చేరాల నరసింహ మరణం సిపిఐ -  ఏఐటియూసి కి తీరని లోటు


  

 
 
  
  
యాదాద్రి భువనగిరి జిల్లా CPI పోచంపల్లి మాజీ మండల కార్యదర్శి మరియు భవన నిర్మాణ కార్మిక సంఘం ఉమ్మడి నల్గొండ జిల్లా మరియు పోచంపల్లి మండల మాజీ అధ్యక్షులు చేరాల నరసింహ నిన్న 13.11.24 రోజున ఆకస్మికంగా మరణించడంతో ఈరోజు పోచంపల్లి మున్సిపాలిటీ కేంద్రంలోని తాపీ సంఘ భవనం వద్ద ఆయన చిత్రపటానికి పూలమాలలు వేసి అనంతరం ఆయన ఇంటికి వెళ్లి చేరాల నరసింహ పార్థివ దేహం పై పూలమాలలు వేసి నివాళులు అర్పించి మృతునికి సంతాపo మరియు వారి కుటుంబానికి ప్రగాఢ సానుభూతిని తెలియజేసిన సిపిఐ జిల్లా సహాయ కార్యదర్శి యానాల దామోదర్ రెడ్డి, జిల్లా కార్యవర్గ సభ్యులు బోడ సుదర్శన్, ఏఐటీయూసీ జిల్లా ప్రధాన కార్యదర్శి ఎండీ ఇమ్రాన్, సిపిఐ మండల కార్యదర్శి గోడల్ల భూషణ్, పట్టణ కార్యదర్శి మిర్యాల కిష్టమూర్తి, పోచంపల్లి భవన నిర్మాణ కార్మిక సంఘం అధ్యక్షులు చేరాల లింగయ్య, కార్యదర్శి నరేష్, చెరుకు నరసింహ, కొండమడుగు బాలయ్య, ట్రాలీ ఆటో యూనియన్ అధ్యక్షులు కొండమడుగు సత్తయ్య, కార్యదర్శి కుక్క బిక్షపతి, శ్రీను, సిపిఐ మండల సహాయ కార్యదర్శి ముసునూరి రాములు, సంగం గణేష్, సీనియర్ నాయకులు సాయి రెడ్డి మరియు భవన నిర్మాణ, ఆటో కార్మికులు పాల్గొన్నారు.
  

  

  
 

డయల్ యువర్ డిఎం కార్యక్రమాన్ని సద్వినియోగం చేసుకోవాలి : బందారం శ్రీనివాస్ యాదగిరిగుట్ట డిపో మేనేజర్


  

 
 
  
  
యాదగిరిగుట్ట డిపో పరిధిలోని ప్రజలు నవంబర్ 15, శుక్రవారం రోజున ఉదయం 11 గంటల నుండి 12 గంటల వరకు నిర్వహించే "డయల్ యువర్ డిపో మేనేజర్" కార్యక్రమాన్ని విజయవంతం చేయాలని తెలంగాణ రాష్ట్ర యాదగిరిగుట్ట ఆర్టీసీ డిపో మేనేజర్ బందారం శ్రీనివాస్ గురువారం ఒక ప్రకటనలో తెలిపారు. డిపో పరిధిలోని ప్రజలు, ప్రయాణీకులు ఈ అవకాశాన్ని సద్వినియోగం చేసుకోవాలని ఆయన కోరారు. యాదగిరిగుట్ట డిపో,ఆర్టీసీ కి సంబంధించిన సమస్యల పరిష్కారం కోసం *9959226310* నెంబరుకు ఫోన్ చేసి మీయొక్క సలహాలు, సూచనలను తెలుపాలని ఆయన కోరారు.
 

మత్స్యగిరి ఘాట్ రోడ్డుకు లింకు సిసి రోడ్డు వేయాలని ఎమ్మెల్యే అనిల్ కుమార్ రెడ్డికి వినతి


  

 
 
  
  
వలిగొండ మండలం అరూరు గ్రామం పరిధిలో మత్స్యగిరి గుట్ట కాలనీ నుండి వేదశ్రీ వెంచర్ ఘాట్ రోడ్డుకు లింకు సిసి రోడ్డు వేయుటకు మత్స్యగిరి గుట్ట కాలనీవాసులు అందరూ మరియు అరూరు పెద్దలు గ్రామస్తులు సుమారు వందమంది అధిక సంఖ్యలో ఘాట్ రోడ్డు పైకి వెళ్లి మన ప్రియతమ నాయకులు భువనగిరి ఎమ్మెల్యే అనిల్ కుమార్ రెడ్డి గారిని కలసి వినతి పత్రం అందజేయడం జరిగింది దానికి ఎమ్మెల్యే గారు సానుకూలంగా స్పందించి రోడ్డు వేయిస్తానని హామీ ఇవ్వడం జరిగింది. ఈ కార్యక్రమంలో వలిగొండ మాజీ ఎంపీపీ చిట్టి రెడ్డి జనార్దన్ రెడ్డి, జిల్లా కాంగ్రెస్ ఉపాధ్యక్షులు వాకిటి అనంతరెడ్డి తదితరులు పాల్గొన్నారు.
 

AITUC శిక్షణ తరగతులకు పూర్తయిన ఏర్పాట్లు


  

 
 
  
  
రేపు 12.11.2024 నాడు చౌటుప్పల్ లో జరుగుతున్న ఏఐటీయూసీ యాదాద్రి భువనగిరి జిల్లా స్థాయి శిక్షణా తరగతులకు అన్ని ఏర్పాట్లు పూర్తయినట్లు ఆహ్వాన సంఘం అధ్యక్షులు బచ్చనగోని గాలయ్య తెలిపారు. సోమవారం రోజున చౌటుప్పల్ మున్సిపాలిటీ కేంద్రంలోని సిపిఐ కార్యాలయంలో జరిగిన ఏఐటీయూసీ ముఖ్య నాయకుల సమావేశంలో బచ్చనగొని గాలయ్య మాట్లాడుతూ కార్మికుల హక్కుల కోసం నిరంతరం పోరాడే భారతదేశ తొలి కార్మిక సంఘం ఎఐటియుసి అని, ఏఐటీయూసీ యాదాద్రి భువనగిరి జిల్లా స్థాయి శిక్షణ తరగతులు చౌటుప్పల్ మున్సిపల్ కేంద్రంలోని జయశ్రీ గార్డెన్స్ లో జరుగుతున్నాయని ఈ శిక్షణ తరగతులకు వచ్చే ప్రతినిధుల కోసం అన్ని ఏర్పాట్లు పూర్తి చేసినట్లు అయన తెలిపారు. రేపు ఉదయం 9 గంటలకు గంటలకు జెండావిష్కరణ అనంతరం క్లాసులు ప్రారంభిస్తారని, ఈ శిక్షణ తరగతులకు ఏఐటీయూసీ రాష్ట్ర అధ్యక్షులు యూసుఫ్ గారు, ఏఐటీయూసీ మాజీ రాష్ట్ర ప్రధాన కార్యదర్శి ఉజ్జిని రత్నాకర్ రావు గారు మరియు ఏఐటీయూసీ రంగారెడ్డి జిల్లా ప్రధాన కార్యదర్శి పానుగంటి పర్వతాలు గార్లు (టీచర్స్ గా) వ్యవహారిస్తారని మరియు సిపిఐ జిల్లా కార్యదర్శి గోద శ్రీరాములు, సహాయ కార్యదర్శి యానాల దామోదర్ రెడ్డి, మరియు జిల్లా నలుమూలల నుండి ప్రతినిధులు పాల్గొంటారని తెలిపారు. శిక్షణ తరగతుల ద్వారా జిల్లాలోని నాయకులకు చట్టాలపై అవగాహన కల్పించడం జరుగుతుందని ఆయన తెలిపారు. ఈ కార్యక్రమంలో ఆహ్వాన సంఘం ప్రధాన కార్యదర్శి పల్లె శేఖర్ రెడ్డి, ఏఐటీయూసీ జిల్లా అధ్యక్షులు గోరెటి రాములు, ప్రధాన కార్యదర్శి ఎండి ఇమ్రాన్, ఉపాధ్యక్షులు పిలిశంకర్, ఏఐటీయూసీ మండల అధ్యక్షులు టంగుటూరి రాములు, సివిల్ సప్లై జిల్లా ఉపాధ్యక్షులు పాపగళ్ల శంకరయ్య, ఏఐఎస్ఎఫ్ జిల్లా నాయకులు కొండూరి వెంకటేష్, ఎండీ రెహ్మాన్ తదితరులు పాల్గొన్నారు.
 

DYFI యాదాద్రి భువనగిరి జిల్లా అధ్యక్ష కార్యదర్శులుగా పల్లె మధు కృష్ణ ,గడ్డం వెంకటేష్ ఎన్నిక


  

 
 
  
  
యాదాద్రి భువనగిరి జిల్లా నూతన అధ్యక్ష కార్యదర్శులుగా పల్లె మధు కృష్ణ, గడ్డం వెంకటేష్ ఎన్నికయ్యారు. ఆదివారం జరిగిన ద్వితీయ జిల్లా మహాసభలో వారు మూడు సంవత్సరాల కాలంలో డివైఎఫ్ఐ విస్తరణ ప్రజా, యువత సమస్యలపై చేసిన పోరాటాలను సమీక్షించుకొని భవిషత్ పోరాటాలకు రూపకల్పన చేసి యువత ఎదుర్కొంటున్న అనేక అంశాలపై చర్చించి కేంద్ర రాష్ట్ర ప్రభుత్వాలు అవలంబిస్తున్న ప్రజా కార్మిక వ్యతిరేక విధానాలను ఎండగడుతూ భవిష్యత్ కార్యాచరణను మహాసభలలో తీసుకోవడం జరిగింది. ఈ నేపథ్యంలో జిల్లాను పట్టిపీడిస్తున్న కాలుష్యానికి వ్యతిరేకంగా, మూసి ప్రక్షాళన కోసం, మెరుగైన వైద్యం విద్య కోసం డివైఎఫ్ఐ గా అనేక పోరాటాలు నిర్వహిస్తామని వారు అన్నారు. వీరితోపాటు జిల్లా ఉపాధ్యక్షులుగా ఎండి సలీం, భువనగిరి గణేష్, ఉప్పలపల్లి బాలకృష్ణ, ఎండి ఖయ్యూం, జిల్లా సహాయ కార్యదర్శులుగా కవిడే సురేష్, దయ్యాల మల్లేష్, గుడ్డేటి సుర్జిత్, మెట్టు శ్రవణ్, 21 మంది జిల్లా కమిటీ సభ్యులతో నూతన జిల్లా కమిటీని ఎన్నుకోవడం జరిగింది.
 

కరెన్సీ నోట్లపై అంబేద్కర్ ఫోటో ముద్రించాలని డిసెంబర్ 4న చలో... ఢిల్లీ  గోడ పత్రికల ఆవిష్కరణ


  

 
 
  
  
ఆర్బిఐ స్ఫూర్తి ప్రదాత డాక్టర్ బి.ఆర్ అంబేద్కర్ ఫోటోను, కరెన్సీ నోట్ల పై ముద్రించాలని డిమాండ్ చేస్తూ డిసెంబర్ 4 న చలో ఢిల్లీ గోడ ప్రతులను సోమవారం జిల్లా కేంద్రంలోని ఎస్ వి హోటల్ లో నాయకులు ఆవిష్కరించారు. ఈ సందర్భంగా అంబేద్కర్ ఫోటో సాధన సమితి జాతీయ అధ్యక్షులు డాక్టర్ జేరిపోతుల పరశురామ్ మాట్లాడుతూ 1921 లో ఇంపీరియల్ బ్యాంకు కుప్పకూలినప్పుడు 1923లో డా బి ఆర్ అంబేద్కర్ ఆర్థిక కోణాన్ని దృష్టిలో ఉంచుకొని "రూపాయి దాని సమస్య- పరిష్కార మార్గం" అనే పుస్తకాన్ని వ్రాసి అప్పటి బ్రిటిష్ ప్రభుత్వం యొక్క హిల్టాన్ యంగ్ కమిషన్, రాయల్ కమిషన్, సైమన్ కమిషన్ లకు అందజేసిన ఫలితంగా 1935 ఏప్రిల్ 1న "రిజర్వ్ బ్యాంక్ ఆఫ్ ఇండియా" ను బ్రిటిష్ ప్రభుత్వం ఏర్పాటు చేసిందని ఆయన అన్నారు. కానీ ఇంతవరకు అంబేద్కర్ ఫోటో కరెన్సీ నోట్లు పై లేకపోవడం విచారకరమని ఆయన అన్నారు. కేంద్ర ప్రభుత్వం వెంటనే కరెన్సీ నోట్లపై డాక్టర్ బి ఆర్ అంబేద్కర్ ఫోటో ముద్రించాలని డిమాండ్ చేస్తూ డిసెంబర్ 4, 5 6, తేదీలలో ఢిల్లీలోని జంతర్ మంతర్ వద్ద నిర్వహించే మహా ధర్నాను జయప్రదం చేయాలని ఆయన కోరారు. చలో ఢిల్లీ గోడ ప్రతుల ఆవిష్కరణ కార్యక్రమం లో కరెన్సీ నోట్ల పై అంబేద్కర్ ఫోటో సాధన సమితి యాదాద్రి భువనగిరి జిల్లా చైర్మన్ కొడారి వెంకటేష్, జిల్లా సలహాదారులు బట్టు రాంచంద్రయ్య, జిల్లా నాయకులు జాగిల్లపురం ఐలయ్య, బత్తిని సుమన్, ఇంజ పద్మ తదితరులు పాల్గొన్నారు.
 

ఆలేరు లో కామ్రేడ్ చండ్ర పుల్లారెడ్డి 40వ వర్ధంతి


  

 
 
  
  
దున్నే వారికే భూమి నినాదం నేటికీ కీలకమే. విప్లవోద్యమం లో ప్రతిఘటన పోరాటం ప్రధానాంశమే.. ప్రజా యుద్ద పంథా ను సమున్నతంగా నిలబెట్టిన కామ్రేడ్ చండ్ర పుల్లారెడ్డి నూతన ప్రజాస్వామిక విప్లవానికి మార్గదర్శకుడు ఆర్.జనార్ధన్,మామిడాల బిక్షపతి, జిల్లా కార్యదర్శులు, సీపీఐ (ఎం.ఎల్) న్యూడెమోక్రసీ... దున్నే వారికే భూమి నినాదం నేటికీ కీలకంగానే ఉంటుందని,నేడు చూడడానికి భూస్వాములు అంతగా లేనప్పటికీ ప్రజలకు చెందాల్సిన భూమి వివిధ రూపాలలో ఆక్రమణలోనే ఉన్నదని,భవిషత్ లో భూపొరాటాలు పెద్ద ఎత్తున తన్నుకు వస్తాయని,విప్లవోద్యమం లో ప్రతిఘటన పోరాటం అనేది అత్యంత ప్రధానంగా ఉంటుందని, సీపీఐ ఎం.ఎల్ కేంద్ర ప్రధాన కార్యదర్శి కామ్రేడ్ చండ్ర పుల్లారెడ్డి దీర్ఘ కాలిక ప్రజా యుద్ద పంథా ను సమున్నతంగా నిలబెట్టాడని ఆ పంథాలో మరింత బాధ్యతా యుతంగా,దృఢంగా ముందుకు సాగాలని రెండు సీపీఐ (ఎం.ఎల్) న్యూడెమోక్రసీ ల జిల్లా కార్యదర్శులు ఆర్.జనార్ధన్, మామిడాల బిక్షపతి లు పార్టీ శ్రేణులకు, ప్రజలకు పిలుపునిచ్చారు. శనివారం నాడు కామ్రేడ్ చండ్ర పుల్లారెడ్డి 40 వ వర్ధంతి సందర్భంగా ఆలేరు కమలమ్మ - జనార్ధన్ ఫంక్షన్ హాల్ లో బహిరంగ సభ జరిగింది. ఈ సభకు సీపీఐ (ఎం.ఎల్) న్యూడెమోక్రసీ భువనగిరి డివిజన్ కార్యదర్శి బేజాడి కుమార్ అధ్యక్షత వహించారు. ఈ సందర్భంగా భారత విప్లవోద్యమంలో పశువులు బాసిన కామ్రేడ్ చంద్ర పుల్లారెడ్డి తో పాటు, అనేకమంది కమ్యూనిస్టు విప్లవకారులకు రెండు నిమిషాలు సంతాప సూచకంగా మౌనం పాటించి విప్లవ జోహార్లు తెలిపారు. అనంతరం జరిగిన బహిరంగ సభలో జనార్ధన్, బిక్షపతి లు మాట్లాడుతూ, ముళ్ళు,రాళ్ళు అవాంతరాలు, ఆటు పోట్లు,ఇబ్బందులు,అక్రమ అరెస్టులు,జైల్ జీవితం, నిర్భందాలన్నింటిని ఎదుర్కొని దీర్ఘ కాలిక సాయుధ ప్రజా యుద్ద పంథాలో జీవితాంతం కొనసాగడం కామ్రేడ్ చండ్ర పుల్లారెడ్డి లాంటి విప్లవ కారులకే సాధ్యమని అన్నారు. భూస్వామ్య వ్యవస్థ ను నాశనం చేస్తూ, రాజ్యం సాగిస్తున్న దుర్మార్గాలకు వ్యతిరేకంగా పోరాడుతూ,ప్రజలు,రైతులు,కార్మికులు మొత్తం అశేష ప్రజానీకాన్ని ఒక్కటి చేసి వేలాది ఎకరాల పంట భూములను ప్రజా పోరాటాల ద్వారా సాధించి పెట్టిన కామ్రేడ్ చండ్ర పుల్లారెడ్డి విప్లవానికి మార్గదర్శకుడని అన్నారు. నేడు దేశంలో అధికారంలో ఉన్న బీ జే పీ మోడీ ప్రభుత్వం మావో హిస్టు కమ్యూనిస్టు విప్లవకారులను నెలలో,రెండు నెలల్లో లేకుండా చేస్తామని చెప్పడమంటే ఈ దేశంలో ఉన్న కోట్లాది రూపాయల ప్రజా సంపదను సామ్రాజ్యవాదులకు, బడా కార్పోరేట్ సంస్థలకు దోచిపెట్టడంలో భాగంగానే అనే విషయాన్ని ప్రజలు అర్థం చేసుకోవాలని,మోడీ లాంటి దేశ తిరోగమన విధానాలను అనుసరిస్తున్న,దేశ ద్రోహ కరమైన ప్రజా వ్యతిరేక విధానాలను ప్రజలు తీవ్రంగా వ్యతిరేకిస్తూ పోరాటాలలోకి ముందుకు రావాలని కోరారు. బీ జే పీ అనుసరిస్తున్న మతోన్మాదం,హిందూత్వం, కాశాయికరణ, ఒకే దేశం, ఒకే ఎన్నిక, ఒకే మతం అనే ఆలోచన ప్రజల విచ్చిన్నతకు,ఐక్య మతాన్ని దెబ్బతీయడానికి బీ జే పీ రాజకీయ ప్రయోజనాలకు అంతిమంగా ఈ దేశాన్ని సామ్రాజ్యవాదులకు అమ్మివేయడానికి దారితీస్తుందని స్పష్టం చేశారు. రాష్ట్రంలో కాంగ్రెస్ రేవంత్ రెడ్డి ప్రభుత్వం అధికారంలోకి వచ్చి సంవత్సరం కావస్తున్నప్పటికి ఎన్నికలలో చేసిన ప్రధానమైన హామీలు మహిళలకు నెలకు 25 వందల రూపాయలు లాంటివి అమలు చేయలేకపోతుందని,హైడ్రా,మూసీ ప్రక్షాళన పేరుతో అసలు విషయాల నుండి ప్రజలను తప్పుదోవ పట్టించేందుకు పూనుకుంటుందని,హైడ్రా చర్యల వల్ల ముప్పయి సంవత్సరాలుగా నివాసం ఉంటున్న పేదలను దౌర్జన్యంగా వెళ్లగొడుతున్నారని విమర్శించారు. ఇంకా ఈ సభలో సీపీఐ ఎంఎల్ న్యూడెమోక్రసీ డివిజన్ కార్యదర్శి ఇక్కిరి సహదేవ్, ఏ ఐ కే ఎం ఎస్ జిల్లా అద్యక్షులు కల్లెపు అడవయ్య, చిర బోయిన రాజయ్య, ఐ ఎఫ్ టి యు జిల్లా అధ్యక్షులు పద్మ సుదర్శన్, గడ్డం నాగరాజు, పీ వై ఎల్ జిల్లా అద్యక్షులు మారజోడు సిద్దేశ్వర్, రాచకొండ ఉదయ్ లు ప్రసంగించారు. ఈ కార్యక్రమంలో సీపీఐ (ఎం.ఎల్) న్యూడెమోక్రసీ, ప్రజా సంఘాల నాయకులు మామిడాల సోమయ్య, కర్రె పాండరి, అన్ రెడ్డి బాల్ రెడ్డి,వగ్గు మల్లయ్య, పిన్నపురెడ్డి రాఘవ రెడ్డి,చిర బోయిన కొమురయ్య, ఏనుగుల నరసమ్మ,ఇక్కిరి శ్రీనివాస్,వంగాల మధుసూదన్ రెడ్డి, చిర బోయిన బాలయ్య, వంగాల నర్సింహారెడ్డి, మోటే అంజయ్య, మామిడాల బాలమల్లెష్, కుర్రి సత్యనారాయణ, శికిలం వెంకటేష్ శికిలం కుమారస్వామి పంజాల మురళి కొంగర సాయిరాం, ఏనుగుల ఎల్లయ్య,ఏనుగుల ఉదయ్,గడ్డం యాదగిరి, మామిడాల భాను చందర్, మామిడాల మధు, గోవిందు పరమేష్, పుప్పాల సిద్దులు,పుండరీకం, బరిగే రాములు, మారజోడు కుమార్, అయిల యాకయ్య, గిరి రాంచందర్, బూష శ్రీశైలం, కడకంచి అంజయ్య, కడకంచి బీరయ్య తదితరులు పాల్గొన్నారు.
 

వలిగొండ: తెలంగాణ ఉద్యమకారుల ఫోరం మండల కమిటీ ఎన్నిక


  

 
 
  
  
తెలంగాణ ఉద్యమకారుల ఫోరం మండల కమిటీ శనివారం ఉద్యమకారుల ఫోరం రాష్ట్ర జిల్లా నాయకుల ఆధ్వర్యంలో శనివారం ప్రకటించారు. అధ్యక్షునిగా మారగోని శ్రీనివాస్ గౌడ్, ఉపాధ్యక్షులుగా పుసునూరి లింగస్వామి, ఎడవల్లి కిరణ్, ఓరుగంటి స్వామి, ప్రధాన కార్యదర్శిగా ఎక్కల దేవి శ్రీనివాస్, సహాయ కార్యదర్శిగా దండ మల్లికార్జున్, సంయుక్త కార్యదర్శిగా ఎదురుగట్ల రాములు, కోశాధికారిగా కొండూరు సత్తయ్యలను ఏకగ్రీవంగా ఎన్నికయ్యారు. ఈ కార్యక్రమంలో ఉద్యమకారుల ఫోరం యాదాద్రి భువనగిరి జిల్లా గౌరవాధ్యక్షులు కళ్లెం లక్ష్మారెడ్డి, ఉద్యమకారుల ఫోరం రాష్ట్ర ఉపాధ్యక్షుడు జోగు అంజన్న, రాష్ట్ర కో కన్వీనర్ శీలం స్వామి, ఉద్యమకారుల ఫోరం రాష్ట్ర అధికార ప్రతినిధి చంద్రబాబు నాయక్ భువనగిరి జిల్లా ఉద్యమకారుల ఫోరం అధ్యక్షుడు గంధమల్ల బాలయ్య, ఉద్యమకారుల ఫోరం ఉమ్మడి నల్లగొండ జిల్లా మహిళా అధ్యక్షురాలు గంధ మల్లమ్మ, జిల్లాసాంస్కృతిక కార్యదర్శి మల్లం వెంకటేశం గౌడ్, ఉద్యమకారుల ఫోరం జిల్లా నాయకులు బత్తిని రవీందర్ గౌడ్ ,రామన్నపేట ఉద్యమకారుల ఫోరం అధ్యక్షుడు నోముల శంకర్, వలిగొండ ఉద్యమకారుల ఫోరం మండల మహిళ అధ్యక్షురాలు ఐటి పాముల పుష్ప, తదితరులు పాల్గొన్నారు.
 

త్రిప్ట్ ,నూలుపై సబ్సిడీ పథకాలను పునః ప్రారంభించాలి


  

 
 
  
  
చేనేత కార్మికులకు ఎంతగానో ఉపయోగ పడుతున్న త్రిప్ట్, నూలుపై సబ్సిడీ పథకాలను ప్రభుత్వం వెంటనే పునర్ ప్రారంభించాలని, వృత్తి దారుల జిల్లా కన్వీనర్ మాటూరి బాలరాజు, చేనేత కార్మిక సంఘం జిల్లా ప్రధాన కార్యదర్శి గుండు వెంకటనర్సు, ప్రభుత్వాన్ని విజ్ఞప్తి చేసారు. చేనేత కార్మిక సంఘం జిల్లా కమిటీ సమావేశం జిల్లా అధ్యక్షులు గుర్రం నర్సింహా గారి అధ్యక్షతన జరిగింది. ఈ సమావేశంలో వారు పాల్గొని మాట్లాడుతూ... చేనేత కార్మికులు రోజువారి కూలిపనిలో పొదుపు చేసి, కార్మికుడు 1200/ రూ లు, అనుబంధ కార్మికులు 800/రూ లు, చొప్పున ప్రతి నెల RD 1 బ్యాంక్ ఖాతలో జమచేస్తే, ప్రభుత్వం RD 2 లో రెండింతలు 4000/ రూల చొప్పున జమచేసి, మూడు సంవత్సరాలకు తీసుకునే విధంగా గత ప్రభుత్వం త్రిప్ట్ పథకం ప్రవేశపెట్టిందని, అది కరోనా కష్టకాలంలో, చేనేత కార్మికులకు ఎంతగానో ఉపయోగ పడిందని తెలిపారు. ఆగస్టు నెలలో ముగిసిన ఈ త్రిప్ట్ పతకాన్ని మళ్ళీ పునర్ ప్రారంభించాలని కోరారు. నూలుపై 40/ శాతం సబ్సిడీ నేరుగా కార్మికుల ఖాతల్లో జమచెయ్యాలని, ప్రతి చేనేత కుటుంబానికి పెట్టుబడి సాయంగా 5 లక్షల రూపాయల సాయం అందించాలని ప్రభుత్వాన్ని కోరారు. ఇండ్లు లేని నిరుపేద చేనేత కార్మికులకు హౌజ్ కం వర్క్ షెడ్ నిర్మించి ఇవ్వాలని విజ్ఞప్తి చేసారు. ఈ కార్యక్రమంలో జిల్లా అధ్యక్షులు గుర్రం నర్సింహా, జిల్లా ఉపాధ్యక్షులు కూరపాటి రాములు, గంజి రామచంద్రం, బోడ ఆంజనేయులు, తదితరులు పాల్గొన్నారు.
 

AITUC జిల్లాస్థాయి శిక్షణ తరగతులను జయప్రదం చేయండి: ఏఐటీయూసీ జిల్లా ప్రధాన కార్యదర్శి ఎం డి ఇమ్రాన్


  

 
 
  
  
చౌటుప్పల్ మున్సిపాలిటీ కేంద్రంలోని జయశ్రీ గార్డెన్స్ లో ఈనెల 12వ తేదీన జరిగే ఏఐటీయూసీ యాదాద్రి భువనగిరి జిల్లా స్థాయి శిక్షణ తరగతులను జయప్రదం చేయాలని ఏఐటీయూసీ జిల్లా ప్రధాన కార్యదర్శి ఎండీ ఇమ్రాన్ పిలుపునిచ్చారు. గురువారం రోజున వలిగొండ మండల కేంద్రంలో జరిగిన ఏఐటీయూసీ ముఖ్య నాయకుల సమావేశం అనంతరం శిక్షణ తరగతులకు సంబంధించిన కరపత్రాలను ఆవిష్కరించడం జరిగింది ఈ సందర్బంగా ఇమ్రాన్ మాట్లాడుతూ 1920 అక్టోబర్ 31న ముంబై మహానగరంలో ఆవిర్భావించిన భారతదేశ మొట్టమొదటి కార్మిక సంఘం ఏఐటీయూసీ అని అన్నారు. నాటి నుండి నేటి వరకు కార్మికుల కోసం అనేక సంక్షేమ చట్టాలు సాధించిన ఘనత ఏఐటీయూసీ కే దక్కుతుందన్నారు. బ్రిటిష్ కాలం నాటి నుండి పోరాడి సాధించుకున్న 44 కార్మిక చట్టాలను నేడు అధికారంలో ఉన్న బిజెపి ప్రభుత్వం వాటిని మార్చేసి 4 లేబర్ కోడ్ లుగా మర్చి కార్మికుల పైన దాడి చేస్తుందని ఆయన ఆరోపించారు. ఈ నేపథ్యంలో యాదాద్రి భువనగిరి జిల్లాలోని కార్మిక నాయకులకు, కార్యకర్తలకు కార్మిక చట్టాలతో పాటు హక్కులు, బాధ్యతలు పై రాజకీయ చైతన్యం పెంచడానికై ఈ నెల 12.11.2024 మంగళవారం రోజున జయశ్రీ గార్డెన్స్ లో జరిగే శిక్షణ తరగతులను జయప్రదం చేయాలని ఇమ్రాన్ పిలుపునిచ్చారు. ఈ కార్యక్రమంలో సిపిఐ మండల కార్యదర్శి పోలేపాక యాదయ్య, మారుపాక వెంకటేష్, ఏఐటీయూసీ జిల్లా కార్యవర్గ సభ్యులు సామల శోభన్ బాబు ఏఐవైఎఫ్ జిల్లా అధ్యక్షులు ఎల్లంకి మహేష్, కట్ల యాదగిరి, మారుపాక మల్లేష్,మండల ఎఐటియూసి నాయకులు బొడిగే సుదర్శన్, సుధగాని మచ్చగిరి,పావురాల మల్లేష్, భూష శివ, బొలుగుల యాదగిరి, ఏ సురేష్, తదితరులు పాల్గొన్నారు.