక్షుడు మిర్యాల యాదగిరి జన్మదిన వేడుకలు వేడుకలు...
ఘనంగా బీసీ సంఘాల ఆధ్వర్యంలో బీసీ సంక్షేమ సంఘం ఉపాధ్యక్షుడు మరియు మాజీ మున్సిపల్ కౌన్సిలర్, ఫ్లోర్ లీడర్, లైన్స్ క్లబ్ సభ్యులు ఎం జి ఎఫ్ లయన్ మిరియాల యాదిగిరి జన్మదిన వేడుకలు...


మిర్యాల యాదగిరి జన్మదిన వేడుకలు 
బీసీ సంక్షేమ సంఘం జాతీయ ఉపాధ్యక్షులు మిర్యాల యాదగిరి జన్మదిన పురస్కరించుకొని
 బీసీ సంక్షేమ సంఘం, ఉద్యోగుల సంఘం ,యువజన, విద్యార్థి సంఘాల ఆధ్వర్యంలో వారి యొక్క జన్మదిన వేడుకలను
 ఘనంగా నిర్వహించడం అయినది .ఈ సందర్భంగా బీసీ సంక్షేమ సంఘం జిల్లా అధ్యక్షులు దుడుకు లక్ష్మీనారాయణ, ఉద్యోగుల సంఘం జిల్లా అధ్యక్షులు వంగూరు నారాయణ యాదవ్ మాట్లాడుతూ
 వారు మొదటినుంచి అనేక సంక్షేమ కార్యక్రమాలను చేస్తూ, బడుగు బలహీన వర్గాల అభ్యున్నతికి కృషి చేస్తున్నారని, అందులో భాగంగానే నల్లగొండ పద్మా నగర్ లో విద్యార్థుల కోసం పాఠశాలను నిర్మించడం కానీయండి, ప్రజల కోసం అనువైన స్మశాన వాటిక నిర్మించడం లాంటి అనేక కార్యక్రమాలు నిర్వహిస్తున్నారని, వారు ముందు ముందు రాజకీయంగా కూడా ఉన్నతమైన స్థానంలోకి రావాలని ఆకాంక్షించారు.
 ఈ కార్యక్రమంలో గుండు వెంకటేశ్వర్లు, మల్లెబోయిన సతీష్ యాదవ్ , సదానంద్, బక్కదట్ల వెంకన్న యాదవ్, శ్రీనివాస్, సింగం రమేష్ యాదవ్, కృష్ణ, విజయ్ తదితరులు పాల్గొన్నారు.

రేపు సూర్యాపేటకు సుద్దాల అశోక్ తేజ


రేపు సూర్యాపేటకు సుద్దాల అశోక్ తేజ

సూర్యాపేట

మనమ్ వికాస వేదిక ఆధ్వర్యంలో గురువారం సాయంత్రం బాలాజీ గ్రాండ్ బాంకెట్ హాలులో జరిగే డాక్టర్ సుద్దాల అశోక్ తేజ తో 'ఓ సాయంత్రం' అనే కార్యక్రమానికి భాషారత్న, ప్రముఖ సినీ గేయ రచయిత సుద్దాల అశోక్ తేజ హాజరవుతున్నారని మనం వికాస వేదిక అధ్యక్షులు పెద్దిరెడ్డి గణేష్ బుధవారం ఒక ప్రకటనలో తెలిపారు. 40 సంవత్సరాల ప్రజా గీతాల పరివాజ్ర కుడు, 30 సంవత్సరాల సినీ గీతాల ప్రయాణికుడు, ఉత్తమ జాతీయ సినీ గేయ రచయిత అయిన సుద్దాల అశోక్ తేజ పాల్గొనే ఈ కార్యక్రమం సాయంత్రం ఐదు గంటలకు ప్రారంభమవుతుందని, సుధా బ్యాంక్ చైర్మన్ మీలా మహాదేవ్ సభా అధ్యక్షతన రైస్ మిల్లర్స్ అసోసియేషన్ సూర్యాపేట జిల్లా అధ్యక్షులు ఇమ్మడి సోమ నరసయ్య ముఖ్యఅతిథిగా, ప్రముఖ కవి, విమర్శకులు జర్నలిస్ట్ ప్రసేన్ ప్రధాన వక్తగా, బుర్రి వెంకటేశ్వర్లు బృందంతో సంగీత విభావరి ఉంటుందని ఆయన తెలిపారు. రసజ్ఞులైన సూర్యాపేట వీక్షకులు, ప్రేక్షకులు, కవులు, కళాకారులు, సాహితీ అభిమానులు, పట్టణ ప్రముఖులు సకాలంలో హాజరై కార్యక్రమాన్ని విజయవంతం చేయాలని పెద్దిరెడ్డి గణేష్ విజ్ఞప్తి చేశారు.

ప్రజాపాలనలో బీసీల భాగస్వామ్యం లేకపోతే సామాజికన్యాయం ఎలా సాధ్యం?: బిసి రాజ్యాధికార సమితి అధ్యక్షుడు దాసు సురేశ్ 


ప్రజాపాలనలో బీసీల భాగస్వామ్యం లేకపోతే సామాజికన్యాయం ఎలా సాధ్యం?
దాసు సురేశ్ 

పోరాటాలకు పనికొచ్చిన బీసీలు పాలనలో ( పదవులకు) పనికిరారా? 

బీసీ మేధావుల సమావేశంలో ముఖ్యమంత్రి రేవంత్, రాహుల్ గాంధీకి బీసీల సూటి ప్రశ్న...

సబ్బండ వర్గాల మద్దతుతో సామజిక న్యాయమే ధేయంగా ఏర్పడిన తెలంగాణ ప్రభుత్వంలో బీసీ లకు సమన అవకాశాలు లేక సామాజికన్యాయం కుంటు పడుతుందని బీసీ నాయకులు, ఉద్యమకారులు వాపోయారు, బీసీ రాజ్యాధికార సమితి బుధవారం భాగ్ లింగంపల్లిలోని కేంద్ర కార్యాలయంలో, బీసీ నాయకులూ, ఉద్యమకారులు, ప్రజా సంగాల నాయకులూ, మేధావులు, నిరుద్యోగులు, ఆర్టీసీ కార్మికులు, తమకు ప్రభుత్వ పదవులు దక్కాల్సిన వాటాపై సమీక్షా సమావేశాన్ని నిర్వహించారు ప్రభుత్వ పాలనలో తాము భాగస్వాములమేనని నినాదించారు, తదనంతరం బీసీ రాజ్యాధికార అధ్యక్షులు దాసు సురేష్ మాట్లాడుతూ బీసీ, ఎస్సి , ఎస్టీ , మైనారిటీ, అగ్రవర్ణ పేదలకు ప్రభుత్వం 17 కార్పొరేషన్ లు ఏర్పాటు చేయటాన్ని తాము స్వాగతిస్తున్నామన్నారు తాము ప్రభుత్వానికి నివేదించిన వెంటనే , బీసీ  అభివృద్ధి కోసం బడ్జెట్లో 8 వెల కోట్లు కేటాయించటం , బీసీ, ఎస్సి , ఎస్టీ , మైనారిటీ , రెసిడెన్సియల్ గురుకులాలకు సమీకృత భవనాలను ఏర్పాటు చేయటం 30 వేల ఉద్యోగాల భర్తీ, తదితర అంశాలను, శీఘ్ర గతిన 100 రోజులు పూర్తి చేసిన ముఖ్యమంత్రి రేవంత్ రెడ్డి ని తాము అభినందిస్తున్నామన్నారు, ఇదేసమయంలో కెసిఆర్ ప్రభుత్వం పై నిరంతరం పోరాటం చేసిన ప్రజా ఉద్యమ సంగాల నాయకులకు ప్రభుత్వ పాలనలో అవకాశాలు కల్పించటం పై ప్రభుత్వం దృష్టి పెట్టాలన్నారు , కేవలం కాంగ్రెస్ పార్టీ నాయకులను మాత్రమే కాకుండా ప్రజా పోరాటాలతో మద్దతుగా నిలచిన, సివిల్ సొసైటీ నాయకులకు కూడా ప్రాధాన్యతకలిగిన నామినేటెడ్ పదవులలో అవకాశాలు ఇవ్వాలని కోరారు, రాహుల్ గాంధీ దేశవ్యాప్తంగా సామజిక న్యాయం కోసం పోరాటం చేస్తుండగా తెలంగాణ లో పదవులన్నీ రెడ్డి సామాజికవర్గానికె పరిమితం అవుతున్నాయని ఆవేదన వెక్తం చేశారు , కాంగ్రెస్ ముఖ్యమంతి రేవంత్ రెడ్డి ఈ విషయాలను పరిగణలోకి తీసుకోవాలని బీసీ ల ఆర్థిక స్థితి గతుల ఎదుగుదలకు సహకరించాలని కోరారు..

ఈ కార్యక్రమంలో బీసీ రాజ్యాధికార సమితి గౌరవ అధ్యక్షులు దొంత ఆనందం, జాతీయ బీసీ సంక్షేమ సంఘం నేషనల్ కన్వీనర్ గుజ్జ కృష్ణ , మహిళా కన్వీనర్ బోనం ఊర్మిళ ,రాష్ట్ర ఉపాధ్యక్షులు కొండ స్వామి, నిరుద్యోగ జేఏసీ అధ్యక్షులు నీలం వెంకటేష్, బీసీ రాజ్యాధికార సమితి వ్యవస్థాపక సభ్యురాలు దోనేటి కృష్ణలత, బీసీ రాజ్యాధికార సమితి గ్రేటర్ హైదరాబాద్ అధ్యక్షురాలు పద్మావతి, ప్రధాన కార్యదర్శి గోషిక స్వప్న,మీడియా సెక్రటరీ మారేపల్లి లక్ష్మణ్ , పొలిటికల్ అఫైర్స్ కమిటీ చైర్మన్ తులసీ శ్రీమన్, బీసీ నాయకులు ప్రొఫెసర్ ప్రభంజన్ యాదవ్, గజవెల్లి మధుసూదన్,సుధాకర్ , ఆంధ్రప్రదేశ్ కన్వీనర్ కాలసముద్రం సుధాకర్ , వీరాస్వామి యాదవ్ , దామెరకొండ కొమురయ్య, రాష్ట్ర కార్యదర్శి పెండెం నాగభూషణం తదితరులు పాల్గొన్నారు.