గ్రామ పంచాయతీ ఎదుట ఖాళీ బిందెలతో నిరసన వారానికోసారి సన్నగా వస్తున్నాయని ఆవేదన

 
 
  తాగునీటి కోసం మహిళల ఆందోళన
  

  

  

  పంచాయతీ ఎదుట ఖాళీ బిందెలతో నిరసన వారానికోసారి సన్నగా వస్తున్నాయని  

  

  
Streetbuzz News Crime journalist
  

  

  
కరీంనగర్‌ జిల్లా :
  

  
(చిగురుమామిడి ):- మండలంలోని సుందరగిరి గ్రామంలో తాగునీటి కోసం మహిళలు గ్రామ పంచాయితీ కార్యాలయం ఎదుట సోమవారం ఖాళీ బిందెలతో నిరసనకు దిగారు. తమకు వారం రోజులకు ఒకసారి తాగునీటిని సరఫరా చేస్తున్నారని, అదికూడా సన్నగా వస్తున్నదని, దీనివల్ల చాలా రోజులుగా నీటి కోసం ఇబ్బందులు ఎదురొంటున్నామని ఆవేదన వ్యక్తం చేశారు.పలుమార్లు గ్రామపంచాయతీ అధికారుల దృష్టికి తీసుకెళ్లినప్పటికీ ప్రయోజనం లేకపోయిందని ఆవేదన వ్యక్తం చేశారు. నీటి కోసం చాలా దూరం వెళ్లాల్సివస్తున్నదని మండిపడ్డారు. ఈ విషయాన్ని గ్రామ ప్రత్యేకాధికారి, తహసీల్దార్‌ ఇప్ప నరేందర్‌ దృష్టికి తీసుకెళ్లగా సంబంధిత అధికారులతో మాట్లాడి సమస్యను పరిషరిస్తారని హామీ ఇచ్చారు.
  
 
 

పిల్లలమ మార్పు కేవలం ఉపాద్యాయులతోనే జరుగుతుంది - . సబ్ఇన్స్పెక్టర్ ఆఫ్ పోలీస్ ఆలమూరు 

 
 
  

  
  

  

  

  
ఆలమూరు సబ్ ఇన్స్పెక్టర్ ఆఫ్ పోలీస్ శ్రీను నాయక్   తల్లిదండ్రులకు చేతులు జోడించి నమస్కరించి చేసుకుంటున్న విన్నపం
  

  

  
వరంగల్ జిల్లా:
  

  
Streetbuzz News Crime journalist
  

  

  
(ఆలమూరు):-  ఆలమూరు సబ్ ఇన్స్పెక్టర్ ఆఫ్ పోలీస్ శ్రీను నాయక్  తల్లిదండ్రులకు చేసుకుంటున్న విన్నపం ఏమనగా  క్రమశిక్షణకు మారుపేరుగా ఉండే పాఠశాలల్లో విద్యార్థుల హెయిర్ స్టైల్ పై, వారి నడవడికపై ఎన్నిసార్లు హెచ్చరించినా, వారిప్రవర్తనలో మార్పు రావడం లేదు. ఉపాధ్యాయులు చూస్తూ, ఏమిచేయలేని నిస్సహాయ స్థితిలో ఉంటున్నారు. తల్లిదండ్రులకు తమ పిల్లలపై శ్రద్ద, నియంత్రణ లేకపోతే ఇలానే తయారవుతారు. క్రమశిక్షణ మాటలతో రాదు. కొద్దిపాటి దండన, భయభక్తులు ఉంటేనే వస్తుంది. పిల్లలకి బడిలో భయంలేదు. ఇంట్లో భయం లేదు. అందుచేతనే సమాజం ఈరోజు భయభ్రాంతులకి గురి అవుతున్నది. వాళ్ళే ఈ రోజుల్లో రౌడీలుగా తిరుగుతున్నారు. అభం శుభం తెలియని వాళ్ళని పొట్టన పెట్టుకుంటున్నారు. ఆ తర్వాత పోలీసు వారి చేతుల్లో పడి కోర్టులలో శిక్షలకి గురవుతున్నారు. గురువుని గౌరవించని సమాజం వినాశకాలానికి గురవుతుంది.ఇది నిజం. గురువంటే భయం లేదు మరియు గౌరవం లేదు. ఇక చదువు, సంస్కారం ఎట్లా వస్తుంది*? కొట్టొద్దు!తిట్టొద్దు! బడికి రానివాడ్ని ఎందుకు రావట్లేవు అని అడగొద్దు! చదవాలని, హోమ్ వర్క్ అని, కొట్టినా తిట్టినా టీచర్లదే తప్పు, 5వ తరగతి నుండే కటింగు స్టైలు, చినిగిన జీన్స్ గోడల మీద కూర్చోవడం. వెళ్ళే వారిని వచ్చే వారిని కామెంట్స్ చేయడం. అరేయ్ సార్ వస్తున్నారురా! అని అంటే, వస్తే రానియ్ అనే పరిస్తితి. దరిద్రం ఏంటంటే, కొంతమంది తల్లి దండ్రులే మావాడు చదవకున్నా ఏమి కాదు, మావాడిని మాత్రం కొట్టవద్దు ఆలమూరు సబ్ ఇన్స్పెక్టర్ ఆఫ్ పోలీస్ శ్రీను నాయక్. ఇంకొక విషయం ఏమిటంటే ఎవరు బాబు నీకు కటింగ్ చేయించినది అంటే మా నాన్న సార్ అంటున్నారు. పెన్ను ఉంటే పుస్తకం ఉండదు, పుస్తకం వుంటే పెన్ను వుండదు. కొనరు, తెచ్చుకోరు. భయం ఉండాలని రెండు దెబ్బలు వేద్దామంటే ఎటునుంచి పోయి ఎటువస్తాదో అని భయం. ఇవన్నీ చూస్తుంటే పిల్లల కంటే సార్లకే భయం ఎక్కువగా వుంది. కొట్టకుండా, తిట్టకుండా, భయం లేకుండా చదువు వస్తుందా...? భయం లేని కోడి బజారులో గుడ్డు పెట్టిందంట! అలానే ఉంది నేటి పిల్లల వ్యవహారం. స్కూల్లో తప్పుచేసినా కొట్టకూడదు, తిట్ట కూడదు, కనీసం మందలించ కూడదు ప్రేమతో చెప్పాలట. ఇదెలా సాధ్యమ్? మరి సమాజం ఎందుకు అలా చేయదు? మొదటి తప్పేకదా అని ఊరుకుంటుందా? మంచి నేర్పేవాళ్ళకి (స్కూల్లో) హక్కులుండవు. ప్రవర్తన మార్చుకో అని టీచర్ చిన్నప్పుడే కొడితే నేరం. వాడు పెద్దయ్యాక అదే తప్పు చేస్తే మరణం. తల్లిదండ్రులకు నా మనవి. పిల్లల్లో మార్పు కేవలం ఉపాధ్యాయుల తోనే జరుగుతుంది. ఎక్కడో ఒకటో అరో ఒకరిద్దరు టీచర్లు చేసిన తప్పులకు, అందరి ఉపాధ్యాయులకు ఆపాదించవద్దు. 90 శాతం టీచర్లు పిల్లలు బాగుండాలనే వ్యవహరిస్తారు. ఇది యదార్ధం. ఇకనైనా ప్రతీ చిన్న విషయానికి టీచర్లను నిందించవలదు. మేము చదువుకునే రోజుల్లో కొంతమంది టీచర్లు మమ్మల్ని కొట్టేవారు. అయినా ఏనాడు మా పేరెంట్స్ వచ్చి టీచర్లను నిలదీయలేదు. మా బాగు కోసమే అని అనుకునేవారు. ముందుగా తల్లి దండ్రులు టీచర్ అంటే గౌరవం, భయం ఉండేటట్లు పిల్లలకు మానసిక తర్ఫీదు ఇవ్వాలని మనవి. తల్లి తండ్రులు ఒక్కసారి మీ పిల్లల భవిషత్ పై ఆలోచించండి.పిల్లలు చెడిపోవడానికి స్నేహితులు, ఫోన్లు, మీడియా 60 % , కానీ 40% మాత్రం తల్లి దండ్రులే..పిల్లల్ని గారాబం శృతిమించితే మొత్తానికే నష్టం వస్తుంది.. పిల్లల పట్ల మనం పాటిస్తున్న అజ్ఞానం, మూఢ నమ్మకాలు, స్వార్థం, అతి ప్రేమ వారిని చాలా వరకు బద్దకస్తుల్ని చేస్తూ వారిని నాశనం చేస్తున్నారు.ఇప్పుటి తరం 70% పిల్లలు.తల్లిదండ్రులు కారు, బండి శుభ్రం మంటే తుడవరు. మంచి నీళ్ళు, పాలు, కిరాణా సరుకుల కోసం బయటికి వెళ్ళమంటే వెళ్లరు. లంచ్ బ్యాగ్ లు, స్కూల్ బ్యాగులు శుభ్రం చేసుకోరు. కనీసం ఇంటి దగ్గర చిన్న చిన్న పనులలో సహాయం చేయరు. రాత్రి 10 గంటలలోపు పడుకుని, ఉదయం 6 లేదా 7 గంటలలోపు నిద్ర లేవరు. గట్టిగా మాట్లాడితే ఎదురు తిరగబడి సమాధానం చెబుతారు. తిడితే వస్తువులను విసిరి కొడతారు. ఎప్పుడయినా దాచుకోమని డబ్బులు ఇస్తే మనకు తెలియకుండా ఐస్ క్రీమ్స్, కూల్ డ్రింక్స్ , నూడుల్స్, ఫ్రెండ్స్ కి పార్టీలు, ఫ్రెండ్స్ కోసం గిఫ్ట్ లు కొనుగోలు చేస్తున్నారు. మైనర్ పిల్లలకి బైక్లు ఇవ్వడం వారు ఆక్సిడెంట్లకు చేయడం కేసులలో ఇరుక్కోవడం,ఆడపిల్లలు అయితే తిన్న కంచం కూడా కడగటం లేదు. ఇల్లు ఊడ్చమంటే కోపాలు వచ్చేస్తున్నాయి. అతిథులు వస్తే కనీసం గ్లాసేడు మంచి నీళ్ళు ఇవ్వాలన్న ఆలోచనలేని అమ్మాయిలు కూడా ఉన్నారు. 20 సంవత్సరాలు దాటినా చాలామంది ఆడపిల్లలకు వంట చేయడం రాదు. బట్టలు పద్ధతిగా ఉండాలంటే ఎక్కడలేని కోపం వీరికి. కల్చర్, ట్రెండ్, టెక్నాలజీ పేరిట వింత పోకడలు. వారిస్తే వెర్రి పనులు. మనమే పిల్లలచేత అవన్నీ చేయించడం లేదు. పై వాటికి కారణం మనమే. ఎందుకంటే మనకు అహం,పరువు మరియు ప్రతిష్టలు అడ్డొస్తున్నాయి. చూసేవాళ్లకు మనం మంచి హోదాలో ఉండాలి. రిచ్ లుక్, స్టేటస్ మెయింటైన్ చేయాలి అని భ్రమలో ఉన్నాం. గారాబంతో పెరిగిన వారు మధ్యలో మారమంటే మారడం అస్సలు జరగదు.. వారిని కష్ట పెట్టమని కాదు ఇక్కడ చెప్పేది కష్టం గురించి తెలిసేలా పెంచండి.కష్టo, డబ్బు, సమయం, ఆరోగ్యం విలువ తెలియకపోతే.. వారికి జీవితం విలువ తెలియదు. ప్రేమతో, గారాబంగా మనం చేస్తున్న తప్పుల వలన కొందరు యువత 15 ఏళ్లకే ప్రేమ - దోమ అనటం,సిగరెట్స్, మందు, బెట్టింగ్, డ్రగ్స్, దొంగతనాలు, రేప్ లు, హత్యలు చేస్తున్నారు. మరికొంతమంది సోమరిపోతులా తయారవుతున్నారు. అభినయాలు కనపడడం లేదు, అణకువగా ఉండటం రాదు, సంస్కృతి, సంప్రదాయాలు పట్టించుకోవడం లేదు.. ఇలాగే ఉంటే కొంత కాలానికి తల్లి దండ్రులను గౌరవించే పద్ధతి కూడా లేకుండా పోయినా ఆశ్చర్యపోవాల్సిన అవసరం లేదు.. భార్యకు వంట వండటం సరిగా రాదని నేటి యువత బిర్యానీలు, కర్రీ పాయింట్ ల వెంట పడుతూ చిన్న వయసులోనే గ్యాస్టిక్ అల్సర్, గాల్ బ్లాడర్ స్టోన్స్ , కిడ్నీ స్టోన్ ల బారిన పడుతున్నారు.. మరొక ఫ్యాషన్ ఏమిటంటే పెరుగు మజ్జిగ తీసుకుంటే వాంతులు చేసుకోవడం. కొన్ని ఆహార పదార్థాలు ఎంత ఆరోగ్యకరమైన కూడా వాళ్లకు అనవసరం. కాలేజీ పిల్లలయితే సరిగ్గా ఒక పిడికిలి పట్టేంత టిఫిన్, లంచ్ చిన్న బాక్సు రైస్.. చాలామంది ఫ్రూట్స్ అసలు తినరు. గర్భవతులైన తరువాత వారి బాధలు వర్ణనా తీతం. టోటల్ మెడిసిన్ మీద డిపెండ్ అవడం, 100 లో 90 మంది సిజేరియన్ ద్వారా పిల్లల్ని కంటున్నారంటే వారి శారీరక పటుత్వం ఎంత పడిపోయిందో ఆలోచించండి. అలా ఉంటే పుట్టే పిల్లలు కూడాఏదో ఒక జన్యులోపంతో పుడుతున్నారు.. 03వ తరగతి పిల్లాడికి సోడాబుడ్డి లాంటి కళ్ళద్దాలు. 05వ తరగతి వారికి అల్సర్, బీపీలు. 10 వ తరగతి దాటేలోపు ఎన్నో ఆరోగ్య సమస్యలొస్తున్నాయి.. వీటన్నికి కారణం మనం. మన పిల్లలను సరైన పద్ధతిలో పెంచక పోవడమే. అందుకే తల్లి దండ్రులు మారాలి. రేపటి సమాజానికి ఏమి నేర్పుతున్నామో ఒక్కసారి ఆలోచన చేయండి. సంస్కృతి సాంప్రదాయం అంటే ఏమిటి...? కేవలం గుడికి , దర్గా లకు వెళ్లి పూజలు, ప్రార్థనలు చేసి మన సంస్కృతి సాంప్రదాయం అని పిల్లలకు అలవాటు చేస్తున్నాము. అది మాత్రమే కాదు. సాంప్రదాయం అంటే అలా అనుకోవడం కొంత పొరపాటు..పిల్లలకు బాధ్యత,మర్యాద ,గౌరవం, కష్టం, నష్టం, ఓర్పు ,సహనం ,దాతృత్వం,ప్రేమ , అనురాగం, సహాయం, సహకారం ,నాయకత్వం ,మానసిక ద్రృఢత్వం ,కుటుంబ బంధాలు ,అనుబంధాలు,        దైవ భక్తి ,దేశ భక్తి కొంచెం కష్టమైనా సరే ఇవి తప్పక చిన్న వయసులోనే పిల్లలకు అలవాటు చేయాలి. మంది కోసం బ్రతకద్దు మన ఆరోగ్యం, మన ఆనందం కోసం బ్రతుకుదాం. ఇవన్ని అలవాటు అయితే ఆరోగ్యం, మానసిక పరిస్థితి, సామాజిక సృహ, ఉత్తమ జీవన విధానం వారికి అందించిన వారమవుతాం.. భావితరాల పిల్లల కోసం ,పిల్లలను మార్చే బాధ్యత మన అందరిపై కలదు. చదివిన వారందరికి విన్నపం. దయచేసి మీ మిత్రులకు బంధువులకు షేర్ చేయండి ఈ మేసేజ్ చదివి అందరూ మారిపోతారు అని నేను అనుకోవడం లేదు.కనీసం ఒక్కరు అయిన మారుతారని ఉద్దేశంతో ఈ మేసేజ్ పెడుతున్నాను
  

  
ఇట్లు మీ శ్రీనివాస నాయక్ సబ్ ఇన్స్పెక్టర్ ఆఫ్ పోలీస్. ఆలమూరు
 

గౌరారంపోలీస్ స్టేషన్ నూతన ఎస్ఐ గా పదవీ బాధ్యతలు చేపట్టిన జె. శివకుమార్

 
 
  
  

  
 పోలీస్ కమిషనర్ కు పూల బొక్కేను అందజేసిన గౌరారం నూతన ఎస్ఐ.జె.శివకుమార్
  

  

  
 Streetbuzz News Crime journalis
  

  

  
 (సిద్దిపేట జిల్లా );- వర్గల్ మండలం గౌరారం పోలీస్ స్టేషన్ నూతన ఎస్ఐ గా పదవీ బాధ్యతలు చేపట్టిన జె. శివకుమార్ ఈరోజు మర్యాదపూర్వకంగా పోలీస్ కమిషనర్ డాక్టర్ బి. అనురాధ, ఐపీఎస్., అధికారి ని కలసి పూల మొక్కను అందజేశారు. ఈ సందర్భంగా పోలీస్ కమిషనర్ గారు అభినందించి శాంతి భద్రతలకు పెద్దపీట వేయాలని, సైబర్ నేరాల పట్ల ప్రజలకు అవగాహన కల్పించాలని, ప్రజలకు ఎల్లవేళలా అందుబాటులో ఉండి విధులు నిర్వహించాలని, గంజాయి డ్రగ్స్ ఇతర FC పదార్థాల రహిత జిల్లాగా తీర్చిదిద్దాలని తెలిపారు. రాబోవు ఎంపీ ఎలక్షన్లో సందర్భంగా ముందస్తు ప్రణాళికలు తయారు చేసుకోవాలని సూచించారు.
 

చిన్నకోడూర్ ఎస్.ఐ ని మర్యాదపూర్వకంగా కలిసి శాలువాలతో సన్మానించిన వేకిల్ డ్రైవర్ అసోసియేషన్ సభ్యులు


 
 
  

  
  
 రోడ్డు ప్రమాదాల నివారణపై అవగాహన కల్పించిన ఎస్.ఐ బాలకృష్ణ
  

  
  [ Streetbuzz News   Crime journalist]
  

  
తెలంగాణ:
  

  
సిద్దిపేట జిల్లా:
  

  
(చిన్నకోడూర్ ): - మండల లైట్ మోటార్ వేకిల్ డ్రైవర్ అసోసియేషన్ సభ్యులు ఈ రోజు స్థానిక ఎస్ఐ. జి. బాలకృష్ణ గారిని మర్యాదపూర్వకంగా కలిసి శాలువతో సన్మానించారు ఈ సందర్భంగా ఎస్.ఐ బాలకృష్ణ డ్రైవింగ్ లో పాటించాల్సిన జాగ్రత్తలపైన పలు సూచనలు చేస్తూ ట్రాఫిక్ నిబంధనలు పాటించాలని మద్యం సేవించి వాహనాలు నడుపకూడదని అదేవిదంగా మితిమీరిన వేగంతో వాహనాలు నడిపి ప్రమాదాలు కొనితెచుకోవద్దని సూచించారు.
 

శ్రీ వెంకటేశ్వరస్వామి వారి బ్రహ్మోత్సవాల్లో పాల్గొన్న మార్క అనిల్ గౌడ్ 

 
 
  
  

  

  
కరీంనగర్ జిల్లా:
  

  
 [ Streetbuzz News Crime journalist ]
  

  

  
 (కరీంనగర్ ):- కరీంనగర్ పట్టణంలో బీసీ మరియు రవాణా శాఖ మంత్రివర్యులు పొన్నం ప్రభాకర్ గారి ఆధ్వర్యంలో నిర్వహిస్తున్న శ్రీ వెంకటేశ్వర స్వామి వారి బ్రహ్మోత్సవాల కార్యక్రమంలో భాగంగా స్వామివారిని దర్శించుకున్న మార్క అనిల్ గౌడ్. ఈ సందర్భంగా కరీంనగర్ నియోజకవర్గ కాంగ్రెస్ ఎమ్మెల్యే అభ్యర్థి మరియు ఇన్చార్జ్ పురమండ్ల శ్రీనివాస్ గార్లు స్వామి వారి కండువాను వారికి కప్పారు.
 

పోగోట్టుకున్న మోబైల్ ఫోన్ లను తిరిగి బాధితులకు అప్పగించిన గజ్వేల్ ఇన్స్పెక్టర్ సైదా 

 
 
  
  

  
  

  పోగొట్టుకున్న మొబైల్ ఫోన్స్ CEIR టెక్నాలజీతో సహాయంతో ఫోన్ స్వాధీనం చేసుకుని తిరిగి బాధితులకు అప్పగించిన గజ్వేల్ ఇన్స్పెక్టర్ సైదా  

  

  

  
 సిద్దిపేట జిల్లా:
  

  

  
 [ Streetbuzz News Crime journalist ] 
  

  

  
(గజ్వేల్) :- పోగోట్టుకున్న మోబైల్ ఫోన్స్ లను తిరిగి బాధితులకు అప్పగించిన గజ్వేల్ ఇన్స్పెక్టర్ సైదా. ఈ సందర్భంగా ఇన్స్పెక్టర్ సైదా మాట్లాడుతూ గజ్వేల్ కి చెందిన కల్లూరి ప్రసన్న, ఆపిల్ ఫోన్, తీగుల్ గ్రామానికి చెందిన ఏడుకొండలు అనే వ్యక్తి యొక్క వివో మొబైల్ లను, సెల్ ఫోన్స్ పోయినాయని ఫిర్యాదు చేయగా కేంద్ర ప్రభుత్వం నూతనంగా తీసుకువచ్చిన www.ceir.gov.in అనే వెబ్సైట్లో ఫోన్ యొక్క ఐఎంఈఐ నెంబర్ ను ఎంటర్ చేసి, బ్లాక్ చేయడం జరిగింది. ఫోన్ దొరికిన వ్యక్తి దానిలో సిమ్ కార్డు వేసుకోవడంతో, ఈ వెబ్సైట్ ద్వారా అతని వివరాలతో కూడిన సమాచారం రాగానే ఫోన్ దొరికిన వ్యక్తి నుంచి ఫోన్లను స్వాధీనం చేసుకుని, ఆదివారం బాధితుడికి ఫోన్ అందజేశారు. ఈ సందర్భంగా ఇన్స్పెక్టర్ మాట్లాడుతూ ఎవరైతే ఫోన్ పోగొట్టుకుంటే మరియు గుర్తుతెలియని వ్యక్తులు దొంగతనంగా ఎత్తుకొని పోయిన వారు వెంటనే కేంద్ర ప్రభుత్వం నూతనంగా తీసుకువచ్చిన CEIR (సెంట్రల్ ఎక్విప్మెంట్ ఐడెంటిటీ రిజిస్టర్ పోర్టల్) పూర్తి వివరాలు నమోదు చేసి పోగొట్టుకున్న ఫోన్ ను నేరుగా బ్లాక్ చేయవచ్చని, తద్వారా కోల్పోయిన ఫోన్ను తిరిగి పొందే అవకాశం ఎక్కువగా ఉంటుందని తెలిపారు. ఈ పోర్టల్ ను ప్రతి ఒక్కరూ సద్వినియోగం చేసుకోవాలని , మరియు ఎవరన్నా సెకండ్ హ్యాండ్ ఫోన్స్ అమ్మితే కొనవద్దని తెలిపిన గజ్వేల్ ఇన్స్పెక్టర్ సైదా.
 
 

శివాజీ విగ్రహం ప్రాంతం పరిశీలించిన ఏసీపీ బాలాజీ

 
 
  
  

  [ Crime journalist ]
  

  
సిద్దిపేట జిల్లా గజ్వేల్ లో శ్రీ ఛత్రపతి శివాజీ జయంతి వేడుకల కోసం సిద్ధం అవుతున్న శివాజీ విగ్రహం ప్రాంతం,శ్రీ ఉమా మహేశ్వర ఆలయం పరిసరాలను ఆదివారం పరిశీలించిన ఏసీపీ.బాలాజీ,సిఐ. సైదా.ఈ సందర్భంగా వారు మాట్లాడుతూ శివాజీ జయంతి వేడుకలు శాంతి యుతంగా నిర్వహించుకోవాలని శోభాయాత్ర లో ఎలాంటి అవాంఛనీయ సంఘటనలు జరగకుండా చూసుకోవాలని వ్యక్తిగత శ్రద్ద తీసుకొని కార్యక్రమాన్ని నిర్వహించాలని కోరారు.
 

అంతా చేసింది గత బీఆర్‌ఎస్ ప్రభుత్వమే-సభలో గులాబీ పార్టీనే -ఏకిపారేసిన ఉత్తమ్

 
 
  
  

  
[ Crime journalist ]
  
 
  

  
(తెలంగాణ రాష్ట్రం):- ఏర్పాటు సాగునీటి రంగంపై శాసనసభలో ప్రభుత్వం శ్వేతపత్రం విడుదల చేయగా మంత్రి ఉత్తమ్‌కుమార్‌రెడ్డి ప్రసంగం కొనసాగుతున్న సందర్భంగా నీటి వాటాలు, ప్రాజెక్టుల అప్పగింతలపై గత బీఆర్‌ఎస్ ప్రభుత్వంపై మంత్రి తీవ్ర స్థాయిలో విరుచుకుపడ్డారు. రాష్ట్రం ఏర్పాటు నాటికి 57 లక్షల ఎకరాల ఆయకట్టు ఉందన్నారు. 2014-23 మధ్య ప్రభుత్వం పెట్టిన ఖర్చు రూ.1.81 లక్షల కోట్లు అని.. ఒక్కో ఎకరానికి అయిన ఖర్చు రూ.11 లక్షలు అని చెప్పుకొచ్చారు. గతంతో పోలిస్తే ఒక్కో ఎకరానికి ఖర్చు 12 రెట్లు పెరిగిందన్నారు. పెండింగ్‌ ప్రాజెక్ట్‌లు పూర్తి కావడానికి రూ.1.75 లక్షల కోట్లు కావాలన్నారు. వల్లే తెలంగాణ వచ్చినా కూడా నీళ్ల దోపిడీ ఆగలేదన్నారు. గత పదేళ్ల పాలనలో నీళ్ల దోపిడీ పెరిగిందని ఆరోపించారు. గత పాలకులు ఇంజినీర్లు, నిపుణుల సూచనలు పట్టించుకోకుండా సొంత ఇంజినీరింగ్‌ ఆలోచన చేశారని మండిపడ్డారు. ప్రాజెక్టుల రీడిజైనింగ్‌ పేరుతో తెలంగాణకు అన్యాయం చేశారన్నారు. కృష్ణా జలాల్లో న్యాయబద్ధంగా రావాల్సిన వాటా సాధనలో విఫలమయ్యారన్నారు. కృష్ణా జలాల్లో మన వాటా కోసం గత ప్రభుత్వం పట్టుపట్టలేదని.. బీఆర్‌ఎస్‌ నిర్లక్ష్యం వల్లే ఏపీకి 512 టీఎంసీలు, తెలంగాణకు 299 టీఓంపీలు వచ్చాయన్నారు. కేసీఆర్‌ విధానాల వల్లే హైదరాబాద్‌, రంగారెడ్డి, నల్లగొండ, మహబూబ్‌నగర్‌, ఖమ్మం జిల్లాలకు తీవ్ర అన్యాయం జరిగిందని విమర్శించారు. కృష్ణా బేసిన్‌లో న్యాయంగా తెలంగాణకు 68 శాతం వాటా రావాలన్నారు. 550 టీఎంసీల జలాలు తీసుకోవాలనే స్పృహ నాటి పాలకులకు లేదన్నారు. సాగర్‌, శ్రీశైలం ప్రాజెక్టులు కేఆర్‌ఎంబీకి అప్పగింతకు గత ప్రభుత్వమే సూచనప్రాయంగా అంగీకరించిందని మంత్రి చెప్పుకొచ్చారు. తుమ్మిడిహట్టి దగ్గర ప్రాణహిత- చేవెళ్ల ప్రాజెక్టుకు రూ.38,500 కోట్లతో కాంగ్రెస్ రూపకల్పన చేసిందన్నారు. 16.4 లక్షల ఎకరాలకు నీళ్లు అందించే ప్రతిపాదన చేసిందన్నారు. గత పాలకులు వేల కోట్ల పనులను పక్కన పెట్టి రూ.38,500 కోట్ల నుంచి రూ.81 వేల కోట్లకు పెంచిందని మండిపడ్డారు. కృష్ణా జలాల నిర్వాకం, గోదావరిపై బ్యారేజ్‌ల వల్ల రాష్ట్రంలో సాగునీటి రంగం చిన్నాభిన్నమైందన్నారు. రూ.1.8 లక్షల కోట్ల ఖర్చుతో తెలంగాణ ఆర్థిక వ్యవస్థపై భారం పెరిగిందన్నారు. ప్రాజెక్టుల పేరుతో చేసిన అప్పులు, వడ్డీల వల్ల రాష్ట్ర ఖజానా అప్పుల భారంతో కుంగిపోయిందన్నారు. కేఆర్ఎంబీకి ప్రాజెక్టులు అప్పగింతపై 2014 వరకు నీటిపారుదల రంగానికి ఖర్చు రూ.54,234 కోట్లు అని తెలిపారు. బీఆర్ఎస్‌ పాలనలో నీటిపారుదలకు ఖర్చు రూ.1.81 లక్షల కోట్లు అని అన్నారు. కొత్తగా వచ్చే ఆయకట్టు 15.81 లక్షల ఎకరాలు అని.. ఒక్కో ఎకరం సాగుకు సగటు ఖర్చు రూ.11.45 లక్షలుగా చెప్పుకొచ్చారు. 2015 నుంచి కొన్ని ఏళ్లు 299 టీఎంసీలకే గత ప్రభుత్వం ఒప్పుకుందన్నారు. మరి కొన్నేళ్లు 50 శాతం వాటా రావాలని ప్రతిపాదించారన్నారు. తెలంగాణకు రావాల్సిన 68 శాతం వాటా కోసం కేంద్రంపై ఒత్తిడి చేయలేదని మండిపడ్డారు. అపెక్స్‌ కౌన్సిల్‌ తొలి భేటీ జరిగిన 2016 సెప్టెంబర్‌ 21న ఏపీకి 511, తెలంగాణకు 299 టీఎంసీలకు ఒప్పుకున్నారన్నారు. 2020 అక్టోబర్‌ 6న రెండో భేటీలో కేసీఆర్ పాల్గొన్నారన్నారు. కేఆర్‌ఎంబీ, జీఆర్‌ఎంబీ పరిధిని కేంద్రం నోటిఫై చేస్తుందని నిర్ణయం చేశారన్నారు. 2021 జులై 15న కేఆర్‌ఎంబీపై కేంద్రం గెజిట్‌ విడుదల చేసిందని తెలిపారు. కేఆర్ఎంబీకి ప్రాజెక్టులు అప్పగించాలని నోటిఫికేషన్‌లో ఉందన్నారు. ప్రాజెక్టులు పూర్తికాగానే వాటి పరిధిని కేఆర్‌ఎంబీకికి అప్పగించాలని నోటిఫికేషన్‌లో నిబంధన ఉందని తెలిపారు. కేంద్రం గెజిట్‌ను గత ప్రభుత్వం అసలు సవాల్‌ చేయలేదన్నారు. గత ప్రభుత్వం సవాల్‌ చేయకపోవడంతోనే నోటిఫికేషన్‌ అమలైందని, కేఆర్‌ఎంబీకి ప్రాజెక్టుల అప్పగింతకు బీఆర్‌ఎస్‌ మొగ్గు చూపిందని మంత్రి పేర్కొన్నారు. 15,16వ కేఆర్‌ఎంబీ భేటీల్లో స్పెషల్‌ చీఫ్‌ సెక్రటరీ రజత్‌కుమార్‌, ఈఎన్సీ మురళీధర్‌రావు పాల్గొన్నారని.. కేఆర్‌ఎంబీకి ప్రాజెక్టులు అప్పగింతకు అంగీకరించారన్నారని తెలిపారు. ఎన్నికల వేళ ఏపీ పోలీసులు సాగర్‌ను ఆక్రమించే యత్నం చేశారని.. పోలీసుల సాయంతో ఏపీ అక్రమంగా నీటిని విడుదల చేసిందని మండిపడ్డారు. ఏపీ చర్యపై బీఆర్‌ఎస్‌ ప్రభుత్వం నిశ్శబ్దం వహించిందన్నారు. గత డిసెంబర్‌ 1న నీటిపారుదల కార్యదర్శి స్మితా సబర్వాల్‌.. కేఆర్‌ఎంబీ చైర్మన్‌కు లేఖ రాశారని.. శ్రీశైలం, సాగర్‌ను కేఆర్‌ఎంబీకి అప్పగించేందుకు అంగీకారం తెలిపారని చెప్పుకొచ్చారు. • ప్రాజెక్టులను పూర్తి చేస్తాం • పాలమూరు ఎత్తిపోతల నిధులకు కేంద్రం హామీ లభించిందన్నారు. కడెం ప్రాజెక్ట్‌ నిర్వహణ లోపంతో 65 వేల ఎకరాల్లో క్రాప్‌ హాలిడే ప్రకటించారన్నారు. పోతిరెడ్డిపాడు నుంచి 15 టీఎంసీలకు మించి నీరు తీసుకెళ్లకుండా బీఆర్‌ఎస్‌ ప్రభుత్వం కట్టడి చేయలేకపోయిందన్నారు. నిర్మాణంలో ఉన్న ప్రాజెక్ట్‌లను పూర్తి చేస్తామని ఈ ఏడాది ఏడు లక్షల ఆయకట్టుకు నీరందిస్తామని మంత్రి ఉత్తమ్‌కుమార్ రెడ్డి హామీ ఇచ్చారని తెలిపారు.
 
 

ఇంటింటి దేవతలు ఇంటికే పసుపు కుంకుమ ప్రసాదాలు - దాసరి ప్రవీణ్ కుమార్ నేత_డిసిసి అధికారప్రతినిధి కరీంనగర్ - హుస్నాబాద్ నియోజకవర్గం

 
 
  

  
  

  
సమ్మక్క- సారలమ్మ భక్తులకు మన కాంగ్రెస్ ప్రభుత్వం గొప్ప కానుక
  

  

  భక్తులు ఆన్‌లైన్‌లో బుక్ చేస్కుంటే మీ ఇంటికే ఆర్టీసి కార్గో ద్వార అమ్మవార్ల మేడారం ప్రసాదం
  

  

  
అమ్మవార్ల ప్రసాదంతో పాటు,పసుపు, కుంకుమలు పంపిణీ
  

  

  
దేవాదాయ శాఖతో ఆర్టీసీ బప్పందం
  

  

  21 నుండి 25 వరకు బుకింగ్  

  

  
ఆర్టీసీ కాల్ సెంటర్ నెంబర్లు:
  
040-69440069
  
040-69440000
  
040-23450033
  

  

  
[  Crime journalist ]
  

  
(తెలంగాణ రాష్ట్రం):- రాష్ట్ర రవాణా శాఖ మంత్రి పొన్నం ప్రభాకర్‌ సూచనల మేరకు మేడారం సమ్మక్క సారలమ్మ అమ్మవార్లను దర్శించుకోలేని భక్తులకు ప్రసాదం(బంగారం) అందజేయాలని టీఎస్‌ఆర్టీసీ యాజమాన్యం నిర్ణయించింది. ఈ బుకింగ్‌ సదుపాయం తెలంగాణలో మాత్రమే అందుబాటులో ఉంటుంది. బుక్‌ చేసుకున్న భక్తులకు మేడారం జాతర అనంతరం నేరుగా వారి ఇంటికే ప్రసాదాన్ని సంస్థ అందజేస్తుంది.తెలంగాణ ప్రజలు ఈ అవకాశాన్ని సద్వినియోగం చేసుకోండి.దాసరి ప్రవీణ్ కుమార్ నేత.డిసిసి అధికారప్రతినిధి కరీంనగర్ -హుస్నాబాద్ నియోజకవర్గం.
  

 
 

జాతర కమిటీలో అనర్హుల పేర్లతో లెటర్ ప్యాడ్ - ఆగ్రహం వ్యక్తం చేస్తున్న జాతర కమిటీ డైరెక్టర్లు

 
 
  
  

  
 •-అనర్హుల పేర్లను తొలగించాలంటూ పలువురి డిమాండ్•
  

  

  

  
•రెండుగా చీలిన రెండు గ్రామాల డైరెక్టర్లు •
  

  

  
 •వేర్వేరుగా వనదేవతల జాతర నిర్వహణకు ఏర్పాట్లు•
  

  

  
[  Crime journalist ]
  
జయశంకర్ భూపాలపల్లి జిల్లా మొగుళ్లపల్లి-ముల్కలపల్లి గ్రామాల మధ్యన నిర్వహించే శ్రీ సమ్మక్క-సారలమ్మ జాతర కమిటీలో అనర్హుల పేర్లతో లెటర్ ఫ్యాడ్ ముద్రించడంతో జాతర కమిటీ డైరెక్టర్లు ఆగ్రహం వ్యక్తం చేస్తున్నారు. 1977 సంవత్సరంలో ముల్కలపల్లి గ్రామానికి చెందిన వారు కొంతమంది..మొగుళ్లపల్లి గ్రామానికి చెందిన వారు కొంతమంది వనదేవతలైన శ్రీ సమ్మక్క-సారలమ్మ జాతర నిర్వహణ కోసం డైరెక్టర్లుగా మరియు సభ్యులుగా చేరి..కొంత రుసుంతో సభ్యత్వం పొంది..జాతర కమిటీని ఏర్పాటు చేసుకుని..జాతర ఉత్సవాలను ప్రశాంతమైన వాతావరణంలో నిర్వహించుకునేందుకు తీర్మానం చేసుకున్నామని, అప్పటి నుండి ఒక మారు జాతర కమిటీ చైర్మన్ పదవిని ముల్కలపల్లి గ్రామానికి కేటాయిస్తే..మరోమారు మొగుళ్ళపల్లికి కేటాయించేలా ఒప్పందం చేసుకున్నామని, డైరెక్టర్లు ఎన్నుకున్న వారితో వనదేవతల జాతరను అంగరంగ వైభవంగా నిర్వహించుకునేవారమని డైరెక్టర్లు తెలిపారు. కానీ ఈనెల 21 నుండి ప్రారంభమయ్య శ్రీ సమ్మక్క-సారలమ్మ జాతర కమిటీలో రాజకీయ నాయకులు జోక్యం చేసుకొని చిచ్చు రగల్చారు. అయిన మొగుళ్ళపల్లి-ముల్కలపల్లి గ్రామాల డైరెక్టర్లు జాతర కమిటీని ఏర్పాటు చేసుకున్నప్పటికీ, ఆ కమిటీని కాదని..అనర్హుల పేర్లతో, జాతర ఉత్సవాలకు సంబంధం లేని వారితో లెటర్ ప్యాడ్ ముద్రించడం ఏంటని డైరెక్టర్లు ప్రశ్నిస్తున్నారు. ఈ జాతర కమిటీలో రాజకీయ నాయకుల జోక్యం మరింత ఎక్కువవ్వడంతో జాతర ఉత్సవాలు సజావుగా జరిగేలా లేవని గ్రామాలలో చర్చించుకోవడం గమనార్హం. జాతర కమిటీలో అనరుల పేర్లను ఎలా చేర్చారని, లెటర్ ప్యాడ్ ఎవరు ముద్రించారని, దీనికి బాధ్యులు ఎవరని డైరెక్టర్లు ప్రశ్నిస్తున్నారు. కాగా రెండు గ్రామాల డైరెక్టర్లు ఎవరికి వారుగా చీలి వేర్వేరుగా వనదేవతల జాతర నిర్వహణ ఏర్పాట్లు చేసుకుంటున్నట్లు సమాచారం. రాజకీయ నాయకుల ప్రమేయం రెండు గ్రామాల మధ్య చిచ్చు పెట్టడం కొసమెరుపు. ఇప్పటికైనా రాజకీయం నాయకుల జోక్యం తగదని, రాజకీయ నాయకుల జోక్యంతో గిరిజన దేవతల జాతర సజావుగా జరగకుండా గొడవలు సృష్టించే విధంగా ఉన్నాయని మండల ప్రజలు గుసగుసలాడుకుంటున్నారు .