NLG: బీసీ వెల్ఫేర్, బీసీ కార్పొరేషన్లను ఒకే గొడుగు కిందికి తేవడం వల్ల బీసీలకు తీవ్రమైన నష్టం: పిఆర్ పిఎస్ రాష్ట్ర అధ్యక్షుడు
నల్లగొండ: 
గత ప్రభుత్వం కలిపిన బీసీ వెల్ఫేర్, బీసీ కార్పొరేషన్ లను మళ్లీ విడగొట్టాలని తద్వారానే బీసీ ప్రజలకు ఎక్కువ న్యాయం జరుగుతుందని ప్రజా పోరాట సమితి (PRPS) రాష్ట్ర అధ్యక్షుడు నూనె వెంకట్ స్వామి అన్నారు.

  


ఈరోజు నల్లగొండలో జరిగిన ఉమ్మడి జిల్లా బీసీ కమిషన్ బహిరంగ విచారణలో తన అభిప్రాయాన్ని తెలిపారు.

నూనె వెంకటస్వామి మాట్లాడుతూ.. గత ప్రభుత్వం బీసీ వెల్ఫేర్, బీసీ కార్పొరేషన్లను విడిగా ఉన్న వాటిని ఒకే గొడుగు కిందికి తేవడం వల్ల బీసీ ప్రజలకు తీవ్రమైన నష్టం జరుగుతుంది. వీటి రెండింటిని విడగొట్టాలని దీనివల్లనే బీసీ విద్యార్థులకు, బీసీ ప్రజలకు సమగ్రమైన న్యాయం జరుగుతుందని అన్నారు.

  

ఉద్యోగ నియామకాలు చేయలేక, బీసీ ప్రజల జనాభా కనుగుణంగా నిధులను ఇవ్వలేక, సరైన అభివృద్ధి పథకాలు లేక.. బీసీ వెల్ఫేర్ ను కార్పొరేషన్ ను కలిపారని, ఈ విధంగా కలపడం వల్ల బీసీ ప్రజలకు తీవ్రమైన నష్టం జరుగుతోందని, ప్రస్తుతం బీసీ కమిషన్ ను వేసినందున ఆ కమిషన్, ఈ విషయాన్ని ప్రభుత్వం దృష్టికి తీసుకువెళ్లి, మళ్లీ వాటిని విడగొట్టి అత్యధిక నిధులు రాబట్టాలని వారు కోరారు.

నాగార్జునసాగర్ లో ఉమ్మడి జిల్లా స్థాయి 'నెట్ బాల్'  సెలక్షన్స్: ఎస్ జి ఎఫ్ సెక్రటరీ 


  

 
 
  నల్లగొండ: జిల్లా విద్యాధికారి ఆదేశాల ప్రకారం ఉమ్మడి నల్లగొండ జిల్లా స్థాయి అండర్ 14,17 బాల బాలికల 'నెట్ బాల్'  సెలక్షన్స్, ఈనెల 20 వ తేదీ బుధవారం ఉదయం 9 గంటలకు నాగార్జునసాగర్ హిల్ కాలనీలో గల సెయింట్ జోసెఫ్ హై స్కూల్ నందు నిర్వహిస్తున్నట్లు ఎస్ జి ఎఫ్ సెక్రెటరీ విమల తెలిపారు.
  

  
ఈ క్రీడలో పాల్గొనదలచిన క్రీడాకారులు 14 సం.లోపు బాల బాలికలు 01.01.2011 తర్వాత జన్మించి ఉండాలి, 17 సం. ల బాల బాలికలు 01.01.2008 తరువాత జన్మించిన వారు అయి ఉండాలి. క్రీడాకారులు తప్పనిసరిగా ఒరిజినల్ బోనఫైడ్ మరియు ఆధార్ కార్డులతో హాజరు కావాలని సూచించారు.
  

  
ఇంటర్మీడియట్ క్రీడాకారులైతే 10 వ తరగతి మెమో తో పాటు, ఈ సంవత్సరం ఒరిజినల్ బోనఫైడ్ మరియు ఆధార్ కార్డు లతో హాజరు కావాలన్నారు.
  

  
మరిన్ని వివరాలకు నాగార్జునసాగర్, హిల్ కాలనీ లో గల సెయింట్ జోసెఫ్ హై స్కూల్ పిఈటి కిరణ్ కుమార్ ను సంప్రదించాలని సూచించారు.
 

NLG: ఎలాంటి షరతులు లేకుండా ధాన్యాన్ని కొనుగోలు చేయాలి: సిపిఎం మండల కార్యదర్శి


  

 
 
  నల్గొండ జిల్లా, చండూరు మండలం:
  
రైతులు పండించిన ప్రతి గింజను ఎలాంటి షరతులు లేకుండా కొనుగోలు చేయాలని సిపిఎం చండూరు మండల కార్యదర్శి జెర్రిపోతుల ధనంజయ అన్నారు. సోమవారం చండూరు మున్సిపాలిటీ పరిధిలోని అంగడిపేట గ్రామంలో ఏర్పాటు చేసిన వరి ధాన్యం కొనుగోలు కేంద్రాన్ని ఆ పార్టీ మండల కమిటీ సభ్యులతో కలిసి ఆయన పరిశీలించారు.
  

  
ఈ సందర్భంగా ధనంజయ మాట్లాడుతూ.. రైతులు కష్టపడి పండించిన పంటను అమ్ముకునేందుకు అష్ట కష్టాలు పడాల్సిన పరిస్థితి ఏర్పడిందన్నారు. ధాన్యం అమ్ముకునేందుకు వచ్చిన రైతులను తేమ శాతం పేరుతో రోజుల తరబడి కొనుగోలు చేయకుండా ఇబ్బందులకు గురిచేయడం సరికాదన్నారు. రైతు పండించిన పంటకు గిట్టుబాటు ధర రాకపోవడంతో సాగు కోసం రైతు చేసిన అప్పులు తీర్చలేక ఆత్మహత్యలు చేసుకొనే పరిస్థితి ఉందన్నారు.
  

  
ఎన్నికల ముందు రైతులకు ఇచ్చిన హామీలను ప్రభుత్వం వెంటనే అమలు చేయాలని అన్నారు. ధాన్యం కొనుగోలును వేగవంతం చేయకపోవడంతో రైతులు తీవ్ర ఇబ్బందులు పడుతున్నారని, తేమతో నిమిత్తం లేకుండా ధాన్యమును కొనుగోలు చేయాలని రాష్ట్ర ప్రభుత్వాన్ని డిమాండ్ చేశారు.
  

  
కొనుగోలు కేంద్రాలకు వచ్చిన ధాన్యము కొనుగోలు చేయకపోవడంతో కురుస్తున్న అకాల వర్షాలకు ధాన్యం తడుస్తుందేమోనని భయాందోళనకు గురవుతున్నారని తెలిపారు.
  

  
ఈ కార్యక్రమంలో సిపిఎం చండూరు మండల కమిటీ సభ్యులు చిట్టిమల్ల లింగయ్య, గ్రామ రైతులు బి.నరసింహ, కె.రామలింగం, గంట గణపతి, బోయపల్లి శివలింగం, తదితరులు పాల్గొన్నారు.
 

నల్లగొండ మాలల సభను విజయవంతం చేయండి: దళితరత్న నాగిల్ల మారయ్య


  

 
 
  నల్లగొండ జిల్లా:
  
ఎస్సీ వర్గీకరణ వ్యతిరేక పోరాట సమితి పిలుపుమేరకు, నల్లగొండ పట్టణంలో ఈనెల 23 న  జరిగే మాలల ఆత్మీయ సమ్మేళనం సభను విజయవంతం చేయాలని.. ఎస్సీ వర్గీకరణ వ్యతిరేక పోరాట సమితి మునుగోడు నియోజకవర్గ కో కన్వీనర్ దళితరత్న నాగిల్ల మారయ్య కోరారు.
  

  
ఈ మేరకు సోమవారం మర్రిగూడ మండలంలోని తమ్మడపల్లి, తిరుగండ్లపల్లి గ్రామాలలో కరపత్రం, వాల్ పోస్టర్ ఆవిష్కరించారు. మండలం నుంచి మాలలు అధిక సంఖ్యలో నల్లగొండ సభకు హాజరు కావాలని కోరారు.
  

  
కార్యక్రమంలో గ్రామ పెద్ద మాల చెల్లం బాలసుందర్ రావు, యంజాల శ్రీనివాస్, పెద్దిరాజు, చెల్లం రమేష్, అనిల్, భాను చందర్, శివ, బాలకృష్ణ బాలయ్య, లక్ష్మమ్మ,  తదితరులు పాల్గొన్నారు
 

రోడ్డు నిర్మాణ పనులు పరిశీలించిన ఎమ్మెల్యే కోమటిరెడ్డి రాజ్ గోపాల్ రెడ్డి


  

 
 
  నల్లగొండ జిల్లా:
  
చండూరు మున్సిపాలిటీలో ప్రయాణికుల సౌకర్యార్థం ప్రధాన రహదారిపై జరుగుతున్న సిమెంట్ రోడ్డు నిర్మాణ పనులను ఇవాళ స్థానిక ఎమ్మెల్యే కోమటిరెడ్డి రాజగోపాల్ రెడ్డి పరిశీలించి, అధికారులకు పలు సూచనలు చేశారు. 
  

  
రోడ్డు నిర్మాణ పనులు త్వరగా పూర్తిచేసి, ప్రయాణికుల సౌకర్యార్థం పూర్తిస్థాయి వినియోగంలోకి తీసుకురావాలని ఎమ్మెల్యే సూచించారు. ఎమ్మెల్యే వెంట పలువురు స్థానిక నాయకులు ఉన్నారు.
  

 

NLG: వికలాంగులకు ఇచ్చిన మాట నిలబెట్టుకోవాలి: వికలాంగుల హక్కుల పోరాట సమితి


  

 
 
  నల్గొండ జిల్లా, మునుగోడు:
  
వికలాంగులకు ఇచ్చిన మాట కాంగ్రెస్ ప్రభుత్వం నిలబెట్టుకోవాలని, వికలాంగుల హక్కుల పోరాట సమితి 
  
జాతీయ కోర్ కమిటీ వైస్ చైర్మన్ అందే రాంబాబు అన్నారు.
  

  
మునుగోడు మండల కేంద్రంలోని, నేడు రైతు వేదికలో జరిగిన వికలాంగుల హక్కుల పోరాట సమితి ఆధ్వర్యంలో వికలాంగుల ముఖ్య నాయకుల సమావేశం నిర్వహించారు.
  

  
ఈ కార్యక్రమంలో సభాధ్యక్షులుగా రాష్ట్ర ప్రధాన కార్యదర్శి మరియు మునుగోడు నియోజకవర్గ ఇంచార్జి పెరిక శ్రీనివాసులు, ముఖ్య అతిథులుగా జాతీయ కోర్ కమిటీ వైస్ చైర్మన్ అందే రాంబాబు పాల్గొని మాట్లాడుతూ.. రాష్ట్ర ప్రభుత్వం గత 11 నెలలుగా చేయూత పెన్షన్ దారులను మోసం చేస్తుందని.. 6 గ్యారంటీ లలో వృద్ధులకు, వితంతువులకు, ఒంటరి మహిళలకు, బీడీ కార్మికులు, చేనేత కార్మికులకు 4000 రూపాయల పెన్షన్  ఇస్తామని, అలాగే కాంగ్రెస్ పార్టీ ఎన్నికల మేనిఫెస్టో లో దివ్యాంగులకు 6000 పెన్షన్ ఇస్తామని మాట ఇచ్చి, ప్రభుత్వం ఇప్పటివరకు అమలు చేయక పోవడాన్ని త్రీవంగా ఖండిస్తూ, ఈనెల 18 నుండి 23 వరకు తెలంగాణ రాష్ట్ర వ్యాప్తంగా అన్ని జిల్లా కలెక్టర్ రేట్ల ముందు రిలే నిరాహార దీక్షలు నిర్వహిస్తామని ఆ లోపు  పెన్షన్ల పెంపు పై స్పష్టత రాకపోతే, నవంబర్ 26 వ తారీకు చలో హైదరాబాద్ నిర్వహిస్తామని తెలిపారు.
  

  
ఈ కార్యక్రమంలో నల్గొండ నియోజకవర్గ కన్వీనర్ కొమ్ము హరి కుమార్, జిల్లా కో కన్వీనర్లు వీరబోయిన సైదులు యాదవ్,జిల్లా సీనియర్ నాయకులు చిలుముల జలంధర్, జిల్లా నాయకులు దొంతగాని మహేష్, మునుగోడు నియోజకవర్గ నాయకులు దొమ్మటి సత్యనారి, యాసరాని మంగమ్మ, శివరాత్రి సైదమ్మ, ఈత పరమేష్, సహదేవులు, శృతి,రమేష్, సత్తెమ్మ, రాములమ్మ, మల్లిక, లిఖిత, తదితరులు పాల్గొన్నారు.
 

నూతన గ్రామపంచాయితీ భవనాన్ని ప్రారంభించిన ఎమ్మెల్యే 


  

 
 
  నల్లగొండ జిల్లా:
  
మునుగోడు నియోజకవర్గం, చండూరు మండలం చొప్పరివారిగూడెంలో రూ. 20 లక్షల వ్యయంతో నూతనంగా నిర్మించిన గ్రామపంచాయితీ కార్యాలయ భవనాన్ని ఎమ్మెల్యే కోమటిరెడ్డి రాజ్ గోపాల్ రెడ్డి ప్రారంభించారు. 
  ఈ మేరకు వారు మాట్లాడుతూ.. ప్రజా సంక్షేమం కోసం కాంగ్రెస్ పార్టీ కట్టుబడి ఉందని అన్నారు. కార్యక్రమంలో స్థానిక నాయకులు ఉన్నారు. 
  

 

NLG: ఇచ్చిన మాటను నెరవేర్చిన ఎమ్మెల్యే కోమటిరెడ్డి రాజ్ గోపాల్ రెడ్డి


  

 
 
  నల్లగొండ జిల్లా, చండూరు మండలం:
  
సీసీ రోడ్డు లేదు సార్ అంటే వేయిస్తానన్నారు.. ఇచ్చిన మాట నెరవేర్చారు.. ఎమ్మెల్యే కోమటిరెడ్డి రాజగోపాల్ రెడ్డి.
  

  
చండూరు మండలం, చామలపల్లి గ్రామానికి గతంలో పర్యటనకు వెళ్ళిన స్థానిక ఎమ్మెల్యే  కోమటిరెడ్డి రాజ్ గోపాల్ రెడ్డి ను  నాగమణి అనే యువతి మా ఇంటి ముందు సిసి రోడ్డు లేదు సార్ అని  కోరడంతో తప్పకుండా వేయిస్తానని గతంలో మాటిచ్చారు.
  

  
ఇచ్చిన మాట ప్రకారం  ఎమ్మెల్యే రాజగోపాల్ రెడ్డి, ఈరోజు చామలపల్లి గ్రామానికి చేరుకొని, నాగమణి విజ్ఞప్తి మేరకు సీసీ రోడ్డు నిర్మాణానికి శంకుస్థాపన చేసి రోడ్డు పనులను ప్రారంభించారు.
  

  
కార్యక్రమంలో పలువురు నాయకులు, కార్యకర్తలు, రాజగోపాల్ రెడ్డి అభిమానులు, తదితరులు పాల్గొన్నారు.
 

TG: సాంస్కృతిక సారథి చైర్‌ పర్సన్‌ గా గద్దర్‌ కుమార్తె వెన్నెల


  

 
 
  
  
HYD: తెలంగాణ ప్రభుత్వం వాగ్గేయకారుడు, ప్రజా గాయకుడు దివంగత గద్దర్ కూతురు వెన్నెలకు 'తెలంగాణ సాంస్కృతిక సారథి' చైర్‌ పర్సన్‌ గా సముచిత స్థానాన్ని కల్పించి గౌరవించింది.
  

  
తెలంగాణ  సాంస్కృతిక సారథి చైర్‌ పర్సన్‌ గా గద్దర్‌ కుమార్తె డాక్టర్‌ గుమ్మడి వి. వెన్నెలను నియమిస్తూ రాష్ట్ర ప్రభుత్వం శనివారం ఉత్తర్వులు జారీ చేసింది.
  

  
తెలంగాణ ప్రభుత్వం అమలు చేస్తున్న ప్రతిష్టాత్మక అభివృద్ధి, సంక్షేమ పథకాల గురించి సాంస్కృతిక సారథి కళాకారులతో ప్రచారం చేయిస్తారు.
  

  
అయితే ప్రజా గాయకుడు గద్దర్ కూతురు వెన్నెలకు ఈ పదవి దక్కడం పట్ల గద్దర్ అభిమానులు ఆనందం వ్యక్తం చేస్తున్నారు. ఈ సందర్భంగా వెన్నెలకు శుభాకాంక్షలు తెలుపుతున్నారు.
  

  

 

"నల్లగొండ జిల్లా సమగ్ర స్వరూపం" పుస్తకాన్ని ఆవిష్కరించిన తెలంగాణ మీడియా అకాడమీ చైర్మన్


  


నల్లగొండ: జిల్లాల చరిత్రల తోనే రాష్ట్ర సమగ్ర స్వరూపం ఆవిష్కృతం అవుతుందని తెలంగాణ మీడియా అకాడమి చైర్మెన్ కె. శ్రీనివాస్ రెడ్డి అన్నారు. శనివారం నల్లగొండ పట్టణంలోని నాగార్జున ప్రభుత్వ కళాశాలలో ‘నల్లగొండ జిల్లా సమగ్ర స్వరూపం’ పుస్తకాన్ని ఆవిష్కరించి మాట్లాడారు. జిల్లా సాంస్కృతిక, సాహిత్య, ఆర్థిక, రాజకీయ చరిత్రను తెలుసుకోవడానికి ఈ గ్రంథం ఎంతో ఉపయోగపడుతుందని అన్నారు. నల్లగొండ పేరు ఎలా వచ్చిందో ఇప్పటి తరానికి తెలియాలంటే ఇలాంటి పుస్తకాలు పఠించాలని సూచించారు. 

సభాధ్యక్షులు ఆచార్య ఎల్లూరి శివారెడ్డి మాట్లాడుతూ.. ౩౩ జిల్లాల సమగ్ర స్వరూపం నేటి తరానికి అందించాలనే సంకల్పం మేరకు తెలంగాణ సారస్వత పరిషత్ ఈ పుస్తక ప్రచురణ చేపట్టిందని తెలిపారు. అన్ని జిల్లాల కలెక్టర్లు పుస్తకాన్ని కొనుగోలు చేయడానికి ముందుకు వస్తే జిల్లాలోని అన్ని పాఠశాలలకు, జూనియర్ కళాశాలలకు ఈ పుస్తకాలు చేరుతాయని అన్నారు. దీని కోసం పరిషత్ డిస్కౌంట్ కూడా ఇస్తుందని అన్నారు. 

  

వీరనారి చాకలి ఐలమ్మ మహిళా విశ్వవిద్యాలయం ఉపకులపతి ఆచార్య సూర్యా ధనుంజయ్ మాట్లాడుతూ.. ఒక పుస్తకం ప్రచురించాలంటే ఎన్నో పురిటి నొప్పులు పడాలాని అలాంటిది 33 జిల్లాల సమగ్ర స్వరూపాలు తీసుకురావడం సాధారణ విషయం కాదని అన్నారు. ఇలాంటి గొప్ప సాహిత్య సేవను చేస్తున్న తెలంగాణ సారస్వత పరిషత్ కృషిని ఆమె అభినందించారు. 

ఉస్మానియా విశ్వవిద్యాలయం తెలుగుశాఖ అధ్యక్షులు డా. సాగి కమలాకర శర్మ మాట్లాడుతూ.. ఈ పుస్తకం పోటీ పరీక్షలకు కూడా ఉపయుక్తమని అన్నారు. నల్లగొండ జిల్లాలో ఎన్నో చారిత్రిక, సాంస్కృతిక కట్టడాలు, గ్రంథాలు, వ్యక్తులు ఉన్నారని వారందరి గురించి తెలుసుకోవడానికి ఈ పుస్తకం దోహద పడుతుందని అన్నారు. 

తెలంగాణ సారస్వత పరిషత్ ప్రధాన కార్యదర్శి డా. జుర్రు చెన్నయ్య మాట్లాడుతూ.. ఈ గ్రంథం ఎంతో మంది నల్లగొండ సాహితీ వేత్తలు కలిసి రూపొందించిన గ్రంథమని పాఠకులు ఆదరించాలని కోరారు. 

ప్రముఖ సాహితీవేత్త డా. శ్రీరంగాచార్య మాట్లాడుతూ.. తాను మహబూబ్ నగర్ లో నివసిస్తున్నా ఈ జిల్లాలో పుట్టినందుకు ఈ జిల్లా సమాచారంతో ఎన్నో గ్రంథాలు వెలువరించానని అన్నారు. నేటి తరాలు తనను గుర్తించడం లేదని ఆవేదన చెందారు. 

నాగార్జున ప్రభుత్వ కళాశాల ప్రిన్సిపాల్ డా. ఎస్. ఉపేందర్ మాట్లాడుతూ.. నల్గొండ జిల్లా సమగ్ర స్వరూపం లాంటి బృహత్తర గ్రంథం తమ కళాశాలలో ఆవిష్కరించడం గర్వకారణమని అన్నారు. 

కార్యక్రమ అనంతరం వ్యాసకర్తలను దుశ్శాలువాతో సన్మానించి, పుస్తకాన్ని బహుకరించారు. కార్యక్రమంలో సమాచారశాఖ సంయుక్త సంచాలకులు కన్నెగంటి వెంకట రమణ, తెలుగుశాఖ అధ్యక్షులు డా. వెల్దండి శ్రీధర్, గ్రంథ రచనా కోర్ కమిటీ సభ్యులు డా. భిన్నూరి మనోహరి,       డా. తండు కృష్ణ కౌండిన్య, డా. బండారు సుజాతా శేఖర్, పున్న అంజయ్య, డా. సాగర్ల సత్తయ్య, సాహితీవేత్తలు డా. సుంకిరెడ్డి నారాయణ రెడ్డి, మునాసు వెంకట్, లవేందర్ రెడ్డి, కందుకూరి దుర్గాప్రసాద్, డా. పురుషోత్తమాచార్య, మేరెడ్డి యాదగిరి రెడ్డి, పెరుమాళ్ళ ఆనంద్, డా. ఉప్పల పద్మ, అధ్యాపకులు గోవర్ధనగిరి, డా. వాసా భూపాల్, డా. సైదులు, మల్లేశం, వెంకట్ రెడ్డి, భాగ్యలక్ష్మి, విద్యార్థినీ, విద్యార్థులు, తదితర సాహితీవేత్తలు పాల్గొన్నారు.