ఘనంగా AJR ఫౌండేషన్ అధినేత ఎలిమినేటి జంగారెడ్డి జన్మదిన వేడుకలు

 
 
  
  
ఏజెఆర్ ఫౌండేషన్ అధినేత ఎలిమినేటి జంగారెడ్డి పుట్టినరోజు సందర్భంగా ఉప్పల్ లోని వారి నివాసంలో జన్మదిన వేడుకలు ఘనంగా నిర్వహించారు .ఫౌండేషన్ సభ్యులు, ఆత్మీయులు, కేక్ కట్ చేసి శాలువాతో సన్మానించి, జన్మదిన శుభాకాంక్షలు తెలిపారు. ఈ సందర్భంగా రోడ్లమీద చలితో బాధపడుతున్న వృద్ధులకు ఏజేఆర్ ఫౌండేషన్ సభ్యులు వారికి దుప్పట్లు పంపిణీ చేశారు. పైల్వాన్ పూర్ లో విద్యార్థులకు అరటి పండ్లు పంపిణీ చేశారు. ఈ కార్యక్రమంలో ఏజేఆర్ ఫౌండేషన్ టీం సభ్యులు, తదితరులు పాల్గొన్నారు.
  

  

  
 

ప్రజా వ్యతిరేక విధానాలను ఎండగట్టుటకు ప్రజలు ప్రజా ఉద్యమాలలో భాగస్వాములు కావాలి : సిపిఐ (ఎంఎల్ )న్యూ డెమోక్రసీ

 
 
  
  
 పాలకులు అనుసరిస్తున్న ప్రజా వ్యతిరేక విధానాలను ప్రతిఘటించకుండా,అమర వీరుల ఆశయాలను సాధించకుండా ప్రజలకు విముక్తి లేదని సీపీఐ(ఎం.ఎల్)న్యూడెమోక్రసీ ల జిల్లా కార్యదర్శులు, భువనగిరి డివిజన్ కార్యదర్శి ఆర్.జనార్ధన్, మామిడాల బిక్ష పతి,బేజాడి కుమార్ లు స్పష్టం చేశారు రఘునాథ పురం లో డిశంబర్ 5 2024 న,రైతాంగ ప్రతిఘటన పోరాట అమర యోధుడు కామ్రేడ్ కటకం అంజన్న 44 వ వర్ధంతి సభ సీపీఐ (ఎం.ఎల్) న్యూడెమోక్రసీ గ్రామ కార్యదర్శులు కొంగరి సాయిరాం, యెర్ర మల్లేష్ అధ్యక్షతన జరిగింది. ముందుగా కామ్రేడ్ కటకం అంజన్న స్మారక స్థూపం వద్ద మామిడాల బిక్ష పతి జెండాను ఆవిష్కరించారు.ఈ సభకు హాజరైన పార్టీ నాయకులు, కార్యకర్తలు,ప్రజలు అంజన్న చిత్ర పటానికి పూలమాలలు వేసి నివాళులు అర్పించారు.అమర వీరులకు రెండు నిమిషాలు మౌనం పాటించి విప్లవ జోహార్లు తెలిపారు. ఈ సందర్భంగా జనార్ధన్,భిక్షపతి లు మాట్లాడుతూ,కామ్రేడ్ కటకం అంజన్న కమ్యూనిస్టు విప్లవకారునిగా ప్రజలకు,రైతు.కూలీలకు అనేక ఆపద సమయాలలో అండగా నిలబడ్డాడని ముఖ్యంగా దున్నే వారికే భూమి నినాదాన్ని సమున్నతంగా ముందుకు నడుపుడాని,భూమి లేని పేదలకు భూములు పంచాలని,పేదలు, సామాన్యులు,మద్యతరగతి,కార్మిక వర్గం తలెత్తుకొని జీవించే సౌకర్యవంతమైన, సమానత్వంతో కూడిన నూతన ప్రజాస్వామిక విప్లవం విజయాన్ని కాంక్షిస్తూ బలమైన ప్రజా,రైతాంగ పోరాటాలను,పాలేర్లకు జీతాలు, కూలోల్లకు కూలీ రేట్లు కోసం కొట్లాడిన గొప్ప నక్సలైట్ నాయకుడని కొనియాడారు. నేడు కేంద్రంలో,రాష్ట్రంలో అధికారంలో ఉన్న బీ జే పీ,కాంగ్రెస్ ప్రభుత్వాలు ప్రజా వ్యతిరేక విధానాలను ఉద్యమాలను అణిచివేసే విధానాలను అమలు చేస్తున్నాయని,అందులో భాగంగానే కమ్యూనిస్టు విప్లవ కారులను,మావోయిస్టులను బూటకపు ఎన్ కౌంటర్ లలో నిర్దాక్షిణ్యంగా కాల్చిచంపుతున్నాయని అన్నారు. ఛత్తీస్గడ్,ములుగు జిల్లా లో ఇందులో కొనసాగింపుగా నే జరిగాయని అన్నారు. తెలంగాణ రాష్ట్రంలో ప్రజలు మార్పును కోరుకొని బీ ఆర్ ఎస్ పార్టీని మట్టికరిపించారని,కాంగ్రెస్ ప్రభుత్వం మాత్రం ప్రజలు,రైతులు మరీ ముఖ్యంగా పేదలైన గిరిజనుల పట్టా భూములను దౌర్జన్యంగా గుంజుకోని పార్మసీ కంపెనీలు నిర్మిస్తూ వాతావరణాన్ని కలుషితం చేస్తూ ప్రజల ఆరోగ్యాలను పాడు చేయడానికి,వ్యవసాయ పంటలను దెబ్బతీయడానికి పూనుకుంటుందని విమర్శించారు. ఈ కార్యక్రమంలో సీపీఐ (ఎం.ఎల్( న్యూడెమోక్రసీ డివిజన్ కార్యదర్శులు ఇక్కిరి సహదేవ్,ప్రజా సంఘాల నాయకులు మామిడాల సోమయ్య,ఆర్.సీత, కల్లెపు అడవయ్య, చిర బోయిన రాజయ్య, సాదుల శ్రీకాంత్,గడ్డం నాగరాజు,వగ్గు మల్లయ్య, బర్మ బాబు,గడ్డం యాదగిరి, ఇక్కిరి శ్రీనివాస్,బరిగే రాములు, వంగాల నర్సింహారెడ్డి, మామిడాల బాల మల్లెష్, మారజోడు సిద్దేశ్వర్, యెలగందుల సిద్దులు, రాచకొండ ఉదయ్, కొమ్మిడి గోపాల్ రెడ్డి,గోవింద్ పరమేశ్, మామిడాల ప్రవీణ్, మామిడాల మహేష్, కోలా సోములు, పాకాల నరేష్,శికిలం వెంకటేష్, సుంచు రాములు, సుంచు ఆంజనేయులు, పుండరీకం, ఇక్కిరి సిద్దులు, లక్ష్మయ్య తదితరులు పాల్గొన్నారు. సభకు ముందు గ్రామంలో ప్రదర్శన నిర్వహించారు.
 

భువనగిరి : సినిమా థియేటర్స్ ఓనర్ లింగం యాదవ్ కు ఘన సన్మానం

 
 
  

  యాదాద్రి భువనగిరి జిల్లా భువనగిరి సినిమా ధియేటర్స్ ఓనర్ లింగం యాదవ్ ను గురువారం  కాంగ్రెస్ పార్టీ రాష్ట్ర నాయకులు భువనగిరి థియేటర్స్ (రాష్ట్రంలోని పలు థియేటర్లకు) ఓనర్ లింగం యాదవ్ ను శాలువాతో సన్మానించడం జరిగింది.ఈ సమావేశంలో బీసీ విద్యార్థి సంఘం రాష్ట్ర ఉపాధ్యక్షులు పల్లగుర్ల మోడీరాందేవ్, టాప్ top 9 న్యూస్ చిరంజీవి,భరత్ బాలాజీ నాయక్, వెంకట్ తదితరులు పాల్గొన్నారు.
 

నోబెల్ ఎన్జీవో అవార్డును అందుకున్న దంతూరి నరేష్ కుమార్ గౌడ్

 
 
  
  
యాదాద్రి భువనగిరి జిల్లా వలిగొండ మండల పరిధిలోని దాసిరెడ్డి గూడెం గ్రామానికి చెందిన దంతూరి యాదయ్య గౌడ్, భాగ్యమ్మల మొదటి సంతానమైన దంతూరి సురేష్ కుమార్ గౌడ్ చిన్నతనంలోనే పోలియోతో అంగవైకల్యం చెందినాడు. అప్పట్లో వసతులు లేని సమయంలో హైదరాబాదులోని ప్రభుత్వ వికలాంగుల వసతి గృహంలో తన చదువును కొనసాగించి ఉన్నత చదువులు చదివి తనకున్న ఆశయంతో స్వచ్ఛంద సంస్థను ఏర్పాటు చేసి పలు సేవా కార్యక్రమాలు చేస్తూ పలువురి చేతుల మీదుగా అవార్డులు అందుకునేవాడు. ఎన్జీవో నోబుల్ పురస్కారాన్ని రాజ్ భవన్ లో ఈ నెల మూడో తేదీన తెలంగాణ రాష్ట్ర గవర్నర్ జిస్ట్ దేవ్ వర్మ చేతిలో మీదుగా ప్రపంచ అంగవైకల్ల దినోత్సవం సందర్భంగా ఈ అవార్డును రాష్ట్ర గవర్నర్ సురేష్ కుమార్ కు అందజేశారు. నోబుల్ ఎన్జీవో పురస్కారం అందుకున్న సురేష్ కుమార్ మాట్లాడుతూ రాష్ట్ర గవర్నర్ చేతుల మీదుగా అందుకోవడం సంతోషకరంగా ఉందని ఆయన అన్నారు. గత కొన్ని సంవత్సరాల నుండి స్వచ్ఛంద సేవా కార్యక్రమాలు చేస్తూ విద్యార్థిని విద్యార్థులకు కంప్యూటర్ శిక్షణ అందిస్తూ పలువురికి తన వంతు సహకారం అందిస్తూ కంప్యూటర్ శిక్షణలో వివిధ కోర్సులలో సర్టిఫికెట్లు అందజేస్తూన్నారు. గత 20 సంవత్సరాలుగా దాదాపుగా 20,000 మంది విద్యార్థులకు శిక్షణ ఇచ్చి ఉపాధి కల్పనకు తోడుపడి నట్లు ఆయన తెలిపారు. ఈ శిక్షణతో విద్యార్థులు వివిధ రకాల ఉద్యోగాలను చేస్తూ ఉన్నారు. తన వంతు బాధ్యతగా ముందు ముందు మరిన్ని సేవా కార్యక్రమాలు చేస్తానని ఆయన అన్నారు.
 

ఆర్థిక సహాయం అందజేసిన AJR  ఫౌండేషన్ అధినేత

 
 
  
  
యాదాద్రి భువనగిరి జిల్లా  వలిగొండ మండల పరిధిలోని రెడ్లరేపాక గ్రామానికి చెందిన సుక్క నర్సమ్మ తన రెండు కిడ్నీలు చెడిపోయి అనారోగ్యంతో బాధపడుతూ హైదరాబాదులోని మేడిపల్లి జెపి ఆసుపత్రిలో చికిత్స పొందుతున్నారు. విషయం తెలుసుకున్న ఏజెఆర్ ఫౌండేషన్ అధినేత ఎలిమినేటి జంగారెడ్డి ఆసుపత్రికి వెళ్లి నర్సమ్మ కుటుంబాన్ని పరామర్శించి,ఆరోగ్యంపై వైద్యులను అడిగి తెలుసుకున్నారు. అనంతరం రూ.10000/- ఆర్థిక సాయం అందజేశారు. ఈ సందర్భంగా ఆయన మాట్లాడుతూ కష్టాల్లో ప్రతి ఒక్కరికి తోడుగా నిలుస్తామన్నారు. ఈ కార్యక్రమంలో ఏజేఆర్ టీం సభ్యులు రెడ్ల రేపాక గ్రామ ప్రజలు తదితరులు పాల్గొన్నారు.
 

అడ్డ గూడూరు మండలంలో ప్రభుత్వ పాఠశాలల బంద్ విజయవంతం: AISF 

 
 
  
  
 విద్యాశాఖ మంత్రి లేకుండా సంవత్సరం పాలనా విద్యావ్యవస్థపై సమీక్షా ఏది? గురుకుల, సంక్షేమ హాస్టల్లు, జిల్లా పరిషత్, ప్రాథమిక పాఠశాలల్లో మధ్యాహ్న భోజనం నాణ్యత లేని కారణంగా రాష్ట్ర వ్యాపితంగా విద్యార్థులు ఫుడ్ ఫయిజాన్ తో అస్వస్థకు గురవుతున్నారు. వరుస ఘటనలపై ముఖ్యమంత్రి బాధ్యత వహించాలి రాష్ట్ర ప్రభుత్వ వైఖరిని నిరసిస్తూ వామపక్ష విద్యార్థి సంఘాలు (ఏఐఎస్ఎఫ్) నవంబర్ 30న ప్రభుత్వ పాఠశాలల బంద్ ఇచ్చిన పిలుపులో భాగంగా ఈరోజు అడ్డగూడూరు మండలం లో ఉన్నటువంటి ప్రభుత్వ పాఠశాలలు బంద్ చేయడం జరిగింది ఈ సందర్భంగా ఆయన మాట్లాడుతూ రాష్ట్రంలో ప్రభుత్వ పాఠశాలల్లో గురుకుల పాఠశాలల్లో, కేజీబీవీ మోడల్ స్కూల్ లలో వరసగా ఫుడ్ పాయిజన్ జరిగి విద్యార్థులు చనిపోతున్న రాష్ట్ర ప్రభుత్వం స్పందించకపోవడంపై విద్యాశాఖ మంత్రి లేకపోవడంపై ఏఐఎస్ఎఫ్ రాష్ట్ర కౌన్సిల్ ఆవేదన వ్యక్తం చేస్తుందని అన్నారు యాదాద్రి భువనగిరి జిల్లాలో మధ్యాహ్నం భోజనం అందజేస్తున్న సరిగా ఉడకక విద్యార్థులు అవస్థలు పడుతున్నారని నిన్న మోత్కూర్ మండల కేంద్రంలో విద్యార్థులు మధ్యాహ్న భోజనం తినలేక బయట హోటల్లో టిఫిన్ చేస్తున్న పరిస్థితిని చూసామని ఇలాంటి ఘటనలు జరగకుండా విద్యాశాఖ ఉన్నతాధికారులు స్థానిక ఎమ్మెల్యేలు చర్యలు తీసుకోవాలని ప్రభుత్వాన్ని డిమాండ్ చేశారు రాష్ట్ర ప్రభుత్వం వెంటనే విద్యాశాఖ మంత్రిని నియమించాలని విద్యా కమిషన్ ఏర్పాటు చేయాలని అన్నారు ఈ కార్యక్రమంలో ఏఐఎస్ఎఫ్ జిల్లా నాయకులు వంశి, సాయి తదితరులు పాల్గొన్నారు
 

జర్నలిస్ట్  నరేందర్  కి ఆర్థిక సహాయం అందజేసిన TJU జిల్లా అధ్యక్షులు మొహమ్మద్ షానూర్

 
 
  
  
యాదాద్రి భువనగిరి జిల్లా వలిగొండ మండలం గోపరాజుపల్లి గ్రామానికి చెందిన తెలంగాణ జర్నలిస్ట్ యూనియన్ జిల్లా కోశాధికారి నీలం నరేందర్ తల్లి గారు ఇటీవల అనారోగ్యంతో స్వర్గస్తులైనారు. విషయం తెలుసుకొని గురువారం రోజున *తెలంగాణ జర్నలిస్ట్ యూనియన్ యాదాద్రి భువనగిరి జిల్లా అధ్యక్షులు మొహమ్మద్.షానూర్ బాబా మరియు జిల్లా కమిటీ సభ్యులు కలిసి వారి ఇంటికి వెళ్లి పరమార్శించి, మనోధైర్యాన్ని కల్పిస్తూ రూ. 5000/- ఆర్థిక సహాయం వారికి అందజేశారు* ఈ సందర్భంగా వారు మాట్లాడుతూ జర్నలిస్టులకు తెలంగాణ జర్నలిస్టు యూనియన్ ఎల్లప్పుడు అండగా ఉంటుందని తెలిపారు. భవిష్యత్తులో వారి కుటుంబానికి అండగా ఉంటామని అన్నారు. ఈ కార్యక్రమానికి సహకరించిన టి జె యు సభ్యులందరికీ ధన్యవాదాలు తెలిపారు. ఈ కార్యక్రమంలో తెలంగాణ జర్నలిస్ట్ యూనియన్ జిల్లా కార్యదర్శి గుర్రాల నాగరాజు, జిల్లా మహిళా విభాగం కార్యదర్శి కంది చంద్ర కళ రెడ్డి,జిల్లా ఉపాధ్యక్షులు గుర్రం మల్లేష్, రవ్వ శివ,జిల్లా కార్యవర్గ సభ్యులు షేక్ అజీజ్ , విజయ్ పాల్గొన్నారు.
 

ఢిల్లీ సెంట్రల్ యూనివర్సిటీలో కౌన్సిలర్ గా ఎన్నికైన గోకారం కు చెందిన బైరు మణికంఠ గౌడ్,

 
 
  ఢిల్లీ యూనివర్సిటీలో జరిగిన సెంట్రల్ కౌన్సిలర్ ఎన్నికల్లో దక్షిణ భారతదేశ నుండి నిలిచి భారీ మెజార్టీతో గెలుపొందిన యాదాద్రి భువనగిరి జిల్లా వలిగొండ మండలం గోకారం గ్రామానికి చెందిన బైరు మణికంఠ గౌడ్ తండ్రి వెంకటేశం మంత్రి పొన్నం ప్రభాకర్ అభినందించారు. వీరితోపాటు ఏపీ పీసీసీ
  
మాజీ అధ్యక్షులు గిడుగు రుద్రరాజు, శ్రీనివాస్ తదితరులు ఉన్నారు. ఈ సందర్భంగా గోకారం గ్రామ ప్రజలు, బంధుమిత్రులు సంతోషం వ్యక్తం చేసి, శుభాకాంక్షలు తెలిపారు.
 

AJR  ఫౌండేషన్ ఆధ్వర్యంలో ఆర్థిక సహాయం అందజేత

 
 
  
  
యాదాద్రి భువనగిరి జిల్లా వలిగొండ మండలం లోని మొగిలి పాక గ్రామానికి చెందిన మచ్చ పాపయ్య  అనారోగ్యంతో మరణించారు. వారి కుటుంబ దీనస్థితిని తెలుసుకొని సమాచారం తెలిసిన వెంటనే  AJR ఫౌండేషన్ అధినేత ఎలిమినేటి జంగారెడ్డి రూ .5000వేలు రూపాయలు ఆర్థిక సాయం అందజేశారు. ఈ కార్యక్రమంలో మొగిలి పాక గ్రామ ప్రజలు, యువత ఏజేఆర్  టీం సభ్యులు పాల్గొన్నారు.
 

AJR  ఫౌండేషన్ ఆధ్వర్యంలో ఆర్థిక సహాయం

 
 
  
  
 యాదాద్రి భువనగిరి జిల్లా వలిగొండ మండల పరిధిలోని వెలువర్తి గ్రామానికి చెందిన బూడిద నరసింహ అనారోగ్యంతో ఇటీవల మృతి చెందగా సోమవారం మృతుని కుటుంబ సభ్యులకు ఏజేఆర్ ఫౌండేషన్ చైర్మన్ ఎలిమినేటి జంగారెడ్డి సహకారంతో ఐదు వేల రూపాయలను ఏజేఆర్ ఫౌండేషన్ సభ్యులు అందజేశారు. ఈ కార్యక్రమంలో మృతుని కుటుంబ సభ్యులు, గ్రామ ప్రజలు, ఏజేఆర్ ఫౌండేషన్ టీం సభ్యులు తదితరులు పాల్గొన్నారు.