StreetBuzz NLG: బీజేపీ అభ్యర్థిని గెలిపిద్దాం: యువ మోర్చ జిల్లా సెక్రెటరీ Mane Praveen

Apr 04 2024, 15:54

NLG: బీజేపీ అభ్యర్థిని గెలిపిద్దాం: యువ మోర్చ జిల్లా సెక్రెటరీ

నల్లగొండ పార్లమెంట్ ఎన్నికల్లో బీజేపీ అభ్యర్థి శానంపూడి సైదిరెడ్డిని గెలిపించి దేశ ప్రధాని నరేంద్ర మోడీ కి బహుమతిగా ఇవ్వాలని యువ మోర్చ జిల్లా సెక్రెటరీ గుండ్లపల్లి శాంతి స్వరూప్ అన్నారు.

నల్లగొండలో బిజెపి కార్యాలయంలో వారు మాట్లాడుతూ.. నరేంద్ర మోడీ దేశ అభివృద్ధి కొరకు తీసుకునే చారిత్రాత్మకమైన నిర్ణయాలకు యువత ముగ్దులై, దేశ అభివృద్ధి లో మేము సైతం దేశ ప్రధానికి అండగా నిలవాలనే ఉద్దేశంతో ఉత్సాహంగా యువత ముందుకు వస్తున్నారని అన్నారు.

రాబోయే రోజుల్లో నల్లగొండ మొత్తం కాషాయమయం చేయడమే ముఖ్య లక్ష్యంగా మా యువత పనిచేస్తుందని అన్నారు. తనను యువ మోర్చ జిల్లా సెక్రెటరీగా నియమించిన బిజేపి జిల్లా అధ్యక్షులు నాగం వర్షిత్ రెడ్డికి, యువ మోర్చ జిల్లా అధ్యక్షులు వంగూరి రాఖీ కి ధన్యవాదములు అని తెలిపారు.

యువ మోర్చా జిల్లా సెక్రెటరీ నందిపాటి శ్రీకాంత్, యువ మోర్చా ఐటీ సెల్ కన్వీనర్ చేరుకుపల్లి సాయి కుమార్, అసెంబ్లీ కన్వీనర్ లోహిత్ రెడ్డి ,యువ మోర్చ పట్టణ ఉపాధ్యక్షుడు చిట్యాల గోపిరెడ్డి ఉన్నారు.

SB NEWS NATIONAL MEDIA

Mane Praveen

Apr 04 2024, 10:54

ఎన్నికల నిర్వహణపై అన్ని రాష్ట్రాల సీఎస్‌ లు, డీజీపీ లతో ఈసీ వీడియో కాన్ఫరెన్స్

ఢిల్లీ: ఎన్నికల నిర్వహణపై అన్ని రాష్ట్రాల సీఎస్‌ లు, డీజీపీ లతో ఈసీ గురువారం వీడియో కాన్ఫరెన్స్ నిర్వహించారు.

ఈ సమావేశంలో చీఫ్ ఎలక్షన్ కమిషనర్ రాజీవ్ కుమార్, ఎన్నికల కమిషనర్లు జ్ఞానేంద్ర కుమార్, సుఖ్బీర్ సింగ్ సందు పాల్గొన్నారు.

శాంతి భద్రతల నిర్వహణ, అక్రమ కార్యకలాపాలు నిరోధం, అంతర్రాష్ట్ర, అంతర్జాతీయ సరిహద్దులపై నిఘా ఉంచాలని ఆదేశం..

అక్రమ ఓటింగ్ నిరోధానికి పోలింగ్‌కు 48 గంటల ముందు అంతరాష్ట్ర సరిహద్దులు సీజ్ చేయాలి..

పోలింగ్ రోజున అన్ని సరిహద్దులు పూర్తిస్థాయిలో మూసివేయాలని ఆదేశాలు జారీ చేశారు.

SB NEWS NATIONAL MEDIA

Mane Praveen

Apr 04 2024, 10:39

NLG: సీనియర్ ఫిజికల్ డైరెక్టర్ గాదె శౌరి రెడ్డి మృతికి సంతాపం తెలిపిన చత్రపతి శివాజీ స్పోర్ట్స్ క్లబ్

నల్లగొండ: పట్టణానికి చెందిన ఉమెన్స్ కాలేజ్ రిటైర్డ్ సీనియర్ ఫిజికల్ డైరెక్టర్ గాదె శౌరి రెడ్డి అనారోగ్యంతో, నిన్న రాత్రి హైదరాబాదులో మృతి చెందారు. ఈ సందర్భంగా చత్రపతి శివాజీ స్పోర్ట్స్ క్లబ్ తరపున వారి కుటుంబ సభ్యులకు ప్రగాఢ సంతాపాన్ని తెలియజేస్తున్నామని స్పోర్ట్స్ క్లబ్ వ్యవస్థాపకులు బొమ్మ పాల గిరిబాబు ఒక ప్రకటనలో తెలిపారు.

గాదె శౌరి రెడ్డి గత 40 సంవత్సరాలుగా వ్యాయామ విద్యకు వివిధ ఆర్గనైజేషన్స్ ద్వారా ఎనలేని సేవలు అందించారని ఆయన సేవలను కొనియాడారు. వారి మరణం వ్యాయామ విద్యా వ్యవస్థ కు తీరని లోటని పేర్కొన్నారు.

SB NEWS NATIONAL MEDIA

SB NEWS TELANGANA

SB NEWS NLG

Mane Praveen

Apr 04 2024, 08:08

NLG: మర్రిగూడ మండల బిజెపి ప్రధాన కార్యదర్శిగా బోయపల్లి రాజు గౌడ్

నల్లగొండ జిల్లా:

మర్రిగూడ మండలం లోని కుదాబక్షుపల్లి గ్రామానికి చెందిన, బోయపల్లి రాజు గౌడ్ బిజెపి మండల ప్రధాన కార్యదర్శిగా నియామకం అయ్యారు.

బిజెపి జిల్లా అధ్యక్షులు నాగం వర్షిత్ రెడ్డి మండల నూతన కార్యవర్గాన్ని ఏర్పాటు చేస్తూ ఉత్తర్వులు జారీ చేశారు. ఈ మేరకు బిజెపి మండల అధ్యక్షుడు పాత్లవత్ రాజేందర్

నాయక్ వారికి నియామక పత్రాన్ని అందజేశారు.

ఈ సందర్భంగా ప్రధాన కార్యదర్శి రాజు గౌడ్ మాట్లాడుతూ.. పార్టీ ఎదుగుదలకు క్రమశిక్షణతో కృషి చేస్తానని తెలిపారు. గత 20 సంవత్సరాలుగా పార్టీకి సేవ చేసినందుకు గాను తనను గుర్తించి నియమించిన బిజెపి రాష్ట్ర నాయకులు గంగిడి మనోహర్ రెడ్డి, మరియు జిల్లా నాయకులకు, సహకరించిన ప్రతి ఒక్కరికి ధన్యవాదాలు తెలిపారు.

SB NEWS NATIONAL MEDIA

SB NEWS TELANGANA

SB NEWS NLG

Mane Praveen

Apr 03 2024, 22:56

నల్లగొండ జిల్లాలో ఘోరం జరిగింది...

బాధ్యత లేని అధికారులు.. వాటర్ ట్యాంకు లో కోతులు చనిపోగా.. ఆ నీళ్లను ప్రజలు తాగడానికి సరఫరా చేశారు. ఇది ఎక్కడో కాదు నల్లగొండ జిల్లా, నాగార్జునసాగర్ నందికొండ మున్సిపాలిటీ లో జరిగింది.

నందికొండ మున్సిపాలిటీ ఒకటో వార్డు పరిధిలో విజయ విహార్ ప్రక్కన ఉన్న వాటర్ ట్యాంకులో కోతుల కళేబరాలు కనిపించాయి. అవే నీటిని గత కొన్ని రోజులుగా సరఫరా చేస్తున్న ఎన్ఎస్పి అధికారులు.. అదే నీటిని తాగుతున్న ప్రజలు.

వాటర్ ట్యాంక్ పై రేకులు ఉన్న మూత తెరిచి ఉంచడంతో లోపలికి వెళ్ళిన కోతులు బయటికి రాలేక అందులోనే మృతి చెందాయి. దాదాపు 30 నుండి 40 కోతులు చనిపోయినట్లు సమాచారం.

SB NEWS NATIONAL MEDIA

SB NEWS TELANGANA

Mane Praveen

Apr 03 2024, 22:40

మండుటెండల్లో చల్లని కబురు

ప్రస్తుతం రెండు తెలుగు రాష్ట్రాల్లో ఎండలు భగ్గుమంటున్నాయి. మే నెల రాకముందే ఈ రీతిలో ఎండలు దంచి కొట్టడంతో జనాలు అప్రమత్తంగా ఉండాలని.. ఇప్పటికే వాతావరణ శాఖ అధికారులు వెల్లడించారు. ప్రస్తుతం 40 డిగ్రీలకు పైగా ఉష్ణోగ్రతలు నమోదవుతున్నాయి.

దీంతో జనాలు బయటికి వెళ్లాలంటే ఇబ్బంది పడుతున్నారు. ఈ క్రమంలో భారత వాతావరణ శాఖ తెలంగాణ రాష్ట్రానికి గుడ్ న్యూస్ చెప్పింది.

రాష్ట్రంలో త్వరలో వర్ష సూచన ఉందని, మండుటెండల నుంచి కాస్త ఉపశమనం దొరుకుతుందని తెలిపింది. 7, 8 తేదీల్లో అనేక ప్రాంతాల్లో తేలికపాటి నుంచి మోస్తరు వర్షాలు కురవనున్నాయని వాతావరణ శాఖ వెల్లడించింది. మండుటెండల్లో చల్లని కబురు చెప్పడంతో ప్రజలు ఊపిరిపీల్చుకుంటున్నారు.

SB NEWS NATIONAL MEDIA

STREETBUZZ NEWS

Mane Praveen

Apr 03 2024, 16:37

NLG: ఎన్జీ కళాశాల అసిస్టెంట్ ప్రొఫెసర్ యాదగిరి రెడ్డి కి కళాశాల స్టాఫ్ క్లబ్ ఆధ్వర్యంలో సన్మానం

నల్లగొండ జిల్లా కేంద్రంలోని, నాగార్జున ప్రభుత్వ కళాశాలలో రాజనీతి శాస్త్రంలో అసిస్టెంట్ ప్రొఫెసర్ గా పని చేస్తున్న ఈదులకంటి యాదగిరి రెడ్డి కి, ఇటివల హైద్రాబాద్ లోని ఉస్మానియా విశ్వవిద్యాలయం డాక్టరేట్ ప్రకటించింది.

సీనియర్ ప్రొఫెసర్ ఏవి.సతీష్ చంద్ర పర్యవేక్షణలో 'ఉమ్మడి ఆంధ్రప్రదేశ్ లోని 12వ మరియు 13వ శాసనసభలు మరియు తెలంగాణ రాష్ట్రంలో ప్రతిపక్ష పార్టీల పాత్ర' అనే అంశంఫై పరిశోధన చేసి పీహేచ్ది సిద్ధాంత గ్రంధాన్ని సమర్పించినందుకు గాను, పీహేచ్ది డాక్టరేట్ అవార్డు పొందారు.

ప్రజాస్వామ్యంలో అధికార పక్షంతో పాటు, సమర్ధవంతమైన ప్రతిపక్ష పార్టీలు కూడా ఎంతో అవసరమని, ప్రతిపక్ష పార్టీలు వాటి పాత్రను చక్కగా నిర్వహించడం ద్వార ప్రభుత్వ విధానాలను ఎంతగానో ప్రభావితం చేయవచ్చని, ప్రజాభిప్రాయాని శాసనసభలో వ్యక్తికరించవచ్చని తన పరిశోధన ద్వార సూచించారు.

ఈయన స్వస్థలం యాదాద్రి జిల్లా, మోత్కూర్ మండలం, రాగిబావి గ్రామం. ఈ గ్రామం నుండి తొలి పీహేచ్ది డాక్టరేట్ అవార్డు పొందినందుకు వారి తల్లిదండ్రులు సత్తి రెడ్డి, పుష్పమ్మ, కుటుంబ సభ్యులు, మిత్రులు , గ్రామస్తులు ఎంతో హర్షం వ్యక్తం చేసారు.

SB NEWS NATIONAL MEDIA

SB NEWS TELANGANA

SB NEWS NALGONDA DIST

Mane Praveen

Apr 03 2024, 12:16

NLG: సిపిఐ ఆధ్వర్యంలో ఘనంగా దొడ్డి కొమరయ్య 97వ జయంతి

మునుగోడు మండల కేంద్రంలో సిపిఐ ఆధ్వర్యంలో, సిపిఐ ఆఫీసులో దొడ్డి కొమరయ్య 97వ జయంతి ఘనంగా నిర్వహించారు.

ఈ కార్యక్రమంలో సిపిఐ మండల కార్యదర్శి చాపల శ్రీను డోలుదెబ్బ రాష్ట్ర నాయకులు యాదయ్య, ఏఐవైఎఫ్ మండల కార్యదర్శి బండారి శంకర్, ఉపాధ్యక్షులు పులకరం ఆంజనేయులు, కుర్మా యువజన చైతన్య సమితి మండల అధ్యక్షుల అందుగుల మహేష్, నెల్లికంటి రమేష్ పాల్గొన్నారు.

SB NEWS NATIONAL MEDIA

SB NEWS TELANGANA

SB NEWS NALGONDA DIST

Mane Praveen

Apr 02 2024, 23:49

NLG: మర్రిగూడ మండలంలో ఘనంగా సర్వాయి పాపన్న గౌడ్ 314వ వర్ధంతి

నల్లగొండ జిల్లా:

మార్రిగూడ మండల కేంద్రంలో సర్దార్ సర్వాయి పాపన్న గౌడ్ 314వ వర్ధంతి సందర్భంగా, గౌడ్ సంఘ మండల అధ్యక్షులు పందుల రాములుగౌడ్ ఆధ్వర్యంలో పాపన్నగౌడ్ విగ్రహానికి మంగళ వారం విగ్రహా కమిటీ అధ్యక్షులు జమ్మల వెంకటేష్ గౌడ్ తదితరులు పూల మాలలు వేసి నివాళులు అర్పించారు.

ఈ కార్యక్రమంలో పిఎసిఎస్ చైర్మన్ పందుల యాదయ్య గౌడ్, మాజీ సర్పంచ్ నల్ల యాదయ్య, మాజీ ఎంపిటిసి వెంకటంపేట బాలయ్య, బిజేపి మండల అధ్యక్షులు పాత్లావత్ రాజేందర్ నాయక్, మాలమహానాడు మండల అధ్యక్షులు నాగిళ్ళ మారయ్య, నాయకులు వల్లపుదాసు కేశవ్, కొంపల్లి నాగరాజు గౌడ్, గునిగంటి శ్రీరాములు, సుంకరి మల్లేష్, అంజి, రవి, యాదయ్య, సుధాకర్ తదితరులు పాల్గొన్నారు.

SB NEWS NATIONAL MEDIA

SB NEWS TELANGANA

SB NEWS NAL

GONDA DIST

Mane Praveen

Apr 02 2024, 23:38

NLG: దేవరకొండ కోర్టు బార్ అసోసియేషన్ అధ్యక్షుడి కి సన్మానం

దేవరకొండ కోర్టు బార్ అసోసియేషన్ అధ్యక్షులుగా ఎన్నికైన గాజుల ఆంజనేయులు ను మంగళవారం, బిఆర్ఎస్ పార్టీ రాష్ట్ర నాయకులు రామావత్ రమేష్ నాయక్ శాలువాతో సత్కరించి శుభాకాంక్షలు తెలిపారు.

ఈ సందర్భంగా రమేష్ నాయక్ మాట్లాడుతూ.. న్యాయ వృత్తిలో వారు చేసిన సేవలకు ప్రతిరూపమే బార్ అసోసియేషన్ ఎన్నికల్లో గెలుపొందడానికి కారణమైందని, రాబోయే కాలంలో వారు మరిన్ని పదవులు చేపట్టాలని ఆకాంక్షించారు.

ఈ కార్యక్రమంలో ఎంఆర్పిఎస్ టిఎస్ రాష్ట్ర కార్యదర్శి ముదిగొండ ఎల్లేష్, బిఆర్ఎస్ నాయకులు శేఖర్, గోవర్ధన్, నాగరాజు తదితరులు ఉన్నారు.

SB NEWS NATIONAL MEDIA

SB NEWS TELANGANA

SB NEWS NALGONDA DISTRICT