తండలు అభివృద్ధి చెందాలంటే బహుజన రాజ్యం రావాలి: రామావత్ రమేష్ నాయక్


  

 
 
  నల్లగొండ జిల్లా, పిఏ పల్లి మండలం:
  
పల్లె పల్లెకు బిఎస్పీ ప్రగతి భవన్ కు ఆర్ఎస్పి కార్యక్రమంలో భాగంగా, గురువారం  పెద్దఅడిశర్లపల్లి మండల బీఎస్పీ అధ్యక్షులు ధర్మపురం శ్రీనివాస్ ఆధ్వర్యంలో బాలాజీ నగర్ తండ, మునవాత్ తండలలో ఇంటింటికి తిరుగుతూ ప్రచారం నిర్వహించారు. ఈ కార్యక్రమానికి ముఖ్య అతిథిగా బహుజన్ సమాజ్ పార్టీ దేవరకొండ అసెంబ్లీ అధ్యక్షులు రామావత్ రమేష్ నాయక్ పాల్గొని మాట్లాడుతూ.. తెలంగాణ రాష్ట్రంలో పేదల బతుకులు చాలా దయనీయంగా ఉన్నాయని తండాలలో నివసించే వారికి చాలామందికి ఇల్లు లేక అవస్థలు పడుతున్నారు. కేసీఆర్ డబుల్ బెడ్ రూం లు కట్టిస్తానని చెప్పినారు. కానీ నేటి వరకు ఒక్కటి కూడా డబల్ బెడ్ రూమ్ లు కట్టని పరిస్థితి ఈ తండాల్లో కనిపిస్తా ఉన్నది. అట్లనే వృద్యాప పించన్ ఇస్తున్నాం అని ప్రగల్బాలు పలుకుతున్న కేసీఆర్, తండాల్లో చాలామందికి పింఛన్ రావట్లేదు మాకు రేషన్ కార్డు లేదు భూమి లేదు మరి మేము ఎట్లా బతకాలని ప్రజలు వాపోతున్నారని అన్నారు.
  కౌవులు రైతులు, కర్షకులు, కూలీల పరిస్థితులు దయనీయంగా దారుణంగా ఉంది. వందల ఎకరాలు ఉన్న వారికి సైతం రైతుబంధు వస్తున్నది, మరి కౌలు రైతులు ఏ పాపం చేశారని ప్రశ్నించారు. గడీ ల పాలన పోయి బహుజన పాలన రావాలని, అందుకు డాక్టర్ ఆర్ఎస్ ప్రవీణ్ కుమార్ తన ఉన్నతమైన ఉద్యోగాన్ని వదిలి నేడు మనకోసం వచ్చారు.  మనమందరం కూడా ఆర్ ఎస్ ప్రవీణ్ కుమార్ వెంట నిలబడి, బహుజన రాజ్యం సాధించుకుంటే మన కష్టాలన్నీ తీరుతాయని అన్నారు. నియోజకవర్గ కార్యదర్శి బాలునాయక్, అర్జున్ నాయక్, స్వామి నాయక్, సోమ్ల నాయక్, తదితరులు పాల్గొన్నారు.
  
 

విద్యార్థులకు కాంపిటీటివ్ పరీక్షల పుస్తకాలు అందజేసిన గ్రంథ పాలకులు డా. దుర్గాప్రసాద్


  

 
 
  నల్లగొండ: సర్వేపల్లి రాధాకృష్ణ జయంతి సందర్భంగా, పట్టణంలోని నాగార్జున ప్రభుత్వ కళాశాల గ్రంథ పాలకులు డాక్టర్ దుర్గాప్రసాద్, బీసీ హాస్టల్ విద్యార్థులకు 5000 రూపాయల విలువచేసే కాంపిటీటివ్ పరీక్షలకు ఉపయోగపడే పుస్తకాలను అందజేశారు.
  ఈ సందర్భంగా డాక్టర్ దుర్గాప్రసాద్ మాట్లాడుతూ.. విద్యార్థులు ఒక లక్ష్యాన్ని ఏర్పరచుకొని, ఆ లక్ష్యాన్ని సాధించడానికి నిరంతర కృషి చేయాలి అన్నారు. విద్యార్థులు కష్టపడి చదివి ఉన్నత స్థితిలో ఉండాలని అన్నారు. కార్యక్రమంలో వార్డెన్ రామకృష్ణారెడ్డి, నాగార్జున ప్రభుత్వ కళాశాల అధ్యాపకులు యాదగిరి రెడ్డి, మరియు విద్యార్థులు పాల్గొన్నారు.
  
 

NLG: చిట్యాల మండల బీఎస్పీ పార్టీ మహిళా కన్వీనర్ గా పాల భవాని


  

 
 
  నల్గొండ జిల్లా, చిట్యాల మండల బిఎస్పి పార్టీ మహిళా కన్వీనర్ గా చిట్యాల మున్సిపాలిటీ చెందిన పాల భవాని ని నకిరేకల్ మహిళ కన్వీనర్ మర్రి శోభ ఎంపిక చేశారు. ఈ సందర్భంగా పాల భవాని మాట్లాడుతూ.. చిట్యాల మండలంలో మహిళలు ఎంతో వెనుకబడి ఉన్నారని, వారికోసం కష్టపడి పని చేస్తానని ఆమె అన్నారు. మహిళలకు గుర్తింపు తెచ్చేవిధంగా బిఎస్పీ పార్టీ కీలకమైన పోస్టులు ఇస్తున్నారని అన్నారు. 
  బహుజన్ సమాజ్ పార్టీలో మండల మహిళా కన్వీనర్ గా పనిచేయడం నాకెంతో ఆనందంగా ఉందని, పార్టీ అధినేత మాయావతి ని స్ఫూర్తిగా తీసుకొని మహిళలు ఎంతో చైతన్యం అవుతున్నారని తెలిపారు. భవిష్యత్ కార్యాచరణలో చైతన్యవంతులు మహిళలు ముందుకు తీసుకెళ్లడమే నా బాధ్యతగా నిర్వహిస్తానని ఆమె అన్నారు. 
  

  
మహిళలను గుర్తించి కీలకమైన స్థానం ను కల్పించడంలో రాష్ట్ర పార్టీ అధ్యక్షులు ఆర్ఎస్ ప్రవీణ్ కుమార్ కే ఆ విలువలు దక్కుతాయన్నారు. తన ఎంపికకు సహకరించిన నియోజకవర్గ ఇంచార్జి మేడి ప్రియదర్శిని కి కృతఙ్ఞతలు అని ఆమె తెలిపారు. కార్యక్రమంలో పలువురు బీఎస్పీ నాయకులు పాల్గొన్నారు.
  
 

NLG: రాష్ట్రస్థాయిలో ఉత్తమ ఉపాధ్యాయ పురస్కారం స్వీకరించిన డాక్టర్ అంతటి శ్రీనివాసులు కు ఘన సన్మానం.


  

 
 
  నల్గొండ: ఉపాధ్యాయ దినోత్సవం సందర్భంగా రాష్ట్రస్థాయిలో నిన్న ఉత్తమ ఉపాధ్యాయ పురస్కారం స్వీకరించిన ఎన్జీ కళాశాల రసాయన శాస్త్ర విభాగాధిపతి డాక్టర్ అంతటి  శ్రీనివాసులు ను బుధవారం ఎన్జీ కళాశాలలో రసాయన శాఖ విభాగం మరియు పిజి రసాయన శాస్త్ర విద్యార్ధులు ఘనంగా సన్మానించారు. ఈ కార్యక్రమంలో వి. శ్రీనివాసులు, అకడమిక్ కోఆర్డినేటర్ మాట్లాడుతూ.. డాక్టర్ అంతటి  శ్రీనివాసులు కు ఉత్తమ ఉపాధ్యాయ పురస్కారం లభించడం చాలా అభినందనీయమని, టీచింగ్ లో పరిశోధనలో మరియు వివిధ విభాగాల పర్యవేక్షణలో ఆయన కృషికి  తగిన గుర్తింపు లభించిందని అన్నారు.
  గతంలో వీరు ప్రభుత్వ ఉపాధ్యాయుడిగా, జూనియర్ కళాశాల అధ్యాపకుడిగా పనిచేశారని  ప్రస్తుతం డిగ్రీ కళాశాల అసోసియేట్ ప్రొఫెసర్ గా, పరిశోధనలో గైడ్ గా, గత 20 సంవత్సరాలుగా బోధన వృత్తి లో ఉంటూ అనేక జాతీయ మరియు అంతర్జాతీయ జర్నల్ లలో పరిశోధన పత్రాలను ప్రచురించారు అని తెలిపారు. ఈ కార్యక్రమంలో రసాయన శాస్త్ర అధ్యాపకులు  నాగి రెడ్డి, చింత ముత్తయ్య, డా.బాల స్వామి, యాదగిరి రావు, చంద్ర శేఖర్, డా.వెంకటేశ్వర్లు మరియు పీజీ విద్యార్ధులు, తదితరులు పాల్గొన్నారు.
  
 

అంగన్వాడీ ఉద్యోగుల సమస్యలు పరిష్కరించాలని ఎమ్మార్వోకు సమ్మె నోటీసు


  

 
 
  మర్రిగూడ: అంగన్వాడి ఉద్యోగులకు కనీస వేతనం 26,000 ఇవ్వాలని, ఉద్యోగ భద్రత కల్పించాలని తెలంగాణ అంగన్వాడీ టీచర్స్ అండ్ హెల్పర్స్ ఆధ్వర్యంలో మండల తాహశీల్దార్ కు బుధవారం సీఐటీయూ ఏఐటియుసి ఆధ్వర్యంలో  సమ్మె నోటీసు అందజేశారు.
  ఉద్యోగులు సమస్యలను రాష్ట్ర ప్రభుత్వం తక్షణమే పరిష్కరించాలని వారు కోరారు. పశ్చిమబెంగాల్, కేరళ, అస్సాం తదితర రాష్ట్రాల్లో రిటైర్మెంట్ బెనిఫిట్స్ పెన్షన్ పండుగ బోనస్ తదితర సౌకర్యాలు కల్పిస్తారని, తెలంగాణ రాష్ట్ర ప్రభుత్వం మాత్రమే అంగన్వాడీ కార్మికులకు ఎలాంటి సౌకర్యం కల్పించడం లేదని వారు ఆవేదన వ్యక్తం చేశారు.
  సుప్రీంకోర్టు తీర్పు ప్రకారం రాష్ట్రంలోని అంగన్వాడి ఉద్యోగులకు గ్రాడ్యుయేటి చెల్లించాలని 2017 నుండి టిఏ, డిఏ, ఇంక్రిమెంట్ అలవెన్స్ బకాయిలు మొత్తం చెల్లించాలని,  దీనికి సరిపడా బడ్జెట్ ను వెంటనే  ప్రభుత్వం రిలీజ్ చేయాలని వారు అన్నారు. తమ 25 డిమాండ్లను పరిష్కరించాలని లేనిపక్షంలో సెప్టెంబర్ 11న సమ్మెలోకి వెళ్తున్నారని చెప్పారు. ఈ లోపుగా వారి న్యాయమైన డిమాండ్లను పరిష్కరించాలని సిఐటియు జిల్లా సహాయ కార్యదర్శి ఏర్పుల యాదయ్య, పిఎన్ఎమ్ జిల్లా అధ్యక్షులు చెల్లం పాండురంగారావు, ఏఐవైఎఫ్ జిల్లా అధ్యక్షుడు బూడిద సురేష్, రామలింగా చారి ప్రభుత్వాన్ని కోరారు. ఈ కార్యక్రమంలో అంగన్వాడీ ఉద్యోగులు ఆర్.శోభ, కే.రజిత, శారద, అరుణ, సుజాత తదితరులు పాల్గొన్నారు
 

NLG:జిల్లా కలెక్టర్ కు వినతిపత్రం ఇచ్చిన జర్నలిస్టులు


  

 
 
  నల్లగొండ: జిల్లాలోని సమస్త జర్నలిస్ట్ ల పిల్లలకు ప్రైవేట్ పాఠశాలల్లో ఫీజు రాయితీ అవకాశం కల్పించడం ద్వారా, క్షేత్రస్థాయిలో పని చేస్తూ ఆర్థిక ఇబ్బందులు ఎదుర్కొంటున్న  జర్నలిస్టులను ఆదుకోవాలని కోరుతూ జిల్లా కలెక్టర్ కర్ణన్ కు tuwj-143 జిల్లా కమిటీ పక్షాన బుధవారం వినతిపత్రం సమర్పించారు.
  ఈ సందర్భంగా సానుకూలంగా స్పందించిన జిల్లా కలెక్టర్ ఆర్వి కర్ణన్ మాట్లాడుతూ.. జిల్లా విద్యాశాఖ అధికారి తో మాట్లాడి వెనువెంటనే సర్కులర్ జారీ అయ్యేవిధంగా చూస్తామని,  అదేవిధంగా పాఠశాలలకు స్పష్టమైన ఆదేశాలు అందే విధంగా చూస్తామని తెలిపారు.
  ఈ కార్యక్రమంలో  tuwj -143 జిల్లా అధ్యక్షుడు గుండగోని జయశంకర్ గౌడ్, జిల్లా నాయకులు దీకొండ రవిశంకర్, తెలంగాణ టుడే శ్రీనివాస్, గాదె రమేష్, అంజయ్య, నరసింహ, డెస్క్ జర్నలిస్టులు లక్ష్మి నారాయణ, సురేష్, ఆరీఫ్, వెంకటేశ్వర్లు, నియోజకవర్గ నాయకులు మధు, దండంపల్లి రవి కుమార్, సైదులు ,శివ, భాస్కర్, తదితరులు పాల్గొన్నారు.
 

NLG:డిగ్రీ కళాశాల అధ్యాపకులకు బదిలీలు నిర్వహించాలని నిరసన


  

 
 
  నల్గొండ: జిల్లా కేంద్రంలోని నాగార్జున ప్రభుత్వ డిగ్రీ కళాశాలలో అధ్యాపక, అధ్యాపకేతర సిబ్బంది బుధవారం భోజన విరామ సమయంలో బదిలీలు చేపట్టాలని నిరసన కార్యక్రమాన్ని నిర్వహించారు. వారు మాట్లాడుతూ.. గత ఐదు సంవత్సరాలుగా డిగ్రీ కళాశాల అధ్యాపకులకు బదిలీలు నిర్వహించకపోవడం వల్ల తీవ్ర ఇబ్బందులకు గురవుతున్నామని, రాష్ట్ర ప్రభుత్వం వెంటనే డిగ్రీ కళాశాలలో పనిచేస్తున్న బోధన, బోధనేతర సిబ్బందికి బదిలీలు నిర్వహించాలని డిమాండ్ చేశారు.
  రాష్ట్ర ప్రభుత్వం టీచర్లకు బదిలీ నిర్వహిస్తున్నారు, అదేవిధంగా డిగ్రీ కళాశాల అధ్యాపకులకు కూడా వెంటనే బదిలీలు చేపట్టాలని,  అదేవిధంగా పిఆర్సి బకాయిలను కూడా  వెంటనే చెల్లించాలని డిమాండ్ చేశారు.
  ఈ కార్యక్రమంలో అధ్యాపకుల సంఘం నాయకులు నాగుల వేణు యాదవ్, డాక్టర్ సీతారాం రాథోడ్, డాక్టర్ దుర్గాప్రసాద్, డాక్టర్స్ శీలం యాదగిరి, వివి సుబ్బారావు, వెల్దండ శ్రీధర్, శివరాణి, యాదగిరి రావు, ఫిజికల్ డైరెక్టర్ మల్లేష్, డాక్టర్ కృష్ణ కౌండిన్య, డాక్టర్ లక్ష్మణ్ గౌడ్, మల్లేష్, వెంకట్ రెడ్డి భాస్కర్, మధు, భరణి, తదితరులు పాల్గొన్నారు.
 

YBD: గవర్నమెంట్ జూనియర్ కళాశాల ప్రెషర్స్ డే సెలబ్రేషన్ లో పాల్గొన్న  వెన్ రెడ్డి రాజు



  

 
 
  యాదాద్రి జిల్లా:
  
చౌటుప్పల్: పట్టణ కేంద్రంలోని గవర్నమెంట్ జూనియర్ కళాశాల ప్రెషర్స్ డే సెలబ్రేషన్, తంగడిపల్లి రోడ్డు గల కలాశ్రీ ఫంక్షన్ లో ఏర్పాటు చేశారు. ముఖ్యఅతిథిగా మున్సిపల్ చైర్ పర్సన్  వెన్ రెడ్డి రాజు పాల్గొని మాట్లాడుతూ.. త్వరలోనే చౌటుప్పల్ పట్టణ కేంద్రంలో ప్రభుత్వ డిగ్రీ కళాశాలను ఏర్పాటు చేయించడం కోసం, ప్రభుత్వం దృష్టికి తీసుకెళ్లి ఖచ్చితంగా డిగ్రీ కళాశాలను ఏర్పాటు చేయిస్తానని  హామీ ఇచ్చారు.
  జూనియర్ కళాశాలను చౌటుప్పల్ పట్టణంలోని బెస్ట్ కళాశాల గా తీర్చిదిద్దడానికి కావలసిన వసతులు కల్పించడం జరిగిందని తెలిపారు. ప్రహరీ గోడ నిర్మాణం పూర్తి చేసి, అధేవిధంగా CSR ఫండ్ కోటి యాభై లక్షల రూపాయలు వెచ్చించి సెకండ్ ఫ్లోర్ నిర్మాణం ఏర్పాటు చేయించడం జరిగిందని తెలిపారు.
  పేదవారికి ఉన్నత చదువును అందించాలని ఉద్దేశంతో ప్రైవేట్ కళాశాలకు ధీటుగా జూనియర్ కళాశాలను తీర్చిదిద్ది, విద్యార్థులకు ఉన్నత చదువు అందించడంలో ఫ్యాకల్టీ కొరత ఉంటే సంబంధిత అధికారులతో మాట్లాడి  ప్రతి సబ్జెక్టు కు లెక్చరర్స్ కొరత లేకుండా చర్యలు చేపట్టి, విద్యను అందించడం జరుగుతుందని అన్నారు.
  ముఖ్యమంత్రి కేసీఆర్, మంత్రి కేటీఆర్ తో మరియు జిల్లా మంత్రి గుంటకండ్ల జగదీష్ రెడ్డి తో మాట్లాడి డిగ్రీ కళాశాలను ఏర్పాటు చేపించి, విద్యార్థులకు ఉన్నత చదువు అందించడంలో ముఖ్యపాత్ర వహిస్తానని తెలిపారు. ఉత్తమ ర్యాంకులు సాధించిన విద్యార్థులను సన్మానించి వాళ్లకి షీల్డ్ బహుమతి అందజేశారు.
  

  
ఈ కార్యక్రమంలో కౌన్సిలర్ బండమీది మల్లేష్, కొయ్యడ సైదులు, కళాశాల ప్రిన్సిపల్ శ్రీనివాసరావు, తదితర ఉపాధ్యాయులు, విద్యార్థులు పాల్గొన్నారు.
 

NLG: దేవరకొండలో సెప్టెంబర్ 10న ఆల్ ఇండియా సమతా సైనిక్ దళ్ సహన్నాక సమావేశం


  

 
 
  దేవరకొండ: అక్టోబర్ 15న హైదరాబాదులో జరిగే ఆల్ ఇండియా సమతా సైనిక్ దళ్ 10 వ రాష్ట్ర మహాసభలు సన్నాహాక సమావేశం విజయవంతం చేయాలని AISSD జిల్లా కన్వీనర్ మద్దిమడుగు బిక్షపతి, దేవరకొండ నియోజకవర్గ కన్వీనర్ చిట్యాల గోపాల్ ఒక ప్రకటనలో తెలిపారు.
  ఇందుకోసం రాష్ట్ర కార్యవర్గం మరియు జిల్లా కార్యవర్గం  ఆధ్వర్యంలో సెప్టెంబర్ 10న ఆదివారం దేవరకొండ పట్టణంలోని ఐబి ఆఫీస్ దగ్గర గల అంబేద్కర్ గ్రంథాలయంలో  ఉదయం 10 గంటలకు సన్నాహక సమావేశం ఏర్పాటు చేయడం జరుగుతుందని మండల, గ్రామ కార్యవర్గం మరియు సభ్యులు ఈ కార్యక్రమంలో పాల్గొని ఈ  సమావేశాన్ని విజయవంతం చేయాలని కోరుతున్నట్లు తెలిపారు.
     
 

NLG: 'ఇద్దరు యువతుల మృతికి కారణమైన వారిని కఠినంగా శిక్షించాలి'


  

 
 
  నల్గొండ: ఇద్దరు యువతుల మృతికి కారణమైన వారిని కఠినంగా శిక్షించాలని, యునైటెడ్ ముస్లిం మైనార్టీ రైట్స్  జిల్లా అధ్యక్షుడు నజీర్ అన్నారు. పట్టణ కేంద్రంలో నజీర్ మాట్లాడుతూ.. నల్గొండ లోని మహిళ డిగ్రీ కళాశాలలో బి జెడ్ సి ద్వితీయ సంవత్సరం చదువుతున్న ఇద్దరు విద్యార్థినులు ఎనుగుదుల మనీషా, దంతబోయిన శివాని  పట్టణంలోని రాంనగర్ రాజీవ్ పార్కులో నిన్న గడ్డి మందు తాగి ఆత్మహత్య ప్రయత్నం చేశారు. నల్గొండ ప్రభుత్వ ఆసుపత్రిలో వీరు చికిత్స పొందుతూ.. ఈరోజు ఇద్దరు యువతులు మృతి చెందారని, సామాజిక మాధ్యమాల్లో వారి అశ్లీల ఫోటోలు పెట్టినట్లు తెలుస్తోంది అని, దీంతో మనస్థాపం చెంది ఈ దుర్ఘటన కి పాల్పడ్డారని, వీరి మృతికి  కారణమైన వారిపై పూర్తి విచారణ చేసి కఠినంగా శిక్షించాలని  తమ సంస్థ తరుపున డిమాండ్ చేస్తున్నాం అని తెలిపారు. ఈ కార్యక్రమంలో ఎండీ జావిద్ అలి, రియాజ్, అబ్దుల్ మాజిద్ తదితరులు పాల్గొన్నారు.