బిఆర్ఎస్ జిల్లా కార్యాలయంపై కాంగ్రెస్ దాడిని ఖండిస్తున్నాం:  బేజాడి కుమార్ సిపిఐ ఎంఎల్ న్యూ డెమోక్రసీ భువనగిరి డివిజన్ కార్యదర్శి

 
 
  
  
భువనగిరి జిల్లా బిఆర్ఎస్ కార్యాలయం పై కాంగ్రెస్ కార్యకర్తల దాడిని సిపిఐ ఎంఎల్ న్యూడెమోక్రసీ తీవ్రంగా ఖండిస్తుందని భువనగిరి డివిజన్ కార్యదర్శి బేజాడి కుమార్ అన్నారు. రాజకీయాల్లో విమర్శ ప్రతి విమర్శ సహజం.ఏ విమర్శ అయినా తప్పును ఎత్తి చూపేలా ఉండాలి కానీ గాయపరిచేలా ఉండకూడదు. రాజ్యాంగ హక్కులను అందరు గౌరవించాలి. భౌతిక దాడులకు పూనుకోవడం సమంజసం కాదని, అధికారంలో ఉన్న కాంగ్రెస్ ప్రభుత్వం సహనం, సమన్వయం కోల్పోతే ప్రజలకు దూరం అవుతుందని అన్నారు. పోలీసులు నిస్పక్ష పాతంగా వ్యవహరించాలని బేజాడి కుమార్ కోరారు.
 

బీబీనగర్ లోని బాలికల గురుకుల పాఠశాలలను సందర్శించిన డిప్యూటీ సీఎం బట్టి విక్రమార్క

 
 
  

  యాదాద్రి భువనగిరి జిల్లా బీబీనగర్ మండల కేంద్రం లో గల ప్రభుత్వ ఎస్సీ ,బీసీ గురుకుల బాలికల పాఠశాలలను తెలంగాణ రాష్ట్ర ఉప ముఖ్యమంత్రి భట్టి విక్రమార్క , భువనగిరి ఎమ్మెల్యే కుంభం అనీల్ కుమార్ రెడ్డి లు సందర్శించి విద్యార్థినులతో భోజనం చేశారు. ఈ సందర్భంగా డిప్యూటీ సీఎం బట్టి విక్రమార్క మాట్లాడుతూ బిడ్డల భవిష్యత్తు తెలంగాణ రాష్ట్ర భవిష్యత్తు.రాష్ట్ర భవిష్యత్తు బాగుండాలంటే మన బిడ్డలు బాగుండాలి. వారిని ప్రయోజకులుగా తీర్చిదిద్దాలన్న ఆలోచనతో రాష్ట్ర ప్రభుత్వం డైట్, కాస్మోటిక్ ఛార్జీలను పెంచిందని డిప్యూటీ సీఎం తెలిపారు. ఆదివారం మధ్యాహ్నం ఆయన హైదరాబాదు నుంచి వరంగల్ వెళుతూ మార్గమధ్యంలో బీబీనగర్ లోని ఎస్సీ, బిసి బాలికల రెసిడెన్షియల్ పాఠశాలను ఆకస్మికంగా పర్యటించారు. విద్యార్థులకు అందుతున్న మెనూ, కాస్మోటిక్ ఛార్జీల వివరాలను విద్యార్థినీలను అడిగి తెలుసుకున్నారు. విద్యార్థులతో కలిసి ఆయన మధ్యాహ్న భోజనం చేశారు. డైట్ చార్జీలు పెంచక ముందు, పెంచిన తర్వాత మెనూ లో వచ్చిన మార్పులు. నాణ్యత పాటిస్తున్నారా లేదా, శుభ్రత ఎలా ఉంది అన్ని విశేషాలు అడిగి తెలుసుకున్నారు. ఆ తర్వాత స్టోర్ రూమ్ను , తరగతి గదులను స్వయంగా తిరిగి పరిశీలించారు. విద్యార్థినీలకు అందుతున్న వైద్య సహాయం వారి ఆరోగ్య వివరాలకు సంబంధించిన రిజిస్టర్లు పరిశీలించారు. బోధన, బోధ నేతర సిబ్బంది సమస్యలను అడిగి తెలుసుకున్నారు. తదుపరి మీడియాతో మాట్లాడుతూ సంక్షేమ వసతిగృహాల్లో చదువుకుంటున్న విద్యార్థుల డైట్, కాస్మోటిక్ చార్జీలు పెంచాలని ప్రజా ప్రభుత్వం తెలిపారు. విద్యార్థులకు పౌష్టిక ఆహారం అందితేనే వారు శారీరకంగా మానసికంగా బలంగా ఎదుగుతారని,ఎదిగే సమయంలో కావలసిన పోషకాలు అందిస్తేనే మెదడు చురుకుగా పనిచేసి టీచర్లు బోధించే పాటాలను పూర్తిస్థాయిలో అర్థం చేసుకుంటారని వివరించారు. ఆర్థికంగా ఇబ్బందులు ఉన్నప్పటికీ పిల్లల ఆరోగ్యాన్ని దృష్టిలో పెట్టుకొని డైట్, కాస్మోటిక్ ఛార్జీలు పెంచినట్టు తెలిపారు. పెంచిన చార్జీల మేరకు హాస్టల్లో మెనూ అందిస్తున్నారా లేదా అనే విషయాలను నెలలో ఒకసారి హాస్టల్లో పర్యటించాలని ముఖ్యమంత్రి రేవంత్ రెడ్డి తో పాటు యావత్ క్యాబినెట్ నిర్ణయించింది అందులో భాగంగా తాను ఆదివారం బీబీనగర్ హాస్టల్ ను సందర్శించినట్లు తెలిపారు. క్యాబినెట్ సహచరులు మొదలు ఐఏఎస్, ఐపీఎస్ అధికారులు తరచూ రెసిడెన్షియల్ పాఠశాలలు, సంక్షేమ వసతి గృహాలను సందర్శించి అందుతున్న సౌకర్యాలపై నిరంతరం పర్యవేక్షణ చేస్తారని తెలిపారు.
  

  

  
 

కళ్లకు గంతలు కట్టుకొని వినూత్న నిరసన తెలిపిన హమాలి  కార్మికులు...4వ రోజు కొనసాగిన హమాలి  కార్మికుల నిరవధిక సమ్మె

 
 
   సివిల్ సప్లయి హమాలీ కార్మికులకు పెంచిన కూలీ రెట్ల జి. ఓ ను తక్షణమే విడుదల చేయాలని ఏఐటీయూసీ జిల్లా ప్రధాన కార్యదర్శి ఎండీ ఇమ్రాన్ ప్రభుత్వాన్ని డిమాండ్ అన్నారు. శనివారం రోజున సివిల్ సప్లయి హమాలీస్ యూనియన్ (AITUC) ఆధ్వర్యంలో పెంచిన కూలి రేట్ల జి.ఓ ను విడుదల చేయాలని రాష్ట్ర వ్యాప్తంగా చేస్తున్న నిరవధిక సమ్మె 4వ రోజు యధావిధిగా కొనసాగింది. ఈ సందర్బంగా 4వ రోజు భువనగిరి ఎం. ఎల్. ఎస్ గోడౌన్ వద్ద *సివిల్ సప్లై కమిషనర్ తీరుకు నిరసనగా కళ్లకు గంతలు కట్టుకొని హమాలీ కార్మికులు నిరసన తెలుపడం జరిగింది.* ఈ సందర్బంగా ఇమ్రాన్ మాట్లాడుతూ తేదీ 4 10 2024 నాడు సివిల్ సప్లయి కమిషనర్ మరియు ఏఐటీయూసీ నాయకుల సమీక్షంలో జరిగిన చర్చలకు సంబంధించిన జీవో కాపీ విడుదల చేయడంలో కమిషనర్ పూర్తిగా విఫలం అయ్యారని అయన ఆరోపించారు. 4 రోజులుగా రాష్ట్రవ్యాప్తంగా కార్మికులు సమ్మె చేస్తున్న కమిషనర్ గారికి కనిపించడం లేదా అని ప్రశ్నించారు. పెంచిన కూలి రేట్ల జీవోను విడుదల చేయమంటే సమ్మెను అణిచివేయడానికి అనేక రకాలుగా అధికారులు ప్రయత్నిస్తున్నారని ఆయన ఆగ్రహం వ్యక్తం చేశారు. జి. ఓ విడుదల చేసే వరకు సమ్మె ఎదవిదిగా కొనసాగుతుందని ఆయన స్పష్టం చేశారు. ఈ కార్యక్రమంలో ఏఐటీయూసీ జిల్లా కార్యవర్గ సభ్యులు సామల శోభన్ బాబు, సివిల్ సప్లయి హమాలి యూనియన్ జిల్లా అధ్యక్షులు పల్లె శ్రీనివాస్, భువనగిరి పాయింట్ అధ్యక్షులు గౌరవంతుల శ్రీనివాస్, నాయకులు ముదిగొండ బస్వయ్య, పిన్నం జగన్, ముడుగుల స్వామి, మామిండ్ల సత్యనారాయణ, బొజ్జ గణేష్, మైసయ్య, శ్రీనివాస్, కరుణాకర్, పాండు, కృష్ణ, రాజు, మల్లేష్, నరేష్, నరసింహ, స్వామి, మల్లేష్, చంద్రయ్య, వంశీ, స్వీపర్లు శాంతమ్మ, అంజమ్మ, శారద, శోభ తదితరులు పాల్గొన్నారు.
 

తుమ్మల నర్సయ్య  సేవాసమితి ఆధ్వర్యంలో ఆర్థిక సహాయం

 
 
  
  
యాదాద్రి భువనగిరి జిల్లా  వలిగొండ మండలం  మత్స్యగిరి గుట్ట వద్ద నివాసం ఉంటున్న నివాసముంటున్న ఎండి రషీద్ తండ్రి జానీ మియా గుండెపోటుతో మరణించినందున వారి కుటుంబానికి 5000 రూపాయలు ఆర్థిక సహాయం అందించడం జరిగింది .ఈ కార్యక్రమంలో జిల్లా కిసాన్ సెల్ నాయకులు బండారు నరసింహ రెడ్డి, మండల ఓబీసీ సెల్ అధ్యక్షులు చిలకమర్రి కనకాచారి సింగల్ విండో డైరెక్టర్ ఆవుల స్వామి ,యాదవ సంఘం అధ్యక్షులు కసర బోయిన లింగయ్య, మత్స్యగిరి గుట్ట ధర్మకర్త బండి రవికుమార్, కాంగ్రెస్ నాయకులు ఆవుల సత్యనారాయణ ,మాజీ సర్పంచ్ పోలేపాక చెమ్మయ్య,మాజీ ఎంపీటీసీ పోలేపాక చంద్రయ్య, సేవా సమితి కార్యదర్శి పిట్టల సుధాకర్, సుంకి ఆనంద్, మీసాల మచ్చగిరి ,పిట్టల శివ, రవ్వ నవీన్, యూత్ కాంగ్రెస్ నాయకులు సంతోష్ కుమార్ , తదితరులు పాల్గొని శ్రద్ధాంజలి ఘటించడం జరిగింది.
 

వివాహ వేడుకల్లో పాల్గొన్న మాజీ ఎమ్మెల్యే చిరుమర్తి లింగయ్య

 
 
  
  
రామన్నపేట మండల కేంద్రంలోని జేపీ ఫంక్షన్ హాల్ లో పట్టణ కేంద్రానికి చెందిన ఎండి బద్రుద్దీన్ కూతురు వివాహమునకు మాజీ ఎమ్మెల్యే చిరుమర్తి లింగయ్య హాజరై నూతన వధూవరులను ఆశీర్వదించారు. తదనంతరం రామన్నపేట పట్టణ కేంద్రానికి చెందిన బిఆర్ఎస్ మండల నాయకులు ఎండి మోసబ్ జన్మదిన సందర్భంగా కేక్ కట్ చేసి శాలువాతో సత్కరించి జన్మదిన శుభాకాంక్షలు తెలియజేయడం జరిగింది. ఈ కార్యక్రమంలో బిఆర్ఎస్ మండల ప్రధాన కార్యదర్శి పోషబోయిన మల్లేశం ,మాజీ మార్కెట్ కమిటీ వైస్ చైర్మన్ బందెల రాములు, మాజీ ఎంపీటీసీలు సాల్వేర్ అశోక్, ఎండి అమీర్, జిల్లా నాయకులు ఎస్.కె చాంద్, పట్టణ కార్యదర్శి జాడ సంతోష్ ,నాయకులు బొడ్డు అలయ్య ,లవణం రాము, రామిని లక్ష్మణ్ ,ఎండి అజాజ్, బాసాని రాజు ,కల్లూరి నరేష్, ఎండి అంజాద్ ,రమేష్ తదితరులు పాల్గొన్నారు.
 

నర్సయ్య గూడెం లో క్రిస్మస్ వేడుకల్లో పాల్గొన్న ప్రముఖ వ్యాపారవేత్త బిజెపి నాయకులు సీఎన్ రెడ్డి, అభి తేజ్ రెడ్డి

 
 
  
  
యాదాద్రి భువనగిరి జిల్లా వలిగొండ మండల పరిధిలోని నరసయ్య గూడెం గ్రామంలో క్రిస్మస్ వేడుకలలో భాగంగా ప్రేమ విందు కార్యక్రమం నర్సాయగూడెం చర్చి ఫాదర్ ఆధ్వర్యంలో నిర్వహించిన కార్యక్రమంలో పాల్గొన్న బిజెపి రాష్ట్ర కార్యవర్గ సభ్యుడు ప్రముఖ వ్యాపారవేత్త సీఎన్ రెడ్డి , బిజెపి యువ నాయకులు చిట్టెడి అభితేజ్ రెడ్డి (నాని) ఈ క్రిస్మస్ ప్రేమ విందు కార్యక్రమంలో పాల్గొని కేక్ కట్ చేసి నరసయ్యగూడెం గ్రామ ప్రజలకు క్రిస్మస్ శుభాకాంక్షలు తెలియజేశారు. ఈ కార్యక్రమంలో ఇన్సెంటివ్ జోజప్ప, నరసయ్య గూడెం గ్రామ ప్రజలు యువకులు తదితరులు పాల్గొన్నారు.
 

శ్రీ శౌర్య స్కూల్ లో ఘనంగా సెమీ క్రిస్మస్ వేడుకలు

 
 
  
  
బోడుప్పల్ మున్సిపల్ కార్పొరేషన్ ,గౌతమ్ నగర్ లోని శ్రీ శౌర్య స్కూల్ లో శనివారం రోజున సెమిక్రిస్మస్ వేడుకలను ప్రిన్సిపల్ వెంకన్న ఆధ్వర్యంలో ఘనంగా నిర్వహించారు.చిన్నారుల వేషధారణలతో ,ఆటపాటలతో పాఠశాల ఆవరణ అంతా కూడా పండుగ వాతావరణం నెలకొంది.ఇట్టి కార్యక్రమంలో పాఠశాల కరస్పాండెంట్ హేమలత, పాఠశాల ఇన్చార్జ్ నీతు కుమారి, ఉపాధ్యాయులు ,విద్యార్థులు పాల్గొన్నారు.
 

న్యాయ విద్యార్థుల రాష్ట్ర 2వ సదస్సును జయప్రదం చేయాలి:  ఐలు రాష్ట్ర ఉపాధ్యక్షులు మామిడి వెంకట్ రెడ్డి

 
 
  
  

  
న్యాయ విద్యార్థులు పౌర సమాజం- రాజ్యాంగం -అనే అంశంపై ఈనెల 21న సుందర విజ్ఞాన కేంద్రంలో జరిగే న్యాయ విద్యార్థుల రాష్ట్ర సదస్సును జయప్రదం చేయాలని ఆల్ ఇండియా లాయర్స్ యూనియన్ (ఐలు)రాష్ట్ర ఉపాధ్యక్షులు మామిడి వెంకట్ రెడ్డి కోరారు. ఈ సందర్భంగా వారు మాట్లాడుతూ న్యాయ విద్యార్థులు చదువుతోపాటు వృత్తిలోని, సమాజంలోని ,రాజ్యాంగంలోని, మెలకువలు నేర్చుకోవాలని న్యాయవిద్యతో పాటు సమాజం పట్ల అవగాహన పెంపొందించుకొని వృత్తి నైపుణ్యతను పెంపొందించుకోవాలని ఆయన కోరారు నేడున్న పరిస్థితుల్లో రాజ్యాంగానికి ఎదురైన సవాళ్లు వాటి పట్ల న్యాయ విద్యార్థులు అడ్వకేట్స్ వహించాల్సిన పాత్ర గురించి చర్చించడం జరుగుతుందని న్యాయ విద్యార్థులు తెలంగాణ రాష్ట్ర వ్యాప్తంగా అందరూ పాల్గొని జయప్రదం చేయాలని ఆయన కోరారు ఈ ఈ సదస్సుకు ఐలు సుప్రీంకోర్టు అడ్వకేట్ ఐలు ఆల్ ఇండియా కార్యదర్శి సురేంద్రనాథ్, నేషనల్ జ్యుడీషియల్ అకాడమీ విశ్రాంత ప్రొఫెసర్ జి మోహన్ గోపాల్, తదితరులు పాల్గొని విషయాలపై చర్చించడం జరుగుతుందని న్యాయ విద్యార్థులు న్యాయవాదులు పెద్ద సంఖ్యలో హాజరు కావాలని ఆయన కోరారు. ఈ కార్యక్రమంలో, జిల్లా ఉపాధ్యక్షులు కుక్కదువ సోమయ్య, పాల్వంచ జరుగుతయ్య, తడ్క మోహన్, సహాయ కార్యదర్శి సిస శ్రీనివాస్ ,బోల్లెపెల్లి కుమార్,చింతల రాజశేఖర్ రెడ్డి, బోడ్డు కిషన్ ఎండి నిహాల్ తదితరులు పాల్గొన్నారు.
 

CPI  నాయకుల అక్రమ అరెస్టులను ఖండిస్తున్నాం:  కామ్రేడ్ రెబ్బాస్ రాములు సిపిఐ నాయకులు

 
 
  
  
విద్యార్థి యువజన సంఘాలు ఏఐవైఎఫ్ ఏఐఎస్ఎఫ్ నిత్యం విద్యార్థుల సమస్యలపై పోరాటం వారి పరిష్కార కోసం సాగిస్తున్న పోరాటంలో విద్యార్థులకు రావాల్సిన స్కాలర్షిప్లు రియంబర్స్మెంట్ విడుదల చేయాలని అదేవిధంగా నూతన జాతీయ విద్యా విధానం అసెంబ్లీలో రద్దు చేయాలని అసెంబ్లీలో ప్రభుత్వానికి తమ సమస్యలను విన్నపించడానికి యువజన విద్యార్థి సంఘాలు పిలుపునిస్తే విద్యార్థి యువజన సంఘాల నాయకులను అక్రమంగా అరెస్టు చేయడం కాక పార్టీ నాయకులను అరెస్టు చేయడం కాంగ్రెస్ ప్రభుత్వం చేపట్టే విధానం విడ్డూరంగా ఉందని రాములు ఒక ప్రకటనలో అన్నాడు కమ్యూనిస్టులు విద్యార్థులు యువకులు తలుచుకుంటే ప్రభుత్వాలు అధికారంలో కొనసాగడం కష్టంగా ఉంటుందని రాములు రామోజీ నరసింహ చారి వీరమల్ల ముత్తయ్య కోనూరు లక్ష్మణ్ ఏనుతల రమేష్ హెచ్చరించారు
 

హోం శాఖ మంత్రి అమిత్ షా వెంటనే  క్షమాపణ చెప్పాలి: బెజాడి కుమార్ సిపిఐ (ఎంఎల్) న్యూ డెమోక్రసీ భువనగిరి డివిజన్ కార్యదర్శి

 
 
  
  
 పార్లమెంట్ సమావేశాల సందర్భంగా అహంకారపూరితంగా మత పిచ్చితో మాట్లాడిన హోం శాఖ మంత్రి అమిత్ షా వెంటనే జాతికి క్షమాపణ చెప్పాలి. ఆ సందర్భంగా,ఉద్దేశపూర్వకంగా అహంకారపూరితంగా మనువాద భావజాలంతో మత పిచ్చితో మాట్లాడిన అమిత్ షా పార్లమెంటు సభ్యుడిగా మంత్రిగా అర్హత కోల్పోయాడు పార్లమెంటు సాక్షిగా రాజ్యాంగం మీద ప్రమాణం చేస్తూ కులాలకు మతాలకు ప్రాంతాలకు అతీతంగా పనిచేస్తామని దేశ సార్వభౌమ అధికారాన్ని కాపాడుతామని,తూచా తప్పకుండా భారత రాజ్యాంగాన్ని కాపాడుతామని రాజ్యాంగం మీద ప్రమాణం చేసిదాని వెలుగులో పని చేస్తామని చెప్పినేడు దానికి భిన్నంగా ప్రవర్తిస్తూ మాట్లాడుతున్న తీరు భారత ప్రజలను కించపరిచే విధంగా ఉంది, అంబేద్కర్ అంబేద్కర్ అని అనడం కొందరికి ఫ్యాషన్ గా మారిపోయిందని అంటూ,ఆ సమయాన్ని దేవుడు నామ జపం జపిస్తే వారికి స్వర్గం ప్రాప్తిస్తదని అనటం పూర్తిగా రాజ్యాంగానికి వ్యతిరేకంగా మాట్లాడుతున్నట్టు లెక్క భారతదేశ లౌకిక రాజ్యాంగం కులాలకి మతాలకు ప్రాంతాలకు అతీతంగా వ్యవహరించవని చెబుతున్న విషయం తెలిసే దేశంలో విభజన బీజాలు నాటే పనిలో నిమగ్నమై ఉన్నాడు దేవుడంటే ఏ దేవుడు అనే ప్రశ్న కూడా వస్తుంది అనేకమంది దేవతలు దేవుళ్ళు ఉన్నారు ((ప్రజల నమ్మకాలలో ))అనేక మతాలకు నిలయమని ఈ దేశంలో ఇటువంటి మాటలు మాట్లాడటం బాధ్యతరాహిత్యం భారత రాజ్యాంగం ఆర్టికల్ 51 H.భారతదేశంలో శాస్త్రీయ అవగాహన పెంచడం కోసం ప్రయత్నించాలని శాస్త్రి ఆలోచనల పెంపొందించడం కోసం ప్రయత్నించాలని చెబుతోంది, ఇక్కడ అమిత్ షా మాత్రం మూఢనమ్మకాలు మూడ విశ్వాసాలు ప్రేరేపించే విధంగా మాట్లాడుతున్నాడు రాజకీయ ప్రయోజనాల కోసం ఎంతటి దుర్మార్గానికైనా ఎనకాడరు ప్రజలు ఏమైపోయినా వాళ్లకు అవసరం లేదు అధికారమే వాళ్లకు ముఖ్యం శాస్త్రీయ దృక్పథాన్ని మానవతవాదాన్ని జిజ్ఞాసను సంస్కరణ తత్వాన్ని పెంపొందించుకోనడం అవసరమని రాజ్యాంగం చెబుతుంది భారత ప్రజల మధ్య మత భాషా ప్రాంతీయ వర్గ వైవిధ్యములను అధిగమించి సామరస్యమును సోదర భావమును పెంపొందించుటకు ప్రయత్నం చేయాలి అమిత్ షా మాట్లాడుతున్న మాటలు ప్రజల మధ్య చిలుక తీసుకొచ్చి రాజకీయ రాజకీయ పబ్బం గడుపుకోవాలని చూస్తున్నాడు సిద్ధాంత పరంగా ఆర్ఎస్ఎస్ బిజెపి రాజ్యాంగాన్ని అంగీకరించవు ఇది అతుకులు బొంతగా ఈ దేశానికి పనికిరానిదిగా వాళ్ళు స్పష్టంగా రాసుకున్నారు అందుకే భారత రాజ్యాంగం అన్న అంబేద్కర్ అన్న వారికి గిట్టదు అంబేద్కర్ ను హేళనగా అవమానకరంగా కించపరిచి మాట్లాడిన అమిత్ షాను ఆయన పార్లమెంట్ సభ్యత్వాన్ని రద్దు చేయాలని ఆయనపై చట్ట పరంగా చర్యలు తీసుకోవాలని డిమాండ్ చేస్తున్నాం. బేజాడి కుమార్ సిపిఐ ఎంఎల్ న్యూడెమోక్రసీ భువనగిరి డివిజన్ కార్యదర్శి. 19,12,2024.