ఇబ్రహీంపట్నంలో సీఎం కేసీఆర్ చిత్రపటానికి పాలాభిషేకం నిర్వహించిన ఆర్పీలు
రంగారెడ్డి జిల్లా: పట్టణ పేదరిక నిర్మూలన సంస్థ  మెప్మా  ఆర్పి ల ఆధ్వర్యంలో ఇబ్రహీంపట్నం మున్సిపల్ కేంద్రంలో గురువారం, సీఎం కేసీఆర్ చిత్రపటానికి పాలాభిషేకం నిర్వహించారు. ఆర్పి ల సంఘం రాష్ట్ర ఉపాధ్యక్షురాలు మరియు జిల్లా అధ్యక్షురాలు భరతాకి  హంసమ్మ మాట్లాడుతూ.. రూ.4000  ఉన్న తమ గౌరవ వేతనాన్ని సీఎం కేసీఆర్ మరో రూ. 2000 పెంచుతూ.. రూ. 6000 చేసి జీవో విడుదల చేశారని, ఈ సందర్భంగా సీఎం కేసీఆర్ కు మెప్మా ఆర్పీల తరఫున ధన్యవాదాలు అని తెలిపారు. 

  


కార్యక్రమంలో రాష్ట్ర  ఉపాధ్యక్షురాలు మరియు రంగారెడ్డి జిల్లా అధ్యక్షురాలు  భారతాకి హంసమ్మ, , ఇబ్రహీం పట్నం అధ్యక్షురాలు పార్వతమ్మ  అమీర్పేట అధ్యక్షురాలు సుగుణ, జిల్లెలగూడ  అధ్యక్షురాలు  అనిత, తుర్కయంజాల్  అధ్యక్షురాలు ఝాన్సీ, బడంగ్ పేట అధ్యక్షురాలు ఎం.డి  సఖిన, అంబర్పేట అధ్యక్షురాలు  సువర్ణ, తదితరులు పాల్గొన్నారు.

ఆశా లకు ఫిక్స్డ్ వేతనం రూ.18000 నిర్ణయించాలి: సిఐటియు జిల్లా సహాయ కార్యదర్శి ఏర్పుల యాదయ్య 


  

 
 
  నల్లగొండ జిల్లా, మర్రిగూడ: తెలంగాణ ఆశా వర్కర్స్ యూనియన్ ఆధ్వర్యంలో బుధ వారం, మూడో రోజు సమ్మె  సందర్భంగా మండలంలోని ప్రభుత్వ ఆసుపత్రి  ముందు ధర్నా నిర్వహించారు. ఈ కార్యక్రమంలో సిఐటియు జిల్లా సహాయ కార్యదర్శి ఏర్పుల యాదయ్య మద్దతు తెలిపి మాట్లాడుతూ.. రాష్ట్రంలో ఆశా వర్కర్ లు తమకు, ఫిక్స్డ్ వేతనం రూ.18000 నిర్ణయించాలని, ప్రమాద బీమా, రిటైర్మెంట్ బెనిఫిట్స్, తదితర డిమాండ్లను పరిష్కరించాలని సమ్మెలోకి దిగడం జరిగిందని తెలిపారు.
  ఆశా వర్కర్స్ ఫిక్స్డ్ వేతనంతో పాటు హెల్త్ కార్డులు, సంక్షేమ పథకాలు అన్నింటిని వర్తింపజేయాలని ఏఎన్ఎం, జిఎన్ఎమ్ పోస్టుల్లో ఆశాలకు ప్రమోషన్స్ సౌకర్యం కల్పించాలని, వెయిటేజ్ మార్కులు నిర్ణయం చేయాలి, పారితోషకం లేని అదనం పనులు ఆశలతో చేయించకూడదని,  టీబి స్కూటీ డబ్బాలను ఆశలతో మోపించే పని రద్దు చేయాలని, లెప్రసి సర్వేలో వస్తున్న ఇబ్బందులను పరిష్కరించాలని, వాలంటీర్లను ఏర్పాటు చేయాలి, ఆశాలకు పని భారం తగ్గించాలి, జాబ్  చార్ట్ ను విడుదల చేయాలని డిమాండ్ ఆయన డిమాండ్ చేశారు.
  అదేవిదంగా 2021 జులై నుండి డిసెంబర్ వరకు ఆరు నెలల పిఆర్సి ఏరియర్ బిల్లు వెంటనే చెల్లించాలి, కేంద్రం చెల్లించిన కరోనా రిస్క్ ఏలవన్స్ వెయ్యి చొప్పున 16 నెలలు బకాయి డబ్బులు వెంటనే చెల్లించాలని,  అట్లాగే 32 రకాల రిజిస్టర్లను వెంటనే ప్రింట్ చేసి ప్రభుత్వం సప్లై చేయాలని, ఆశలకు ప్రసూతి సెలవుల సర్కులర్ ను వెంటనే జారీ చేయాలని ఆయన రాష్ట్ర ప్రభుత్వాన్ని డిమాండ్ చేశారు.
  ఈ కార్యక్రమంలో ఆశ వర్కర్స్ యూనియన్ అధ్యక్ష కార్యదర్శులు మట్టం భాగ్యమ్మ, జంపాల వసంత, ఏర్పుల పద్మ, కాలం సుజాత ,ఎస్కే సైదా బేగం, విజయమ్మ, కలమ్మ, తబిత, మంజుల, తదితరులు పాల్గొన్నారు.
  SB NEWS
  SB NEWS NALGONDA DIST
  SB NEWS TELANGANA
  

  
STREETBUZZ NEWS APP
  

  

 

సరంపేట: ముత్యాలమ్మ దేవస్థాన గణేష్ ఉత్సవ కమిటీ ఆధ్వర్యంలో అన్నదానం


  

 
 
  నల్లగొండ జిల్లా, మర్రిగూడెం మండలం సరంపేట గ్రామంలో శ్రీ శ్రీ శ్రీ ముత్యాలమ్మ దేవస్థాన గణేష్ ఉత్సవ కమిటీ ఆధ్వర్యంలో ఏర్పాటుచేసిన వినాయకుడి మండపం వద్ద బుధవారం సాయంత్రం అన్నదాన కార్యక్రమం నిర్వహించారు. 
  అన్నదానం కార్యక్రమాన్ని గ్రామ సర్పంచ్ వెన్నెమల్ల వెంకటమ్మ మధుకర్ సహకారంతో ఏర్పాట్లు చేసినారు. ఈ సందర్భంగా గణేష్ ఉత్సవ సభ్యుల ఆధ్వర్యంలో ఉప సర్పంచ్ జెల్లకుల సైదులు, మరియు బిఆర్ఎస్ నాయకులు వెన్నెమల్ల నరసింహ లను శాలువాతో సత్కరించి సన్మానించారు. 
  తదుపరి లడ్డు వేలం పాటకు మరియు గణేష్ నిమజ్జనం కొరకు ఏర్పాట్లు చేస్తున్నారు. కార్యక్రమంలో గ్రామ ప్రజలు అధిక సంఖ్యలో పాల్గొన్నారు.
  SB NEWS 
  SB NEWS NALGONDA
  SB NEWS TELANGANA
  

  
STREETBUZZ NEWS APP 
 

మర్రిగూడెం మండలంలో కొనసాగుతున్న అంగన్వాడీ ఉద్యోగుల సమ్మె


  

 
 
  NLG: అంగన్వాడి ఉద్యోగుల సమ్మె 17వ రోజు సందర్భంగా, మర్రిగూడ మండల కేంద్రంలో తహసిల్దార్ కార్యాలయం ముందు సిఐటియు జిల్లా సహాయ కార్యదర్శి ఏర్పుల యాదయ్య ధర్మసమాజ్ పార్టీ జిల్లా ఉపాధ్యక్షులు నక్క గిరి మహారాజ్ మాట్లాడుతూ.. న్యాయమైన డిమాండ్ల కోసం అంగన్వాడీ లు చేస్తున్న సమ్మె న్యాయమైనదని వారు అన్నారు. 
  సమాన పనికి సమాన వేతనం ఇవ్వాలని, కనీస వేతనం 26 వేల రూపాయలు ఇవ్వాలని, ఉద్యోగ భద్రత, ప్రమాద బీమా సౌకర్యం, అట్లాగే బిఎల్ఓ డ్యూటీలను కూడా రద్దు చేయాలని వాళ్ళు చేస్తున్న న్యాయమైన డిమాండ్లను తక్షణమే పరిష్కరించాలని రాష్ట్ర ప్రభుత్వాన్ని డిమాండ్ చేశారు. లేనియెడల తెలంగాణ రాష్ట్ర వ్యాప్తంగా అంగన్వాడీలు ఎక్కడికక్కడ ప్రభుత్వ కార్యాలయంలు దిగ్బంధం చేస్తామని హెచ్చరించారు.
  ఈ కార్యక్రమంలో రైతు సంఘం జిల్లా నాయకులు ఉప్పునూతల వెంకటయ్య, ఊరుపక్క సాయికుమార్, ధర్మసమాజ్ పార్టీ మండల నాయకులు నక్క గిరి, నక్క లక్ష్మణ్, అంగన్వాడి ఉద్యోగుల యూనియన్ మండల కమిటీ అధ్యక్ష కార్యదర్శులు శోభ,రజిత, శోభారాణి సువర్ణ, జయశ్రీ, శారద, ఉమాదేవి, సరళ, మంగమ్మ, లక్ష్మి, సుగుణ, విఘ్నేశ్వరి, అనంతలక్ష్మి, షబానీ, భాగ్య, యాదమ్మ తదితరులు పాల్గొన్నారు.
  SB NEWS 
  SB NEWS NALGONDA DIST 
  STREETBUZZ NEWS APP
  

  
SB NEWS TELANGANA
  

  

 

నీలి గర్జనను విజయవంతం చేయండి: మేడి ప్రియదర్శిని


  

 
 
  నకిరేకల్: బిఎస్పి నియోజకవర్గ పార్టీ కార్యాలయంలో, నకిరేకల్ పట్టణ కేంద్రంలో జరిగే నకిరేకల్ నీలి గర్జన పోస్టర్ ను నియోజకవర్గ బీఎస్పీ ఇంచార్జి మేడి ప్రియదర్శిని ఆధ్వర్యంలో బుధవారం ఆవిష్కరించారు. 
  అనంతరం మేడి ప్రియదర్శిని మాట్లాడుతూ.. తెలంగాణ రాష్ట్రంలో నీలి కండువా రాక తోనే 30 లక్షల మందికి ఉపాధి దొరికిందని ఆశాభవాన్ని వ్యక్తం చేశారు. నీలి కండువా రాక తోనే అన్ని కులాలు, మతాల వారికి న్యాయం జరుగుతుందన్నారు. జనాభా నిష్పత్తి ప్రకారం బహుజనులకు అభివృద్ధి ఫలాలు దక్కేలా బహుజన్ సమాజ్ పార్టీ నిరంతరం కృషి చేస్తుందన్నారు. నీలి కండువా అమ్ముడుపోని మడమ తిప్పని త్యాగనిరతి గల పార్టీ అని తెలిపారు. 
  రాబోయే రోజుల్లో ప్రగతి భవన్ పై నీలి కండువా ఎగరవేయడం ఖాయమన్నారు. ఏనుగు గుర్తును గ్రామగ్రామాన అన్ని వర్గాల వారికి చేరువ చేయాలని కార్యకర్తలను కోరారు. ఓట్లు మావి సీట్లు మీవా అని ప్రశ్నించారు. ఓట్లు మావే సీట్లు మావే అని కార్యకర్తలతో కలిసి నినాదాలు చేశారు. 
  నకిరేకల్ పట్టణ కేంద్రంలో అక్టోబర్ 5వ తేదీ ఉదయం 11 గంటలకు లక్ష్మారెడ్డి ఫంక్షన్ హాల్లో జరిగే నీలి గర్జన ముఖ్య కార్యకర్తల సమావేశం ను జయప్రదం చేయాలని కోరారు.
  ఈ కార్యక్రమంలో నియోజకవర్గ అధ్యక్షులు గద్దపాటి రమేష్, నియోజకవర్గ మహిళా కన్వీనర్ మర్రి శోభ, కేతాపల్లి మండల అధ్యక్షులు ఎడ్ల విజయ్, చిట్యాల మండల కోశాధికారి మునుగోటి సత్తయ్య, మల్లేష్, వినయ్ యోగి, సంతోష్, మల్లికార్జున్, బిఎస్పి నాయకులు, కార్యకర్తలు, తదితరులు పాల్గొన్నారు.
  SB NEWS
  SB NEWS NALGONDA DIST 
  

 

కుదాబక్షిపల్లి గ్రామంలో ఆయుష్మాన్ భవ హెల్త్ మేళా నిర్వహించిన మండల నోడల్ సూపర్వైజర్


  

 
 
  నల్లగొండ జిల్లా: ఈరోజు మర్రిగూడ మండలం కుదాబక్షిపల్లి గ్రామంలో ఆయుష్మాన్ భవ హెల్త్ మేళ మరియు టి.బి, లెప్రసీ క్యాంపు లను మండల నోడల్ సూపర్వైజర్ ప్రేమ్ కుమార్ నిర్వహించి ప్రజలకు అవగాహన కల్పించారు.
  ఈ క్యాంపులో బీపీ షుగర్ పరీక్షలు మరియు ఇతర వైద్య సేవలు ప్రజలకు అందించడం జరిగింది. ఈ క్యాంపులో ఎస్టిఎస్ సైదులు, డిపిఎమ్ఓ చంద్రశేఖర్ సార్ ,ఏఎన్ఎం లు, స్థానిక ప్రజలు పాల్గొన్నారు.
  

  
SB NEWS NALGONDA DIST 
 

TS: భక్తులతో సందడిగా ఖైరతాబాద్ మహా గణేశుడిని ప్రాంతం


  

 
 
  హైదరాబాద్: గణేష్ నవరాత్రి ఉత్సవాలలో భాగంగా ఖైరతాబాద్ మహా గణేష్ విగ్రహానికి రాష్ట్రవ్యాప్తంగా విశిష్ట గుర్తింపు, ప్రత్యేకత ఉన్నది. వినాయకుడి విగ్రహాన్ని దర్శించుకోవడానికి రాష్ట్రవ్యాప్తంగా ప్రజలు ఇక్కడికి వస్తూ ఉంటారు. 
  నగరంలో రేపు ఖైరతాబాద్ గణేష్ నిమర్జనం ఉన్న సందర్భంగా, ఈ రోజు 69 అడుగుల, ఖైరతాబాద్ మహా గణేష్ దివ్య స్వరూపం చూడడానికి భక్తులు రాష్ట్రవ్యాప్తంగా అనేక ప్రాంతాల నుండి అధిక సంఖ్యలో వచ్చి బుధవారం మహాగణపతిని దర్శించుకుంటున్నారు. 
  ఈ సందర్భంగా భక్తులు స్వామివారిని దర్శించుకుని పూజలు నిర్వహించి తమ మొక్కులు చెల్లించుకుంటున్నారు. మరుసటి సంవత్సరం మళ్లీ వస్తాం స్వామి అనుకుంటూ తిరుగు ప్రయాణాలు ప్రారంభించారు. భక్తులు అధిక సంఖ్యలో రావడం వల్ల ఈ ప్రాంతం మొత్తం ఆధ్యాత్మిక వాతావరణ నెలకొని సందడిగా ఉంది. భక్తుల రద్దీ దృష్ట్యా అధికారులు క్యూ లైన్లు ఏర్పాటు చేశారు. ఇక మధ్యాహ్నం సమయానికి భక్తుల రద్దీ దృష్ట్యా అధికారులు దర్శనాలను నిలిపివేశారు.
  

  
SB NEWS TELANGANA