NLG: కొండమల్లేపల్లి, గుడిపల్లి మండల ఏఐఎస్ఎస్ డి కన్వీనర్లుగా మేదరి ప్రసాద్, దారమల్ల రాజు


  

 
 
  నల్గొండ జిల్లా:
  
దేవరకొండ లోని అంబేద్కర్ గ్రంథాలయంలో బుధవారం ధోనియాల గ్రామానికి చెందిన మేదరి ప్రసాద్, గణపురం గ్రామానికి చెందిన దారమల్ల రాజు లను బాబాసాహెబ్ అంబేద్కర్ చేత స్థాపించబడిన ఆల్ ఇండియా సమతా సైనిక్ దళ్ కొండమల్లేపల్లి, గుడిపల్లి మండల కన్వీనర్లుగా  ప్రాతినిధ్యం వహించుటకు నియామక పత్రాన్ని ఆ సంఘం రాష్ట్ర సంయుక్త కార్యదర్శి డా. బుర్రి వెంకన్న, జిల్లా ప్రధాన కార్యదర్శి బరుపటి వెంకటయ్య ఇరువురు నియామక పత్రాన్ని అందజేశారు.
  

  
ఈ కార్యక్రమానికి ముఖ్య అతిథులుగా విచ్చేసినటువంటి  రాష్ట్ర సంయుక్త కార్యదర్శి దళిత రత్న డా. బుర్రి వెంకన్న  మాట్లాడుతూ.. బాబాసాహెబ్ అంబేద్కర్ చేత స్థాపించబడిన ఆల్ ఇండియా సమతా సైనిక్ దళ్ ను అన్ని గ్రామ కమిటీలను పూర్తిస్థాయిలో విస్తరింప చేయాలని ప్రతి పౌరునికి భారత రాజ్యాంగ హక్కులు పరిచయం చేస్తూ, ప్రతి పౌరుడికి రాజ్యాంగ పలాలు అందే విధంగా ఆల్ ఇండియా సమతా సైనిక్ దళ్ నాయకులు సామాజిక పోరాటానికి సంసిద్ధులు కావాలన్నారు. బాబాసాహెబ్ అంబేద్కర్ ఆశయ సాధన కోసం యువత ముందుకు రావాలని ఆయన పిలుపునిచ్చారు.
  

  
అనంతరం కొండమల్లేపల్లి గుడిపల్లి కన్వీనర్లు మేదరి ప్రసాద్, దారమల్ల రాజు మాట్లాడుతూ.. మాకు ఈ సంస్థలో మండల కన్వీనర్లుగా బాధ్యతలు ఇచ్చినందుకు అంబేద్కర్ ఆశయ సాధన కోసం యువతను చైతన్య పరుస్తూ ప్రతి గ్రామంలో గ్రామ కమిటీలు వేసి ఆల్ ఇండియా సమతా సైనిక్ దళ్ సంఘ ఆశయ సాధన కోసం, రాజ్యాంగ హక్కులు ప్రతి పౌరునికి తెలిసే విధంగా కార్యక్రమాలు నిర్వహిస్తానని వారు తెలియజేశారు. ఈ కార్యక్రమంలో జిల్లా నాయకులు మామిడి చెట్టి యాదగిరి, మండల నాయకులు ఖండేల వెంకన్న, ముల్కశిర విజయ్ అదిరాల తదితరులు పాల్గొన్నారు.
 

మాల మహానాడు ఆధ్వర్యంలో మర్రిగూడ మండలంలో భారత్ బంద్ 
ఎస్సీ ఎస్టీ వర్గీకరణ పై ఇటీవల సుప్రీంకోర్టు ఇచ్చిన తీర్పును నిరసిస్తూ ఎస్సీ వర్గీకరణ వ్యతిరేక పోరాట సమితి, రిజర్వేషన్ బచావో సంఘర్ష సమితి పిలుపుమేరకు ఇవాళ మాల మహానాడు మర్రిగూడ మండల అధ్యక్షుడు దళిత రత్న నాగిల్ల మారయ్య ఆధ్వర్యంలో మాలమహానాడు జాతీయ అధ్యక్షులు, ఎస్సీ వర్గీకరణ పోరాట సమితి కో కన్వీనర్  తాళ్లపల్లి రవి  ఆదేశాల మేరకు మర్రిగూడ మండలంలో ర్యాలీలు నిరసనలు చేపట్టి, స్కూలు కళాశాలలు తిరిగి భారత్ బంద్ నిర్వహించారు. 

  


మారయ్య మాట్లాడుతూ.. ఎస్సీ వర్గీకరణకు వ్యతిరేకంగా సుప్రీం కోర్ట్ ఇచ్చిన తీర్పు భారత రాజ్యాంగంలోని 341 ఆర్టికల్ ప్రకారం వ్యతిరేకమని, వర్గీకరణ రాష్ట్ర ప్రభుత్వాల పరిగణలోకి రాదని, ఆర్డినెన్స్ లు జారీ చేయాలంటే రాజ్యాంగం ప్రకారమే చేయాలని అన్నారు. ఈ కార్యక్రమంలో మాల మహానాడు నాయకులు ఈద కృష్ణ, ఈద కాశి, ప్రభుదాస్, నరేష్, కిరణ్ తదితరులు పాల్గొన్నారు.

NLG: గృహజ్యోతి 200 యూనిట్ల ఉచిత కరెంటు కు మరొక అవకాశం


  

 
 
  నల్లగొండ: గృహజ్యోతి 200 యూనిట్లు ఉచిత కరెంట్ కోసం గతంలో నిర్వహించిన ప్రజా పాలనలో దరఖాస్తు చేసుకున్న పట్టణ ప్రజలు ఉచిత కరెంట్ రానివారు, ప్రజాపాలన సైట్లో అప్లై చేయలేదని నమోదు అయినవారు, ఆన్లైన్లో ఎడిట్ చేసుకునేందుకు ప్రభుత్వం అవకాశం కలిగించింది.
  

  
దీనికోసం నల్లగొండ పట్టణ ప్రజలు సంబంధిత కరెంట్ బిల్లు, రేషన్ కార్డ్, ఆధార్ కార్డ్, సెల్ ఫోన్ నెంబర్ తో నల్లగొండ మున్సిపల్ కార్యాలయంలో సంప్రదించాలని నల్గొండ మున్సిపల్ కమిషనర్ ముసబ్ అహ్మద్ ఒక ప్రకటనలో ఒక పేర్కొన్నారు.
 

తెలంగాణ డెయిరీ డెవలప్‌మెంట్ కో ఆపరేటివ్ ఫెడరేషన్ చైర్మన్‌గా గుత్తా అమిత్ రెడ్డి


  

 
 
  
  తెలంగాణ డెయిరీ డెవలప్‌మెంట్ కో ఆపరేటివ్ ఫెడరేషన్ చైర్మన్‌గా గుత్తా అమిత్ రెడ్డిని నియమిస్తూ రాష్ట్ర ప్రభుత్వం మంగళవారం ఉత్తర్వులు జారీ చేసింది. 
 

మర్రిగూడ మండలంలో స్వర్గీయ భారత మాజీ ప్రధాని రాజీవ్ గాంధీ జయంతి
నల్లగొండ జిల్లా: 
మర్రిగూడ: మండల కేంద్రంలో భారతరత్న మాజీ ప్రధాని స్వర్గీయ రాజీవ్ గాంధీ జయంతి సందర్భంగా మర్రిగూడ మండల కాంగ్రెస్ కమిటీ ఆధ్వర్యంలో రాజీవ్ గాంధీ విగ్రహానికి పూలమాలవేసి ఘన నివాళులు అర్పించారు. 

  


ఈసందర్భంగా మర్రిగూడ మండల కాంగ్రెస్ పార్టీ అధ్యక్షుడు రామదాసు శ్రీనివాస్ మాట్లాడుతూ.. మాజీ ప్రధాని రాజీవ్ గాంధీ అభివృద్ధి మార్గంలో దేశాన్ని నడిపించిన మహా నాయకుడని, రాజీవ్ గాంధీ యువతకు స్ఫూర్తి ప్రదాత అని వారి సేవలను కొనియాడారు. 

ఈ కార్యక్రమంలో మర్రిగూడ మండల అధ్యక్షుడు రాందాస్ శ్రీనివాస్, మాజీ జెడ్పిటిసి మేతరి యాదయ్య  మాజీ ఎంపీటీసీ వెంకటంపేట బాలయ్య, నరసింహారెడ్డి, జంగిలి రవి, గంట యాదయ్య, పి ఏ సి ఎస్ డైరెక్టర్ లింగయ్య., కొడాలి అల్వాల్ రెడ్డి, లవకుమార్, రేణుక వెంకన్న, జమ్ముల వెంకటేష్ గౌడ్, నందికొండ లింగారెడ్డి కోలుకుల పల్లి శంకర్, ఎలిమినేటి సత్తిరెడ్డి, మేతరి శంకర్, రాములు, పొనుగోటి శేఖర్, పగడాల అంజయ్య, పంతంగి సుధాకర్, పగడాల చిన్నయ్య, ఎడ్ల ముత్తయ్య, గ్యార యాదయ్య, సిల్వర్ వెంకటయ్య, వెంకటంపేట చంద్రయ్య, పగడాల యాదయ్య, గ్యార వెంకటేష్, 
సిరుపంగి శ్రీనివాస్, బిక్షమాచారి, సిలివేరి యాదయ్య, మాజీ ఎంపీటీసీలు, మాజీ సర్పంచులు, మాజీ వార్డ్ మెంబర్లు, కాంగ్రెస్ పార్టీ సీనియర్ నాయకులు, కార్యకర్తలు, ముఖ్య నాయకులు, తదితరులు పాల్గొన్నారు.

డిండి ఎత్తిపోతల పథకం డిపిఆర్ ను వెంటనే ఆమోదించాలని సంతకాల సేకరణ


  

 
 
  నల్లగొండ జిల్లాలో నిత్యం కరువుకు గురవుతూ ఫ్లోరైడ్ ప్రాంతాలైన మునుగోడు దేవరకొండ నియోజకవర్గాలకు సాగునీరు అందించే డిండి ఎత్తిపోతల పథకం డీపీఆర్ ను వెంటనే ఆమోదించి సాగునీరు అందించే వరకు మా పోరాటం కొనసాగుతుందని సిపిఎం మండల సహాయ కార్యదర్శి జెర్రిపోతుల ధనంజయ గౌడ్ అన్నారు. 
  

  
సోమవారం చండూరు మండల పరిధిలోని నేర్మట గ్రామంలో "సంతకాల సేకరణ" చేశారు. ఈ సందర్భంగా ఆయన మాట్లాడుతూ.. 2016లో జీవో ఎంఎస్ నెంబర్ 107 ద్వారా అప్పటి టిఆర్ఎస్ ప్రభుత్వం డిండి ఎత్తిపోతల పథకానికి రోజుకు అర టీఎంసీ చొప్పున 60 రోజులలో, 30 టీఎంసీల నీరు జిల్లాలోని సింగరాజుపల్లి గొట్టిముక్కుల చింతపల్లి లక్ష్మణాపురం శివన్న గూడెం రిజర్వాయర్లు నింపి సాగునీరు అందించడం ద్వారా ఈ మునుగోడు దేవరకొండ ప్రాంతాలను వ్యవసాయ రంగానికి నీరు అందించి అభివృద్ధి చేయాలని అప్పటి ప్రభుత్వం నిర్ణయించినప్పటికీ రిజర్వాయర్లకు సంబంధించిన పనులు కొంతమేరకు జరిగిన కీలకమైన డి పి ఆర్ ను ఆమోదించకపోవడం, అట్లాగే సుమారు 27 కిలోమీటర్ల కాలువని తవ్వే పనులకు సంబంధించిన పర్యావరణ అనుమతుల కోసం లేఖలు రాయకపోవడం ద్వారా ఆ ప్రభుత్వం తీవ్రమైన తప్పిదానికి పాల్పడిందని విమర్శించారు. 
  

  
డిండి ఎత్తిపోతల పథకానికి డిపిఆర్ ఆమోదింపజేసి అధిక నిధులు కేటాయించి ప్రాజెక్టు పూర్తయ్యే వరకు సిపిఎం దశలవారీగా పోరాటాలు నిర్వహిస్తుందని తెలిపారు. 
  

  
డిండి ఎత్తిపోతల పథకం సాధన కోసం కొనసాగింపుగా తక్షణమే సంతకాల సేకరణ అన్ని గ్రామాల్లో జరుగుతాయని మండల కేంద్రంలో రిలే నిరాహార దీక్షలు పోరాటం కొనసాగుతుందన్నారు.. కార్యక్రమంలో బుర్కల శేఖర్, బుర్కల నవీన్,శంకర్,నగేష్,జంగయ్య,మారయ్యతదితరులు పాల్గొన్నారు
 

మునుగోడు నియోజకవర్గ మహిళలకు రాఖీ పండుగ శుభాకాంక్షలు తెలిపిన  ఎమ్మెల్యే కోమటిరెడ్డి రాజ్ గోపాల్ రెడ్డి



  

 
 
  

  మునుగోడు ఎమ్మెల్యే కోమటిరెడ్డి రాజ్ గోపాల్ రెడ్డి నియోజకవర్గ మహిళలకు రాఖీ పండుగ శుభాకాంక్షలని ఒక ప్రకటనలో తెలిపారు. అన్నా, చెల్లెళ్లు అక్కా, తమ్ముళ్ళ అనుబంధానికి ప్రతీక  అయిన రాఖీ పండుగ ను అందరూ ఆనందంగా జరుపుకోవాలని అన్నారు. మహిళల సాధికారత తో పాటు మహిళలను కోటీశ్వరులను చేసే సంకల్పంతో ప్రజా ప్రభుత్వం వినూత్న కార్యక్రమాలు అమలు చేస్తోందని తెలిపారు. మహిళల అభివృద్ధి, సంక్షేమం విషయంలో రాజీపడబోమని పేర్కొన్నారు. 
 

మర్రిగూడ లో ఘనంగా సర్ధార్ సర్వాయి పాపన్న గౌడ్ 374వ జయంతి


  

 
 
  నల్లగొండ జిల్లా:
  
మర్రిగూడ మండల కేంద్రములో ఆదివారం సర్ధార్ సర్వాయి పాపన్న గౌడ్ 374వ జయంతి సందర్భంగా, పలువురు గ్రామస్తులు పాపన్న గౌడ్ విగ్రహానికి పూలమాలలు వేసి నివాళులు అర్పించారు.
  

  
ఈ సందర్భంగా దళిత రత్న అవార్డు గ్రహీత నాగిల్ల మారయ్య మాట్లాడుతూ.. గోల్కొండ కోటను  ఏలిన మొట్టమొదటి బహుజన చక్రవర్తి, తురుష్కులను తరిమి కొట్టిన గొప్ప యుద్ద వీరుడు, గోల్కొండ ను స్వాధీనం చేసుకుని సాటి లేని యుద్ద నైపుణ్యాలతో ఔరంగజేబు కు తెలంగాణ దెబ్బ రుచి చూపించిన తెలంగాణ సాయుధ పోరాట యోధుడు, బహుజన రాజ్యాధికారం కోసం పోరాడి, దొరల అరాచకాలను మొగలాయి  దౌర్జన్యాలను ఎదురించి, తెలంగాణ ప్రాంతాన్ని కాపాడిన వీరుడు.. శ్రీ సర్థార్ సర్వాయి పాపన్న గౌడ్ అని కొనియాడారు.
 

NLG: కవి, హోంగార్డు రగుడంపల్లి వెంకటయ్య కు సన్మానం


  

 
 
  నల్లగొండ: 
  
దేవరకొండ ఆల్ ఇండియా సమతా సైనిక్ దళ్  నియోజకవర్గ కార్యాలయం లో  ఆ సంఘం రాష్ట్ర సంయుక్త కార్యదర్శి దళితరత్న డా.బుర్రి వెంకన్న,నల్లగొండ జిల్లా అధ్యక్షులు మద్దిమడుగు భిక్షపతి,డివిజన్ నాయకులు  చెపూరి రాజేష్,లీగల్ అడ్వైజర్ అడ్వకేట్ నక్క వెంకటేష్ లు ఇవాళ పాటల రచయిత, కవి  రగుడంపల్లి వెంకటయ్య ను  ఘనంగా  సన్మానించారు.
  

  
వెంకటయ్య వృత్తిరీత్యా పోలీస్ డిపార్ట్మెంట్ లో హోంగార్డుగా ప్రస్తుతం నాంపల్లి పోలీస్ స్టేషన్లో విధులు నిర్వహిస్తున్నాడు.ఒక ప్రక్క విధులు నిర్వహిస్తూనే తనకు పాటల మీద ఉన్న మక్కువతో రచనలు చేస్తూ అందరి మన్ననలు పొందుతున్నందుకు చాలా సంతోషంగా ఉందని ఆల్ ఇండియా సమతా సైనిక్ దళ్ నాయకులు అన్నారు.
  

  
వెంకటయ్య స్వగ్రామం డిండి మండలం లోని గనబోయినపల్లి గ్రామం నిరుపేద దళిత కుటుంబంలో జన్మించి ఎన్నో కష్టాలను ఓర్చుకొని చదువుకున్నాడు. తన విద్యకు సాకారంగా తనదైన శైలిలో పాటలు వ్రాయడం సంతోషంగా ఉందని ముందు ముందు మరిన్ని మంచి పాటలు వ్రాసి ఎన్నో సన్మానాలు అవార్డులు అందుకోవాలని కోరుకుంటున్నట్లు  వారి ఆశాభావాన్ని వ్యక్తం చేశారు.
  

  
ఈ మధ్య కాలంలోనే ఆల్ ఇండియా సమతా సైనిక్ దళ్ రాష్ట్ర సంయుక్త కార్యదర్శి దళితరత్న డా. బుర్రి వెంకన్న గౌరవ డాక్టరేట్ అందుకున్న విషయం విదితమే ఆయన మాట్లాడుతూ.. దళితజాతి నుండి యువకులు తన స్వంత ప్రతిభ ను కనబరుస్తూ మహనీయుల అడుగుజాడలో ప్రయణిస్తూ  చైతన్యవంతులై సమాజంలో మంచి పేరు ప్రతిష్టలు సంపాదించుకుంటున్నారని వెంకటయ్య లాంటి వ్యక్తి నేటి యువతకు ఆదర్శం అని ఆయన అన్నారు. జిల్లా అధ్యక్షులు మద్దిమడుగు భిక్షపతి మాట్లాడుతూ.. వెంకటయ్య తనకు బందువు అయినందుకు సంతోషంగా ఉందని అన్నారు.
  

  
లీగల్ అడ్వైజర్ అడ్వకేట్ నక్క వెంకటేష్ మాట్లాడుతూ.. పాటలు చాలా బాగున్నాయి.  మంచి భవిష్యత్తు ఉంటుందని రాబోవు కాలంలో రాష్ట్రస్థాయిలో వెంకటయ్యకు గుర్తింపు వచ్చే విధంగా సంఘం ద్వారా కృషి చేస్తామని తెలియజేశారు.ఈ సందర్భంగా సన్మాన కార్యక్రమంలో పాల్గొన్న ప్రతి ఒక్కరికీ సన్మాన గ్రహీత రగుడంపల్లి వెంకటయ్య  కృతజ్ఞతలు తెలియజేశారు.
 

సాగర్ రింగ్ రోడ్ లో బస్సులను పరిశీలించిన  నల్లగొండ ఆర్ఎం
నల్లగొండ జిల్లా టీజీఎస్ఆర్టీసీ రీజినల్ మేనేజర్ రాజశేఖర్ హైదరాబాదులోని సాగర్ రింగ్ రోడ్డు ప్రయాణికుల ప్రాంగణం వద్ద బస్సులను పరిశీలించారు. 

  


ఈ సందర్భంగా వారు మాట్లాడుతూ.. రాఖీ పండగ వేల రద్దీతో ప్రయాణికులు ఇబ్బంది పడకూడదని, దేవరకొండ మరియు నాగార్జునసాగర్ లకు ప్రత్యేక బస్సులు ఏర్పాటు చేశామని తెలిపారు. 

ఈ కార్యక్రమంలో దేవరకొండ డిపో మేనేజర్ రమేష్ బాబు, ఇబ్రహీంపట్నం డిపో మేనేజర్ బి వెంకట నరసయ్య, మరియు ఇతర ఆర్టీసీ అధికారులు పాల్గొన్నారు.