NLG: చికిత్స పొందుతున్న విద్యార్థులను పరామర్శించిన బిఆర్ఎస్ నాయకులు

 
 
  నల్లగొండ జిల్లా:
  
పీఏ పల్లి మోడల్ స్కూల్ విద్యార్థినిలు ఫుడ్ పాయిజన్ కి గురయ్యారని తెలుసుకున్న బిఆర్ఎస్ పార్టీ నాయకులు రామావత్ రమేష్ నాయక్, ఇవాళ దేవరకొండ ప్రభుత్వ ఆసుపత్రిలో చికిత్స పొందుతున్న విద్యార్థులను కలిసి వారి ఆరోగ్య పరిస్థితిని అడిగి తెలుసుకున్నారు. మెరుగైన వైద్యం అందించాలని డాక్టర్లను కోరారు.
  

  
ఆయన మాట్లాడుతూ.. ఫుడ్ పాయిజన్ తో విద్యార్థులు తీవ్ర  అనారోగ్యానికి గురవుతూ వారి తల్లిదండ్రులు కంటిమీద కునుకు లేకుండా, భయం భయంగా జీవించే పరిస్థితులు వచ్చాయని తెలిపారు.
  

  
బిఆర్ఎస్ పార్టీ నాయకులు పోట్ట మురళి, తరి గోవర్ధన్, జగ్రు నాయక్, అందుగుల సైదులు, గణేష్ నాయక్ తదితరులు పాల్గొన్నారు.
 

NLG: నల్లగొండకు రానున్న సీఎం రేవంత్ రెడ్డి.. ఏర్పాట్లపై అధికారులతో సమీక్ష నిర్వహించిన కలెక్టర్

 
 
  నల్లగొండ: వివిధ అభివృద్ధి కార్యక్రమాల ప్రారంభోత్సవాలు, శంకుస్థాపనల నిమిత్తం ఈనెల 7 వ తేదీ, రాష్ట్ర ముఖ్యమంత్రి ఎనుముల రేవంత్ రెడ్డి, నల్గొండ జిల్లాకు రానున్నట్లు జిల్లా కలెక్టర్ ఇలా త్రిపాఠి  తెలిపారు.
  

  
రాష్ట్ర ముఖ్యమంత్రి రాక నేపథ్యంలో అవసరమైన అన్ని ఏర్పాట్లు చేయాలని ఆమె జిల్లా అధికారులను ఆదేశించారు. మంగళవారం తన చాంబర్లో రాష్ట్ర ముఖ్యమంత్రి రాక ఏర్పాట్ల విషయమై జిల్లా అధికారులతో కో-ఆర్డినేషన్ మీటింగ్ నిర్వహించారు.
  

  
ఈ సందర్భంగా జిల్లా కలెక్టర్  మాట్లాడుతూ.. తాత్కాలిక సమాచారం మేరకు రాష్ట్ర ముఖ్యమంత్రి 7 వ తేదీన బ్రాహ్మణ వెల్లంల ప్రాజెక్టు, యాదాద్రి థర్మల్ పవర్ స్టేషన్, నల్గొండ మెడికల్ కళాశాల ప్రారంభం, స్కిల్ సెంటర్ తదితర వాటిని ప్రారంభించి.. అనంతరం నల్గొండ లోని నాగార్జున కళాశాల మైదానంలో నిర్వహించనున్న  బహిరంగ సభలో పాల్గొంటున్నట్లు తెలిపారు.
  

  
ఇందుకుగాను ఆయా కార్యక్రమాల వద్ద ఇన్చార్జి అధికారులు ఏర్పాట్లలో ఎలాంటి లోపం లేకుండా చూసుకోవాలని, ముఖ్యంగా బహిరంగ సభ వద్ద అవసరమైన ఏర్పాట్లు చేయాల్సిందిగా ఆమె ఆదేశించారు.
  

  
ఈ విషయమై ఆమె నీటిపారుదల శాఖ, వైటీపీఎస్, మున్సిపల్, రెవెన్యూ, వైద్య ఆరోగ్యశాఖ తదితర శాఖల అధికారులతో ఏర్పాట్ల పై సమీక్షించారు.
  

  
రాష్ట్ర రోడ్లు, భవనాలు, సినిమాటోగ్రఫీ శాఖల మంత్రి కోమటిరెడ్డి వెంకటరెడ్డి ఆదేశాల మేరకు తదుపరి కార్యక్రమాలను ప్రత్యక్షంగా పరిశీలించడంతో పాటు, ఏర్పాట్లపై సూచనలను తీసుకొని ఏర్పాట్లు చేయడం జరుగుతుందని తెలిపారు.
  

  
అదనపు కలెక్టర్ జి. శ్రీనివాస్, మిర్యాలగూడ సబ్ కలెక్టర్ నారాయణ అమిత్, డిఆర్ఓ అమరేందర్,  దేవరకొండ ఆర్డిఓ రమణారెడ్డి, జిల్లా అధికారులు, మున్సిపల్ చైర్మన్ బుర్రి శ్రీనివాస్ రెడ్డి, తదితరులు ఈ సమీక్ష సమావేశంలో పాల్గొన్నారు.
 

NLG: 2 కె రన్ ను ప్రారంభించిన జిల్లా కలెక్టర్ త్రిపాఠి

 
 
  నల్లగొండ: ప్రజాపాలన ప్రజా విజయోత్సవాలలో భాగంగా, మంగళవారం జిల్లా కేంద్రంలోని ఎన్‌జి కళాశాల మైదానం నుండి క్లాక్ టవర్ వరకు 2 కె రన్‌ ను, జిల్లా కలెక్టర్ ఇలా త్రిపాఠి జెండా ఊపి ప్రారంభించారు. 
  

  
ఈ కార్యక్రమంలో అదనపు కలెక్టర్ జె.శ్రీనివాస్, మున్సిపల్ చైర్మన్ బుర్రి శ్రీనివాస్ రెడ్డి, మున్సిపల్ వైస్ చైర్మన్ అబ్బగోని రమేష్, మున్సిపల్ కమీషనర్ ముసబ్ అహ్మద్, తదితరులు పాల్గొన్నారు.
 

బాక్సింగ్ లో ప్రతిభ చూపిన ఎన్జీ కళాశాల  విద్యార్థులను అభినందించిన ప్రిన్సిపాల్

 
 
   
  నల్లగొండ: నాగార్జున ప్రభుత్వ కళాశాలకు చెందిన డిగ్రీ విద్యార్థులు బాక్సింగ్ లో ఇంటర్ యూనివర్సిటీ స్థాయిలో గెలుపొంది జాతీయ స్థాయికి ఎంపికైనట్లు ప్రిన్సిపాల్ ఉపేందర్, ఫిజికల్ డైరెక్టర్ మల్లేశం తెలిపారు. ఎం.ముఖేష్, పి.వినయ్, ఎస్కె నయీమ్, బి. హరీష్,
  
ఎన్.శివ కోటేష్, ఎం.ప్రణయ్, ఎం. డి సిద్దిక్ అలీ,  వి.అభిరామ్ లు వివిధ బరువుల విభాగాలో ఎంపికైనట్లు తెలిపారు.
  

  
త్వరలో అమృత్ సర్ లో జరిగే జాతీయ బాక్సింగ్ పోటీలలో తెలంగాణ రాష్ట్రం తరపున ఈ విద్యార్థులు పాల్గొననున్నారని తెలిపారు. ఈ సందర్బంగా విద్యార్థులను ప్రత్యేకంగా వారు అభినందించారు. 
  

  
ఈ అభినందన కార్యక్రమంలో పరీక్షల నియంత్రణాధికారి బి.నాగరాజు, తెలుగు శాఖ అధ్యక్షులు వెల్దండి శ్రీధర్, వైవిఆర్ ప్రసన్నకుమార్, తదితరులు పాల్గొన్నారు.
 

చెత్తను తొలగించి.. ముగ్గులు వేశారు

 
 
  చౌటుప్పల్: ప్రజాపాలన ప్రజా విజయోత్సవాల సందర్భంగా, ఇవాళ పారిశుధ్య కార్మికులు 19వ వార్డు
  
హ్యాండ్లూమ్ మార్కెట్ దగ్గర ఏర్పడిన చెత్త కుప్పలను తొలగించి సుందరీకరించి ముగ్గులు వేశారు.
  

  
ఇచ్చట చెత్త వేయరాదు వేసినచో వెయ్యి రూపాయల జరిమానా విధించబడునని ప్రజలకు తెలిపారు. కార్యక్రమంలో మున్సిపల్ చైర్మన్ వెన్ రెడ్డి రాజు, మున్సిపల్ కమిషనర్ నరసింహ రెడ్డి, మేనేజర్ శ్రీధర్ రెడ్డి, కౌన్సిలర్ బాబా షరీఫ్, ఈఈ రేణు కుమార్, పారిశుధ్య కార్మికులు పాల్గొన్నారు.
 

RR: అంతర్గత రహదారుల అభివృద్ధి పనులకు ఎమ్మెల్యే మల్ రెడ్డి రంగారెడ్డి కృషితో రూ. 120 కోట్లు మంజూరు

 
 
  రంగారెడ్డి జిల్లా, ఇబ్రహీం పట్నం నియోజకవర్గం అంతర్గత రహదారుల అభివృద్ధి పనులకు రూ. 120 కోట్లు,  ఎమ్మెల్యే మల్ రెడ్డి రంగారెడ్డి కృషితో మంజూరు జరిగింది.
  

  
ఇబ్రహీంపట్నం నియోజకవర్గ అభివృద్ధి పనుల్లో భాగంగా  మున్సిపల్ అడ్మినిస్ట్రేషన్, అర్బన్ డవలప్మెంట్ మరియు హైదరాబాద్ రోడ్ డెవలప్మెంట్ కార్పొరేషన్ శాఖల ద్వారా.. అంతర్గత రహదారుల పనులకు 120 కోట్ల రూపాయలను సీఎం రేవంత్ రెడ్డి నుండి నియోజక వర్గానికి ఎమ్మెల్యే మల్ రెడ్డి రంగారెడ్డి మంజూరు చేయించారు.
  

  
*వివరాలు:*
  
1 ) ఇబ్రహీంపట్నం చౌరస్తా నుండి ఆక్టోపస్ వరకు రోడ్డు నిర్మాణ పనులకు 60 కోట్లు
  
2 ) వనస్థలిపురం సాహెబ్ నగర్ రోడ్డు నుండి హయత్ నగర్ వరకు రోడ్డు నిర్మాణ పనులకు 16 కోట్లు
  
3 ) ఇంజాపూర్ నాగార్జున సాగర్ రోడ్డు నుండి తొర్రూర్ వరకు రోడ్డు నిర్మాణ పనులకు 24 కోట్లు
  
4 ) ఇంజాపూర్ హయత్ నగర్ నుండి మునుగనూర్ వరకు రోడ్డు నిర్మాణ పనులకు 20 కోట్లు మంజూరు జరిగిందని ఎమ్మెల్యే కార్యాలయం వారు తెలిపారు.
 

NLG: ఈనెల 5 న జర్నలిస్టులకు ఉచిత మెగా హెల్త్ క్యాంప్

 
 
  
  
నల్లగొండ: పట్టణ కేంద్రంలోని ప్రెస్ క్లబ్ కార్యాలయంలో జిల్లా ప్రెస్ క్లబ్ కమిటీ సభ్యులు మీడియా సమావేశం నిర్వహించారు. ఈ మేరకు యశోద హాస్పిటల్, మలక్ పేట సౌజన్యంతో ఈనెల 5 వ తేదిన జిల్లా కేంద్రంలోని టీఎన్జీవో భవన్లో జర్నలిస్టులకు మెగా హెల్త్ క్యాంప్ నిర్వహిస్తున్నట్లు ప్రెస్ క్లబ్,నల్గొండ ప్రతినిధులు మంగళవారం తెలిపారు. ప్రెస్ క్లబ్ జిల్లా అధ్యక్షుడు చంద్రశేఖర్ రెడ్డి, మీడియా కార్యదర్శి కిరణ్ రెడ్డి, ఉపాధ్యక్షులు ఆశ్వాక్ అహ్మద్, మలక్ పేట యశోదా హాస్పిటల్స్ సీనియర్ మేనేజర్ వాసు కిరణ్ రెడ్డి, అసిస్టెంట్ మేనేజర్ సాజిద్ లు వివరాలు వెల్లడించారు.
  

  
ప్రెస్ క్లబ్ అధ్యక్షులు చంద్రశేఖర్ రెడ్డి మాట్లాడుతూ... నిరంతరం ఉరుకుల పరుగుల జీవితంలో జర్నలిస్టులు తీవ్ర ఒత్తిడికి గురవుతున్నారని, వారి సంక్షేమం కోసమే ప్రెస్ క్లబ్ ఏర్పాటు చేసుకున్నామని అన్నారు.ప్రెస్ క్లబ్ ఆధ్వర్యంలో ఇటీవల నిర్వహించిన కార్తీక వనభోజనాలకు జర్నలిస్టులు పెద్ద సంఖ్యలో తరలివచ్చి విజయవంతం చేశారని తెలిపారు. ఈనెల 5న జర్నలిస్టులు, వారి కుటుంబ సభ్యులకు ఉచిత మెగా హెల్త్ క్యాంప్ నిర్వహిస్తున్నామని, హెల్త్ క్యాంపు నిర్వహణకు వైద్య రంగంలో అపార అనుభవం ఉన్న ప్రముఖ యశోద హాస్పిటల్స్ ముందుకు వచ్చారన్నారు.
  

  
యశోద హాస్పిటల్స్ సహకారంతో జిల్లా కేంద్రంలోని టీఎన్జీవో భవన్ లో ఉదయం 10 గంటల నుంచి సాయంత్రం 5 గంటల వరకు ఏర్పాటు చేసిన ఉచిత మెడికల్ క్యాంపు ను జిల్లా కేంద్రం లో పని చేస్తున్న జర్నలిస్టులు, వారి కుటుంబ సభ్యులు ప్రతి ఒక్కరూ సద్వినియోగం చేసుకోవాలని కోరారు.
  

  
మలక్ పేట యశోద హాస్పిటల్ సీనియర్ మేనేజర్ వాసు కిరణ్ రెడ్డి మాట్లాడుతూ.. ఈ మెగా హెల్త్ క్యాంపులో కార్డియాలజీ, ఆర్థోపెటిక్, గైనిక్, షుగర్, బిపి, ఈసిజి, 2D ఈకో, BMD బోన్ మినరల్ టెస్ట్, వెంటనే రిజల్ట్ వచ్చే టెస్టులన్నీ చేస్తామని తెలిపారు.అందుబాటులో లేని టెస్టు లను మలక్ పేట యశోద హాస్పిటల్ లో 50 శాతం డిస్కౌంట్ తో చేస్తామని, జర్నలిస్టులు సద్వినియోగం చేసుకోవాలని కోరారు. టెస్టులలో ఏమైనా అనారోగ్య సమస్యలు నిర్ధారణ అయితే జర్నలిస్ట్ హెల్త్ కార్డు ద్వారా యశోద హాస్పిటల్ లో వైద్యం అందజేస్తామన్నారు.
 

ఇంటర్ విద్యార్థి మృతి కారకులైన వారిపై కఠిన చర్యలు తీసుకోవాలి: ఎస్సీ ఎస్టీ విద్యార్థి సంఘం రాష్ట్ర అధ్యక్షుడు కట్టెల శివ కుమార్

 
 
  నారాయణ కళాశాల విద్యార్థి తనుష్.. మృతి పైన ఎస్సీ ఎస్టీ విద్యార్థి సంఘం రాష్ట్ర అధ్యక్షుడు కట్టెల శివ కుమార్ స్పందించారు. ఈ మేరకు నల్లగొండలో కట్టెల శివ మాట్లాడుతూ.. నారాయణ కళాశాల యాజమాన్యం ఒత్తిడి వల్ల గిరిజన విద్యార్థి బలైయ్యాడని తక్షణమే,యాజమాన్యం పై కఠిన చర్యలు తీసుకోవాలని వారిపై ఎస్సీ, ఎస్టీ అట్రాసిటీ కేసు నమోదు చేయాలని డిమాండ్ చేశారు.
  

  
కళాశాలలోని ఉపాధ్యాయుల ఒత్తిడి వల్ల సూసైడ్ నోట్ రాసి ఆత్మహత్య చేసుకున్నాడని, ఆ బిడ్డ లేని లోటు వల్ల ఆ కుటుంబానికి తీవ్ర నష్టం జరిగిందని అన్నారు. ఇలాంటి ఘటనలు పునరావృతం కాకుండా అట్టి కళాశాల యాజమాన్యం పై కఠిన చర్యలు తీసుకోవాలన్నారు.  ఆ కళాశాల పర్మిషన్ రద్దు చేయాలని డిమాండ్ చేశారు.
 

'మహా కుంభ్' ను నూతన జిల్లాగా ప్రకటించిన యూపీ ప్రభుత్వం

 
 
  UP ప్రభుత్వం కీలక నిర్ణయం తీసుకుంది. ప్రయాగ్ రాజ్ లోని ‘మహా కుంభ్' ప్రాంతాన్ని కొత్త జిల్లాగా ప్రకటించింది. దీనిని 'మహా కుంభమేళా' జిల్లాగా పిలుస్తారని రాష్ట్ర ప్రభుత్వం తెలిపింది. 
  

  
రానున్న కుంభమేళాకు సంబంధించిన ప్రత్యేక కార్యక్రమాన్ని సజావుగా నిర్వహించడానికి, పరిపాలన పనులను మరింత మెరుగ్గా నిర్వహించడానికి ఈ కొత్త జిల్లా ఏర్పాటు చేసినట్లు యూపీ ప్రభుత్వం తెలిపింది.
 

ఆశా వర్కర్లకు లెప్రసీ సర్వే బకాయిలు వెంటనే చెల్లించాలి: సిఐటియు

 
 
  నల్లగొండ: ఆశా వర్కర్లతో లెప్రసీ సర్వే చేయాలని ప్రభుత్వం నిర్దేశించిన క్రమంలో, ఇప్పటికే పెండింగ్లో ఉన్న బకాయిలను వెంటనే చెల్లించాలని లేకపోతే సర్వేను నిలిపివేస్తామని, తెలంగాణ ఆశా వర్కర్స్ యూనియన్ యూనియన్ (సిఐటియు) జిల్లా గౌరవాధ్యక్షులు సిహెచ్ లక్ష్మీనారాయణ ప్రభుత్వాన్ని హెచ్చరించారు. జిల్లా వైద్య ఆరోగ్య శాఖా కార్యాలయం ముందు ధర్నా నిర్వహించి డిఎంహెచ్ఓ పుట్ట శ్రీనివాస్ కు వినతి పత్రం అందజేశారు.సానుకూలంగా స్పందించిన డిఎంహెచ్ఒ సమస్యల పరిష్కారానికి హామీ ఇచ్చారు. 
  

  
ఈ సందర్భంగా జరిగిన ధర్నాను ఉద్దేశించి లక్ష్మీనారాయణ మాట్లాడుతూ.. గత మూడు సంవత్సరాలుగా ఆశా వర్కర్లకు లెప్రసీ బిల్లులు పెండింగ్ లో ఉన్నాయని అట్లాగే టిబి, పల్స్ పోలియో, ఎన్సీడీ పారితోషకాలు కూడా పెండింగ్ లో ఉన్నాయని, వీటిని వెంటనే చెల్లించాలని కోరారు.
  

  
ఆశాలు ప్రధానంగా ఎదుర్కొంటున్న ఇబ్బందులలో ఏ ఎన్ సి  టార్గెట్ ఒకటని, ఆశా వర్కర్లపై తీవ్రమైన ఒత్తిడి ఉంటుందని ఎఎన్సీ టార్గెట్లు రద్దు చేయాలని డిమాండ్ చేశారు.
  

  
లెప్రసీకి సంబంధించిన మూడు సంవత్సరాల బకాయిలు వెంటనే చెల్లించాలని కోరారు. లేనియెడల జరిగేటటువంటి లెప్రసీ సర్వే లో ఆశాలు పాల్గొనబోరని తెలిపారు. 
  
             
  
ఈ కార్యక్రమంలో సిఐటియు జిల్లా నాయకులు పెంజర్ల సైదులు, ఆశ యూనియన్ జిల్లా అధ్యక్ష కార్యదర్శులు డి.మహేశ్వరి, వెంకటమ్మ, పార్వతమ్మ, జయమ్మ నవనీత, ధనమ్మ, సైదమ్మ, లలిత పుష్పలత, భాగ్యమ్మ, పద్మ, సునీత జానకి, తదితరులు పాల్గొన్నారు.