ప్రధాని మోడీకి సోనియా గాంధీ సంచలన లేఖ


పార్లమెంటు ప్రత్యేక సమావేశాల ఎజెండాను చెప్పకపోవడంపై అభ్యంతరం వ్యక్తం చేస్తూ, ఈ డిమాండ్లు చేస్తూ సోనియా గాంధీ ప్రధాని మోదీకి లేఖ రాశారు.

కాంగ్రెస్ పార్లమెంటరీ పార్టీ చైర్‌పర్సన్ సోనియా గాంధీ ప్రధాని నరేంద్ర మోదీకి లేఖ రాశారు. కేంద్ర ప్రభుత్వం పిలుపునిచ్చిన పార్లమెంట్ ప్రత్యేక సమావేశాలపై సోనియా గాంధీ ప్రధానికి లేఖ రాశారు. తన లేఖలో, ప్రత్యేక సెషన్ ఎజెండాను చెప్పనందుకు సోనియా అభ్యంతరం వ్యక్తం చేశారు, అదే సమయంలో ఆమె తన తరపున తొమ్మిది డిమాండ్లను కూడా ఉంచారు. అదానీ కేసులో జెపిసి విచారణ సహా కుల గణన అంశాన్ని సోనియా గాంధీ లేవనెత్తారు.

సెప్టెంబర్ 18 నుండి సెప్టెంబర్ 22 వరకు పార్లమెంటు ప్రత్యేక సమావేశాన్ని పిలిచినట్లు మీకు తెలియజేద్దాం. అయితే, ఈ సెషన్ ఎజెండాకు సంబంధించి ప్రభుత్వం నుండి ఎటువంటి సమాచారం ఇవ్వలేదు. ఈ ఎజెండాను ప్రభుత్వం వెల్లడించాలని ప్రతిపక్షాలు నిరంతరం డిమాండ్ చేస్తున్నాయి. దీనిపై సోనియా గాంధీ కూడా ప్రధాని మోదీకి లేఖ రాశారు.మొదటి సారిగా పార్లమెంట్ సమావేశాల ఎజెండాను ప్రతిపక్షాలతో పంచుకోవడం లేదని.. సాధారణంగా ప్రత్యేక సమావేశానికి ముందు చర్చలు జరిపి ఏకాభిప్రాయం కుదుర్చుకుంటారని ఆమె ఈ లేఖలో రాశారు. చేరుకుంది. దీని ఎజెండాను కూడా ముందుగానే ఫిక్స్ చేసి ఏకాభిప్రాయానికి ప్రయత్నించడం.. మీటింగ్ పెట్టడం, ఎజెండా ఫిక్స్ కాకపోవడం ఇదే తొలిసారి.

ఏ అంశంపైనా చర్చకు డిమాండ్ లేదు
అదే సమయంలో సోనియా గాంధీ ఈ లేఖలో మొత్తం 9 అంశాలను ముందుకు తెచ్చారు. వీటిలో ఆర్థిక పరిస్థితి, ద్రవ్యోల్బణం, నిరుద్యోగం తదితర అంశాలపై చర్చ జరగాలని డిమాండ్‌ చేశారు. రైతులకు సంబంధించి ప్రభుత్వం చేసిన వాగ్దానాలు, ఎంఎస్పీ హామీపై ఇప్పటి వరకు ఏం జరిగింది. అదానీ కేసుపై సోనియాగాంధీ జెపిసి విచారణ జరపాలని డిమాండ్ చేశారు, అంతే కాకుండా కుల గణనను వెంటనే నిర్వహించాలని విజ్ఞప్తి చేశారు.దీనిని జాతీయ విపత్తుగా ప్రకటించాలని డిమాండ్ చేశారు. వీటితో పాటు దేశంలో మత ఉద్రిక్తతలు, మణిపూర్ హింస, లడఖ్‌లో చైనా చొరబాటు వంటి అంశాలు తెరపైకి వచ్చాయి.

జైరాం రమేష్ ఏమన్నారు?
సోనియా గాంధీ లేఖపై కాంగ్రెస్ ప్రధాన కార్యదర్శి జైరాం రమేష్ మాట్లాడుతూ, ఈ ప్రత్యేక సమావేశం గురించి ఎవరికీ తెలియదని అన్నారు. ప్రత్యేక సెషన్‌కు సంబంధించిన ఎజెండా గురించి మా వద్ద ఎలాంటి సమాచారం లేనప్పుడు ఇది మొదటిసారిగా జరుగుతోంది. మీడియాతో జైరాం రమేష్ మాట్లాడుతూ, నిన్న కాంగ్రెస్ పార్లమెంటరీ పార్టీ అధ్యక్షురాలు సోనియా గాంధీ అధ్యక్షతన కాంగ్రెస్ పార్లమెంటరీ పార్టీ సమావేశం జరిగింది. అనంతరం కాంగ్రెస్‌ అధ్యక్షుడు మల్లికార్జున్‌ ఖర్గే నివాసంలో అఖిలపక్షం నేతల సమావేశం జరిగింది. పార్లమెంట్‌ ప్రత్యేక సమావేశాలను బహిష్కరించేది లేదని తేల్చిచెప్పాం. ప్ర‌జ‌ల స‌మ‌స్య‌ల‌ను ప్ర‌స్తావించ‌డానికి ఇదొక స‌ద‌వ‌కాశం, ప్ర‌తి పార్టీ వివిధ స‌మ‌స్య‌ల‌ను ముందుకు తెచ్చేందుకు త‌న వంతు కృషి చేస్తుంది.

సెప్టెంబర్ 18 నుంచి ప్రారంభం కానున్న పార్లమెంట్ ప్రత్యేక సమావేశాలకు సంబంధించి లోక్‌సభ, రాజ్యసభలు నోటిఫికేషన్ జారీ చేశాయని మీకు తెలియజేద్దాం. ఈ ఐదు రోజుల సెషన్ సెప్టెంబర్ 22 వరకు కొనసాగుతుంది. లోక్‌సభ, రాజ్యసభ సెక్రటేరియట్‌లు ఈ మేరకు సమాచారం అందించాయి. 17వ లోక్‌సభ 13వ సమావేశాలు సెప్టెంబర్ 18 నుంచి ప్రారంభమవుతాయని, ప్రభుత్వ పనితీరును బట్టి సెప్టెంబర్ 22 వరకు కొనసాగుతాయని లోక్‌సభ సెక్రటేరియట్ తెలిపింది. రాజ్యసభ సెక్రటేరియట్ తన బులెటిన్‌లో, “రాజ్యసభ యొక్క 261వ సమావేశాలు సెప్టెంబర్ 18 నుండి ప్రారంభమవుతాయని సభ్యులకు తెలియజేయబడింది.” సెషన్ సెప్టెంబర్ 18,19, 20, 21 మరియు 22 తేదీలలో కొనసాగుతుంది. సెషన్ సాధారణంగా ఉదయం 11 గంటల నుండి మధ్యాహ్నం 1 గంటల వరకు, ఆపై మధ్యాహ్నం 2 నుండి సాయంత్రం 6 గంటల వరకు నడుస్తుందని పేర్కొంది.

ఒకే దేశం- ఒకే ఎన్నికలు.. నేడు రామ్‌నాథ్ నివాసంలో అధ్యయన కమిటీ తొలి అధికారిక భేటీ..


దేశంలో జమిలి ఎన్నికల దిశగా కేంద్రం అడుగులు వేస్తున్నట్టుగా కనిపిస్తుంది. ఈ క్రమంలోనే ''ఒకే దేశం- ఒకే ఎన్నికలు'' సాధ్యాసాధ్యాల పరిశీలనకు కేంద్రం మాజీ రాష్ట్రపతి రామ్ నాథ్ కోవింద్ నేతృత్వంలో కమిటీని కూడా కేంద్రం ఏర్పాటు చేసిన సంగతి తెలిసిందే..

ఇందులో 8 మంది సభ్యులను నియమించింది. అయితే ఈ కమిటీ తొలి భేటీ మొదటి అధికారిక సమావేశం ఈరోజు జరిగే అవకాశం ఉందని సంబంధిత వర్గాలు తెలిపాయి. 

రామ్‌నాథ్‌ కోవింద్‌ అధ్యక్షతన ఢిల్లీలోని ఆయన నివాసంలో ఈరోజు మధ్యాహ్నం 3 గంటలకు జరగనుందని సమాచారం. సార్వత్రిక ఎన్నికలు ముందే జరుగుతాయనే ఊహాగానాలు మధ్య కేంద్రం చర్యలు మరింత ఆసక్తి కలిగిస్తున్నాయి..

NASA: విక్రమ్‌ ల్యాండర్‌ను క్లిక్‌మనిపించిన నాసా ఉపగ్రహం..
వాషింగ్టన్‌: భారత్‌లో చంద్రయాన్‌-3(Chandrayaan-3) ప్రయోగానికి సంబంధించి ఇస్రో(ISRO) ఎప్పటికప్పుడు అప్‌డేట్స్‌ ఇస్తూ ప్రజల్లో ఆసక్తిని పెంచుతూనే ఉంది..

అయితే తాజాగా అమెరికాకు చెందిన నేషనల్‌ ఏరోనాటిక్స్‌ స్పేస్‌ అడ్మినిస్ట్రేషన్‌(నాసా)(NASA) చంద్రయాన్‌-3 ల్యాండర్‌ చిత్రాన్ని ఎక్స్‌(ట్విటర్‌)లో పంచుకుంది. తన ఉపగ్రహం ఈ ఫొటోను తీసినట్లు తెలిపింది. 

'జాబిల్లి ఉపరితలంపై ఉన్న చంద్రయాన్‌-3 ల్యాండర్‌ను నాసాకు చెందిన ఎల్‌ఆర్‌ఓ(లునార్‌ రికానజెన్స్‌ ఆర్బిటర్‌) స్పేస్‌క్రాఫ్ట్‌ ఫొటో తీసింది. ఆగస్టు 23న ఈ ల్యాండర్‌ చంద్రుడి దక్షిణ ధ్రువానికి సుమారు 600 కి.మీ దూరంలో దిగింది' అని నాసా వెల్లడించింది. ల్యాండర్ దిగిన నాలుగురోజుల తర్వాత ఆగస్టు 27న ఎల్‌ఆర్‌ఓ ఈ చిత్రాన్ని తీసింది. జాబిల్లి ఉపరితలంపై ల్యాండర్ దిగుతున్నప్పుడు కలిగిన రాపిడి వల్ల ఒక తెల్లని వలయం ఏర్పడిందని ఈ చిత్రాలను బట్టి తెలుస్తోంది..

చంద్రుడి ఉపరితలం 3డీ అనాగ్లిఫ్‌ చిత్రాన్ని నిన్న ఇస్రో విడుదల చేసింది. అందులో విక్రమ్‌ ల్యాండర్‌ ఉన్న ప్రాంతంలో చంద్రుడి ఉపరితలం ఎలా ఉందో స్పష్టంగా కనిపిస్తోంది. ప్రజ్ఞాన్‌ రోవర్‌కు అమర్చిన నేవిగేషన్‌ కెమెరాలతో తీసిన చిత్రాలను ప్రత్యేక పద్దతిలో క్రోడీకరించి ఈ చిత్రాన్ని రూపొందించినట్లు ఇస్రో ఎక్స్‌ (ట్విటర్‌) వేదికగా విడుదల చేసింది. స్టీరియో లేదా మల్టీ వ్యూ ఇమేజ్‌లను ఒకచోట చేర్చి అవి మూడు కోణాల్లో కనిపించేలా చేయడమే అనాగ్లిఫ్‌. ప్రస్తుతం నిద్రాణంలో ఉన్న ల్యాండర్, రోవర్ సెప్టెంబర్ 22న తిరిగి మేల్కొనే అవకాశం ఉందని ఇస్రో భావిస్తోంది. ఊహించినట్లు అవి పని చేస్తే.. ఇంకొన్నాళ్లపాటు పరిశోధనలు సాగించేందుకు అవకాశం ఉంటుందని పేర్కొంది..

Congress Party : తాజ్ కృష్ణాలో స్క్రీనింగ్ కమిటీ సమావేశం ప్రారంభం


హైదరాబాద్ : తాజ్ కృష్ణాలో కాంగ్రెస్ పార్టీ స్క్రీనింగ్ కమిటీ సమావేశం ప్రారంభమైంది. స్క్రీనింగ్ కమిటీ చైర్మన్ మురళీధరన్ అధ్యక్షతన ఈ సమావేశం జరుగుతోంది..

దీనికి స్క్రీనింగ్ కమిటీ సభ్యులంతా హాజరయ్యారు. రాష్ట్ర స్థాయిలో అభ్యర్థుల ఎంపికపై కసరత్తు తుది దశకి చేరుకోనుంది. నేడు తుది నివేదిక రూపొందించడం జరగనుంది. 

సాయంత్రం సీల్డ్ కవర్లో కాంగ్రెస్ ఎలక్షన్ కమిటీకి స్క్రీనింగ్ కమిటీ నివేదికను అందించనుంది. ఇప్పటికే దాదాపు 30 మంది సభ్యులు ఫిక్స్ అయినట్టు తెలుస్తోంది. మిగిలిన నియోజకవర్గాలకు స్క్రీనింగ్ కమిటీ అభ్యర్థుల విషయమై కసరత్తు చేస్తోంది. త్వరలోనే అన్ని నియో జకవర్గాలకు సంబంధించిన అభ్యర్థుల జాబితాను కాంగ్రెస్ పార్టీ వెలువరించనుంది..

Nara Lokesh: ఏ పదాలు కించపరిచేలా ఉన్నాయో జగన్‌ను చెప్పమనండి: పోలీసులతో లోకేశ్‌


భీమవరం: కొంతమంది పోలీసుల తీరుతో ఆ వ్యవస్థకే చెడ్డపేరు వస్తోందని తెదేపా జాతీయ ప్రధాన కార్యదర్శి నారా లోకేశ్‌ అన్నారు. 'యువగళం' పాదయాత్రలో రెచ్చగొట్టే వ్యాఖ్యలు చేశారంటూ పోలీసులు ఆయనకు నోటీసులు ఇచ్చేందుకు పశ్చిమగోదావరి జిల్లా భీమవరం నియోజకవర్గం పరిధిలోని బేతపూడిలోని క్యాంప్‌సైట్‌కు వెళ్లారు..

ఈ సందర్భంగా పోలీసు అధికారులతో లోకేశ్‌ మాట్లాడుతూ వైకాపా శ్రేణులే కవ్వింపు చర్యలకు పాల్పడుతున్నాయన్నారు. తమను కించపరిచేలా ఫ్లెక్సీలు పెడుతున్నప్పుడు వాటిని ఎలా అనుమతించారని పోలీసులను ఆయన ప్రశ్నించారు. 

తాడేరు వద్ద వైకాపా శ్రేణులే తమపై రాళ్ల దాడికి పాల్పడ్డారని ఆరోపించారు. 'యువగళం' వాలంటీర్లను పోలీసులు అదుపులోకి తీసుకోవడంపై లోకేశ్‌ ఆగ్రహం వ్యక్తం చేశారు. పాదయాత్రలో శాంతిభద్రతలకు తానెక్కడా విఘాతం కలిగించలేదని చెప్పారు. యువగళం పాదయాత్ర యువత గళం ప్రభుత్వానికి వినిపించేందుకే తప్ప.. గొడవలు సృష్టించేందుకు కాదన్నారు..

ప్రధాని మోడీ ఎస్పీజీ డైరెక్టర్ మృతి..


హరియాణా: స్పెషల్ ప్రొటెక్షన్ గ్రూప్ (ఎస్పీజీ)చీఫ్అరుణ్ కుమార్సిన్హా(61) సెప్టెంబర్ 6న మృతి చెందారు. పోలీసులు తెలిపిన వివరాల ప్రకారం..

ప్రధాని మోడీ భద్రతా దళమైన ఎస్ పీజీకి సిన్హా డైరెక్టర్గా ఉన్నారు. క్యాన్సర్తో బాధపడుతున్న ఆయన హరియాణా రాష్ట్రం గురుగ్రామ్లోని ఓ ప్రయివేటు ఆసుపత్రిలో చేరారు. పరిస్థితి విషమించి చికిత్స పొందుతూ మృతి చెందారు. 

2016నుంచి ఆయన ఎస్పీజీలో పని చేస్తున్నారు. పీఎం నరేంద్ర మోడీతోపాటు చాలా మంది మాజీ ప్రధానుల ప్రొటెక్షన్ లో ఆయన పని చేశారు. సిన్హా 1987 బ్యాచ్ కేరళ కేడర్ ఐపీఎస్ అధికారు. ఇటీవలే ఆయన సర్వీసును పొడగించినట్లు ప్రభుత్వం నిర్ణయం తీసుకుంది. ఈ లోపే ఆయన మృతి చెందడం విషాదాన్ని నింపింది.

నారా లోకేష్‌కు భీమవరం పోలీసుల నోటీసులు


పశ్చిమగోదావరి: భీమవరం సభలో రెచ్చగొట్టే వ్యాఖ్యలు చేసిన నారా లోకేష్‌కు భీమవరం పోలీసులు నోటీసులు ఇచ్చారు. యువగళం పాదయాత్రలో టీడీపీ రౌడీమూకలు మరోసారి రెచ్చిపోయిన సంగతి తెలిసిందే..

పుంగనూరులో చంద్రబాబు కనుసన్నల్లో దౌర్జన్యాలకు తెగబడగా... భీమవరంలో లోకేశ్‌ ప్రోద్బలంతో పేట్రేగి పోయాయి. పశ్చిమ గోదావరి జిల్లా భీమవరం ప్రకాశం చౌక్‌లో మంగళవారం రాత్రి బహిరంగ సభ అనంతరం గునుపూడి శివారులో టీడీపీ శ్రేణులు రాళ్లు, కర్రలతో వైఎస్సార్‌సీపీ కార్యకర్తలపై దాడులకు బరి తెగించాయి.

లోకేశ్‌ పాదయాత్రలో భాగంగా నిర్వహించిన బహిరంగ సభ వద్ద టీడీపీ కార్యకర్తలు వ్యూహాత్మకంగా రెచ్చగొట్టే చర్యలకు పాల్పడ్డారు. గతంలో వైఎస్సార్‌సీపీ కార్యకర్తలు ఏర్పాటు చేసిన భారీ ఫ్లెక్సీపై వాటర్‌ బాటిళ్లు, రాళ్లు రువ్వడంతో పాటు ఫ్లెక్సీని తొలగించడానికి ప్రయత్నించారు. వివేకానందరెడ్డిని చంపింది ఎవరంటూ ఫ్లెక్సీలను ప్రదర్శించి రెచ్చగొట్టే ప్రయత్నం చేశారు. పాలకొల్లు ఎమ్మెల్యే నిమ్మల రామానాయుడు నేతృత్వంలో పార్టీ శ్రేణులు ఫ్లెక్సీలను పట్టుకుని నినాదాలు చేస్తూ ఉద్రిక్తత సృష్టించారు..

రెండు ఫ్యాన్సీ నంబర్లకూ పోటాపోటీ
హైదరాబాద్‌ ఈస్ట్‌జోన్‌ పరిధిలో మంగళవారం సాయంత్రం జరిగిన ఫ్యాన్సీ నంబర్ల బిడ్డింగ్‌లో సంచలనం చోటుచేసుకొన్నది.

అధిక ధరకు ఓ ఫ్యాన్సీ నంబర్‌ను ఓ సంస్థ దక్కించుకోవడం విశేషం. మరో రెండు ఫ్యాన్సీ నంబర్లకూ పోటాపోటీ ధర పలికింది. ఆ వివరాలను హైదరాబాద్‌ జాయింట్‌ ట్రాన్స్‌పోర్ట్‌ కమిషనర్‌ పాండురంగ్‌ నాయక్‌ ప్రకటించారు.

మొత్తంగా ఆర్టీఏ ఖాజానాకు రూ.18 లక్షల ఆదాయం సమకూరినట్టు ఆయన తెలిపారు. టీఎస్‌11ఈజడ్‌ 9999 నెంబర్‌ను రూ.9,99,999కు చర్చ్‌ ఎడ్యుకేషనల్‌ సొసైటీ దక్కించుకున్నదని తెలిపారు.

టీఎస్‌11ఎఫ్‌ఏ 0001 నంబర్‌ను 3.50 లక్షలకు కామినేని సాయి శివనాగు కైవసం చేసుకొన్నాడని పేర్కొన్నారు. అదే సిరీస్‌తో 0011 నంబర్‌ను శ్యామల రోహిత్‌రెడ్డి రూ.1.55 లక్షలకు దక్కించుకొన్నారని తెలిపారు...

700 కోట్లతో నాఫ్‌కో సంస్థ తెలంగాణలోభారీ పెట్టుబడులు
తెలంగాణకు పెట్టుబడుల ప్రవాహం కొనసాగుతోంది. అమెరికా టూర్‌ను ముగించుకొని దుబాయ్‌ పర్యటనను మొదలు పెట్టిన మంత్రి కేటీఆర్‌.. పలు కంపెనీల ప్రతినిధులతో సమావేశాలు నిర్వహిస్తూ బిజి బిజీగా గడుపుతున్నారు.

ఇందులో భాగంగా తెలంగాణ రాష్ట్రానికి భారీ పెట్టబడితో మంత్రి కేటీఆర్‌ తన దుబాయి పర్యటన ప్రారంభించారు. అగ్నిమాపక సామాగ్రి తయారీలో ప్రపంచవ్యాప్తంగా పేరొందిన యూఏఈ దిగ్గజ సంస్థ నాఫ్‌కో కంపెనీ తెలంగాణ రాష్ట్రంలో రూ.700 కోట్లను పెట్టుబడిగా పెట్టేందుకు ముందుకు వచ్చింది.

ఈ మేరకు మంత్రి కేటీఆర్‌తో కంపెనీ సీఈవో ఖాలిద్‌ అల్‌ ఖతిబ్‌ ప్రతినిధి బృందం సమావేశమైంది.

అనంతరం తెలంగాణ రాష్ట్రంలో తమ అగ్నిమాపక సామాగ్రిని తయారు చేయనున్నట్లు సంస్థ ప్రకటించింది. ఇందులో భాగంగా రూ.700 కోట్ల భారీ పెట్టుబడిని పెడుతున్నట్లు తెలిపింది.

తెలంగాణతోపాటు దేశం విస్తృతంగా అభివృద్ధి చెందుతున్న నేపథ్యంలో అగ్నిమాపక సామాగ్రి, అగ్నిమాపక సేవల అవసరం భవిష్యత్తులో భారీగా పెరుగుతుందని విశ్వాసం తమకుందని నాఫ్‌కో తెలిపింది. తెలంగాణలో ఏర్పాటు చేయనున్న అగ్నిమాపక సామాగ్రి తయారీ ప్లాంట్‌ భారతదేశ డిమాండ్‌కు సరిపోతుందన్న విశ్వాసం వ్యక్తం చేశారు.

తిరుమల తిరుపతి లో  పెరిగిన భక్తుల రద్దీ..


తిరుమలకు బుధవారం భక్తుల రద్దీ పెరిగింది. శ్రీవారి దర్శనం కోసం 31 కంపార్టుమెంట్లలో భక్తులు వేచి ఉన్నారు. సర్వదర్శనానికి 18 గంటలు, ప్రత్యేక దర్శనానికి 4 గంటల సమయం పడుతోంది. 

ఇదిలా ఉంటే.. నిన్న సెప్టెంబర్‌ 5, మంగళవారం శ్రీవారిని దర్శించుకున్న భక్తుల సంఖ్య 71,946. తలనీలాలు సమర్పించిన వాళ్ల సంఖ్య 30,294గా ఉంది. శ్రీవారి హుండీ ఆదాయం 4.51 కోట్ల ఆదాయం వచ్చినట్లుగా తిరుమల తిరుపతి దేవాదాయ శాఖ తెలిపింది. 

ఈ ఏడాది అధిక మాసం సందర్భంగా సెప్టెంబరు 18 నుంచి 26వ తేదీ వరకు సాలకట్ల బ్రహ్మోత్సవాలు నిర్వహించనుంది, 17వ తేదీ న వార్షిక బ్రహ్మోత్సవాలకు అంకురార్పణ జరుగుతుంది. 

18వ తేదీన ధ్వజారోహణంతో బ్రహోత్సవాలు ప్రారంభం అవుతాయి. అదే రోజు తిరుమలకు విచ్చేసి ప్రభుత్వం తరపున ముఖ్యమంత్రి వైఎస్‌ జగన్‌మోహన్‌రెడ్డి పట్టువస్త్రాలు సమర్పిస్తారు.

సెప్టెంబరు 22న గరుడసేవ, 23న స్వర్ణరథోత్సవం, 25న మహారథం, 26న చక్రస్నానం, చివరగా.. ధ్వజారోహణంతో వార్షిక బ్రహోత్సవాలు ముగుస్తాయి. మళ్లీ అక్టోబర్‌ 15 నుంచి 23 వరకు నవరాత్రి బ్రహ్మోత్సవాలు నిర్వహిస్తారు.