గ్రామాల్లో నేటి నుంచి ప్రత్యేక అధికారుల పాలన
గ్రామాల్లో నేటి నుంచి ప్రత్యేక అధికారుల పాలనకొనసాగింది. ఈ నేపథ్యంలో
గ్రామపంచాయతీ సర్పంచుల పదవీకాలం ముగియడంతో గ్రామాల్లో నేటి నుంచి ప్రత్యేక అధికారుల పాలన కొనసాగనుంది
ప్రభుత్వ ఉత్తర్వుల మేరకు గెజిటెడ్ నాన్ గెజిటెడ్ అధికారులు ప్రత్యేక అధికారులుగా కొనసాగ నున్నారు
మండలంలోని కేశవపట్నం కొత్తగట్టు రాజాపూర్ లో ఎంపీడీవో శ్రీవాణి
మొలంగూర్ వంకాయ గూడెంలో ఎమ్మార్వో అనుపమ
లింగాపూర్ తాడికల్ చింతగుట్ట మఖ్తలో ఎంపీఓ బషీరుద్దీన్
మిగతా గ్రామాల్లో వివిధ అధికారులు రానున్నారు

రామగుండం పోలీస్ కమిషనర్ రేమా రాజేశ్వరి బదిలీ
తెలంగాణ రాష్ట్రంలో ఇద్దరు ఐపీఎస్‌లు ఈరోజు బదిలీ అయ్యారు. రామగుండం సీపీగా పనిచేస్తున్న రెమా రాజేశ్వరిని వుమెన్‌ సేఫ్టీ వింగ్‌ డీఐజీగా బదిలీ చేశారు
ఆమె స్థానంలో తెలంగాణ మల్టీ జోనల్‌-2 ఐజీపీగా పనిచేస్తున్న తరుణ్‌ జోషిని రామగుండం సీపీగా నియమించారు
ఈ మేరకు డీజీపీ రవిగుప్తా ఉత్తర్వులు జారీ చేశారు. ఈ ఆదేశాలు తక్షణమే అమలులోకి వస్తాయని పేర్కొన్నారు

మెగా కంపెనీలో స్థానిక మహిళా ఉద్యోగుల నిరసన
పెద్దపల్లి జిల్లా మంథని మండలం గుంజపడుగు గ్రామంలోని కాళేశ్వరం ప్రాజెక్టులో భాగమైన పార్వతీ పంప్ హౌస్ నిర్వహణ బాధ్యతలు నిర్వహిస్తున్న మెగా కంపెనీ మరియు దాని సబ్ కాంట్రాక్టర్ గా ఉన్న పాల్కన్ కంపెనీ మరియు సెక్యూరిటీ కంపెనీలలో శ్రమదోపిడితో పాటు తక్కువ వేతనాలు ఇవ్వడమే కాకుండా స్థానిక ఉద్యోగులను మహిళలను అకారణంగా ఉద్యోగాల నుండి తొలగిస్తూ ఇబ్బందులకు గురి చేస్తున్నారనీ, ఫాల్కన్ కంపెనీకి సంబంధించిన మహిళల ఉద్యోగులను అకారణంగా తొలగించడంతో సంవత్సరం నుండి కంపెనీ చుట్టూ తిరుగుతున్నారని, రెండుసార్లు నిరసన తెలుపగా కంపెనీ యజమాన్యం, మెగా కంపెనీ వారు తిరిగి ఉద్యోగాలకు తీసుకుంటానని హామీ ఇచ్చి తీరా ఉద్యోగానికి వచ్చేసరికి పని కల్పించకుండా మహిళలను ఇబ్బందులకు గురి చేస్తున్నారని ఉద్యోగులు ఆరోపించారు
 అంతేకాకుండా మహిళలను అక్కడ ఉన్న సూపర్వైజర్ మానసికంగా వేధిస్తూ అవమానాలకు గురి చేస్తున్నాడని మహిళలు కంపెనీ వారికి ఎన్ని సార్లు మొర పెట్టుకున్నా పట్టించుకునే పరిస్థితి లేదు
 ఈ విషయంపై గురువారం మళ్లీ మెగా కంపెనీలో తొలగించబడిన మహిళలు నిరసన చేపట్టారు

కాంగ్రెస్ పార్టీ సీనియర్ నేత కన్నుమూత
కాంగ్రెస్ సీనియ‌ర్ నేత పి. న‌ర్సారెడ్డి(92) క‌న్నుమూశారు
గ‌త కొంత‌కాలంగా అనారోగ్య స‌మ‌స్య‌ల‌తో బాధ‌ప‌డు తున్న ఆయ‌న సోమ‌వారం తెల్ల‌వారు జామున తుదిశ్వాస విడిచారు
న‌ర్సారెడ్డి మృతి ప‌ట్ల ప‌లువురు రాజ‌కీయ నాయ‌కులు సంతాపం ప్ర‌క‌టించారు. ఆయ‌న కుటుంబ స‌భ్యుల‌కు ప్ర‌గాఢ సానుభూతి తెలిపారు.
న‌ర్సారెడ్డి స్వ‌స్థ‌లం నిర్మ‌ల్ జిల్లా మ‌ల‌క్‌చించోలి గ్రామం. 1970-71 మ‌ధ్య కాలంలో పీసీసీ అధ్య‌క్షుడిగా ప‌ని చేశారు
కాంగ్రెస్ ప్ర‌భుత్వంలో మంత్రిగా కూడా ప‌ని చేశారు న‌ర్సారెడ్డి

రాచ‌కొండ పోలీస్ క‌మిష‌న‌రేట్ ప‌రిధిలో మరోసారి పోలీస్ అధికారుల బ‌దిలీలు
రాచకొండ కమిషనరేట్‌ పరిధిలో భారీగా ఇన్‌స్పెక్టర్ల బదిలీలు జరిగాయి. ఒకేసారి 25 మంది ఇన్‌స్పెక్టర్లుఆరుగురు ఎస్‌ఐలను బదిలీ చేస్తూ సీపీ సుధీర్‌ బాబు శనివారం ఉత్తర్వులు జారీచేశారు
గతకొంత కాలంగా తరచూ వార్తల్లో నిలుస్తున్న చైతన్యపురి పీఎస్‌ ఎస్‌హెచ్‌వోగా జీ.వెంకటేశ్వర్లును నియమించారు
బొమ్మలరామారం ఎస్‌గా ఉన్న జీ.శ్రీనివాస్‌ రెడ్డిని చైతన్యపురి పీఎస్‌కు బదిలీ చేశారు. అదేవిధంగా హయత్‌నగర్‌ ఎస్‌హెచ్‌వో వెంకటేశ్వర్లును మహేశ్వరం పోలీస్‌ స్టేషన్‌కు ట్రాన్స్‌ఫర్ చేశారు

మంత్రి సీతక్కను కలిసిన కామారెడ్డి జిల్లా గ్రామ సర్పంచ్ లు
కామారెడ్డి జిల్లా ఎల్లారెడ్డి నియోజకవర్గ సర్పంచులు మంత్రి సీతక్కను కలిసి వారి బాధలను తెలిపారు. తమ పదవీ కాలాన్ని పొడిగించాలని సర్పంచులు మంత్రికి విజ్ఞప్తి చేశారు
గత ప్రభుత్వంలో సర్పంచులకు జరిగిన ఇబ్బందుల గురించి చర్చించడం జరిగింది. అలాగే కరోనా సమయంలో గ్రామపంచాయతీలకు అభివృద్ధి పనులు అందించ లేకపోయాము. గ్రామాభి వృద్ధిలో ప్రజల మన్ననలు పొందలేకపో యామన్నారు
గ్రామపంచాయతీ అభివృద్ధి చేసినటువంటి బిల్లులు ఇప్పటివరకు కూడా చెల్లింపులు జరగలేదని, పెండింగ్ బిల్లులు వెంటనే చెల్లించాలని కోరారు
ప్రభుత్వం ఇప్పటికైనా సర్పంచుల సమస్యలను దృష్టిలో పెట్టుకొని పదవీ కాలం పొడిగించాలని మంత్రిని కోరారు. మంత్రి సానుకూలంగా స్పందించి సర్పంచుల సమస్యలపై ముఖ్యమంత్రి దృష్టికి తీసుకెళ్లి సమస్యలు పరిష్కరిస్తామన్నారు
మంత్రి సీతక్క హామీతో సర్పంచ్ లు సంతోషం వ్యక్తం చేశారు. ఈ కార్యక్రమంలో కాంగ్రెస్ పార్టీ మైనార్టీ సెల్ ప్రధాన కార్యదర్శి రఫిక్, మాజీ ఎంపీటీసీ పతివద్దీన్, మాలోత్ తండా సర్పంచ్ సునీత ప్రకాష్ నాయక్, నడిమి తండా సర్పంచ్ వినోద్ కుమార్ పాల్గొన్నారు

రోడ్డు విస్తరణ కోసం సొంత ఇంటిని కూల్చేసిన కామారెడ్డి ఎమ్మెల్యే
కామారెడ్డి ఎమ్మెల్యే కాటిపల్లి వెంకట రమణారెడ్డి మరోసారి వార్తల్లో నిలిచారు. గత ఏడాది జరిగిన సవాళ్లు, ప్రతి సవాళ్ళలో చెప్పినట్టుగానే రోడ్డు వెడల్పుకు అడ్డుగా ఉన్న తన సొంత ఇంటిని కూల్చేసి మాట నిలబెట్టుకున్నారు. మిగతా వాళ్ళు కూడా రోడ్డు వెడల్పు కోసం సహకరించా లని కోరారు.
కామారెడ్డి జిల్లా కేంద్రంలోని పాత బస్టాండ్ నుంచి రైల్వే గేటు వరకు పాత మాస్టర్ ప్లాన్ ప్రకారం 80 ఫీట్ల రోడ్డు నిర్మాణం చేయాల్సి ఉంది. అయితే ప్రస్తుతం 30 ఫీట్లు మాత్రమే ఉంది.
రోడ్డు వెడల్పు చేయడానికి వీలు లేకుండా అనేక మంది తమ నివాస గృహాలు నిర్మించుకున్నారు. ఇళ్ల ముందు కుళాయి గుంతలు, షెడ్డులు ఏర్పాటు చేసుకున్నారు.
అయితే రోడ్డు వెడల్పు కోసం ప్రజలు స్వచ్ఛందంగా ముందుకు వచ్చేలా ఎమ్మెల్యే వెంకట రమణారెడ్డి సంచలన నిర్ణయం తీసుకున్నారు. రోడ్డు వెడల్పు తన ఇంటి నుంచే మొదలు పెట్టాలని అడ్డుగా ఉన్న తన ఇంటిని కూల్చేసి ఆ స్థలాన్ని అధికారులకు అప్పగిం చారు.
నేడు ఉదయం ఆర్‌అండ్‌బి, మున్సిపల్, విద్యుత్ శాఖ అధికారులు ఆధ్వర్యంలో జేసీబీలతో దగ్గరుండి ఇంటిని కూల్చేయించారు. అదే రోడ్డులో పంచముఖి హనుమాన్ ఆలయం కూడా ఉండటంతో అలయానికి ఇబ్బంది కలగకుండా రోడ్డు పనులు చేపట్టాలని అధికారులకు సూచించారు
అభివృద్ధికి ప్రజలు సహకరించాలని, వారం రోజుల్లో రోడ్డుపై ఉన్న కుళాయి గుంతలు, షెడ్డులు ప్రజలే స్వచ్ఛందంగా తొలగించుకోవాలని కోరారు.
నెల రోజుల్లో ఇప్పుడున్న రోడ్డుకు అదనంగా మరొక 24 ఫీట్ల రోడ్డు నిర్మాణం చేయాలని అధికారులను ఆదేశించారు
అయితే ఎమ్మెల్యే ఇంటినుంచి పాత బస్టాండ్ వరకు చేపట్టబోయే రోడ్డు వెడల్పులో ప్రస్తుత ప్రభుత్వ సలహాదారు, మాజీ మంత్రి షబ్బీర్ అలీ నివాసం కూడా ఉంది. దాంతో ఆయన స్పందనపై ప్రజలు ఆతృతగా ఎదురు చూస్తున్నారు

కళాశాల హాస్టల్ గదిలో ఉరివేసుకొని విద్యార్థిని ఆత్మహత్య
ఎన్టీఆర్ జిల్లా మైలవరం లక్కిరెడ్డి బాలిరెడ్డి ఇంజనీరింగ్ కళాశాలలో ECE రెండవ సంవత్సరం చదువుతున్న రోషిని అనే విద్యార్థిని కళాశాల హాస్టల్ గదిలో ఉరి వేసుకొని ఈరోజు మరణించినట్లు సమాచారం
చందర్లపాడు మండలం ముప్పాళ్ళ గ్రామానికి చెందిన విద్యార్థిని గా సమాచారం.
కళాశాల లోపలికి వెళ్ళిన పోలీసులు యాజమాన్యం కళాశాలకు సెలవును ప్రకటించడంతో బలపడు తున్న అనుమానాలు
మీడియాని లోపలికి అనుమతించని సెక్యూరిటీ
 సంఘటనకు సంబంధించిన పూర్తి వివరాలు తెలియాల్సి ఉంది

విద్యాధరపురంలో కేశినేని ఫౌండేషన్ ఆధ్వర్యంలో ఉచిత మెగా మెడికల్ క్యాంపు  మెడికల్ క్యాంపులో ఉచితంగా కంటి,గుండె,ఖరీదైన క్యాన్సర్ స్క్రీనింగ్ పరీక్షల
మెడికల్ క్యాంపులో ఉచితంగా కంటి,గుండె,ఖరీదైన క్యాన్సర్ స్క్రీనింగ్ పరీక్షలు

  


మెగా మెడికల్ క్యాంపుకు భారీగా స్పందన

ఈ ఉచిత మెగా మెడికల్ క్యాంపును జనసేన నగర అధ్యక్షులు పోతిన మహేష్, తెలుగుదేశం పార్టీ నాయకులు ఎంఎస్ బేగ్, తెలుగుదేశం పార్టీ తెలుగు యువత నాయకులు కాండ్రేకుల రవీంద్ర ప్రారంభించారు
పెద్దఎత్తున తరలివస్తున్న పేదప్రజలు
ఉచిత మెగా మెడికల్ క్యాంపుకు తెలుగుదేశం పార్టీ నాయకులు పత్తి నాగేశ్వరరావు, ఎద్దు పార్టీ రామయ్య, కేఎస్ఆర్ ఆర్ శర్మ, పీవీ సుబ్బయ్య, సురభి బాలు, రాంబాబు, యువి శివాజీ ,పల్లె కిరణ, ఆదిత్యా కిరణ్, పెద్ది సతీష్, ముదిగొండ శివ, గుండు సుధా, కామా దేవరాజ్, పితాని పద్మ, మొవ్వ విజయ, వల్లభనేని ప్రసన్నలక్ష్మి, బ్రదర్ నాయకులు కార్యకర్తలు పాల్గొన్నారు

భర్త వేధింపులు భరించలేక భార్య ఆత్మహత్య
వరంగల్ జిల్లా చెన్నారావుపేట మండలం లోని జల్లి గ్రామ తండాలో గురువారం ఉదయం విషాదం చోటుచేసుకుంది
భర్త వేధింపులు తాళలేక భార్య పురుగుల మందు తాగి ఆత్మహత్య చేసుకుంది. తండాకు చెందిన జర్పుల ప్రవీణ్ కి స్వరూపతో 24 సంవత్స రాల క్రితం వివాహామైంది.
ప్రవీణ్ పెండ్లి అయినప్పటి నుండి స్వరూప ను ఇష్టానుసారంగా కొట్టేవాడు. అతని వేధింపులతో గతంలోనే భార్య రెండు సార్లు చావడానికి ప్రయత్నం చేసింది. ఎన్నోసార్లు పెద్దమనుషులు పంచాయతీలు చేసి భార్యాభర్తల మధ్య సర్దుబాటు చేశారు
వీరి కుమారుడు ఇటీవలే చేసుకున్న వివాహం విషయంలోనూ స్వరూపను ప్రవీణ్ నువ్వే కారణ మంటూ కొట్టాడు. బుధవారం సాయంత్రం మధ్యం మత్తులో ఇంటికి వచ్చి స్వరూపను తీవ్రంగా కొట్టి, ఏదైనా మందు తాగి చావు అని బెదిరించాడు
దీంతో భర్త టార్చర్ భరించలేక స్వరూప బుధవారం రాత్రి పురుగుల మందు తాగగా, కుటుంబ సభ్యులు గమనించి ఆమెను ఆసుపత్రికి తరలిస్తుండగా మార్గ మధ్యంలోనే చనిపోయింది
మృతురాలి తల్లి భూక్య మల్లికాంబ ఫిర్యాదు మేరకు ప్రవీణ్ పై కేసు నమోదు చేసుకుని దర్యాప్తు చేస్తున్నట్లు ఎస్.ఐ పి.శ్రీనివాస్ తెలిపారు